use tab dekhte shadab tha jab

use tab dekhte shādāb thā jab

vo sahrā har taraf ḳhush-ḳhvāb thā jab

khaḌe ḳhush-fe.aliyāñ karte the bagule

nadī meñ ghuTne ghuTne aab thā jab

umīdī sīpiyāñ irfān sī thiiñ

samundar fikr kā pāyāb thā jab

chamaktī ḳhushbueñ thiiñ machhliyoñ kī

jazīra ḳhvāb kā dashtāb thā jab

qadam ḳhud se baḌhāte the na raste

barastā chaar sū kohrāb thā jab

sabhī chehre ujālā sochte the

hamārī āñkhoñ pe naqshāb thā jab

thiiñ ham-ta.abīr 'rahmānī' kī bāheñ

badan ham-ḳhvāb kā kamḳhāb thā jab

use tab dekhte shadab tha jab

wo sahra har taraf KHush-KHwab tha jab

khaDe KHush-fealiyan karte the bagule

nadi mein ghuTne ghuTne aab tha jab

umidi sipiyan irfan si thin

samundar fikr ka payab tha jab

chamakti KHushbuen thin machhliyon ki

jazira KHwab ka dashtab tha jab

qadam KHud se baDhate the na raste

barasta chaar su kohrab tha jab

sabhi chehre ujala sochte the

hamari aankhon pe naqshab tha jab

thin ham-tabir 'rahmani' ki bahen

badan ham-KHwab ka kamKHab tha jab