aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bhaarat ke musalman

Jagan Nath Azad

bhaarat ke musalman

Jagan Nath Azad

MORE BYJagan Nath Azad

    is daur meñ kyuuñ hai pareshān-o-hirāsāñ

    kyā baat hai kyuuñ hai mutazalzal terā īmāñ

    dānish-kada-e-dahr ai sham-e-farozāñ

    ai matla-e-tahzīb ke ḳhurshīd-e-daraḳhshāñ

    hairat hai ghaTāoñ meñ terā nuur ho tarsāñ

    bhārat ke musalmāñ

    dard-e-mohabbat talabgār azal se

    mehr-o-muravvat parastār azal se

    mahram-e-har-lazzat-e-asrār azal se

    virsa terā rānā.i-e-afkār azal se

    rānā.i-e-afkār ko kar phir se ġhazal-ḳhvāñ

    bhārat ke musalmāñ

    hargiz na bhalā 'mīr' 'ġhālib' tarāna

    ban jaa.e kahīñ terī haqīqat na fasāna

    qazzāq-e-fanā ko to hai darkār bahāna

    tārāj na ho 'qāsim-o-'sayyad' ḳhazāna

    ai 'qāsim'-o-'sayyad' ke ḳhazāne ke nigahbāñ

    bhārat ke musalmāñ

    'hāfiz' ke tarannum ko basā qalb-o-nazar meñ

    'rūmī' ke tafakkur ko sajā qalb-o-nazar meñ

    'sādī' ke takallum ko biThā qalb-o-nazar meñ

    de naġhma-e-'ḳhayyām' ko qalb-o-nazar meñ

    ye lahn ho phir hind duniyā meñ ho afshāñ

    bhārat ke musalmāñ

    tūfān meñ DhūñDh rahā hai jo kinārā

    amvāj kar dīda-e-bātin se nazārā

    mumkin hai ki har mauj bane terā sahārā

    mumkin hai ki har mauj nazar ko ho gavārā

    mumkin hai ki sāhil ho pas-e-parda-e-tūfāñ

    bhārat ke musalmāñ

    zāhir mohabbat se muravvat se guzar

    bātin adāvat se kudūrat se guzar

    be-kār dil-afgār qayādat se guzar

    is daur bosīda siyāsat se guzar

    aur azm se phir thaam zarā dāman-e-īmāñ

    bhārat ke musalmāñ

    islām ta.alīm se begāna huā

    nā-mahram-e-har-jur.at-e-rindāna huā

    ābādī-e-har-bazm thā vīrāna huā

    ek haqīqat thā ab afsāna huā

    mumkin ho to phir DhūñDh gañvā.e hue sāmāñ

    bhārat ke musalmāñ

    ajmer dargāh-e-mua.allā terī jāgīr

    mahbūb-e-ilāhī zamīñ par tirī tanvīr

    zarrāt meñ kaliyar ke farozāñ tirī tasvīr

    hāñsī fazāoñ meñ tire kaif tāsīr

    sarhind miTTī se tire dam se farozāñ

    bhārat ke musalmāñ

    har zarra-e-dehlī hai tire zau se munavvar

    punjab mastī asar-e-jazb-e-qalandar

    gañgoh taqdīs se quddūs sarāsar

    paTne zamīñ nik.hat-e-ḳhvāja se mo.attar

    madras miTTī meñ nihāñ tāj-e-shahīdāñ

    bhārat ke musalmāñ

    'bastāmī'-o-'basarī'-o-'muarrā'-o-'ġhazālī'

