aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

soKHta jism ka libas

Faisal Azeem

soKHta jism ka libas

Faisal Azeem

MORE BYFaisal Azeem

    libās jal kar mire badan par chipak gayā hai

    badan musalsal sulag rahā hai

    kahīñ kahīñ bhūle bhaTke sho.ale

    uThā ke lau sar ab bhī

    bāhar ko jhūlte haiñ

    jinheñ maiñ apnī

    jalī hathelī pusht se ḳhud dabā rahā huuñ

    alaav se bāhar aa ke

    dahshat-zada nigāhoñ se dekhtā huuñ

    kahīñ se ab ambulance aa.egī merī jānib

    koī masīhā-nafas sambhālegā aage baḌh kar

    magar yahāñ to

    koī masīhā-nafas nahīñ hai

    maiñ chīḳhtā huuñ koī to hogā

    koī to be-iḳhtiyār merī taraf bhī aa.e

    badan se chimTī qabā ko ḳhud

    bachī khuchī uñgliyoñ poroñ

    se chhū ke mahsūs kar rahā huuñ

    ki jism hai jalā huā pairahan hai merā

    jo merī miTTī meñ dhañs rahā hai

    aziyyatoñ gavāhī detā hai ḳhaliya ḳhaliya

    jakaḌ chukā huuñ maiñ is partoñ meñ chāhtā huuñ

    ki khīñch Dālūñ

    utaar pheñkūñ ise magar ab

    ise utārūñ

    to khaal merī khīñch legā

    aur in sulagtī

    bachī khuchī uñgliyoñ poroñ se nāḳhunoñ se

    kurednā bhī nahīñ hai bas meñ

    jo pairahan thā

    vo pairahan ab mirā qafas hai

    jo pairahan thā

    vo pairahan ab mirā badan hai

    libas jal kar mere badan par chipak gaya hai

    badan musalsal sulag raha hai

    kahin kahin bhule bhaTke shoale

    uTha ke lau sar ki ab bhi

    bahar ko jhulte hain

    jinhen main apni

    jali hatheli ki pusht se KHud daba raha hun

    alaw se bahar aa ke

    dahshat-zada nigahon se dekhta hun

    kahin se ab ambulance aaegi meri jaanib

    koi masiha-nafas sambhaalega aage baDh kar

    magar yahan to

    koi masiha-nafas nahin hai

    main chiKHta hun koi to hoga

    koi to be-iKHtiyar meri taraf bhi aae

    badan se chimTi qaba ko KHud hi

    bachi khuchi ungliyon ki poron

    se chhu ke mahsus kar raha hun

    ki jism hai ya jala hua pairahan hai mera

    jo meri miTTi mein dhans raha hai

    aziyyaton ki gawahi deta hai KHaliya KHaliya

    jakaD chuka hun main is ki parton mein chahta hun

    ki khinch Dalun

    utar phenkun ise magar ab

    ise utarun

    to khaal meri hi khinch lega

    aur in sulagti

    bachi khuchi ungliyon ki poron se naKHunon se

    kuredna bhi nahin hai bas mein

    jo pairahan tha

    wo pairahan ab mera qafas hai

    jo pairahan tha

    wo pairahan ab mera badan hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now