changez-KHan se kam nahin KHun-KHwar ka mizaj

chañgez-ḳhāñ se kam nahīñ ḳhūñ-ḳhvār kā mizāj

dushman kā ho na jo hai mire yaar kā mizāj

kuchh pech hai jo bigḌī nabī-jān se huzūr

kyā jāntī nahīñ huuñ maiñ sarkār kā mizāj

mazdūrnī ke ishq meñ shāyad siḌī huā

ġhhar-vālā pūchhtā hai jo dīvār kā mizāj

apne haram se tum ne mañgā.ī mirī ḳhabar

bairī se koī pūchhtā hai yaar kā mizāj

daulat-nisā se ashrafī-ḳhānam ne sach kahā

māsha ghaḌī meñ tola hai zardār kā mizāj

kyūñkar ḳhafā na tum se ho nargis sitāra-jān

pūchhā karo na raat ko bīmār kā mizāj

ḳhātir maiñ jūñ-jūñ kartī huuñ chandū-bandūḌ kī

miltā nahīñ falak pe hai murdār kā mizāj

tote kī tarah bachchī se kī be-muravvatī

kaisā burā hai aadhe vafādār kā mizāj

pahle nahīñ kī baad kiyā jis ne jo kahā

hai hai bahut burā hai ye inkār kā mizāj

kaisī haiñ būḌhe chauñDe pe ye mehrbāniyāñ

pūchhā jo aaj saas gunahgār kā mizāj

haañ ke sivā nahīñ nahīñ aa.ī zabān par

hargiz ajī nahīñ mirā inkār kā mizāj

nāhaq ḳhafā ho mujh se agar ho to ḳhush raho

ai baajī hai nahīñ mirā takrār kā mizāj

ai 'jān' dil harām se parhez kyā kare

rahtā nahīñ hai qaabū meñ bīmār kā mizāj

changez-KHan se kam nahin KHun-KHwar ka mizaj

dushman ka ho na jo hai mere yar ka mizaj

kuchh pech hai jo bigDi nabi-jaan se huzur

kya jaanti nahin hun main sarkar ka mizaj

mazdurni ke ishq mein shayad siDi hua

ghar-wala puchhta hai jo diwar ka mizaj

apne haram se tum ne mangai meri KHabar

bairi se koi puchhta hai yar ka mizaj

daulat-nisa se ashrafi-KHanam ne sach kaha

masha ghaDi mein tola hai zardar ka mizaj

kyunkar KHafa na tum se ho nargis sitara-jaan

puchha karo na raat ko bimar ka mizaj

KHatir main jun-jun karti hun chandu-banduD ki

milta nahin falak pe hai murdar ka mizaj

tote ki tarah bachchi se ki be-murawwati

kaisa bura hai aadhe wafadar ka mizaj

pahle nahin ki baad kiya jis ne jo kaha

hai hai bahut bura hai ye inkar ka mizaj

kaisi hain buDhe chaunDe pe ye mehrbaniyan

puchha jo aaj sas gunahgar ka mizaj

han ke siwa nahin nahin aai zaban par

hargiz aji nahin mera inkar ka mizaj

nahaq KHafa ho mujh se agar ho to KHush raho

ai baji hai nahin mera takrar ka mizaj

ai 'jaan' dil haram se parhez kya kare

rahta nahin hai qabu mein bimar ka mizaj