Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "be-vazuu"

Nazm MATCHES FOR "be-vazuu"

Nazm

kuch

ma.abuud is aaKHirii safar me.n
tanhaa.ii ko sruKH-ruu hii rakhnaa
juz tere nahii.n ko.ii nigah-daar
us din bhii KHayaal tuu hii rakhnaa
jis aa.nkh ne umar bhar rulaayaa
us aa.nkh ko be-vazuu hii rakhnaa

Iftikhar Arif
Nazm

KHalal

hauz me.n
be-harakat
paanii kii sat.h par
ek me.nDak
paa.nv lambaa.e
aaraam se
uu.ngh rahaa hai!
abhii ko.ii
vazuu karne aa.egaa
aur
paanii me.n
halchal machaa.egaa!!

Mohammad Alvi
Nazm

be-KHwab nind

na jaane kaun vo bahruupiyaa hai
jo har shab
mirii thakii hu.ii palko.n kii sabz chhaa.nv me.n
tarah tarah ke karishme dikhaayaa kartaa hai
lapaktii surKH lapaT
jhuumtii hu.ii Daalii
chamakte taal ke paanii me.n Duubtaa patthar
ubharte phailte ghero.n me.n tairte KHanjar
uchhaltii ge.nd raba.D kii sadhe hu.e do haath
sulagte khet kii miTTii pe TuuTtii barsaat
ajiib KHvaab hai.n ye
binaa vazuu kiye so.ii nahii.n kabhii mai.n to
mai.n sochtii huu.n
kisii roz apnii bhaabii ke
chamakte paa.nv kii paazeb to.D kar rakh duu.n
ba.Dii shariir hai har vaqt shor kartii hai.n
kisii tarah sahii be-KHvaab nii.nd to aa.e
gha.Dii gha.Dii kii musiibat se jaan chhuT jaa.e

Nida Fazli
Nazm

shab-e-hijran

havaa be-mehr thii us raat ThanDii aur kaTiilii
saa.ns lenaa sar se uu.nchii lahr se Takkar lagaanaa thaa
sadaa ko.ii nahii.n thii
samt kii ta.ayyun mushkil thii
nashebii bastiyo.n me.n raaste ik duusre me.n KHatm hote the
tujhe kyaa alam hai vo raat sar-taa-paa shab-e-hijraa.n hamaare haq me.n kaisii thii
lakiire.n haath kii naa-mehrbaa.n
maathaa ma.iishat kii tarah ta.ng aur ghar barkat se chehra nuur se aarii
gunaaho.n kaa kyaa maqduur thaa achchhaa amal bhii ho nahii.n paayaa
kisii bu.Dhiyaa kii kuTiyaa me.n diyaa jhaa.Duu
na ro.e baa-vazuu ho kar
na kuchh tartiil na tahliil
ho.nTo.n se du.aa hii phuuTtii lekin hamaarii tiira rozii raat ke har brij par
bedaar aur choukas thii
gaahe gaahe ik lalkaar aatii thii azal kii lauh se
aur ham mano.n miTTii ke niiche sahm jaate the
havaa be-mehr thii us raat ThanDii kaTiilii
saa.ns lenaa sar se uu.nchii lahr se Takkar lagaanaa thaa

Mohammad Izhar ul Haq
Nazm

mulaqaten nahin phir bhi mulaqaten

subuu TuuTe
mohabbat kii namaazo.n me.n
vazuu TuuTe
du.aa ro.ii
du.aa ke aasmaano.n par
ka.ii chashmaan o lab ro.e
kabhii ko.ii sabab rone kaa niklaa hai
magar ham be-sabab ro.e
zamiino.n aur zamaano.n kii ajab
ra.njuu gardish me.n
havaa ke aastaane par
jhukaa.e sar pashiimaa.n be-zabaa.n
tanhaa.iyo.n ke qaafile utre
vahii ham the
mujassam bandagii zaKHmii tamaashe ke nishaane par
kabhii sahme hu.e KHvaahish kii
retiilii fazaa.o.n me.n
tumhe.n dekhaa tumhe.n chaahaa
kabhii mausam-e-faraamoshii ke narGe me.n
udaasii kii fasiilo.n par
azaan-e-KHud-kalaamii dii
tumhaare faaslo.n ko apnii mahruumii kii KHalvat me.n
biThaayaa baam-o-dar ko
ajnabiyat ke sitaaro.n se sajaayaa
vahii ham the
hamaarii baat ke raqs-e-junuu.n me.n
kho diyaa tum ko
vahii tum the
vidaa-e-lamha-e-ta.ajiil kii KHaatir
thake TuuTe hu.e aa kar lipaT jaane
kii KHvaahish me.n
bikharte apnii aa.nkho.n ke muqaddas motiyo.n me.n
lamha-e-aaKHir guzar jaane kii dhun me.n
umr-bhar KHud se gurezaa.n rah ga.e
ham tum hijaab-e-naa-shanaasaa.ii ke
mujrim ban ga.e
har faasla kitne adhuure faaslo.n kaa
isti.aara hai
samundar dekh terii aastiino.n me.n
fuGaa.n kartaa kinaara hai
mulaaqaate.n, nahii.n phir bhii mulaaqaate.n
mulaaqaato.n kii kuchh ummiid baaqii rah na jaa.e
ashk kaa ik aaKHirii qatra bhii
yuu.nhii bah na jaa.e

Ain Tabish
Nazm

intisab

un hasiinaa.o.n ke naam
jin kii aa.nkho.n ke gul
chilmano.n aur dariicho.n kii belo.n pe be-kaar khil khil ke
murjhaa ga.e hai.n
un biyaahtaao.n ke naam
jin ke badan
be mohabbat riyaa-kaar sejo.n pe saj saj ke uktaa ga.e hai.n
bevaa.o.n ke naam
kaT.Diyo.n aur galiyo.n mohallo.n ke naam
jin kii naapaak KHaashaak se chaa.nd raato.n
ko aa aa ke kartaa hai aksar vazuu
jin ke saayo.n me.n kartii hai aah-o-bukaa
aa.nchalo.n kii hinaa
chuu.Diyo.n kii khanak
kaakulo.n kii mahak
aarzuu-mand siino.n kii apne pasiine me.n julne kii buu

Faiz Ahmad Faiz
Nazm

taswir-e-dard

nahii.n minnat-kash-e-taab-e-shuniidan daastaa.n merii
KHamoshii guftuguu hai be-zabaanii hai zabaa.n merii
ye dastuur-e-zabaa.n-bandii hai kaisaa terii mahfil me.n
yahaa.n to baat karne ko tarastii hai zabaa.n merii
uThaa.e kuchh varaq laale ne kuchh nargis ne kuchh gul ne
chaman me.n har taraf bikhrii hu.ii hai daastaa.n merii
u.Daa lii qumriyo.n ne tuutiyo.n ne andaliibo.n ne
chaman vaalo.n ne mil kar luuT lii tarz-e-fuGaa.n merii
Tapak ai sham.a aa.nsuu ban ke parvaane kii aa.nkho.n se
saraapaa dard huu.n hasrat bharii hai daastaa.n merii
ilaahii phir maza kyaa hai yahaa.n duniyaa me.n rahne kaa
hayaat-e-jaavedaa.n merii na marg-e-naa-gahaa.n merii
miraa ronaa nahii.n ronaa hai ye saare gulistaa.n kaa
vo gul huu.n mai.n KHizaa.n har gul kii hai goyaa KHizaa.n merii
darii.n hasrat saraa umriist afsuun-e-jaras daaram
z faiz-e-dil tapiidan-haa KHarosh-e-be-nafas daaram
riyaaz-e-dahr me.n naa-aashnaa-e-bazm-e-ishrat huu.n
KHushii rotii hai jis ko mai.n vo mahruum-e-masarrat huu.n
mirii big.Dii hu.ii taqdiir ko rotii hai goyaa.ii
mai.n harf-e-zer-e-lab sharminda-e-gosh-e-samaa.at huu.n
pareshaa.n huu.n mai.n musht-e-KHaak lekin kuchh nahii.n khultaa
sikandar huu.n ki aa.iina huu.n yaa gard-e-kuduurat huu.n
ye sab kuchh hai magar hastii mirii maqsad hai qudrat kaa
saraapaa nuur ho jis kii haqiiqat mai.n vo zulmat huu.n
KHaziina huu.n chhupaayaa mujh ko musht-e-KHaak-e-sahraa ne
kisii ko kyaa KHabar hai mai.n kahaa.n huu.n kis kii daulat huu.n
nazar merii nahii.n mamnuun-e-sair-e-arsa-e-hastii
mai.n vo chhoTii sii duniyaa huu.n ki aap apnii vilaayat huu.n
na sahbaa huu.n na saaqii huu.n na mastii huu.n na paimaana
mai.n is mai-KHaana-e-hastii me.n har shai kii haqiiqat huu.n
mujhe raaz-e-do-aalam dil kaa aa.iina dikhaataa hai
vahii kahtaa huu.n jo kuchh saamne aa.nkho.n ke aataa hai
ataa aisaa bayaa.n mujh ko hu.aa ra.ngii.n-bayaano.n me.n
ki baam-e-arsh ke taa.ir hai.n mere ham-zabaano.n me.n
asar ye bhii hai ik mere junuun-e-fitna-saamaa.n kaa
miraa aa.iina-e-dil hai qazaa ke raaz-daano.n me.n
rulaataa hai tiraa nazzaara ai hindostaa.n mujh ko
ki ibrat-KHez hai teraa fasaana sab fasaano.n me.n
diyaa ronaa mujhe aisaa ki sab kuchh de diyaa goyaa
likhaa kalk-e-azal ne mujh ko tere nauha-KHvaano.n me.n
nishaan-e-barg-e-gul tak bhii na chho.D us baaG me.n gulchii.n
tirii qismat se razm-aaraa.iyaa.n hai.n baaGbaano.n me.n
chhupaa kar aastii.n me.n bijliyaa.n rakkhii hai.n garduu.n ne
anaadil baaG ke Gaafil na baiThe.n aashiyaano.n me.n
sun ai Gaafil sadaa merii ye aisii chiiz hai jis ko
vaziifa jaan kar pa.Dhte hai.n taa.ir bostaano.n me.n
vatan kii fikr kar naadaa.n musiibat aane vaalii hai
tirii barbaadiyo.n ke mashvare hai.n aasmaano.n me.n
zaraa dekh us ko jo kuchh ho rahaa hai hone vaalaa hai
dharaa kyaa hai bhalaa ahd-e-kuhan kii daastaano.n me.n
ye KHaamoshii kahaa.n tak lazzat-e-fariyaad paidaa kar
zamii.n par tuu ho aur terii sadaa ho aasmaano.n me.n
na samjhoge to miT jaa.oge ai hindostaa.n vaalo
tumhaarii daastaa.n tak bhii na hogii daastaano.n me.n
yahii aa.iin-e-qudrat hai yahii usluub-e-fitrat hai
jo hai raah-e-amal me.n gaam-zan mahbuub-e-fitrat hai
huvaidaa aaj apne zaKHm-e-pinhaa.n kar ke chho.Duu.ngaa
lahuu ro ro ke mahfil ko gulistaa.n kar ke chho.Duu.ngaa
jalaanaa hai mujhe har sham-e-dil ko soz-e-pinhaa.n se
tirii taariik raato.n me.n charaaGaa.n kar ke chho.Duu.ngaa
magar Guncho.n kii suurat huu.n dil-e-dard-aashnaa paidaa
chaman me.n musht-e-KHaak apnii pareshaa.n kar ke chho.Duu.ngaa
pironaa ek hii tasbiih me.n in bikhre daano.n ko
jo mushkil hai to is mushkil ko aasaa.n kar ke chho.Duu.ngaa
mujhe ai ham-nashii.n rahne de shaGl-e-siina-kaavii me.n
ki mai.n daaG-e-mohabbat ko numaayaa.n kar ke chho.Duu.ngaa
dikhaa duu.ngaa jahaa.n ko jo mirii aa.nkho.n ne dekhaa hai
tujhe bhii suurat-e-aa.iina hairaa.n kar ke chho.Duu.ngaa
jo hai pardo.n me.n pinhaa.n chashm-e-biinaa dekh letii hai
zamaane kii tabii.at kaa taqaazaa dekh letii hai
kiyaa rif.at kii lazzat se na dil ko aashnaa tuu ne
gizaarii umr pastii me.n misaal-e-naqsh-e-paa tuu ne
rahaa dil-basta-e-mahfil magar apnii nigaaho.n ko
kiyaa bairuun-e-mahfil se na hairat-aashnaa tuu ne
fidaa kartaa rahaa dil ko hasiino.n kii adaa.o.n par
magar dekhii na us aa.iine me.n apnii adaa tuu ne
ta.assub chho.D naadaa.n dahr ke aa.iina-KHaane me.n
ye tasviire.n hai.n terii jin ko samjhaa hai buraa tuu ne
saraapaa naala-e-bedaad-e-soz-e-zindagii ho jaa
sapand-aasaa girah me.n baa.ndh rakkhii hai sadaa tuu ne
safaa-e-dil ko kyaa aaraa.ish-e-ra.ng-e-ta.alluq se
kaf-e-aa.iina par baa.ndhii hai o naadaa.n hinaa tuu ne
zamii.n kyaa aasmaa.n bhii terii kaj-biinii pe rotaa hai
Gazab hai satr-e-qur.aa.n ko chaliipaa kar diyaa tuu ne
zabaa.n se gar kiyaa tauhiid kaa daavaa to kyaa haasil
banaayaa hai but-e-pindaar ko apnaa KHudaa tuu ne
