aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

انہیں کے کام الٰہی مرا لہو آئے

ریاضؔ خیرآبادی

انہیں کے کام الٰہی مرا لہو آئے

ریاضؔ خیرآبادی

MORE BYریاضؔ خیرآبادی

    انہیں کے کام الٰہی مرا لہو آئے

    رنگیں جو ہاتھ لہو میں حنا کی بو آئے

    مریض ہوش میں آئے نہ آئے تو آئے

    جو تو نہ آئے ترے گیسوؤں کی بو آئے

    عتاب یار کا اس کے سوا جواب نہ تھا

    ہم آئے تو لیے آئینہ رو بہ رو آئے

    نہ پی زبان سے میرا بھی ذکر کر دینا

    کلیم طور پر ان سے جو گفتگو آئے

    نہ جھوٹ بول کہ ہم شام سے کل آئیں گے

    نہ کھا قسم ارے جھوٹی کبھی جو تو آئے

    نماز ہوگی ادا دخت رز کے دامن پر

    ہماری بزم میں جو آئے با وضو آئے

    طلب کیے کبھی ہم نے اگر پس توبہ

    بہت بھرے ہوئے ہم سے خم و سبو آئے

    اترنے والے ابھی تک نہ بام سے اترے

    تڑپنے والے تڑپ کر فلک کو چھو آئے

    گراں دماغ وہ ہیں بوئے گل کی تیزی سے

    نسیم کہہ دے ذرا ہلکی ہو کے بو آئے

    نثار وصل کی راتیں اس ایک ساعت پر

    ہم انتظار میں تیرے ہوں اور تو آئے

    یہ جانتے ہیں کہ نکلا ہوا ہے نام اس کا

    حسین حشر میں کیوں میرے روبرو آئے

    کھلے جو کوئی تو کھل کر کسی سے باتیں ہوں

    اٹھے حجاب تو کچھ لطف گفتگو آئے

    دلائے یاد جو وعدے تو بولے جھنجھلا کر

    یہ اور حشر میں لینے کو آبرو آئے

    کبھی کی پی ہوئی کام آئے آج حشر کے دن

    خدا کے سامنے مے نوش سرخ رو آئے

    ریاضؔ تھی جو مقدر میں باز گشت شباب

    جوان ہونے کو پیری میں لکھنؤ آئے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے