جلدی میاں

کلیم چغتائی

جلدی میاں

کلیم چغتائی

MORE BY کلیم چغتائی

    ہے نام تو خورشید خاں

    کہتے ہیں سب جلدی میاں

    ہر کام میں گڑبڑ کریں

    کمروں میں وہ کھڑبڑ کریں

    ہیں دیر سے وہ جاگتے

    اسکول جائیں بھاگتے

    استاد جب پوچھیں سوال

    ہو جائیں فوراً وہ نڈھال

    باتوں کا ان کو شوق ہے

    کشتی کا بھی کچھ ذوق ہے

    عاشق ہیں وہ فٹ بال کے

    دشمن ہیں روٹی دال کے

    حلوہ مگر مرغوب ہے

    اور چائے بھی محبوب ہے

    اک دن وہ جلدی میں چلے

    دیکھا نہیں تھا سامنے

    کیلے کا چھلکا تھا پڑا

    اس پر جو پاؤں رکھ دیا

    پھسلے چنانچہ گر پڑے

    اور درد سے رونے لگے

    ماں نے اٹھایا پیار سے

    بہلایا پھر چمکار کے

    جلدی میاں جب چپ ہوئے

    امی لگیں یہ پوچھنے

    چھلکا یہ پھینکا کس نے یاں

    سوجھیں کسے نادانیاں

    جلدی میاں کا سر جھکا

    تالا تھا منہ پر اک لگا

    جاتا نہ تھا ان سے کہا

    چھلکا تو پھینکا میں نے تھا

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites