gham-e-hijran se zara yun bhi nibhai jae

ġham-e-hijrāñ se zarā yuuñ bhī nibhā.ī jaa.e

mahfil-e-ġhair sahī aaj sajā.ī jaa.e

iḳhtilāfāt kī buniyād hai gahrī lekin

is pe nafrat kī na dīvār uThā.ī jaa.e

pahle manzil kā ham apnī to ta.ayyun kar leñ

phir zamāne ko koī raah dikhā.ī jaa.e

mai ke baare meñ ḳhayālāt badal jā.eñge

hazrat-e-shaiḳh ko thoḌī sī pilā.ī jaa.e

sab ke a.amāl pe tanqīd hai sheva jis kā

baat kirdār pe us ke bhī uThā.ī jaa.e

yuuñ hī aqvām kī taqdīr sañvartī hai 'faroġh'

ne.amat-e-ilm pe kuchh baat chalā.ī jaa.e

gham-e-hijran se zara yun bhi nibhai jae

mahfil-e-ghair sahi aaj sajai jae

iKHtilafat ki buniyaad hai gahri lekin

is pe nafrat ki na diwar uThai jae

pahle manzil ka hum apni to tayyun kar len

phir zamane ko koi rah dikhai jae

mai ke bare mein KHayalat badal jaenge

hazrat-e-shaiKH ko thoDi si pilai jae

sab ke aamal pe tanqid hai shewa jis ka

baat kirdar pe us ke bhi uThai jae

yun hi aqwam ki taqdir sanwarti hai 'farogh'

neamat-e-ilm pe kuchh baat chalai jae