abbu ji

itnā kyoñ nārāz ho mujh par yuuñ mat DāñTo abbū jī

maiñ huuñ nanhā-munnā bachcha itnā jaano abbū jī

yuuñ mat DāñTo abbū jī

tum bhī pahle bachche hī the ye mat bhūlo abbū jī

naTkhaT bhī mujh jaise hī the ye mat bhūlo abbū jī

jis din zid farmā.ī hogī daadā se aur daadī se

us din maar bhī khaa.ī hogī daadā se aur daadī se

bachpan naam sharārat kā hai tum bhī samjho abbū jī

yuuñ mat DāñTo abbū jī

shaitānī bhī karte hoñge sach batlāo abbū jī

man-mānī bhī karte hoñge sach batlāo abbū jī

toḌ bhī Dāleñ hoñge tum ne khel khilaune chāchā ke

aur kabhī kar Daale hoñge kapḌe gande daadā ke

saarī bāteñ yaad karo phir mujh ko dekho abbū jī

yuuñ mat DāñTo abbū jī

nāġha bhī ho jaatī hogī hafte meñ schōl kabhī

paḌhte paḌhte roz sabaq ko baiThe hoñge bhuul kabhī

teacher jī ne ġhussa ho kar tum ko murġh banāyā hogā

hañste hoñge sab ham-jolī ḳhuub maza phir aayā hogā

jo kuchh mujh se bhuul huī hai muaaf bhī kar do abbū jī

yuuñ mat DāñTo abbū jī

itna kyon naraaz ho mujh par yun mat DanTo abbu ji

main hun nanha-munna bachcha itna jaano abbu ji

yun mat DanTo abbu ji

tum bhi pahle bachche hi the ye mat bhulo abbu ji

naTkhaT bhi mujh jaise hi the ye mat bhulo abbu ji

jis din zid farmai hogi dada se aur dadi se

us din mar bhi khai hogi dada se aur dadi se

bachpan nam shararat ka hai tum bhi samjho abbu ji

yun mat DanTo abbu ji

shaitani bhi karte honge sach batlao abbu ji

man-mani bhi karte honge sach batlao abbu ji

toD bhi Dalen honge tum ne khel khilaune chacha ke

aur kabhi kar Dale honge kapDe gande dada ke

sari baaten yaad karo phir mujh ko dekho abbu ji

yun mat DanTo abbu ji

nagha bhi ho jati hogi hafte mein school kabhi

paDhte paDhte roz sabaq ko baiThe honge bhul kabhi

teacher ji ne ghussa ho kar tum ko murgh banaya hoga

hanste honge sab ham-joli KHub maza phir aaya hoga

jo kuchh mujh se bhul hui hai muaf bhi kar do abbu ji

yun mat DanTo abbu ji