کی تلاش کا نتیجه | موضو - نظم, صفحہ ibn-e-ziyaad-e-vaqt

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "ibn-e-ziyaad-e-vaqt"

نظم کے متعلقہ نتیجہ "ibn-e-ziyaad-e-vaqt"

نظم

ابو سفیان سے میں نے سنا ہے
آنگنوں کی خیر لکھی ہے زیاد ابن زیادہ نے
نئی بیلیں چڑھائی ہیں پرانی کرسیوں پر
میز پر خرگوش پالا ہے
گھڑوں میں ناریل کی کاشت کی ہے
بیچ انگنائی میں لکھا ہے
تمہاری ہڈیاں مڑتی نہیں ہیں
رحم مادر سے نکلنے کے لیے بیتاب ہو
یہ گھر گرہستی کا زمانہ ہے
مویشی اصطبل میں جائیں گے اور اونٹ خیمے میں

محمد انور خالد

نظم

دل پیت کی آگ میں جلتا ہے ہاں جلتا ہے اسے جلنے دو
اس آگ سے تم تو دور رہو ٹھنڈی نہ کرو پنکھا نہ جھلو
ہر محفل میں ہم دونوں کی کیا کیا نہیں باتیں ہوتی ہیں
ان باتوں کا مفہوم ہے کیا تم کیا سمجھو تم کیا جانو
دل چل کے لبوں تک آ نہ سکا لب کھل نہ سکے غم جا نہ سکا
اپنا تو بس اتنا قصہ تھا تم اپنی سناؤ اپنی کہو
وہ شام کہاں وہ رات کہاں وہ وقت کہاں وہ بات کہاں
جب مرتے تھے مرنے نہ دیا اب جیتے ہیں اب جینے دو

ابن انشا

نظم

تجھ سے جو میں نے پیار کیا ہے تیرے لیے؟ نہیں اپنے لیے
وقت کی بے عنوان کہانی کب تک بے عنوان رہے
اے مرے سوچ نگر کی رانی اے مرے خلد خیال کی حور
اتنے دنوں جو میں گھلتا رہا ہوں تیرے بنا یونہی دور ہی دور
سوچ تو کیا پھل مجھ کو ملا میں من سے گیا پھر تن سے گیا
شہر وطن میں اجنبی ٹھہرا آخر شہر وطن سے گیا
روح کی پیاس بجھانی تھی پر یہاں ہونٹوں کی پیاس بھی بجھ نہ سکی
بچتے سنبھلتے بھی ایک سلگتا روگ بنی مرے جی کی لگی
دور کی بات نہ سوچ ابھی مرے ہات میں تو ذرا ہات تو دے
تجھ سے جو میں نے پیار کیا ہے تیرے لیے؟ نہیں اپنے لیے
باغ میں ہے اک بیلے کا تختہ بھینی ہے اس بیلے کی سگندھ
اے کلیو کیوں اتنے دنوں تم رکھے رہیں اسے گود میں بند
کتنے ہی ہم سے روپ کے رسیا آئے یہاں اور چل بھی دیئے
تم ہو کہ اتنے حسن کے ہوتے ایک نہ دامن تھام سکے
صحن چمن پر بھونروں کے بادل ایک ہی پل کو چھائیں گے
پھر نہ وہ جا کر لوٹ سکیں گے پھر نہ وہ جا کر آئیں گے
اے مرے سوچ نگر کی رانی وقت کی باتیں رنگ اور بو
ہر کوئی ساتھ کسی کا ڈھونڈے گل ہوں کہ بیلے میں ہوں کہ تو
جو کچھ کہنا ہے ابھی کہہ لے جو کچھ سننا ہے سن لے
تجھ سے جو میں نے پیار کیا ہے تیرے لیے؟ نہیں اپنے لیے

ابن انشا

نظم

اک نئی صبح درخشاں کا روپہلا آنچل
اپنے ہم راہ لئے عزم جواں کی تنویر
ساقیٔ وقت کے رخسار پہ لہرایا ہے
یہ ہے تاریک فضاؤں میں اجالے کی لکیر

نور شمع نور

نظم

اپنا احساس یہ کاوش یہ تفکر یہ سمجھ
ہم سے ہی وقت کی یہ ساری مسیحائی ہے
اپنے ہی نقش قدم سنگ نشان منزل
اپنے ہی دم سے بصیرت ہے یہ بینائی ہے

نور شمع نور

نظم

مجھے تیرے تصور سے خوشی محسوس ہوتی ہے
دل مردہ میں بھی کچھ زندگی محسوس ہوتی ہے
یہ تاروں کی چمک میں ہے نہ پھولوں ہی کی خوشبو میں
تری تصویر میں جو دل کشی محسوس ہوتی ہے
تجھے میں آج تک مصروف درس و وعظ پاتا ہوں
تری ہستی مکمل آگہی محسوس ہوتی ہے
یہ کیا ممکن نہیں تو آ کے خود اب اس کا درماں کر
فضائے دہر میں کچھ برہمی محسوس ہوتی ہے
اجالا سا اجالا ہے تری شمع ہدایت کا
شب تیرہ میں بھی اک روشنی محسوس ہوتی ہے
میں آؤں بھی تو کیا منہ لے کے آؤں سامنے تیرے
خود اپنے آپ سے شرمندگی محسوس ہوتی ہے
تخیل میں ترے نزدیک جب میں خود کو پاتا ہوں
مجھے اس وقت اک طرفہ خوشی محسوس ہوتی ہے
تو ہی جانے کہاں لے آئی مجھ کو آرزو تیری
یہ منزل اب سراپا بے خودی محسوس ہوتی ہے
کنولؔ جس وقت کھو جاتا ہوں میں اس کے تصور میں
مجھے تو زندگی ہی زندگی محسوس ہوتی ہے

کنول ایم۔اے

نظم

اب تک تم سے کہا گیا ہے
انساں فانی موت اٹل ہے
جیون جل ہے
جس کی دھار کبھی نہ ٹوٹے
جو آتا ہے مر جاتا ہے
جو آئے گا مر جائے گا

عزیز قیسی

نظم

پتنگ اڑانے
میں گھر سے نکلا
تو اک ضعیف آدمی نے
ناراضگی کے لہجے میں
مجھ کو ٹوکا کہ
اس فضا میں
نہ اڑ سکے گی پتنگ تیری
ہر ایک جانب
سیاہ بادل ہیں آسماں پر
نہ جانے کب
ایک تیز بارش
کی زد میں آ کر
پتنگ تیری جو بھیگ جائے
تو ہو کے بے جان
جسم اس کا
زمیں پہ ٹپکے
ذرا توقف کے بعد اس نے
یہ رائے بھی دی

ارشد کمال

نظم

۲
زمیں کا زمانہ ہے یہ
ہم زمیں بوس ہوئے
سبز رنگوں کے سراب
نیلگوں سطح آب
ہم فلک بوس ہوئے
اور یہ بھول گئے
تھے کبھی اپنے بدن پر تیرے قدموں کے نشاں
سبز پتوں کے سوا
اور بھی رنگ تھے رنگوں سے سوا
کون سا کیف تھا ان چیزوں میں
جن کی تم روح تھے ہم پیکر تھے
نور ہو سایہ ہو کہ تاریکی ہو
لاکھ میں جسم سے اور روح سے آراستہ پیراستہ ہو کر اٹھوں
بن بھی جائے یہ زمیں
میری کرشمہ گہ آلات گری
تو مگر اور ہی کچھ چیز ہے
تو نہ نوری ہے نہ ناری ہے نہ خاک آبی
تو نہ شمسی ہے نہ ارضی ہے نہ ہے مہتابی
تو نہ مریخ سے زہرہ سے نہ سرطان سے ہے
تیرے قدموں کے نشاں اور کہیں دیکھے تھے
جسم قد شکل یہ اطوار یہ تیور تیرے
تیری بو باس لباس پھول یہ زیور تیرے
خامشی تیری یہ آواز یہ چلنا تیرا آنا جانا
یہ ستاروں کا غبار
سلسلہ ہے یہ اداؤں کا
کہ ہے جسم کے پردوں پہ تیری روح کے نغموں کا خمار
اک نئی شان کا ہر روز نکھار
اور پھر سوچتا ہوں
تو تو کچھ اور ہے ان چیزوں کا مجموعہ نہیں
تو تو کچھ اور ہے ان سے بھی سوا
ان کے ہونے کا نہ ہونے کا بھی پابند نہیں تیرا وجود
تیرے قدموں کے نشاں اور کہیں دیکھے تھے
تیرے قدموں سے تو ہے آج بھی شاداب مرا سارا وجود
یاد رکھنے کی یہی بات تھی ابن آدم
تم نے جب چاند پہ رکھا تھا قدم
تم کسی اور ستارے سے یہاں آئے تھے

غالب احمد

نظم

کل ہم نے سپنا دیکھا ہے
جو اپنا ہو نہیں سکتا ہے
اس شخص کو اپنا دیکھا ہے

ابن انشا

نظم

۱
شام سمے اک اونچی سیڑھیوں والے گھر کے آنگن میں
چاند کو اترے دیکھا ہم نے چاند بھی کیسا پورا چاند

ابن انشا

نظم

یہی مکڑی تھی کہ جس نے
وہ غار ثور میں جالا
تھا کچھ ایسے بنا ڈالا
کہ دشمن بھی پہنچ کر واں
نہیں ان تک پہنچ پائے

ابن مفتی

نظم

تم خدا ہو
خدا کے بیٹے ہو
یا فقط امن کے پیمبر ہو
یا کسی کا حسیں تخیل ہو
جو بھی ہو مجھ کو اچھے لگتے ہو
مجھ کو سچے لگتے ہو
اس ستارے میں جس میں صدیوں کے
جھوٹ اور کذب کا اندھیرا ہے
اس ستارے میں جس کو ہر رخ سے
رینگتی سرحدوں نے گھیرا ہے
اس ستارے میں جس کی آبادی
امن بوتی ہے جنگ کاٹتی ہے
رات پیتی ہے نور مکھڑوں کا
صبح سینوں کا خون چاٹتی ہے
تم نہ ہوتے تو جانے کیا ہوتا
تم نہ ہوتے تو اس ستارے میں
دیوتا راکشش غلام امام
پارسا رند راہ بر رہزن
برہمن شیخ پادری، بھکشو
سبھی ہوتے مگر ہمارے لیے
کون چڑھتا خوشی سے سولی پر

کیفی اعظمی

نظم

۱
یہ بچہ کیسا بچہ ہے
یہ بچہ کالا کالا سا
یہ کالا سا مٹیالا سا
یہ بچہ بھوکا بھوکا سا
یہ بچہ سوکھا سوکھا سا

ابن انشا

نظم

چھوٹی سی بلو
چھوٹا سا بستہ
ٹھونسا ہے جس میں
کاغذ کا دستہ
لکڑی کا گھوڑا
روئی کا بھالو
چورن کی شیشی
آلو کچالو
بلو کا بستہ
جن کی پٹاری
جب اس کو دیکھو
پہلے سے بھاری
لٹو بھی اس میں
رسی بھی اس میں
ڈنڈا بھی اس میں
گلی بھی اس میں
اے پیاری بلو
یہ تو بتاؤ
کیا کام کرنے
اسکول جاؤ
اردو نہ جانو
انگلش نہ جانو
کہتی ہو خود کو
بلقیس بانو
عمر کی اتنی
کچی نہیں ہو
چھ سال کی ہو
بچی نہیں ہو
باہر نکالو
لکڑی کا گھوڑا
یہ لٹو رسی
یہ گلی ڈنڈا
گڑیا کے جوتے
جمپر جرابیں
بستے میں رکھو
اپنی کتابیں
منہ نہ بناؤ
اسکول جاؤ
اے پیاری بلو
اے پیاری بلو

ابن انشا

نظم

منی تیرے دانت کہاں ہیں
دانت تھے میں نے دودھ پلا کر سات برس میں پالے
آ کر ان کو لے گئے چوہے لمبی مونچھوں والے
گڑ کا ان کو ماٹ ملا تھا میٹھا اور مزے دار
لاکھ خوشامد کر کے مجھ سے لے لئے دانت ادھار
منی تیرے دانت کہاں ہیں
بلی تھی اک مامی موسی چپکے چپکے آئی
پنجوں پر تھی دیگ کی کھرچن ہونٹوں پر بالائی
بولی گڑ کے ماٹ پہ میں نے چوہے دیکھے چار
حصہ آدھوں آدھ رہے گا دے دو دانت ادھار
منی تیرے دانت کہاں ہیں
بعد میں بوڑھا موتی آیا رونی شکل بنائے
بولا بی بی اس بلی کا کچھ تو کریں اپائے
دودھ نہ چھوڑے گوشت نہ چھوڑے ہیں بڈھا لاچار
اس کو کروں شکار جو مجھ کو دے دو دانت ادھار
اچھی منی تم نے اپنے اتنے دانت گنوائے
کچھ چوہوں نے کچھ بلی نے کچھ موتی نے پائے
باقی جو دو چار رہے ہیں وہ ہم کو دلواؤ
اک دعوت میں آج ملیں گے تکے اور پلاؤ
مرغی کے پائے کا سالن بیگن کا آچار
دو گی یا کسی اور سے مانگوں
ہاں دیے ادھار
بابا ہاں ہاں دیے ادھار
منی تیرے دانت کہاں ہیں

ابن انشا

نظم

تین ہماری بہنیں چھوٹی
مل کر کھائیں آدھی روٹی
نا پتلی نا بالکل موٹی
میدو ان میں سب سے چھوٹی
میدو نے اک طوطا پالا
اس طوطے کا رنگ نرالا
نیچے نیلا اوپر کالا
ٹڈے ایسی آنکھوں والا
اس طوطے کی ہوئی چڑھائی
دن بھر کر کے مغز کھپائی
شام کو دی میدو نے دہائی
اس طوطے کو لینا بھائی
لاکھ پڑھائیں خاک نہ بولے
دم نہ ہلائے چونچ نہ کھولے
بہت کہو تو ہولے ہولے
فرش پہ مارے رہ رہ ٹھولے
بھائی نے سوچا اس کو بلائیں
چھیڑا جو اس کو دائیں بائیں
طوطا بولا کائیں کائیں
میدو بولی ہائیں ہائیں
میں نے اس کو طوطا سمجھا
یہ طوطا تو کوا نکلا
اس کوے کی دم میں تاگا
اس کے پیچھے چھوڑو کتا

ابن انشا

نظم

اک رات اندھیری ہے
اور وقت کی آندھی ہے
طغیانی کے عالم میں
اک رات گھروندا ہے
امید کا دیپک ہے
پروانے سا جذبہ ہے
اک میں ہوں خدا بھی ہے
اک روز سحر ہوگی
اک روز سحر ہوگی

ابن امید

نظم

کوئی جب پوچھتا ہے یہ
شیعہ ہو تم یا سنی ہو
وہابی ہو کہ دیوبندی
بتاؤ کون سے فرقے سے نسبت ہے
نہ جانے کیوں مجھے اک پل
سجھائی کچھ نہیں دیتا
میں گہری سوچ میں تب ڈوب جاتا ہوں
مرے اندر سے اک آواز آتی ہے
سنا ہے تم نے بچپن سے
کہ تم تو ابن آدم ہو
تو پھر سچ سچ بتاؤ نا
مسلمانوں کے فرقے کیا
کہ ہندو سکھ عیسائی
پارسی تک بھی
جہاں میں جتنے انساں ہیں
مرے بابا کے بیٹے ہیں
یہ مانا شکل و صورت میں
ذرا سے مختلف ہوں گے
رگوں میں دوڑتا ہے جو
لہو تو ایک جیسا ہے
سبھی اولاد آدم سے
کہ جس میں آدمیت ہو
مری تو اس سے نسبت ہے
اسی سے خون کا رشتہ
یہی سچ ہے
کہ جب میں ابن آدم ہوں
مرا مذہب وہی ہے جو
مرے بابا کا مذہب ہے

ارشد محمود ارشد

نظم

کوہ الماس پر
موسموں اور رنگوں کے جادو بھرے دیس میں
ابن ادنیٰ کو اک بار پھر سے بلایا گیا
ابن ادنیٰ کہ اپنے کمال مہارت میں بے مثل تھا
ایک انبوہ اس کے فسوں کی اطاعت میں تھا
دیوتاؤں کا وہ لاڈلا
قوم کی رہبری اس کے حصے میں تھی
خلقت شہر سب اس کے حلقے میں تھی
بے زباں
خلقت شہر آزردگاں
آسماں سے اتاری گئی مشکلوں سے نبرد آزما نیم جاں
اپنی حالت پہ نوحہ کناں
اور وہ
ہر نفس دیوتاؤں کی حمد‌ و مناجات میں مستعد
ایک نورانی بہروپ
جس کے توسل سے اس شہر ظلمات میں
مشکلوں کے خداؤں کی ساری خدائی
بہت شان سے
زندگی کے شجر سے خراج مسلسل طلب کر رہی تھی

عابد رضا

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے