eid ki KHushi

Mohammad Shafiuddin Nayyar

eid ki KHushi

Mohammad Shafiuddin Nayyar

MORE BY Mohammad Shafiuddin Nayyar

    lo phir hamārī eid aa ga.ī hai

    har ek ḳhush hai ghar ghar ḳhushī hai

    kyā qahqahe haiñ kyā dil-lagī hai

    har samt goyā shādī rachī hai

    munnī uThegī taḌke savere

    jhaT-paT nahā kar pahnegī kapḌe

    kapḌe bhī kaise goTe zarī ke

    resham jampar maḳhmal ke juute

    pahnegī munnī zevar bhī apne

    zevar jo us ke abbā haiñ laa.e

    hāthoñ meñ kañgan paañv meñ lachchhe

    māthe pe Tapkā kānoñ meñ jhumke

    ammī se le kar eidī ke paise

    bhayyā ko degī kah kar ye un se

    paḌh kar dogānā mele meñ ke

    mere liye bhī laanā khilaune

    chīnī guḌiyāñ chīnī ke guDDe

    guḌiyoñ ke bartan guḌiyoñ ke gahne

    bhayyā bhī jaldī jā.eñge ghar se

    kapḌe badal kar takbīr paḌhte

    vājib dogānā mil kar paḌheñge

    ḳhutba suneñge ḳhāmosh baiThe

    kar ke duā.eñ bāham mileñge

    ulfat ke ġhunche dil meñ khileñge

    ā.eñge phir kar jab eid-gāh se

    le kar miThā.ī le kar khilaune

    bhaa.ī bahan sab kheleñge mil ke

    guzregā din phir lutf-o-ḳhushī se

    'nayyar' mubārak ye eid sab ko

    ho is ḳhushī phir diid sab ko

    lo phir hamari eid aa gai hai

    har ek KHush hai ghar ghar KHushi hai

    kya qahqahe hain kya dil-lagi hai

    har samt goya shadi rachi hai

    munni uThegi taDke sawere

    jhaT-paT naha kar pahnegi kapDe

    kapDe bhi kaise goTe zari ke

    resham ka jampar maKHmal ke jute

    pahnegi munni zewar bhi apne

    zewar jo us ke abba hain lae

    hathon mein kangan panw mein lachchhe

    mathe pe Tapka kanon mein jhumke

    ammi se le kar eidi ke paise

    bhayya ko degi kah kar ye un se

    paDh kar dogana mele mein ja ke

    mere liye bhi lana khilaune

    chini ki guDiyan chini ke guDDe

    guDiyon ke bartan guDiyon ke gahne

    bhayya bhi jaldi jaenge ghar se

    kapDe badal kar takbir paDhte

    wajib dogana mil kar paDhenge

    KHutba sunenge KHamosh baiThe

    kar ke duaen baham milenge

    ulfat ke ghunche dil mein khilenge

    aaenge phir kar jab eid-gah se

    le kar miThai le kar khilaune

    bhai bahan sab khelenge mil ke

    guzrega din phir lutf-o-KHushi se

    'nayyar' mubarak ye eid sab ko

    ho is KHushi ki phir did sab ko

    Source:

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY