bechain wo rahta hai mere pas se ja ke

Suhail Kakorvi

bechain wo rahta hai mere pas se ja ke

Suhail Kakorvi

MORE BY Suhail Kakorvi

    bechain vo rahtā hai mire paas se ke

    dekhā hai ka.ī baar mujhe us ne bhulā ke

    aane se tire rañg badal degī tamannā

    alfāz badal jā.eñge ai dost duā ke

    ye barq ye gul aur chamakte hue taare

    sab jalve haiñ ye aap ke hañsne adā ke

    maiñ ne bhī batāyā ki mirā hausla kyā hai

    tevar to bahut tez the tūfān-e-balā ke

    zāhir hue jab rāz-e-mohabbat to ḳhalish kyā

    jaatā hai to jaa.e koī dāman ko chhuḌā ke

    ham quvvat-e-parvāz meñ saanī nahīñ rakhte

    toḌe haiñ jo dar band the ham ne ḳhalā ke

    ye maan liyā ham to haiñ nākām-e-mohabbat

    tum aur kisī se bhī dikhāo to nibhā ke

    bebāk nigāhoñ meñ mirī aisī kashish thī

    vo bhuul ga.e aaj to andāz hayā ke

    in āñkhoñ meñ aañsū the mirā haal jo dekhā

    manzil ne qadam chuum liye aabla ke

    vo roz 'suhail' ek na.ī chheḌ kare hai

    vo yūñhī bigāḌegā mirī baat banā ke

    bechain wo rahta hai mere pas se ja ke

    dekha hai kai bar mujhe us ne bhula ke

    aane se tere rang badal degi tamanna

    alfaz badal jaenge ai dost dua ke

    ye barq ye gul aur chamakte hue tare

    sab jalwe hain ye aap ke hansne ki ada ke

    main ne bhi bataya ki mera hausla kya hai

    tewar to bahut tez the tufan-e-bala ke

    zahir hue jab raaz-e-mohabbat to KHalish kya

    jata hai to jae koi daman ko chhuDa ke

    hum quwwat-e-parwaz mein sani nahin rakhte

    toDe hain jo dar band the hum ne hi KHala ke

    ye man liya hum to hain nakaam-e-mohabbat

    tum aur kisi se bhi dikhao to nibha ke

    bebak nigahon mein meri aisi kashish thi

    wo bhul gae aaj to andaz haya ke

    in aankhon mein aansu the mera haal jo dekha

    manzil ne qadam chum liye aabla pa ke

    wo roz 'suhail' ek nai chheD kare hai

    wo yunhi bigaDega meri baat bana ke

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites