gharibon ke aangan hain sab se baDe

Poonam Sonachhatra

gharibon ke aangan hain sab se baDe

Poonam Sonachhatra

MORE BY Poonam Sonachhatra

    ġharīboñ ke āñgan haiñ sab se baḌe

    ye duniyā ke gulshan haiñ sab se baḌe

    baḌī muḳhtasar rahī baat ye

    ki ham apne dushman haiñ sab se baḌe

    zarā dekh jalte hue shahr ko

    siyāsat ke rauzan haiñ sab se baḌe

    kahāñ se chale ham kahāñ ke liye

    taraqqī ke tausan haiñ sab se baḌe

    ye ḳhāna-badoshī ye āvāra-pan

    mohabbat meñ phislan haiñ sab se baḌe

    tirā ishq ham ko tirī aarzū

    ḳhushī ke ye qadġhan haiñ sab se baḌe

    vo 'pūnam' bechain rāteñ sanam

    mire saath rahzan haiñ sab se baḌe

    gharibon ke aangan hain sab se baDe

    ye duniya ke gulshan hain sab se baDe

    baDi muKHtasar si rahi baat ye

    ki hum apne dushman hain sab se baDe

    zara dekh jalte hue shahr ko

    siyasat ke rauzan hain sab se baDe

    kahan se chale hum kahan ke liye

    taraqqi ke tausan hain sab se baDe

    ye KHana-badoshi ye aawara-pan

    mohabbat mein phislan hain sab se baDe

    tera ishq hum ko teri aarzu

    KHushi ke ye qadghan hain sab se baDe

    wo 'punam' ki bechain raaten sanam

    mere sath rahzan hain sab se baDe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY