rishte ki zanjir

dil kī gahrā.ī se maiñ ne chāhā tujhe

apne ḳhvāboñ kī duniyā tujhe sauñp dī

be-niyāzāna tū misl-e-sham’-e-sahar

merī hālat se be-fikr jaltī rahī

aur

āñkhoñ kā kājal pighaltā rahā

qurbatoñ meñ bhī the is qadar fāsle

donoñ milte rahe ajnabī kī tarah

kitne din aa.e aur aa ke jaate rahe

merī jānib se iz.hār-e-ulfat nahīñ

terī jānib se koī ishārā nahīñ

maiñ ne samjhā tirī be-ruḳhī dekh kar

tere dil meñ hī jaise harārat nahīñ

mujh se rishta nahīñ

kuchh ta'alluq nahīñ kuchh mohabbat nahīñ

aur tujh se mirā pyaar yak-tarfa hai

din guzarte rahe

aur phir

maiñ ne dekhā jo kal copiyoñ par tirī

naam likh likh ke apnā miTāyā huā

ye yaqīñ aa gayā

dard-e-dil ye mirā sirf merā nahīñ

balki terā bhī hai

rāh-e-ulfat meñ tū bhī mire saath hai

dil ki gahrai se main ne chaha tujhe

apne KHwabon ki duniya tujhe saunp di

be-niyazana tu misl-e-sham’-e-sahar

meri haalat se be-fikr jalti rahi

aur

aankhon ka kajal pighalta raha

qurbaton mein bhi the is qadar fasle

donon milte rahe ajnabi ki tarah

kitne din aae aur aa ke jate rahe

meri jaanib se izhaar-e-ulfat nahin

teri jaanib se koi ishaara nahin

main ne samjha teri be-ruKHi dekh kar

tere dil mein hi jaise hararat nahin

mujh se rishta nahin

kuchh ta'alluq nahin kuchh mohabbat nahin

aur tujh se mera pyar yak-tarfa hai

din guzarte rahe

aur phir

main ne dekha jo kal copiyon par teri

nam likh likh ke apna miTaya hua

ye yaqin aa gaya

dard-e-dil ye mera sirf mera nahin

balki tera bhi hai

rah-e-ulfat mein tu bhi mere sath hai