aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kanha tumhaari yaad mein hun be-qarar main

Meena Khan

kanha tumhaari yaad mein hun be-qarar main

Meena Khan

MORE BYMeena Khan

    kānhā tumhārī yaad meñ huuñ be-qarār maiñ

    kartī huuñ lamha lamha faqat intizār maiñ

    kah kar ga.e the aaoge tum jald lauT kar

    aa kar karoge ḳhatm ye tanhā.ī safar

    kyā gopiyoñ ke saath meñ dil ko lagā liyā

    kyā rukmanī ke saath ne sab kuchh bhulā diyā

    kyā tum ko merī yaad bhī aatī nahīñ kabhī

    furqat ye merī tum ko rulātī nahīñ kabhī

    is dil meñ chāhatoñ tamannā liye hue

    phirtī huuñ vo tumhārā dilāsa liye hue

    bechain kis qadar huuñ tumhāre firāq meñ

    jaltī ho sham.a jaise umīdoñ ke taak meñ

    is ahd ke ba.ad se aashā ho tum mirī

    jab se kahā thā tum ne ki rādhā ho tum mirī

    tum ko qasam hai merī itnā rulāo tum

    jitnā bhī jald ho sake bas lauT aao tum

    kanha tumhaari yaad mein hun be-qarar main

    karti hun lamha lamha faqat intizar main

    kah kar gae the aaoge tum jald lauT kar

    aa kar karoge KHatm ye tanhai ka safar

    kya gopiyon ke sath mein dil ko laga liya

    kya rukmani ke sath ne sab kuchh bhula diya

    kya tum ko meri yaad bhi aati nahin kabhi

    furqat ye meri tum ko rulati nahin kabhi

    is dil mein chahaton ki tamanna liye hue

    phirti hun wo tumhaara dilasa liye hue

    bechain kis qadar hun tumhaare firaq mein

    jalti ho shama jaise umidon ke tak mein

    is ahd ke hi baad se aasha ho tum meri

    jab se kaha tha tum ne ki radha ho tum meri

    tum ko qasam hai meri na itna rulao tum

    jitna bhi jald ho sake bas lauT aao tum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now