comrade hochi-minh

ek mīnara-e-‘azmat hai terī shaḳhsiyyat

surḳh-rū bārgah-e-dard meñ insān huā

sar-bulandī-e-mohabbat kī 'alāmat kahiye

jahl sharminda huā zulm pashemān huā

chehra-e-jabr-o-tashaddud se taqaddus kā naqāb

noch pheñkā sar-e-maqtal tire dīvānoñ ne

bārish-e-ḳhūn-e-dil-o-jāñ se bujhā dī sar-e-bazm

jhuuT kī sham'-e-farozāñ tire parvānoñ ne

dast-e-mazlūm meñ hai aaj garebān-e-sitam

qasr-e-nafrat meñ hai mātam ki huī pyaar kī jiit

ham sameTe hue sailāb-e-guhar āñkhoñ meñ

gungunāte haiñ tirī rif'at-e-kirdār ke giit

dardmandān-e-mohabbat ke diloñ kī dhaḌkan

mash'al-e-hurriyat-e-fikr-o-nazar mahr-e-yaqīñ

terī jur.at ke fasāne haiñ lab-e-har-gul par

sar-nigūñ hai tirī rāhoñ meñ sitāroñ kī jabīñ

ufuq-e-vaqt pe ik sho'la-e-tābinda hai

terī tahrīk salāmat rahe tū zinda hai

ek minara-e-‘azmat hai teri shaKHsiyyat

surKH-ru bargah-e-dard mein insan hua

sar-bulandi-e-mohabbat ki 'alamat kahiye

jahl sharminda hua zulm pasheman hua

chehra-e-jabr-o-tashaddud se taqaddus ka naqab

noch phenka sar-e-maqtal tere diwanon ne

barish-e-KHun-e-dil-o-jaan se bujha di sar-e-bazm

jhuT ki sham'-e-farozan tere parwanon ne

dast-e-mazlum mein hai aaj gareban-e-sitam

qasr-e-nafrat mein hai matam ki hui pyar ki jit

hum sameTe hue sailab-e-guhar aankhon mein

gungunate hain teri rif'at-e-kirdar ke git

dardmandan-e-mohabbat ke dilon ki dhaDkan

mash'al-e-hurriyat-e-fikr-o-nazar mahr-e-yaqin

teri jurat ke fasane hain lab-e-har-gul par

sar-nigun hai teri rahon mein sitaron ki jabin

ufuq-e-waqt pe ek sho'la-e-tabinda hai

teri tahrik salamat rahe tu zinda hai