izzat mujhe mili hai bahut iltija ke baad

izzat mujhe milī hai bahut iltijā ke baad

dar pe gayā na ġhair ke rab kī atā ke baad

achchhā huā ki aarzū puurī nahīñ huī

nikhrī hamārī ḳhvāhisheñ apnī qazā ke baad

karne lageñge raah meñ jugnū bhī raushnī

sūraj jo Duub jā.egā ḳhatm-e-ziyā ke baad

har be-vafā ne āshiyāñ apnā badal diyā

tanhā rahā huuñ shahr meñ zikr-e-vafā ke baad

paanī pe maiñ ne maar ke patthar samajh liyā

Dūbeñge ahl-e-zulm bhī jaur-o-jafā ke baad

hoñge hazār qism ke anjum to kyā huā

tab bhī falak na chāhiye maañ kī ridā ke baad

'irfān' vo to ḳhuld meñ karne lage safar

masjid kī or aa.e jo farsh-e-azā ke baad

izzat mujhe mili hai bahut iltija ke baad

dar pe gaya na ghair ke rab ki ata ke baad

achchha hua ki aarzu puri nahin hui

nikhri hamari KHwahishen apni qaza ke baad

karne lagenge rah mein jugnu bhi raushni

suraj jo Dub jaega KHatm-e-ziya ke baad

har be-wafa ne aashiyan apna badal diya

tanha raha hun shahr mein zikr-e-wafa ke baad

pani pe main ne mar ke patthar samajh liya

Dubenge ahl-e-zulm bhi jaur-o-jafa ke baad

honge hazar qism ke anjum to kya hua

tab bhi falak na chahiye man ki rida ke baad

'irfan' wo to KHuld mein karne lage safar

masjid ki or aae jo farsh-e-aza ke baad