کی تلاش کا نتیجه | موضو - نظم, صفحہ matanabbe

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "matanabbe"

نظم کے متعلقہ نتیجہ "matanabbe"

نظم

ہستی کی متاع بے پایاں جاگیر تری ہے نہ میری ہے
اس بزم میں اپنی مشعل دل بسمل ہے تو کیا رخشاں ہے تو کیا
یہ بزم چراغاں رہتی ہے اک طاق اگر ویراں ہے تو کیا
افسردہ ہیں گر ایام ترے بدلا نہیں مسلک شام و سحر
ٹھہرے نہیں موسم گل کے قدم قائم ہے جمال شمس و قمر
آباد ہے وادیٔ کاکل و لب شاداب و حسیں گلگشت نظر
مقسوم ہے لذت درد جگر موجود ہے نعمت دیدۂ تر
اس دیدۂ تر کا شکر کرو اس ذوق نظر کا شکر کرو
اس شام و سحر کا شکر کرو ان شمس و قمر کا شکر کرو

فیض احمد فیض

نظم

درخت! میرے دوست
تم مل جاتے ہو کسی نہ کسی موڑ پر
اور آسان کر دیتے ہو سفر
تمہارے پیر کی انگلیاں
جمی رہیں پاتال کے بھیدوں پر
قائم رہے میرے دوست
تمہارے تنے کی متانت اور قوت
دھوپ اور بارش تمہیں اپنے تحفوں سے نوازتی رہے
تم بہت پروقار اور سادہ ہو
میرے تھیلے کو جاننا چاہتے ہو
ضرور.... یہ لو میں اسے کھولتا ہوں
روٹیاں دعائیں اور نظمیں
میرے پاس اس سے زیادہ کچھ نہیں
ایک شاعر کے پاس اس سے زیادہ کچھ نہیں ہوتا
دوست دکھ دینا تم نے سیکھا ہی نہیں
تم نے نہ تو مجھ سے شاعری کا مطلب پوچھا
اور نہ کبھی میرے مطالعے پر شک کیا
ایسا ہی ہونا چاہئے دوستوں کو
اگر میرے پاس اک اور زندگی ہوتی تو
تو میں اپنی پہلی زندگی تمہاری جڑوں پر گزار دیتا
مگر میں گھر سے خاندان بھر خوشیوں کے لیے نکلا ہوں
اور وہاں میرا انتظار کیا جا رہا ہے
تم نے میرے دوست
ہاں تم نے
بہت کچھ سکھایا ہے مجھے
مثلاً زمین اور آسمانی بجلی
اور ہوا
اور انتظار
اور دوسروں کے لیے زندہ رہنا
بہت قیمتی ہیں یہ باتیں
میں کیا دے سکتا ہوں اس فیاضی کا جواب
میرے پاس تمہارے لیے
ایک روٹی اور دعا ہے
روٹی: تمہاری چیونٹیوں کے لیے
دعا تمہارے آخری دن کے لیے
مجھے معلوم ہے تم نے کلہاڑی کے مصافحے
اور آری کی ہنسی سے کبھی خوف نہیں کھایا
مگر تم روک نہیں سکتے انہیں
کوئی بھی نہیں روک سکتا
خدا کرے
خدا کرے تمہاری شاخوں سے ایک جھونپڑی بنائی جائے
بازوؤں کے گھیرے میں نہ آنے والے تمہارے
تنے کی لکڑی
بہت کافی ہے
دو پہیوں اور ایک کشتی کے لیے
دوست: ہم پھر ملیں گے
مسافر اور چھکڑا
مسافر اور کشتی
کہیں نہ کہیں ہم پھر ایک ساتھ ہوں گے
کہیں نہ کہیں
ایک ساتھ.... ہم سامنا کریں گے
ہوا کا اور راستوں کا
مسرت اور موت کا....

