chalte chalte thakte chale jate hain hum

chalte chalte thakte chale jaate haiñ ham

lekin jaise-taise chale jaate haiñ ham

tai karte haiñ us ke paas nahīñ jaanā hai

aur phir phirte-phirte chale jaate haiñ ham

sāñsoñ ke aane jaane kā kyā qissa

jiinā hai so jiye chale jaate haiñ ham

aap kā chaak hai aap kī miTTī aap batā.eñ

bane haiñ kuchh yā bigḌe chale jaate haiñ ham

kaam koī ho paatā hai yā nahīñ ho paatā

apnī taraf se kiye chale jaate haiñ ham

ab vo haath kahāñ haiñ kahāñ ga.e vo haath

kise pukāreñ Dhahe chale jaate haiñ ham

kaun hamārī suntā hai kis ne sunñī hai

ham haiñ ki lekin kahe chale jaate haiñ ham

chalte chalte thakte chale jate hain hum

lekin jaise-taise chale jate hain hum

tai karte hain us ke pas nahin jaana hai

aur phir phirte-phirte chale jate hain hum

sanson ke aane jaane ka kya qissa

jina hai so jiye chale jate hain hum

aap ka chaak hai aap ki miTTi aap bataen

bane hain kuchh ya bigDe chale jate hain hum

kaam koi ho pata hai ya nahin ho pata

apni taraf se kiye chale jate hain hum

ab wo hath kahan hain kahan gae wo hath

kise pukaren Dhahe chale jate hain hum

kaun hamari sunta hai kis ne sunni hai

hum hain ki lekin kahe chale jate hain hum