gham

raat vīrān hai bahut vīrān

āsmāñ laash hai jalī huī laash

jis ke siine pe chiyūñTiyoñ kī tarah

ek amboh hai sitāroñ kā

rizq chunte haiñ aur khāte haiñ

ḳhāmushī se guzarte jaate haiñ

haa.e ye raat haa.e haa.e ye raat

kab basar hogī kaise guzregī

koī dekhe mirī nazar se use

koī chāra mujhe batā.e mirā

kuchh ilaaj us nazar kā koī davā

yā phir āñkheñ hī noch le merī

hai masīhā koī tabīb koī

kaun mere alāva dekhegā

jo mirī aañkh par bhī hai dushvār

ġham kī azmat ko kaun pahchāne

chhoḌ kar zindagī kā kārobār

kise fursat ki aañkh uThā.e zarā

shab kī vīrāniyoñ kā nauha likhe

āsmāñ kā janāza paḌh Daale

aur sitāroñ kā rāsta roke

kise fursat hai mujh se baat kare

merī āñkhoñ meñ jhāñk kar dam-bhar

mujh se pūchhe ki maiñ ne kyā dekhā

bharī duniyā meñ kaun dīda-var

kaun rakhtā hai merī jaisī nazar

kaun pūchhe ki maiñ ne kyā dekhā

ġham kī azmat ko kaun pahchānā

kise fursat ki mujh ko pahchāne

raat viran hai bahut viran

aasman lash hai jali hui lash

jis ke sine pe chiyunTiyon ki tarah

ek amboh hai sitaron ka

rizq chunte hain aur khate hain

KHamushi se guzarte jate hain

hae ye raat hae hae ye raat

kab basar hogi kaise guzregi

koi dekhe meri nazar se use

koi chaara mujhe batae mera

kuchh ilaj us nazar ka koi dawa

ya phir aankhen hi noch le meri

hai masiha koi tabib koi

kaun mere alawa dekhega

jo meri aankh par bhi hai dushwar

gham ki azmat ko kaun pahchane

chhoD kar zindagi ka karobar

kise fursat ki aankh uThae zara

shab ki viraniyon ka nauha likhe

aasman ka janaza paDh Dale

aur sitaron ka rasta roke

kise fursat hai mujh se baat kare

meri aankhon mein jhank kar dam-bhar

mujh se puchhe ki main ne kya dekha

bhari duniya mein kaun dida-war

kaun rakhta hai meri jaisi nazar

kaun puchhe ki main ne kya dekha

gham ki azmat ko kaun pahchana

kise fursat ki mujh ko pahchane