qudrat ki flashlight

raat ke naqsh ujaal kar

bālTī meñ bhar diye ga.e

chāñd jin meñ

apnī kirnoñ ke motī uchhāltā thā

jaltī huī hathelī par kis ne rakhā thā chāñd ko

vo haath apne mal rahī thī

ā.īna dekhtā thā

manzaroñ ke dūsrī taraf

bheḌiyā apnī gambhīr āvāz fazā meñ bikhertā

bastiyoñ meñ ḳhauf uñDeltā thā

scrēn kā parda badal do

ā.īne ko dekhne do

sub.h-e-nau motiye kī taaza ḳhushbū

dālān meñ abbā jī ke saath chaa.e piinā

schōl kā bag uThā.e lambī saḌak kā safar

use dekhne do

vo sabz khilkhilāte manzar

are

lamp bujhā diyā gayā

sabhī manzar ulaT diye ga.e

ai chakkar lagātī huī chamgādaḌ tū hī batā

qudrat kī flashlight kis ke haath meñ hai

raat ke naqsh ujal kar

baalTi mein bhar diye gae

chand jin mein

apni kirnon ke moti uchhaalta tha

jalti hui hatheli par kis ne rakha tha chand ko

wo hath apne mal rahi thi

aaina dekhta tha

manzaron ke dusri taraf

bheDiya apni gambhir aawaz faza mein bikherta

bastiyon mein KHauf unDelta tha

screen ka parda badal do

aaine ko dekhne do

subh-e-nau motiye ki taza KHushbu

dalan mein abba ji ke sath chae pina

school ka bag uThae lambi saDak ka safar

use dekhne do

wo sabz khilkhilate manzar

are

lamp bujha diya gaya

sabhi manzar ulaT diye gae

ai chakkar lagati hui chamgadaD tu hi bata

qudrat ki flashlight kis ke hath mein hai