aaj di talim gat gat ki mujhe talon ke bich

aaj dī ta.alīm gat gat kī mujhe tāloñ ke biich

ab na ā.ūñgī kabhī ustād kī chāloñ ke biich

chuum kar zulf-e-dotā phañstā nahīñ jāloñ ke biich

saaf bach jaatā hai gorā saikaḌoñ kāloñ ke biich

maiñ to ḳhud kahtī huuñ baajī ḳhaak Dālūñ shaiḳh par

phāñs letā hai nigoḌā pyaar kī chāloñ ke biich

bholā-pan ḳhud kar rahā hai surḳhi-e-lab se huzūr

suut kī beḌī bharī hai aaj in gāloñ ke biich

hote the do-chār dūlhā pahle kyā kyā pyaar se

bigḌe ab kyā kyā buā do chaar hī sāloñ ke biich

nauj luuñ shāleñ kisī kī maiñ buā shal ho ga.ī

bheje ḳhat saukan ke mujh ko Daal kar shāloñ ke biich

apnī bad-halī pe guyyāñ thā falak nālā-kanāñ

aaj phir shukr-e-ḳhudā ham bhī haiñ ḳhush-hāloñ ke biich

baat hai bigḌī ghaḌī kī saaf jo hote nahīñ

chalte purze haiñ mujhe laate haiñ vo chāloñ ke biich

sunte hī bechain ho kar aa ga.e Dolī meñ ham

kis balā kā hai asar 'mohsin' tire nāloñ ke biich

aaj di talim gat gat ki mujhe talon ke bich

ab na aaungi kabhi ustad ki chaalon ke bich

chum kar zulf-e-dota phansta nahin jalon ke bich

saf bach jata hai gora saikaDon kalon ke bich

main to KHud kahti hun baji KHak Dalun shaiKH par

phans leta hai nigoDa pyar ki chaalon ke bich

bhola-pan KHud kar raha hai surKHi-e-lab se huzur

sut ki beDi bhari hai aaj in galon ke bich

hote the do-chaar dulha pahle kya kya pyar se

bigDe ab kya kya bua do chaar hi salon ke bich

nauj lun shaalen kisi ki main bua shal ho gai

bheje KHat saukan ke mujh ko Dal kar shaalon ke bich

apni bad-hali pe guyyan tha falak nala-kanan

aaj phir shukr-e-KHuda hum bhi hain KHush-haalon ke bich

baat hai bigDi ghaDi ki saf jo hote nahin

chalte purze hain mujhe late hain wo chaalon ke bich

sunte hi bechain ho kar aa gae Doli mein hum

kis bala ka hai asar 'mohsin' tere nalon ke bich