aadhi raat ka suraj

kisī chaukhaT pe chaukīdār lāThī khaTkhaTātā hai

vo khiḌkī khul ga.ī

ik railway engine thakī haarī baseñ kaj-bahas kutte

uljhaneñ mahrūmiyāñ

lo phir qatār andar qatār aa.iiñ

vo khiḌkī khul ga.ī

phir maut dar-ātī chalī aa.ī

tumhāre sahn meñ kele ke patte jāñkanī meñ sar paTakte haiñ

sunā phir billiyāñ us Tiin kī chhat par

hirāsāñ phir rahī haiñ

sub.h kī pahlī kiran ke jāgne tak

maut har muuzī ruuh ko

be-rūh ko

Dastī ruuh ko

sub.h tak Dastī chalī jā.egī

lekin vaqt ke is be-amāñ goshe meñ

tum zinda rahoge

tum jo kal tak maut kī tārīk rātoñ meñ rahe

us raat ik sūraj ke mālik ho

kisī ne is darīda āstīñ par aaj

ik aañsū sajāyā hai

kisi chaukhaT pe chaukidar laThi khaTkhaTata hai

wo khiDki khul gai

ek railway engine thaki haari basen kaj-bahas kutte

uljhanen mahrumiyan

lo phir qatar andar qatar aain

wo khiDki khul gai

phir maut dar-ati chali aai

tumhaare sahn mein kele ke patte jaankani mein sar paTakte hain

suna phir billiyan us Tin ki chhat par

hirasan phir rahi hain

subh ki pahli kiran ke jagne tak

maut har muzi ruh ko

be-ruh ko

Dasti ruh ko

subh tak Dasti chali jaegi

lekin waqt ke is be-aman goshe mein

tum zinda rahoge

tum jo kal tak maut ki tarik raaton mein rahe

us raat ek suraj ke malik ho

kisi ne is darida aastin par aaj

ek aansu sajaya hai