aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

اے باد صبا چل

جے کرشن چودھری حبیب

اے باد صبا چل

جے کرشن چودھری حبیب

MORE BYجے کرشن چودھری حبیب

    یوں آئے ہیں گھر گھر کے یہ دکھ درد کے بادل

    تاریک فضاؤں میں گھلا جیسے ہو کاجل

    بے چین ہیں بے تاب ہیں بے آس ہیں بے کل

    لہرا دے ذرا آ کے تو امید کا آنچل

    اے باد صبا باد صبا باد صبا چل

    گلشن میں نہ وہ رنگ نہ وہ روپ رہا ہے

    غنچے کی نہ اب آنکھ میں وہ کیف بھرا ہے

    کب پھول کے سینے میں دھڑکنے کی صدا ہے

    سناٹا سا سناٹا ہے حرکت ہے نہ ہلچل

    اے باد صبا باد صبا باد صبا چل

    کانٹوں سے ہے صد چاک ہر اک گل کا گریباں

    ہر سمت سے ہے بجلیوں کی زد میں گلستاں

    سویا ہے ابھی تان کے چوکھٹ پہ نگہباں

    ڈستی ہے سویرے کو سیہ رات ہر اک پل

    اے باد صبا باد صبا باد صبا چل

    تو آئے تو گلشن کا حسیں چہرہ نکھر جائے

    ہر غنچہ مہک جائے ہر ایک پتا سنور جائے

    کمہلائے سے پھولوں کا بھی کچھ حال سدھر جائے

    باقی رہے قسمت میں کوئی خم نہ کوئی بل

    اے باد صبا باد صبا باد صبا چل

    تو آئے تو پھر کیف و مسرت کی فضا آئے

    اس خاک میں جینے کا اور مرنے کا مزہ آئے

    سینوں میں امنگ اٹھے تو پھر جوش نیا آئے

    اور رات کے چہرے پہ ڈھلک جائے پھر آنچل

    اے باد صبا باد صبا باد صبا چل

    آ جا کہ ذرا شغل مئے و جام کریں گے

    کچھ تذکرۂ یار دلآرام کریں گے

    رنگین ہر اک صبح ہر اک شام کریں گے

    اور نغمے سنیں گے حسیں و شوخ اور چنچل

    اے باد صبا باد صبا باد صبا چل

    اے باد صبا چل

    مأخذ:

    نغمۂ زندگی (Pg. 99)

    • مصنف: جے کرشن چودھری حبیب
      • ناشر: جے کرشن چودھری حبیب

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے