bhaarat ki phulwari

ham bhārat kī phulvārī ke rañg birañge phuul

ik duuje ko kāñTā samjheñ ye hai apnī bhuul

ek hī dhartī se ham sab ne janm liyā hai sāthī

rañg-o-rūp isī dhartī se ham ne liyā hai sāthī

ek havā meñ saañs haiñ lete ek fazā meñ jiite haiñ

gañgā aur jamunā kā paanī ham sab mil kar piite haiñ

rañg-o-rūp alag alag hai phir bhī ek hai jīvan

alag alag hai apnī kyārī phir bhī ek hai jīvan

bhārat des kī phulvārī ko mil kar ḳhuub sajā.eñ

saare jag meñ pyaar kī ḳhushbū ham bachche phailā.eñ

hum bhaarat ki phulwari ke rang birange phul

ek duje ko kanTa samjhen ye hai apni bhul

ek hi dharti se hum sab ne janm liya hai sathi

rang-o-rup isi dharti se hum ne liya hai sathi

ek hawa mein sans hain lete ek faza mein jite hain

ganga aur jamuna ka pani hum sab mil kar pite hain

rang-o-rup alag alag hai phir bhi ek hai jiwan

alag alag hai apni kyari phir bhi ek hai jiwan

bhaarat des ki phulwari ko mil kar KHub sajaen

sare jag mein pyar ki KHushbu hum bachche phailaen