ثروت حسین

نظم

اگر میں چیخوں
میں اپنے دل کی تمام گہرائیوں سے چیخوں
تو کائناتی نظام میں کیا خلل پڑے گا
یہی کہ
اندھے کنویں سے اک بازگشت ہوگی
کہے گی کیوں تم کو کیا ہوا ہے؟
تمہی بڑے آئے ہو کہیں کے
یہ آسمان و زمیں
یہ سورج یہ چاند تارے
تمام ماں باپ سارے اجداد
شہر کے سب شریف زادے
انہیں بھی دیکھو
یہ سب مصیبت زدہ، متانت سے
بردباری میں سہہ رہے ہیں
تمہی میں برداشت کی کمی ہے
اگر میں چیخوں تو
میری آواز بھی ملامت کرے گی مجھ کو
وہ سب کہیں گے
کہ کون یہ شور کر رہا ہے
ہماری نیندیں اچاٹ کر دیں
اگر میں چیخوں
تو سارا امن و سکون
نظم اور نسق
مجھ کو خلاف قانون، دشمن خلق کہہ کر
صلیب دے گا
مگر یہ چیخوں بھرا ہوا دل
کسی بھی لمحے
مجھے کہیں خوفناک راہوں پہ ڈال دے گا
صلاح دے گا
کہ زور سے چیخو
کہ جسم کے ساتھ
روح بھی سرد ہو گئی پھر
تو کیا کرو گے

فرحت احساس

نظم

مرے دوستوں میں بہت اشتراکی ہیں
جو ہر محبت میں مایوس ہو کر
یوں ہی اک نئے دورۂ شادمانی کی حسرت میں
کرتے ہیں دل جوئی اک دوسرے کی
اور اب ایسی باتوں پہ میں
زیر لب بھی کبھی مسکراتا نہیں ہوں
اور اس شام جشن عروسی میں
حسن و مے و رقص و نغمہ کے طوفان بہتے رہے تھے
فرنگی شرابیں تو عنقا تھیں
لیکن مے ناب قزوین و خلار شیراز کے دور پیہم سے
رنگیں لباسوں سے
خوشبو کی بے باک لہروں سے
بے ساختہ قہقہوں ہمہموں سے
مزامیر کے زیر و بم سے
وہ ہنگامہ برپا تھا
محسوس ہوتا تھا
تہران کی آخری شب یہی ہے!
اچانک کہا مرسدہ نے:
''تمہارا وہ ساتھی کہاں ہے؟
ابھی ایک صوفے پہ دیکھا تھا میں نے
اسے سر بہ زانو!''
تو ہم کچھ پریشان سے ہو گئے
اور کمرہ بہ کمرہ اسے ڈھونڈنے مل کے نکلے!
لو اک گوشۂ نیم روشن میں
وہ اشتراکی زمیں پر پڑا تھا
اسے ہم بلایا کیے اور جھنجھوڑا کیے
وہ تو ساکت تھا جامد تھا!
روسی ادیبوں کی سر چشمہ گاہوں کی اس کو خبر ہو گئی تھی

ن م راشد

نظم

اہل محفل کے لئے مشکل ہے اب تاب نشاط
آج پیمانوں سے چھلکے گی مے ناب نشاط

اسرار الحق مجاز

نظم

وقت کوئی شام نہیں
جسے وحشت سے ڈھانپا جا سکے
نہ کوئی گیت، جس کی لے
ہمارے ہونٹوں کی گرفت میں ہو
یہ ایک لا متناہی لا تعلق ہے
وقت ٹھہرا رہتا ہے
ان زمینوں پر
جہاں سے نئے قافلے نکل پڑتے ہیں
وقت گزاری کے کٹھن سفر پر
گزشتہ بہت پیچھے رہ گیا
جہاں تک کوئی سڑک نہیں جاتی
گاڑی کی کھٹ کھٹ سے
شہر کی ویرانی کہاں کم ہوتی ہے
مقفل گھروں
اور قہوہ خانوں کی بھنبھناہٹ میں
ساری باتیں تو لوگ کرتے ہیں!
کتابوں کی جلدیں، کاغذوں کا شور
موبائل کے پیغامات
اور وقت گزر جاتا ہے
حالانکہ نہیں گزرتا
بچوں کو سیڑھیاں چڑھا چکنے کے بعد
دہلیز پر بیٹھ کر
کسی بے سمت افق کو گھورتے ہوئے؟
حساب کرتے ہوئے
ان خوابوں کا، جو دیکھے

ابرار احمد

نظم

دیکھ کر سرخئ رخسار گلستاں گلچیں
اپنے دستور میں ترمیم کیے جاتا ہے
متنبہ بھی کیے جاتا ہے ہر پتے کو
نام بھی فصل بہاراں کا لیے جاتا ہے

پرویز شاہدی

نظم

درد کے لا متناہی صحرا سے گزرنے کے بعد ماں نے آنکھیں کھولیں
دیکھا دعا کے لیے اٹھے ہاتھ گر چکے تھے کیونکہ میں
رو رہی تھی
میں روتی رہی اور ماں مسکرا دی

عاصم بدر

نظم

تھا حسن اتفاق کہ ٹی کورنر میں کل
قسمت سے میری مل گئے اک انٹلکچوئل
بیٹھے ہوئے تھے زاویۂ قائمہ بنے
جیسے محاذ پر ہو کوئی فیلڈ مارشل
رکھا تھا پورٹ فولیو بیگ ایک میز پر
اور اس سے متصل تھیں کتابیں ڈبل ڈبل
موٹی سی میگزین بھی تھی اک دھری ہوئی
جس کے سر ورق پہ تھے سر جون مائیکل
یوں عالم خیال میں ڈوبے ہوئے تھے آپ
جیسے دماغ میں ہو کسی مسئلے کا حل
الجھے ہوئے تھے بال حجامت بھی تھی بڑھی
چہرے پہ ادعائے متانت جبین پہ بل
میں نے بصد خلوص و ادب چائے پیش کی
اور اس کے بعد آیا رخ گفتگو نکل
موسم کے تذکرے سے چلی بات ادب کی سمت
اپنی جگہ پر آپ کا ہر قول تھا اٹل
ہر بات میں کہیں کا حوالہ ضرور تھا
اس سے غرض نہ تھی کہ حوالہ ہو بر محل
اردو کے ارتقا کی طرف بات جب مڑی
کہنے لگے کہ تیز ہے رفتار آج کل
میں نے کہا کہ ذہن ابھی تک غلام ہیں
جاتا نہیں دماغ سے تقلید کا خلل
افکار مستعار ہیں تخئیل مستعار
ہر نکتہ بے مقام ہے ہر لفظ بے محل
تنقید چھیڑ چھاڑ ہے تحقیق کھود کھاد
چلتے ہیں یوں قلم کہ چلے جس طرح سے ہل
افسانوں کے مزاج میں افسانہ پن نہیں
اس شتر بے مہار کی سیدھی ہے کون کل
پریوں کے بدلے اس میں مشینوں کا ناچ ہے
اک جوٹ مل بنا ہے پری‌‌ خانۂ غزل
پہلے تھا فارسی کے تتبع پر افتخار
اب مغربی ادب کی غلامی ہے بے خلل
بولے فضول آپ نہ بکواس کیجیے
اب کاروان فکر کی راہیں گئیں بدل
میں نے کہا کہ چند ادیبوں کا نام لیں
اپنی ڈگر بنا کے جو چلتے ہیں آج کل
بولے کہ ایک موسیو ژاں پال سارتر
جس نے بنا دیا ہے ہمیں انٹلکچوئل
اور دوسرا ہے جیمس جوائس ادیب عصر
پرزے دل و دماغ کے دیتا ہے جو بدل
میں نے کہا حضور یہ اردو کا تھا سوال
بولے کہ آپ بحث کریں مجھ سے یہ مجال

رضا نقوی واہی

نظم

ظرافت اس کی فطرت کا تقاضہ
متانت اس کے فکر و فن کا جوہر
محبت روح اس کی شاعری کی
کہاں ہوں گے بھلا ایسے سخنور
زمانہ کس لئے اس کو مٹاتا
وہ انساں تھا نہ تھا حرف مکرر

رفعت سروش

نظم

مجھے تو بے سکوں سا کر گیا اس شوخ کا کہنا
حقیقت کے ترازو میں کبھی تولا ہے جذبوں کو
محبت کے تقدس کا بھرم رکھا کبھی تو نے
کبھی بے ساختہ لپٹا ہے محروم صباحت سے
کبھی حال کجی پوچھا ہے مسحور قباحت سے
کبھی دشت جنوں پاٹا ہے جذبات ارادت سے
کبھی صرصر سے تلخی کا سبب پوچھا متانت سے
کبھی ترجیح دی خاک چمن پر ریگ صحرا کو
گل و بلبل سے ہٹ کر بھی کبھی دیکھا ہے فطرت کو
گل و بلبل بجا لیکن چمن میں خار بھی تو ہے
صباحت وقف گلشن ہی نہیں کہسار بھی تو ہیں
کئی پوشیدہ از فکر و نظر شہکار بھی تو ہیں
غلط ہیں ناصیہ فرسائیاں تیری طلب تیری
تری راہیں جدا ہیں اہل دل سے اہل حسرت سے
ترا حسن نظر محدود ہے ذاتی مقاصد تک
تری یہ شپرہ چشمی ہی تجھے برباد کر دے گی

محمد تنویرالزماں

نظم

بزم خاموش میں چھڑنے کو ہے پھر ساز حیات
منتظر بیٹھے ہیں سب گوش بر آواز حیات
قابل دید ہے طوفان سے پہلے کا سکوں
جوش و ہنگامہ و ہیجان سے پہلے کا سکوں
یاس و امید میں تفریق ہے مشکل اس دم
ہمہ تن ساکت و مبہوت ہے محفل اس دم
ٹکٹکی باندھے بیک طور ہزاروں آنکھیں
اک کف پیر مغاں اور ہزاروں آنکھیں
کوئی آگاہ نہیں دور کدھر آئے گا
کس کے ہاتھوں میں خط جام نظر آئے گا
ہر گھڑی سینوں میں ہے کشمکش شک و یقیں
مجلس عیش میں بھی صورت آرام نہیں
کس نے آغاز کیا زمزمۂ بزم طرب
لب جاں بخش کی تھوڑی سی بھی جنبش ہے غضب
مژدۂ امن و اماں صلح کا پیغام ہے کیا
جنگ آزادیٔ انساں کا سرانجام ہے کیا
ساز الفت کی نوا سوز محبت تو نہیں
نغمۂ عدل و مساوات و اخوت تو نہیں
مطلب زیست کی تفہیم میں کیا دیر ہے اب
نعمت عام کی تقسیم میں کیا دیر ہے اب
طالب ساغر نو بزم کہن ہے ساقی
انتظار آخر شب صبر شکن ہے ساقی

فضل الرحمٰن

نظم

جوانی کیا ہے تم سے کیا کہیں ہم
جوانی کا ہے اب پیری میں ماتم
جوانی شعلۂ آتش فشاں ہے
جوانی زیست کا راز نہاں ہے
جوانی ہے جواب خندۂ گل
جوانی اہتمام ساغر و مل
جوانی اضطراب زندگی ہے
جوانی پیچ و تاب زندگی ہے
جوانی زندگی کا اک تبسم
جوانی زندگی کا اک ترنم
جوانی مطلع نور سحر ہے
جوانی رشک خورشید و قمر ہے
جوانی زندگی کا خون تازہ
جوانی چہرۂ انساں کا غازہ
جوانی کیا شراب زندگی ہے
جوانی التہاب زندگی ہے
جوانی گرمیٔ بازار عالم
جوانی گیسوئے خم دار عالم
جوانی خامشی کی گفتگو ہے
جوانی خوبصورت خوب رو ہے
جوانی ہے بہار زندگانی
جوانی لالہ زار زندگانی
جوانی میں عجب اک دل کشی ہے
جوانی میں عجب اک مہ وشی ہے
جوانی زندگی کا نقش اول
جوانی ایک شورش ایک ہلچل
جوانی سایۂ بال ہما ہے
جوانی میں جہاں بھی زیر پا ہے
جوانی جیسے پانی کی روانی
جوانی میں ہر اک غم پانی پانی
جوانی میں نہاں اک بانکپن ہے
جوانی زندگانی کی دلہن ہے
جوانی ابتدائے ذوق پرواز
جوانی انتہائے شوق پرواز
جوانی ایک حرف دل نشیں ہے
جوانی زیست کا تاج و نگیں ہے
جوانی زندگانی کا ہے دم خم
جوانی طاقت سہراب و رستم
جوانی آسمان زندگی ہے
جوانی ہی نشان زندگی ہے
جوانی کوہکن کا زور بازو
جوانی ایک افسوں ایک جادو
جوانی جوشش کردار پیہم
جوانی گرمیٔ رفتار پیہم
جوانی مخزن حرف و حکایات
جوانی مرکز کشف و کرامات
جوانی چشمۂ تسنیم و کوثر
جوانی آب رحمت کا سمندر
جوانی لغزش مستانۂ عشق
جوانی بازیٔ طفلانۂ عشق
جوانی داستان قیس و لیلیٰ
جوانی قصۂ یوسف زلیخا
جوانی کیا ہے برق طور گویا
جوانی کیا جمال حور گویا
جوانی سوزش روز قیامت
جوانی ایک حدت اک حرارت
جوانی خودستائی خود نمائی
جوانی جنگ جوئی کج ادائی
جوانی زندگی کا زمزمہ ہے
جوانی زندگی کا طنطنہ ہے
مگر اب زندگی کو ساتھ لے کر
جوانی جا چکی پیری کو دے کر
جوانی کو نہ پوچھو اب کہاں ہے
جوانی شمع کشتہ کا دھواں ہے

