کی تلاش کا نتیجه | موضو - نظم, صفحہ mausam-e-garmaa

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "mausam-e-garmaa"

نظم کے متعلقہ نتیجہ "mausam-e-garmaa"

نظم

چاند کب سے ہے سر شاخ صنوبر اٹکا
گھاس شبنم میں شرابور ہے شب ہے آدھی
بام سونا ہے، کہاں ڈھونڈیں کسی کا چہرا
(لوگ سمجھیں گے کہ بے ربط ہیں باتیں اپنی)
شعر اگتے ہیں دکھی ذہن سے کونپل کونپل
کون موسم ہے کہ بھرپور ہیں غم کی بیلیں
دور پہنچے ہیں سرکتے ہوئے اودے بادل
چاند تنہا ہے (اگر اس کی بلائیں لے لیں؟)
دوستو جی کا عجب حال ہے، لینا بڑھنا
چاندنی رات ہے کاتک کا مہینہ ہوگا
میر مغفور کے اشعار نہ پیہم پڑھنا
جینے والوں کو ابھی اور بھی جینا ہوگا
چاند ٹھٹھکا ہے سر شاخ صنوبر کب سے
کون سا چاند ہے کس رت کی ہیں راتیں لوگو
دھند اڑنے لگی بننے لگی کیا کیا چہرے
اچھی لگتی ہیں دوانوں کی سی باتیں لوگو
بھیگتی رات میں دبکا ہوا جھینگر بولا
کسمساتی کسی جھاڑی میں سے خوشبو لپکی
کوئی کاکل کوئی دامن، کوئی آنچل ہوگا
ایک دنیا تھی مگر ہم سے سمیٹی نہ گئی

ابن انشا

نظم

وہ ندی جو کہ یہاں روز کھلکھلاتی ہے
عزم سے جس کے یاں شاداب ہیں کنارے بھی
وہ جو سورج کے نکلنے پہ بھی چمکتی ہے
گود میں اپنی جو مہتاب کو جھلاتی ہے
جس کا موسم کے اشاروں پہ اترنا چڑھنا
یہ بتاتا رہا کب خوش ہے وہ غمگیں ہے کب
پھر سمندر سے ملے یا وہ بڑے دریا سے
اپنے ادگم سے وہ ہر حال جڑی رہتی ہے
سازشیں کرتے رہے موسم گرما اکثر
اس نے بدلی ہی نہیں راہ کبھی بھی اپنی
پر یہ حالات یہ طوفان حوادث جیسے
بن گئے ہیں سبھی اس آب رواں کے دشمن
دیکھ کر اب یہ مناظر میں یہی سوچتا ہوں
کتنی ملتی ہے ندی تجھ سے کہانی میری

راج کمار کوری راز

نظم

دیکھ کبھی تو موسم گل کو
پت جھڑ کی آوازوں میں
اور کبھی تو پربت بن جا
اور کبھی بہہ ساگر میں
صحراؤں میں تنہا چل
اور ہنستا جا گلزاروں میں
پتھر سے اگا لے پھولوں کو
خاروں میں شیرینی بھر دے
روتی شبنم ڈھلتا سورج
سانجھ کی سندر بیلا بھی
صبح کا تارا چاند کا ہالہ
ہر موسم البیلا بھی

رخسانہ نکہت لاری ام ہانی

نظم

آہ صد افسوس ہے پھر آم رخصت ہو گیا
جس کو کھاتا تھا میں صبح و شام رخصت ہو گیا
کیوں نہ اس غم پر پڑھوں میں انا للہ دوستو
در حقیقت رب کا اک انعام رخصت ہو گیا
حوصلہ رکھ منتظر رہ موسم گرما کا پھر
بین مت کر اب دل ناکام رخصت ہو گیا
دیکھنے سے جس کے ہوتی تھیں نگاہیں شادباد
جس سے پاتا تھا یہ دل آرام رخصت ہو گیا
روکنا چاہا بہت لیکن وہ نکلا بے وفا
آخرش محبوب خاص و عام رخصت ہو گیا
پھیکی لگتی ہے مجھے تو زندگی اس کے بغیر
کیف و لذت کا وہ شیریں جام رخصت ہو گیا
سیر کیا ہوتی طبیعت بطن ہے خالی ابھی
چھوڑ کر وہ مجھ کو تشنہ کام رخصت ہو گیا
اب کسی کے جال میں یہ قید ہو سکتا نہیں
تھا اثرؔ جس کا اسیر دام رخصت ہو گیا

شاہین اقبال اثر

نظم

قصہ ہے یہ دو سال پہلے کا
اک معصوم سی بچی کے بچپنے کا
پوچھا مجھ سے بیٹی کی بیٹی نے
یعنی پیاری سی اک نواسی نے
نانو کبھی جاڑوں میں کبھی گرمی میں
اور کبھی تیز موسلا دھار بارش میں
کیا کیا کہانیاں آپ مجھے سناتی ہیں
سنتے سنتے میں کبھی سو جاتی ہوں
کبھی محو حیرت بنی تخیل میں کھو جاتی ہوں
میرا ننھا سا ذہن مایوس سا رہ جاتا ہے
قصۂ یوسف کی زلیخا تو بالکل ہی بھاتی نہیں
ہاں یوسف کی محبت میں ان کے بابا کا رونا دل دکھاتا ہے
کشتیٔ نوح میں جانوروں کا ہجوم اف اللہ
موسیٰ کی چھڑی سانپ بن جانا بہت ڈراتا ہے
آج موسم تو بڑا گرم ہے اور بجلی بھی گل
میں آج آپ سے اک سوال پوچھتی ہوں نانو
دنیا گر نہ گھومتی تو یہ موسم گرما کیسے آتا
باغ میں پھولوں کی بہار سردیوں میں ہی کیوں آتی ہے
جنت کا منظر تو بڑا خوش نما بتایا آپ نے
اللہ تو بڑا رحیم و کریم ہے تو پھر جہنم کیوں بنائی
جستجو ہے یہ مجھے کہ آدم و حوا جو دنیا میں آئے
کون سی رت چل رہی تھی اور کون سا تھا موسم
زمیں تپ رہی تھی یا سردیوں کی تھی ٹھنڈی رات
چل رہی تھی پت جھڑ کی گرم ہوائیں یا تھا سرسبز موسم برسات
سوچ کر میرے ان سوالوں کا جواب بتائیں
تب پھر آپ اس قصہ کو آگے بڑھائیں
ان قصوں کی حقیقت میں میں بہت کھو جاتی ہوں
اسی لئے ٹی وی کھول رنگینیوں میں گم ہو جاتی ہوں

مسعودہ امام

نظم

میں نے انٹرویو کیا کل ایک روزہ خور سے
میں زباں سے بولتا تھا وہ شکم کے زور سے
میں نے پوچھا آپ نے روزہ یہ کیوں رکھا نہیں
پیٹ دکھلانے لگا بولا کہ یوں رکھا نہیں
روزہ یوں رکھا نہیں چلتی نہیں باد صبا
موسم گرما میں روزے آئے ہیں اس مرتبہ
جاب کرنی ہے ضروری کام کرنا ہے مجھے
کوک پزّا کے سہارے شام کرنا ہے مجھے
میں نے لسی کے گلاسوں میں پیا کچھ اور ہے
دوپہر میں مرغ کھانے کا مزا کچھ اور ہے
دن میں کھانے کے لیے اقرار کر لیتا ہوں میں
شام کو مسجد میں بھی افطار کر لیتا ہوں میں
کوئی شے کھاتے ہوئے میں نے چھپائی ہی نہیں
آج تک میری ہوئی روزہ کشائی ہی نہیں
روزہ خوری پر مری دنیا کو حیرانی نہیں
روزہ یوں رکھا نہیں بجلی نہیں پانی نہیں
میں جو بے روزہ ہوں یہ بھی تاجروں کا ظرف ہے
سو روپے اجرت ہے میری سو روپے کا برف ہے
روح افزا کے بنا دنیا کی حوریں رہ گئیں
روزہ داروں کے لیے سوکھی کھجوریں رہ گئیں
روزہ یوں رکھا نہیں ہو جائے گا کھانا خراب
لنچ پر آئے گی کل ہوٹل میں رشک ماہتاب
میں ہوں شاعر مہرباں ہے مجھ پہ خلاق ازل
پیش کرنی ہے مجھے محفل میں اک تازہ غزل
اجر روزہ کیا ہے یہ شعروں میں بتلاؤں گا میں
لنچ میں افطار کی تشریح بن جاؤں گا میں
بھوک اور شاعر کا چوں کہ چولی دامن کا ہے ساتھ
مجھ سے بڑھ کے جانتا ہے کون روزہ کی صفات
پندرہ گھنٹے کا روزہ ہر جوان و پیر کا
شام کرنا صبح کا لانا ہے جوئے شیر کا

خالد عرفان

نظم

فطرت کے پجاری کچھ تو بتا کیا حسن ہے ان گلزاروں میں
ہے کون سی رعنائی آخر ان پھولوں میں ان خاروں میں
وہ خواہ سلگتے ہوں شب بھر وہ خواہ چمکتے ہوں شب بھر
میں نے بھی تو دیکھا ہے اکثر کیا بات نئی ہے تاروں میں
اس چاند کی ٹھنڈی کرنوں سے مجھ کو تو سکوں ہوتا ہی نہیں
مجھ کو تو جنوں ہوتا ہی نہیں جب پھرتا ہوں گلزاروں میں
یہ چپ چپ نرگس کی کلیاں کیا جانے کیسی کلیاں ہیں
جو کھلتی ہیں، جو ہنستی ہیں اور پھر بھی ہیں بیماروں میں
یہ لال شفق یہ لالہ و گل اک چنگاری بھی جن میں نہیں
شعلے بھی نہیں گرمی بھی نہیں ان تیرے آتش زاروں میں
اس وقت کہاں تو ہوتا ہے جب موسم گرما کا سورج
دوزخ کی تپش بھر دیتا ہے دریاؤں میں کہساروں میں
جاڑے کی بھیانک راتوں میں وہ سرد ہواؤں کی تیزی
ہاں وہ تیزی وہ بے مہری جو ہوتی ہے تلواروں میں
دریا کے تلاطم کا منظر ہاں تجھ کو مبارک ہو لیکن
اک ٹوٹی پھوٹی کشتی بھی چکراتی ہے منجدھاروں میں
کوئل کے رسیلے گیت سنے لیکن یہ کبھی سوچا تو نے
ہیں الجھے ہوئے نغمے کتنے اک ساز کے ٹوٹے تاروں میں
بادل کی گرج بجلی کی چمک بارش میں وہ تیزی تیروں کی
میں ٹھٹھرا سمٹا سڑکوں پر تو جام بہ لب مے خواروں میں
سب ہوش و خرد کے دشمن ہیں سب قلب و نظر کے رہزن ہیں
رکھا ہے بھلا کیا اس کے سوا ان راحت جاں مہ پاروں میں
وہ لاکھ ہلالوں سے بھی حسیں کیسی زہرہ کیسی پرویں
اک روٹی کا ٹکڑا جو کہیں مل جائے مجھے بازاروں میں
جب جیب میں پیسے بجتے ہیں جب پیٹ میں روٹی ہوتی ہے
اس وقت یہ ذرہ ہیرا ہے اس وقت یہ شبنم موتی ہے

معین احسن جذبی

نظم

اس کی آشا بہار کی امید
بادلوں کے نکھار کی امید
موسم خوش گوار کی امید
ہلکی ہلکی پھہار کی امید

نسیم امروہوی

نظم

دن ڈھلے دیکھ لیا تھا کوئی اڑتا بادل
کنمناتی ہے فضا موسم باراں کی طرح

قتیل شفائی

نظم

دوسرا موسم
آ بھی جا نا
کہیں بہاریں بیت نہ جائیں
پھر یہ جدائیاں جیت نہ جائیں

ثمینہ اسلم ثمینہ

نظم

ہوتا ہے ختم موسم سرما کا بانکپن
سرسوں کے پھول ہیں نئے ارماں لیے ہوئے

شاداں بارہ بنکوی

نظم

لارنس باغ کیف و لطافت کے خلد زار
وہ موسم نشاط وہ ایام نو بہار
بھولے ہوئے مناظر رنگیں بہار کے
افکار بن کے روح میں میری اتر گئے
وہ مست گیت موسم عشرت فشار کے
گہرائیوں کو دل کی غم آباد کر گئے
لارنس باغ کیف و لطافت کے خلد زار

ن م راشد

نظم

یوں تو موسم آئے بھی اور چل دئے
کتنے موسم
کیا دئے
کیا لے گئے
کس کو پتہ

تنہا تماپوری

نظم

دنیا میں کیا نہیں حسیں
بے حسن کوئی شے نہیں
حسن ہے لالہ زار میں
کیفیت بہار میں
سینۂ داغدار میں
نرگس سوگوار میں
سبزۂ جوئبار میں
موسم خوش گوار میں
وادی و کہسار میں
جلوۂ حسن ہے نہاں
جلوۂ حسن ہے نہاں
شورش آبشار میں

اصغر حسن مجیبی

نظم

پھر خندۂ گل کا شور ہوا
پھر موسم گل کا ساز بجا
پھر رنگ رنگ کے پھول کھلے
پھر دور خزاں کا مٹ کے رہا

عرش ملسیانی

نظم

کوئی سنتا نہیں خرد کی بات
میکدے میں جنوں کی چلتی ہے
موسم گل ہو ابر باراں ہو
ایسی رت ہو تو پینی پڑتی ہے

دھرم پال عاقل

نظم

کچھ اس طرح کے خلا
میرے روز و شب میں ہے
جو فاصلے سے کسی کو نظر نہیں آتے
کچھ اس طرح کے تضادات
مجھ میں یکجا ہیں
جو عقل و فہم کے زیر اثر نہیں آتے
مرے قریب جو آتا ہے خوش نہیں رہتا
میں سوچتا ہوں
کہ تو جتنے فاصلے پر تھا
خوشی کے موسم گل رنگ میں وہیں رہتا

معین نظامی

نظم

یہ برسات یہ موسم شادمانی
خس و خار پر پھٹ پڑی ہے جوانی
بھڑکتا ہے رہ رہ کے سوز محبت
جھما جھم برستا ہے پر شور پانی

کیفی اعظمی

نظم

فضا میں موسم گل کی
خنک سی تازگی پھیلی ہوئی ہے
جہاز اور موٹروں کے شور سے محفوظ دنیا میں
دھویں اور دھول سے عاری فضا میں
پرندے چہچہاتے ہیں

عشرت آفریں

نظم

میرے محبوب
چل اب دور کہیں دور چلیں
موسم گل کبھی برسات سے جی ڈرتا ہے
اور کبھی شدت جذبات سے جی ڈرتا ہے
یعنی اب تیری ملاقات سے جی ڈرتا ہے

حبیب عاصم

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے