nazar aayā chāñd aur milī ye navīd
ki das din ke baad aa.egī baqar.īd
akaḌ shaah dil meñ lagā sochne
isī soch meñ khā gayā sau chane
ki is baar qurbānī maiñ bhī karūñ
ḳhudā se mohabbat kā dam maiñ bharūñ
irāda ye zāhir kiyā dost par
ki manDī se laate haiñ ik jānvar
chunāñche akaḌ shaah manDī gayā
bahut moTā taaza sā bakrā liyā
ghumāyā use ḳhuub akaḌ shaah ne
rakhā us ko mahbūb akaḌ shaah ne
akaḌ shaah lagvātā chakkar use
to bakrā lagātā thā Takkar use
bil-āḳhir phir aa hī gayā yaum-e-eid
vo din jo hamāre liye hai sa.iid
kahā dost ne us se ba.ad-az-namāz
qasā.ī kahāñ hai batā do ye raaz
akaḌ kar vo bolā ye mushkil nahīñ
ise zab.h maiñ ḳhud karūñgā yahīñ
ye kah kar vo mazbah kī jānib baḌhā
jahāñ haTTā-kaTTā thā bakrā khaḌā
akaḌ shaah ne gardan se jakḌā use
lagā kar bahut zor pakḌā use
girāne kī koshish vo karne lagā
vahīñ ruk gayā jo guzarne lagā
akaḌ shaah ab thā pakaḌ shaah par
chaḌh aayā vo bakrā akaḌ shaah par
kahā ek ne phir ye bhaa.ī hai kaun
ye bakre se lāġhar qasā.ī hai kaun
mujhe baat kahnī thī ye aap se
ho jo kaam jis kā vo sājhe use
qasā.ī ko phir us ne bulvā liyā
jhukā kar nazar ghar kā rasta liyā
usāma se qisse akaḌ shaah ke
na jāoge sun kar binā vaah ke
nazar aaya chand aur mili ye nawid
ki das din ke baad aaegi baqarid
akaD shah dil mein laga sochne
isi soch mein kha gaya sau chane
ki is bar qurbani main bhi karun
KHuda se mohabbat ka dam main bharun
irada ye zahir kiya dost par
ki manDi se late hain ek jaanwar
chunanche akaD shah manDi gaya
bahut moTa taza sa bakra liya
ghumaya use KHub akaD shah ne
rakha us ko mahbub akaD shah ne
akaD shah lagwata chakkar use
to bakra lagata tha Takkar use
bil-aKHir phir aa hi gaya yaum-e-eid
wo din jo hamare liye hai said
kaha dost ne us se baad-az-namaz
qasai kahan hai bata do ye raaz
akaD kar wo bola ye mushkil nahin
ise zabh main KHud karunga yahin
ye kah kar wo mazbah ki jaanib baDha
jahan haTTa-kaTTa tha bakra khaDa
akaD shah ne gardan se jakDa use
laga kar bahut zor pakDa use
girane ki koshish wo karne laga
wahin ruk gaya jo guzarne laga
akaD shah ab tha pakaD shah par
chaDh aaya wo bakra akaD shah par
kaha ek ne phir ye bhai hai kaun
ye bakre se laghar qasai hai kaun
mujhe baat kahni thi ye aap se
ho jo kaam jis ka wo sajhe use
qasai ko phir us ne bulwa liya
jhuka kar nazar ghar ka rasta liya
usama se qisse akaD shah ke
na jaoge sun kar bina wah ke
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.