کی تلاش کا نتیجه | موضو - نظم, صفحہ kured

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "kured"

نظم کے متعلقہ نتیجہ "kured"

نظم

وقت بہت ہے ہمارے پاس
وقت گزاری کے لیے
کمپیوٹر اسکرین پر روشن رہتے ہیں
بے حساب گڈمڈ حروف بے شمار بے خال و خط
آوازیں!
اجنبیت کی تہوں سے نئے رشتے نئے تعلق
جنہیں لٹکایا جا سکے کلینڈر کی طرح
سخت دل دیواروں پر
جنہیں لٹکایا جا سکے کلینڈر کی طرح
سب سے اچھا کھیل ہے
اجنبیت کو کریدنا
اور کرید رہے ہیں ہمارے بچے
نئے رشتے نئے گھر نئے وطن
کھیل ہی کھیل میں
کتنا بے رشتہ کتنا بے گھر کتنا بے وطن کر دیا ہے
ہمیں ہمارے بچوں نے!!!
ہمارے پاس تو صرف دیواریں بچی ہیں
جن پر لٹکائی جا سکتی ہے
بے مصرف رشتوں کی فراغت!!
اور وقت بہت ہے ہمارے پاس!!!

انجم سلیمی

نظم

خواب پرست! اجالا نہ کر
میرا خون سفید اور رنگ فق ہے
مجھے ناخن سے کرید، آ چل کے کہیں بیٹھیں
بادشاہ کے حضور کھڑے کھڑے میں شل ہو گئی
موم بتی کی طرح
مجھے الگنی پر ٹانگ دے کہ میری دوہرگی کا بوجھ
بان بٹنے والے پہ ہو تجھ پر نہ ہو
خواب پرست! مجھے جگا تو لے پھر سو جانا
کیونکہ نہیں جانا جس نے جو جانا
بھیڑ بہت ہے اور بیگانگی اس سے بھی بہت
لیکن میں تجھے بہتوں میں سے بھی ڈھونڈ لوں گی
با محبت با ایمان خوشبو دریچہ دریچہ پھری
اور کہتی تھی صدیوں کا کہا
بوند بوند مٹی کشید کرنے کا فن
کہو کہہ چکو
خوں بہا اناروں کے کھیت
پوشیدہ خزانوں کے خواب
انگوٹھی پہ مہر تیری آنکھیں
اور تو حاکم شہر
مہرباں! مہرباں! مہرباں
عذاب زیست سے حکم، رہائی کا دے
ایک موقعہ مجھے جگ ہنسائی کا دے!

نسرین انجم بھٹی

نظم

علم نے آج کریدے ہیں وہ ظلمات کے ڈھیر
وقت نے جس پہ بٹھائے تھے فنا کے پہرے
جاگ اٹھے صور سرافیل سے گونگے بہرے
تا ابد جن کے مقدر میں تھی دنیا اندھیر
یہ مگر عظمت انساں ہے کہ تقدیر کے پھیر؟

احمد فراز

نظم

بہت دنوں سے
وہ شاخ‌ مہتاب کٹ چکی ہے
کہ جس پہ تم نے گرفت وعدہ کی ریشمی شال کے ستارے سجا دیئے تھے
بہت دنوں سے
وہ گرد احساس چھٹ چکی ہے
کہ جس کے ذروں پہ تم نے
پلکوں کی جھالروں کے تمام نیلم لٹا دیئے تھے
اور اب تو یوں ہے کہ جیسے
لب بستہ ہجرتوں کا ہر ایک لمحہ
طویل صدیوں کو اوڑھ کر سانس لے رہا ہے
اور اب تو یوں ہے کہ جیسے تم نے
پہاڑ راتوں کو
میری اندھی اجاڑ آنکھوں میں
ریزہ ریزہ بسا دیا ہے
کہ جیسے میں نے
فگار دل کا ہنر‌ اثاثہ
کہیں چھپا کر بھلا دیا ہے
اور اب تو یوں ہے کہ
اپنی آنکھوں پہ ہاتھ رکھ کر
مرے بدن پر سجے ہوئے آبلوں سے بہتا لہو نہ دیکھو
مجھے کبھی سرخ رو نہ دیکھو
نہ میری یادوں کے جلتے بجھتے نشاں کریدو
نہ میرے مقتل کی خاک دیکھو
اور اب تو یوں ہے کہ
اپنی آنکھوں کے خواب
اپنے دریدہ‌ دامن کے چاک دیکھو
کہ گرد احساس چھٹ چکی ہے
کہ شاخ‌ مہتاب کٹ چکی ہے

محسن نقوی

نظم

کہاں تک خیمۂ دل میں چھپائیں
اپنی آسوں اور پیاسوں کو
کہاں تک خوف کے بے شکل صحرا کی ہتھیلی پر
کریدے جائیں آنکھیں اور
لکیریں روشنی کی پھر نہ بن پائیں
ہم انساں ہو کے بھی سائے کی خوشبو کو ترس جائیں

نوشی گیلانی

نظم

مری مٹی رہ سیارگاں کی ہم قدم نکلی
مری پلکوں پہ تارے جھلملاتے ہیں
بدن میں آگ جلتی ہے
مگر پاؤں میں خوں آشام رستے لڑکھڑاتے ہیں
یہ کیا شیرازہ بندی ہے
یہ میری بے پری کس کنج سے ہو کر بہم نکلی
نظر میں دن نکلتا ہے
پروں میں شام ڈھلتی ہے
مگر میں تو لہو کی منجمد سل ہوں
بدن کی کشت ویراں میں
یہ کس کی انگلیوں نے عمر بھر مجھ کو کریدا ہے
کہاں شریان میں چلتا ہوا یہ قافلہ ٹھہرا
کہ میں اس ہاتھ کی ریکھاؤں میں رنگ حنا ٹھہرا
کہاں جانا تھا مجھ کو
کس جگہ خیمہ لگانا تھا

عباس تابش

نظم

ہاتھ کاٹے گئے جرأت شوق پر
خوں چکاں ہو کے وہ گلفشاں ہو گئے
حیرتوں نے لگائی جو مہر سکوت
لب خموشی میں جادو بیاں ہو گئے
راستے میں جو کہسار آئے تو ہم
ایسے تڑپے کہ سیل رواں ہو گئے
ہیں ازل سے زمیں کے کرے پر امیر
ہو کے محدود ہم بیکراں ہو گئے
ذوق پرواز بھی دل کی اک جست ہے
خاک سے زینت آسماں ہو گئے

علی سردار جعفری

نظم

مرا تعارف
ارے نہ پوچھو
پرانے زخموں کو مت کریدو
مرا تعارف جو تم سمجھتے ہو وہ نہیں ہے

عشرت آفریں

نظم

عجیب پاگل سی لڑکی تھی
عجب سی خواہشوں کو لفظ دیتی تھی
عجب فرمائشیں کرتی
کبھی کہتی سنو ہم زاد میری بات
بہت ہی منفرد ہو تم
نہیں لگتے تم اس کرے کے باشندے
کہ اس دنیا میں کوئی اجنبی ہو تم
تمہیں کن کہنے والے نے فقط میرے لیے بھیجا

قمر جہاں نصیر

نظم

میں شہر تمنا کی تاراج نگری کے ملبے میں
لاچار و تنہا
کبھی اس کھنڈر پر کبھی اس کھنڈر تک
بھٹکتا ہوا
ڈھونڈتا پھر رہا ہوں
اپنے معصوم مسمار خوابوں کا ملبہ
تبھی اک طرف کو نظر جو گئی تو دکھائی دیا
ٹوٹے پھوٹے جلائے گئے کچھ مکاں
ایک مینار مسجد
کلش ایک مندر کا اوندھا پڑا ہے
کریدا تو ملبے کے نیچے میرا خواب
سانجھی وراثت کا ایک ساز بھی دفن تھا
مجھے یاد آیا
میرے اماں ابا نے اس ساز پر
کتنے الفت کے نغمے بجا کر سکھائے تھے ہم کو
جوانی میں
اس ساز کی نرم دل کش دھنوں پر
بڑے جوش اور حوصلے سے
ترانے محبت کے گائے تھے ہم نے
مگر پھر
روح پرور اذانوں کی آواز
اور مندروں کے بھجن
دل کشی بھول کر
اپنے غلبے کا اعلان بنتے گئے
شور اتنا بڑھا
ساز الفت کی آواز بھی دب گئی
شور سے جوش بڑھتا گیا
ہوش جاتا رہا
اور پھر یہ ہوا
آج شہر تمنا کی حالت ہے جو
جس طرف دیکھیے راکھ ہی راکھ ہے
اور میں
اپنی میراث کو
اپنی سانجھی وراثت کے ٹوٹے ہوئے ساز کو
اپنے دل سے لگائے
دل شکستہ و گریاں کھڑا ہوں
کیا کروں
اس کو ملبے میں ہی دفن کر دوں
مجھ سے یہ تو نہیں ہوگا
ایسا کرتا ہوں ٹوٹے ہوئے ساز کو
اپنی اولاد کو سونپ دوں
بس اسی آس پر
اسی امید میں
میرے بچے پھر اس ساز کو جوڑ کر
گیت الفت کے پھر گنگنانے لگیں
نفرتوں کو مٹانے لگیں
کاش یہ ہو سکے

عارف اختر نقوی

نظم

زمانے کے ستائے ہیں جو لوگوں کو ہنساتے ہیں
کریدا جب بھی دل ان کا ہزاروں غم ہی غم نکلے

غوث خواہ مخواہ حیدرآبادی

نظم

ہر سال ان صبحوں کے سفر میں اک دن ایسا بھی آتا ہے
جب پل بھر کو ذرا سرک جاتے ہیں میری کھڑکی کے آگے سے گھومتے گھومتے
سات کروڑ کرے اور سورج کے پیلے پھولوں والی پھلواڑی سے اک پتی اڑ کر
میرے میز پر آ گرتی ہے
ان جنباں جہتوں میں ساکن
تب اتنے میں سات کروڑ کرے پھر پاتالوں سے ابھر کر اور کھڑکی کے سامنے آ کر
دھوپ کی اس چوکور سی ٹکڑی کو گہنا دیتے ہیں
آنے والے برس تک
اس کمرے تک واپس آنے میں مجھ کو اک دن اس کو ایک برس لگتا ہے

مجید امجد

نظم

ہمارے مولوی صاحب کہتے ہیں
کہ مرد و عورت ایک دوسرے کے لباس ہیں
لیکن نہ جانے کیوں پہنا صرف مجھے ہی جاتا ہے
برتا صرف مجھے ہی جاتا ہے
مجھے ہی کریدا جاتا ہے گندگی کی حالت میں
اور صرف مجھے ہی نچوڑا جاتا ہے
کئی کئی دفعہ مختصر سے لمحے میں
ہاں صرف میں نچڑی جاتی ہوں
ایک امکان خوش آئند کی خاطر
ہاں میں نچڑتی ہوں اور پھر خود کو سکھاتی ہوں
کہ اگلی رات پھر سے مجھے پہنا جائے گا
اور برتا جائے گا
اور نچوڑا بھی
کیونکہ ہمارے مولوی صاحب کہتے ہیں
مرد اور عورت ایک دوسرے کے لباس ہیں

عاصم بدر

نظم

کون برسوں کی بجھی راکھ کریدے اے دوست
گاؤں سے دور کسی اجنبی رہرو کی طرح
شب کی تنہائی کے جنگل میں گھرا بیٹھا ہوں
دل میں زخموں کے سلگتے ہوئے کچھ نقش لئے

پریم واربرٹنی

نظم

کبھی کبھی کچھ زخم پرانے درد نیا سا دیتے ہیں
زخموں کے ان داغوں سے
کوئی یاد سی رسنے لگتی ہے
کبھی کبھی ماضی کا مدفن
جب کریدے تنہائی
یادوں کے کچھ ناگ نکل کر
پھر سے ڈسنے لگتے ہیں
اور نئے پرانے غم مل کر
سب مجھ پہ ہنسنے لگتے ہیں
آوازے کسنے لگتے ہیں
تو زخم بھی تازہ لگتا ہے
اور درد بھی تازہ لگتا ہے
تو نئے سرے سے ان یادوں کو
دفنانے لگ جاتی ہوں
تھک جاتی ہوں
کبھی کبھی

شگفتہ نعیم ہاشمی

نظم

اس نے اپنے سفید پپوٹے جھپکائے
مٹیالی آنکھوں سے پورے آسمان کو تاکا
اور سورج کو گود میں بھر کر بولا
بڑی آگ ہے تجھ میں
چل تجھے قطب شمالی میں دفن کرتے ہیں
چھوٹے چھوٹے سیاروں کی بھی اپنی زندگی ہوتی ہے
انہیں اپنے اپنے کرے پر گھومنے دے
کس میں پانی ہے
کس میں ہوا
یہ دیکھنا تیرا کام نہیں
اپنے سیارے پہ زندگی کی علامتیں ڈھونڈھنا
تلاش کا پہلا نکتہ ہے
تیری دوری فرحت بخش ہے
قربت اندوہ گیں
تجھے گود میں لے کر میری آغوش میں چھالے پڑ گئے

شہناز نبی

نظم

پیٹھوں پہ ہوائے شمسی مارتی ہے درے۔۔۔
دوری حرکت میں آتے ہیں ساکت کرے
افکار کا ورطہ بین النجم خلاؤں میں
آواز مہیب سے گھومتا ہے
سورج کے درخشاں باطن میں
تاریکی کا پر ہول ہیولیٰ کودتا ہے
شب کی اقلیم کے ہیکل پر
کالا بادل اپنا بجلی کا سہ شناخہ لہراتا ہے

آصف رضا

نظم

چنانچہ سر شام ہم سب کسی خاندان فرنگی سے بہر ملاقات نکلے
یہاں میرا ''ہم سب'' سے مطلب ہے وہ دوسرے ہم وطن اور پڑوسی کہ جو ملک افرنگ کی اس بڑی
جامعہ میں حصول زر علم و دانش کو آئے ہوئے تھے
''کسی'' سے یہ مطلب ہے ہم کو خبر تک نہیں تھی کہ ہم سب کہاں جا رہے ہیں
کہاں کس کو کس شخص کی میزبانی ملے گی
بہرحال یہ طائفہ اجنبی مہمانوں کا اک درمیانے سے گھر میزبانوں ہی کی رہنمائی میں پہونچا
وہاں ہم سے پہلے بھی کچھ لوگ موجود تھے
روایات بیگانگی فرنگی میں بستہ
طنابوں میں برفیلے ٹھٹھرے ہوئے یخ زدہ موسموں میں مقید
مگر جن کے چہروں پہ ان کی معیشت کے رسمی شگوفے کھلے تھے
تعارف کی اک مختصر تیز ٹھنڈی سی گردان
سو آخری نام کے آخری حرف کی ڈوبتی چند لہریں
سو آخری ہاتھ کے کھردرے چند ریزے
مرے حافظے میں تو کچھ بھی نہیں رہ گیا تھا
چنانچہ تعارف کے سنگین فرشوں کو اک بار پھر سے کریدا تو دیکھا
سطح سخت تھی اور ناخن بڑے نرم تھے
اس اثنا میں اک خانم میزبان دونوں ہاتھوں میں سینی اٹھائے
نبید مصفا و گل رنگ کے کچھ بلوریں پیالے سجائے
بصد ناز و انداز آئیں
ابھی اس نبید مصفا کے دو چار چکر ہوئے تھے
کہ بوسیدہ رسموں کی اونچی فصلیں
تعصب کے تاریک زنداں
تکلف کی چکنی منڈیریں
تصنع کی پرخار باڑھیں
سراسر یہ سب گر گئیں اور اجنبی ہم وطن بن گئے

پرتو روہیلہ

نظم

اول
حلقۂ یاراں میں کنعاں رات کے پچھلے پہر
بستیوں سے دور نہروں کے کنارے خیمہ زن
وہ درختوں کی ہواؤں میں ستارے خیمہ زن
بستیوں سے دور صحرا کے نظارے خیمہ زن
حلقۂ یاراں میں کتنے نازنیں نازک کمر
دوم
رقص کے ہنگام کتنے بازوؤں کا پیچ و خم
دیکھنے والوں کی نظروں میں اتر آنے کو ہے
یہ بدن کا لوچ جیسے روح بل کھانے کو ہے
یہ نظر کے سامنے کتنے ہی عالم خواب سے
رقص کے ہنگام ابھر آتے ہیں کتنے شوخ رنگ
اور کتنے تیز ہو جاتے ہیں نظروں کے خدنگ
یہ خیالوں کے گلستاں یہ نگاہوں کے قفس
رقص کے یہ دائرے شعلہ بداماں ہر نفس
سویم
رسم ادا ہونے نہ پائی تھی کہ خیموں کے قریب
شہ نشیں کی سمت دوڑے اس طرح وحشی نقیب
کتنے ارماں کتنے غم اشکوں میں ڈھل کر رہ گئے
عین جشن رسم کے ہنگام کنعاں کا گریز
کتنے منظر عارض و لب کے پگھل کر رہ گئے
کتنے لب حسرت چشیدہ کتنی آنکھیں اشک ریز
جیسے ساغر آئیں ہاتھوں میں مگر ٹوٹے ہوئے
چھیڑیو مت زندگی کے بال و پر ٹوٹے ہوئے
تار ہیں اس ساز کے اے نغمہ گر ٹوٹے ہوئے
چہارم
یہ قبیلوں کے شیوخ پختہ عمر و سخت کوش
وادیٔ دجلہ کے شہری کرد کے خانہ بدوش
لڑ رہے ہیں اپنی اپنی کج کلاہی کے لیے
کون دارو بن کے آئے کم نگاہی کے لیے
گرمئ گفتار سے ممکن نہیں دل کا رفو
گفتگو سے اور بڑھ جاتا ہے جوش گفتگو

قمر جمیل

نظم

اڑی جو گرد تا قدم بھی
تو ابر بن کے فلک پہ چھائی
مگر جو سورج نے آنکھ مل کے اسے کریدا
تو خاک ہو کر وہیں گری ہے
ہوا کے رفتار کب رکی ہے
بہاؤ دریا کا مستقل ہے
خفیف خنکی ہے سلب ہے شب میں
زمیں محور پہ گھومتی ہے
ابھی بھی رحم زمین میں
ٹھوس اور سیال دولتوں کی

ظہیر صدیقی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے