tha kuchh to chor dil mein jo sau bar ki talash

thā kuchh to chor dil meñ jo sau baar kī talāsh

kyuuñ mūñDī kaaTe raat ko talvār kī talāsh

maiñ bhī to bholī-bhālī huuñ bhole ke paas huuñ

makkār tum ho tum ko hai makkār kī talāsh

kaafī hai nek-baḳht ko bī-jān ek mard

kasbī ko roz chāhiye do-chār kī talāsh

mailā ho yā kuchailā ho de jaa.e hai mazā

hai vaz.a-dār kī na tarah-dār kī talāsh

mūñDhe pe baiThūñ kursī kī ahmaq banūñ maiñ kyuuñ

vo dil nahīñ hai ab jo karūñ yaar kī talāsh

ḳhāna-ḳharāb bāñdh ke laa.ī huuñ rāj-bī

us reḳhtī ke peT meñ dīvār kī talāsh

ḳhizrū kabhī milā nahīñ dariyā.ī nāriyal

is paar kī talāsh hai us paar kī talāsh

ai 'jān' dil maiñ bechūñgī ab kauḌiyoñ ke mol

rahtī hai mujh ko roz ḳharīdār kī talāsh

tha kuchh to chor dil mein jo sau bar ki talash

kyun munDi kaTe raat ko talwar ki talash

main bhi to bholi-bhaali hun bhole ke pas hun

makkar tum ho tum ko hai makkar ki talash

kafi hai nek-baKHt ko bi-jaan ek mard

kasbi ko roz chahiye do-chaar ki talash

maila ho ya kuchaila ho de jae hai maza

hai waza-dar ki na tarah-dar ki talash

munDhe pe baiThun kursi ki ahmaq banun main kyun

wo dil nahin hai ab jo karun yar ki talash

KHana-KHarab bandh ke lai hun raj-bi

us reKHti ke peT mein diwar ki talash

KHizru kabhi mila nahin dariyai nariyal

is par ki talash hai us par ki talash

ai 'jaan' dil main bechungi ab kauDiyon ke mol

rahti hai mujh ko roz KHaridar ki talash