allah kare wo din aae ye mulk bhi ho aazad kahin

Mohammad Shafiuddin Nayyar

allah kare wo din aae ye mulk bhi ho aazad kahin

Mohammad Shafiuddin Nayyar

MORE BY Mohammad Shafiuddin Nayyar

    kahne ko to yuuñ kah dete haiñ bhārat ko agar gaaḌī kahiye

    to hindū aur musalmāñ haiñ is gaaḌī ke do pahiye

    mādar-e-hind āñkhoñ ke hindū muslim do taare haiñ

    ho jaa.eñ agar ye shīr-o-shakar phir kyā hai vāre-nyāre haiñ

    jab baat ye hai to kyuuñ donoñ ik ik ko girānā chāhte haiñ

    kyuuñ qasr-e-qaumiyyat binā ye donoñ Dhānā chāhte haiñ

    gaaḌī jo chalānā chāhte ho pahiya koī nā-hamvār na ho

    gar diid lutf uThānā hai to aañkh koī be-kār na ho

    kyā ham-sāyoñ se laḌ paḌnā qur.ān sharīf meñ aayā hai

    kyā ham-sāyoñ se shar karnā vedoñ ne kahīñ batlāyā hai

    phir nāhaq kyuuñ apnī quvvat ko ham din-rāt gañvāte haiñ

    ḳhud laḌte haiñ dukh bharte haiñ jo ġhair haiñ un ko hañsāte haiñ

    yuuñ aapas meñ laḌte laḌte kyā jāniye kyā ho jā.eñge

    ik din aisā aa jā.egā ham donoñ fanā ho jā.eñge

    achchhā ye baat batā.e koī ab tak laḌ kar kyā paayā hai

    in roz ke qissoñ jhagḌoñ se kyā haath hamāre aayā hai

    ham āzādī tak kho baiThe is aapas laḌā.ī se

    bhārat naav Dubo baiThe is aapas laḌā.ī se

    is aapas laḌā.ī se iflās se ham do chaar hue

    is aapas laḌā.ī se ham aise zalīl-o-ḳhvār hue

    daulat jo sharaf baa.is thī ab saat samundar paar ga.ī

    is aapas laḌā.ī se ik baar nahīñ sau baar ga.ī

    be-koshish kuchh bhī mil jaa.e is dahr meñ ye dastūr nahīñ

    haañ dil se koshish kar Dāleñ to achchhe din kuchh duur nahīñ

    ho merī tamannā par 'nayyar' qudrat taraf se saad kahīñ

    allāh kare vo din aa.e ye mulk bhī ho āzād kahīñ

    kahne ko to yun kah dete hain bhaarat ko agar gaDi kahiye

    to hindu aur musalman hain is gaDi hi ke do pahiye

    ya madar-e-hind ki aankhon ke hindu muslim do tare hain

    ho jaen agar ye shir-o-shakar phir kya hai ware-nyare hain

    jab baat ye hai to kyun donon ek ek ko girana chahte hain

    kyun qasr-e-qaumiyyat ki bina ye donon Dhana chahte hain

    gaDi jo chalana chahte ho pahiya koi na-hamwar na ho

    gar did ka lutf uThana hai to aankh koi be-kar na ho

    kya ham-sayon se laD paDna quran sharif mein aaya hai

    kya ham-sayon se shar karna wedon ne kahin batlaya hai

    phir nahaq kyun apni quwwat ko hum din-raat ganwate hain

    KHud laDte hain dukh bharte hain jo ghair hain un ko hansate hain

    yun aapas mein laDte laDte kya jaaniye kya ho jaenge

    ek din aisa aa jaega hum donon fana ho jaenge

    achchha ye baat batae koi ab tak laD kar kya paya hai

    in roz ke qisson jhagDon se kya hath hamare aaya hai

    hum aazadi tak kho baiThe is aapas hi ki laDai se

    bhaarat ki naw Dubo baiThe is aapas hi ki laDai se

    is aapas hi ki laDai se iflas se hum do chaar hue

    is aapas hi ki laDai se hum aise zalil-o-KHwar hue

    daulat jo sharaf ka bais thi ab sat samundar par gai

    is aapas hi ki laDai se ek bar nahin sau bar gai

    be-koshish kuchh bhi mil jae is dahr mein ye dastur nahin

    han dil se koshish kar Dalen to achchhe din kuchh dur nahin

    ho meri tamanna par 'nayyar' qudrat ki taraf se sad kahin

    allah kare wo din aae ye mulk bhi ho aazad kahin

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY