bu-e-gul khinche na gulshan mein gul-e-tar khinche

bū-e-gul khīñche na gulshan meñ gul-e-tar khīñche

shauq-e-dīdār tirā ham ko hai dar dar khīñche

tū mujhe chāhe magar maiñ tujhe chāhūñ kaise

baat jab hai mirā dil bhī tirā paikar khīñche

maiñ ki manzil kā talabgār na samtoñ kā asiir

tū ki dariyā jise har lamha samundar khīñche

jabr ke saath ibādat meñ mazā kyā hogā

shauq se laakh hameñ masjid-o-mimbar khīñche

kab rahī terī tamannā dam-e-ruḳhsat mujh ko

koī bhī ruuh ko is jism se bāhar khīñche

ek hī pal meñ simaT jaa.e safar sadiyoñ kā

yuuñ nigāhoñ meñ qayāmat kā vo manzar khīñche

bu-e-gul khinche na gulshan mein gul-e-tar khinche

shauq-e-didar tera hum ko hai dar dar khinche

tu mujhe chahe magar main tujhe chahun kaise

baat jab hai mera dil bhi tera paikar khinche

main ki manzil ka talabgar na samton ka asir

tu ki dariya jise har lamha samundar khinche

jabr ke sath ibaadat mein maza kya hoga

shauq se lakh hamein masjid-o-mimbar khinche

kab rahi teri tamanna dam-e-ruKHsat mujh ko

koi bhi ruh ko is jism se bahar khinche

ek hi pal mein simaT jae safar sadiyon ka

yun nigahon mein qayamat ka wo manzar khinche