    jis ilm jis faqr duniyā ke the vaalī

    hairat hai ab hai usī duniyā meñ savālī

    hai gosha-e-pastī meñ tirī himmat-e-ālī

    afsos-sad-afsos tirī tañgī-e-dāmāñ

    bhārat ke musalmāñ

    maz.hab jise kahte haiñ vo kuchh aur hai pyāre

    nafrat se pare is har ik taur hai pyāre

    maz.hab meñ ta.assub to baḌā jaur hai pyāre

    aql-o-ḳhirad-o-ilm ye daur hai pyāre

    is daur meñ maz.hab sadāqat ho numāyāñ

    bhārat ke musalmāñ

    islām to mehr aur mohabbat bayāñ hai

    iḳhlās rūdād-e-muravvat bayāñ hai

    har sho.aba-e-hastī meñ sadāqat bayāñ hai

    ek zinda-o-pā.inda haqīqat bayāñ hai

    kyuuñ dil meñ tire ho na haqīqat ye farozāñ

    bhārat ke musalmāñ

    islām ta.alīm farāmosh huī kyuuñ

    insān tāzīm farāmosh huī kyuuñ

    afrād tanzīm farāmosh huī kyuuñ

    ḳhallās aqlīm farāmosh huī kyuuñ

    hairat meñ huuñ maiñ dekh ke ye ālam-e-nisyāñ

    bhārat ke musalmāñ

    māhaul ho taaza havā tujh ko gavārā

    darkār hai tahzīb ko phir terā sahārā

    kar aaj na.e rañg se duniyā nazārā

    chamkegā phir ik baar tire baḳht taarā

    ho jā.egī tārīkī-e-māhaul gurezāñ

    bhārat ke musalmāñ

    is daur mein tu kyun hai pareshan-o-hirasan

    kya baat hai kyun hai mutazalzal tera iman

    danish-kada-e-dahr ki ai sham-e-farozan

    ai matla-e-tahzib ke KHurshid-e-daraKHshan

    hairat hai ghaTaon mein tera nur ho tarsan

    bhaarat ke musalman

    tu dard-e-mohabbat ka talabgar azal se

    tu mehr-o-murawwat ka parastar azal se

    tu mahram-e-har-lazzat-e-asrar azal se

    wirsa tera ranai-e-afkar azal se

    ranai-e-afkar ko kar phir se ghazal-KHwan

    bhaarat ke musalman

    hargiz na bhala 'mir' ka 'ghaalib' ka tarana

    ban jae kahin teri haqiqat na fasana

    qazzaq-e-fana ko to hai darkar bahana

    taraj na ho 'qasim-o-'sayyad' ka KHazana

    ai 'qasim'-o-'sayyad' ke KHazane ke nigahban

    bhaarat ke musalman

    'hafiz' ke tarannum ko basa qalb-o-nazar mein

    'rumi' ke tafakkur ko saja qalb-o-nazar mein

    'sadi' ke takallum ko biTha qalb-o-nazar mein

    de naghma-e-'KHayyam' ko ja qalb-o-nazar mein

    ye lahn ho phir hind ki duniya mein ho afshan

    bhaarat ke musalman

    tufan mein tu DhunDh raha hai jo kinara

    amwaj ka kar dida-e-baatin se nazara

    mumkin hai ki har mauj bane tera sahaara

    mumkin hai ki har mauj nazar ko ho gawara

    mumkin hai ki sahil ho pas-e-parda-e-tufan

    bhaarat ke musalman

    zahir ki mohabbat se murawwat se guzar ja

    baatin ki adawat se kudurat se guzar ja

    be-kar dil-afgar qayaadat se guzar ja

    is daur ki bosida siyasat se guzar ja

    aur azm se phir tham zara daman-e-iman

    bhaarat ke musalman

    islam ki talim se begana hua tu

    na-mahram-e-har-jurat-e-rindana hua tu

    aabaadi-e-har-bazm tha virana hua tu

    tu ek haqiqat tha ab afsana hua tu

    mumkin ho to phir DhunDh ganwae hue saman

    bhaarat ke musalman

    ajmer ki dargah-e-mualla teri jagir

    mahbub-e-ilahi ki zamin par teri tanwir

    zarraat mein kaliyar ke farozan teri taswir

    hansi ki fazaon mein tere kaif ki tasir

    sarhind ki miTTi se tere dam se farozan

    bhaarat ke musalman

    har zarra-e-dehli hai tere zau se munawwar

    punjab ki masti asar-e-jazb-e-qalandar

    gangoh ki taqdis se quddus sarasar

    paTne ki zamin nikhat-e-KHwaja se moattar

    madras ki miTTi mein nihan taj-e-shahidan

    bhaarat ke musalman

    'bastami'-o-'basari'-o-'muarra'-o-'ghazali'

    jis ilm ki jis faqr ki duniya ke the wali

    hairat hai tu ab hai usi duniya mein sawali

    hai gosha-e-pasti mein teri himmat-e-ali

    afsos-sad-afsos teri tangi-e-daman

    bhaarat ke musalman

    mazhab jise kahte hain wo kuchh aur hai pyare

    nafrat se pare is ka har ek taur hai pyare

    mazhab mein tassub to baDa jaur hai pyare

    aql-o-KHirad-o-ilm ka ye daur hai pyare

    is daur mein mazhab ki sadaqat ho numayan

    bhaarat ke musalman

    islam to mehr aur mohabbat ka bayan hai

    iKHlas ki rudad-e-murawwat ka bayan hai

    har shoaba-e-hasti mein sadaqat ka bayan hai

    ek zinda-o-painda haqiqat ka bayan hai

    kyun dil mein tere ho na haqiqat ye farozan

    bhaarat ke musalman

    islam ki talim faramosh hui kyun

    insan ki tazim faramosh hui kyun

    afrad ki tanzim faramosh hui kyun

    KHallas ki aqlim faramosh hui kyun

    hairat mein hun main dekh ke ye aalam-e-nisyan

    bhaarat ke musalman

    mahaul ki ho taza hawa tujh ko gawara

    darkar hai tahzib ko phir tera sahaara

    kar aaj nae rang se duniya ka nazara

    chamkega phir ek bar tere baKHt ka tara

    ho jaegi tariki-e-mahaul gurezan

    bhaarat ke musalman

    Source:

    Ruh-e-Sukhan (hisa dom) (Pg. 190 (e)192)

    • Author: Swami Dayal Biswani
      • Edition: 1989
      • Publisher: Matba Nami Press, Lucknow
      • Year of Publication: 1971
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now