امجد نجمی

نظم

نہ پوچھو کس جہان رنگ و بو سے ہو کے آئے ہیں
جہاں دل سے متاع بے بہا ہم کھو کے آئے ہیں
قیامت تھا نظارہ اس گلستان محبت کا
نم رخسار گل سے چشم تر ہم دھو کے آئے ہیں
خدا اس خطۂ گلزار کو پھولا پھلا رکھے
جہاں ہم نو بہ نو تخم محبت بو کے آئے ہیں
محبت کرنے والوں کی محبت سے بہت کم تھا
دم رخصت ہم ان کے آگے جتنا رو کے آئے ہیں
ہماری خواب کی رنگینیوں کا پوچھنا کیا تھا
محبت کی فضا میں فرش گل پر سو کے آئے ہیں
علاء الدین سے مل کر ادھر لوٹے ہیں ہم جب سے
سب اہل دل یہ کہتے ہیں کہ ہم کچھ ہو کے آئے ہیں
ضیائیؔ اور نیرؔ کے سوا اور نام بھی ہوں گے
محبت کے صحیفوں میں فقط ان دو کے آئے ہیں
ٹھہرتے ہی ٹھہرتے یہ دل بیتاب ٹھہرے گا
ابھی کے دن ہوئے جب ہم کراچی ہو کے آئے ہیں

نواب سید حکیم احمد نقوی بدایونی

نظم

تمہاری سب متاع بے بہا
پھر سے گپھاؤں کی امانت ہو گئی ہے
اور وہ سانپ اس کے پہرے دار

یحیٰ خان یوسف زئی

نظم

قفس کا در کھلا اک نیم جاں کم سن
پرندہ چند خستہ زائچوں پر رقص کے انداز میں آگے
بڑھا، پھر چونچ سے اپنا پسندیدہ
مصور زائچہ اس نے اٹھایا اور اپنے ہی
ہدایت کار کے آگے
ادب سے رکھ دیا جھک کر
ہدایت کار گرچہ نور سے تھا بدگماں محروم نا خواندہ
سر سیل رواں اک برگ بے مایہ
نوشت بخت کے اسرار سے واقف تھا وہ شاید
نظر کے رو بہ رو اس نے
متاع بے نہایت کے فسانے سے مجھے خوش حال کر ڈالا
مجھے پامال کر ڈالا
سبھی موج ضیا میں تھے
سبھی کے چشم و دل میں ایک شعلہ تھا
سبھی خاموش گم سم ہیں
یہاں سے کون جائے گا
یہاں پر کون آئے گا
پرندہ نیم جاں کم سن
قفس میں جا چکا کب کا
ہدایت کار کی آنکھوں میں لوٹ آئی ہے ویرانی
جو کل خالی تھا وہ دست طلب ہے آج بھی خالی
لبوں پر لطف اندام نہاں کی ان سنی گالی

بلراج کومل

نظم

شام پہلی فروری کی
رائٹرس بلڈنگ سے بس دو قدم
اک گلی کے موڑ پر
اک جواں
خون سے تر شرٹ سینے کے قریب
اور چہرے پر نقوش کربناکیٔ اجل
ایک پرزہ یوں تھا مٹھی میں دبا
جیسے ہو کوئی متاع بے بہا
ایک گڑیا
چاکلیٹ
لیکٹوجن
کاپیاں پنسل کتاب
چوڑیاں سرمہ لپ اسٹک
چائے پتی
اور پھر
خون کے دھبے سیاہی
بے بسی کی داستاں

علقمہ شبلی

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے