mehnat

are pyāre bachcho zarā dhyān do

mirī baat ko ġhaur se tum suno

ye bastī ye bāzār saḌkeñ tamām

mashīnoñ kī baḌhtī huī dhūm-dhām

ye motor ye raileñ ye nahroñ ke haal

karishme ye bijlī ke din kī misāl

ye sarsabz khetī ye saudā-garī

zamāne kī chīzeñ ye achchhī burī

kitāboñ ke ambār ye ilm-o-fan

ye ġhunche shagūfe chaman-dar-chaman

dahakte mahakte hue lāla-zār

gulistāñ kī ye raunaqeñ pur bahār

ġharaz jo bhī duniyā meñ hai sar-basar

vo insān kī mehnatoñ kā hai samar

karoge agar tum bhī mehnat se kaam

to pāoge duniyā meñ a.alā maqām

are pyare bachcho zara dhyan do

meri baat ko ghaur se tum suno

ye basti ye bazar saDken tamam

mashinon ki baDhti hui dhum-dham

ye motor ye railen ye nahron ke haal

karishme ye bijli ke din ki misal

ye sarsabz kheti ye sauda-gari

zamane ki chizen ye achchhi buri

kitabon ke ambar ye ilm-o-fan

ye ghunche shagufe chaman-dar-chaman

dahakte mahakte hue lala-zar

gulistan ki ye raunaqen pur bahaar

gharaz jo bhi duniya mein hai sar-basar

wo insan ki mehnaton ka hai samar

karoge agar tum bhi mehnat se kaam

to paoge duniya mein aala maqam