saqi chaman mein aa ki teri yaad hai bahut

Mohsin Khan Mohsin

saqi chaman mein aa ki teri yaad hai bahut

Mohsin Khan Mohsin

MORE BYMohsin Khan Mohsin

    saaqī chaman meñ aa ki tirī yaad hai bahut

    bhūle vahī haiñ jin hameñ yaad hai bahut

    dūlhā tumhārā asġharī āzād hai bahut

    kartā nigoḌā chauk meñ barbād hai bahut

    mumkin nahīñ ki ho na anīs-e-dil-e-hazīñ

    kam-sin abhī buā sitam-ījād hai bahut

    jaane se un ke ghar nahīñ ujḌā faqat mirā

    vīrān ḳhāna-e-dil-e-nā-shād hai bahut

    dekhūñ nigoḌā kartā hai kis tarah ḳhūn-e-dil

    āzurda in dinoñ muā jallād hai bahut

    ḳhush ho ke saas ne kahā dulhan se rashk-e-gul

    dam se tumhāre ghar mirā ābād hai bahut

    bulbul ko fasl-e-gul meñ asīr-e-qafas kiyā

    ġhāfil ḳhudā ke ḳhauf se sayyād hai bahut

    tasvīr un khich na sakī piir ho gayā

    sharminda apne fel se bahzād hai bahut

    letī huuñ karvaTeñ buā kunj-e-mazār meñ

    'mohsin' nigoḌā qabr meñ bhī yaad hai bahut

    saqi chaman mein aa ki teri yaad hai bahut

    bhule wahi hain jin ki hamein yaad hai bahut

    dulha tumhaara asghari aazad hai bahut

    karta nigoDa chauk mein barbaad hai bahut

    mumkin nahin ki ho na anis-e-dil-e-hazin

    kam-sin abhi bua sitam-ijad hai bahut

    jaane se un ke ghar nahin ujDa faqat mera

    viran KHana-e-dil-e-na-shad hai bahut

    dekhun nigoDa karta hai kis tarah KHun-e-dil

    aazurda in dinon mua jallad hai bahut

    KHush ho ke sas ne kaha dulhan se rashk-e-gul

    dam se tumhaare ghar mera aabaad hai bahut

    bulbul ko fasl-e-gul mein asir-e-qafas kiya

    ghafil KHuda ke KHauf se sayyaad hai bahut

    taswir un ki khich na saki pir ho gaya

    sharminda apne fel se bahzad hai bahut

    leti hun karwaTen bua kunj-e-mazar mein

    'mohsin' nigoDa qabr mein bhi yaad hai bahut

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now