بوئے گل کھینچے نہ گلشن میں گل تر کھینچے

بوئے گل کھینچے نہ گلشن میں گل تر کھینچے

شوق دیدار ترا ہم کو ہے در در کھینچے

تو مجھے چاہے مگر میں تجھے چاہوں کیسے

بات جب ہے مرا دل بھی ترا پیکر کھینچے

میں کہ منزل کا طلب گار نہ سمتوں کا اسیر

تو کہ دریا جسے ہر لمحہ سمندر کھینچے

جبر کے ساتھ عبادت میں مزا کیا ہوگا

شوق سے لاکھ ہمیں مسجد و منبر کھینچے

کب رہی تیری تمنا دم رخصت مجھ کو

کوئی بھی روح کو اس جسم سے باہر کھینچے

ایک ہی پل میں سمٹ جائے سفر صدیوں کا

یوں نگاہوں میں قیامت کا وہ منظر کھینچے