ek sawal

abbū mere paas to aanā

itnī baat mujhe samjhānā

ham jab aapas meñ laḌte haiñ

aap hamesha ye kahte haiñ

laḌnā bhiḌnā Thiik nahīñ hai

jhagḌā karnā Thiik nahīñ hai

achchhe ban kar jiinā sīkho

mil-jul kar tum rahnā sīkho

maiñ ne aḳhbāroñ meñ paḌhā hai

T.v par bhī itnā sunā hai

duniyā meñ phir ik jañg hogī

kheleñge sab ḳhuun kī holī

missile aur bam barseñge

amn-o-amāñ ko ham tarseñge

lāshoñ kā bāzār lagegā

sahmā sā sansār lagegā

maiñ bachcha huuñ maiñ kyā samjhūñ

maiñ to bas itnā hī pūchhūñ

bachche āḳhir phir bachche haiñ

jo daanā haiñ kyuuñ laḌte haiñ

abbu mere pas to aana

itni baat mujhe samjhana

hum jab aapas mein laDte hain

aap hamesha ye kahte hain

laDna bhiDna Thik nahin hai

jhagDa karna Thik nahin hai

achchhe ban kar jina sikho

mil-jul kar tum rahna sikho

main ne aKHbaron mein paDha hai

Tw par bhi itna suna hai

duniya mein phir ek jang hogi

khelenge sab KHun ki holi

missile aur bam barsenge

amn-o-aman ko hum tarsenge

lashon ka bazar lagega

sahma sa sansar lagega

main bachcha hun main kya samjhun

main to bas itna hi puchhun

bachche aaKHir phir bachche hain

jo dana hain kyun laDte hain