ku.e.n me.n tuu ne yuusuf ko jo dekhaa bhii to kyaa dekhaa
are Gaafil jo mutlaq thaa muqayyad kar diyaa tuu ne
havas baalaa-e-mimbar hai tujhe ra.ngii.n-bayaanii kii
nasiihat bhii tirii suurat hai ik afsaana-KHvaanii kii
dikhaa vo husn-e-aalam-soz apnii chashm-e-pur-nam ko
jo ta.Dpaataa hai parvaane ko rulvaataa hai shabnam ko
zaraa nazzaara hii ai bul-havas maqsad nahii.n us kaa
banaayaa hai kisii ne kuchh samajh kar chashm-e-aadam ko
agar dekhaa bhii us ne saare aalam ko to kyaa dekhaa
nazar aa.ii na kuchh apnii haqiiqat jaam se jam ko
shajar hai firqa-aaraa.ii ta.assub hai samar us kaa
ye vo phal hai ki jannat se nikalvaataa hai aadam ko
na uTThaa jazba-e-KHurshiid se ik barg-e-gul tak bhii
ye rif.at kii tamannaa hai ki le u.Dtii hai shabnam ko
phiraa karte nahii.n majruuh-e-ulfat fikr-e-darmaa.n me.n
ye zaKHmii aap kar lete hai.n paidaa apne marham ko
mohabbat ke sharar se dil saraapaa nuur hotaa hai
zaraa se biij se paidaa riyaaz-e-tuur hotaa hai
davaa har dukh kii hai majruuh-e-teG-e-aarzuu rahnaa
ilaaj-e-zaKHm hai aazaad-e-ehsaan-e-rafuu rahnaa
sharaab-e-be-KHudii se taa-falak parvaaz hai merii
shikast-e-ra.ng se siikhaa hai mai.n ne ban ke buu rahnaa
thame kyaa diida-e-giryaa.n vatan kii nauha-KHvaanii me.n
ibaadat chashm-e-shaa.ir kii hai har dam baa-vazuu rahnaa
banaa.e.n kyaa samajh kar shaaKH-e-gul par aashiyaa.n apnaa
chaman me.n aah kyaa rahnaa jo ho be-aabruu rahnaa
jo tuu samjhe to aazaadii hai poshiida mohabbat me.n
Gulaamii hai asiir-e-imtiyaaz-e-maa-o-tuu rahnaa
ye istiGnaa hai paanii me.n niguu.n rakhtaa hai saaGar ko
tujhe bhii chaahiye misl-e-habaab-e-aabjuu rahnaa
na rah apno.n se be-parvaa isii me.n KHair hai terii
agar manzuur hai duniyaa me.n o begaana-KHuu rahnaa
sharaab-e-ruuh-parvar hai mohabbat nau-e-insaa.n kii
sikhaayaa is ne mujh ko mast be-jaam-o-subuu rahnaa
mohabbat hii se paa.ii hai shifaa biimaar qaumo.n ne
kiyaa hai apne baKHt-e-KHufta ko bedaar qaumo.n ne
bayaabaan-e-mohabbat dasht-e-Gurbat bhii vatan bhii hai
ye viiraana qafas bhii aashiyaana bhii chaman bhii hai
mohabbat hii vo manzil hai ki manzil bhii hai sahraa bhii
jaras bhii kaarvaa.n bhii raahbar bhii raahzan bhii hai
maraz kahte hai.n sab is ko ye hai lekin maraz aisaa
chhupaa jis me.n ilaaj-e-gardish-e-charKH-e-kuhan bhii hai
jalaanaa dil kaa hai goyaa saraapaa nuur ho jaanaa
ye parvaana jo sozaa.n ho to sham-e-anjuman bhii hai
vahii ik husn hai lekin nazar aataa hai har shai me.n
ye shiirii.n bhii hai goyaa be-sutuu.n bhii kohkan bhii hai
ujaa.Daa hai tamiiz-e-millat-o-aa.ii.n ne qaumo.n ko
mire ahl-e-vatan ke dil me.n kuchh fikr-e-vatan bhii hai
sukuut-aamoz tuul-e-daastaan-e-dard hai varna
zabaa.n bhii hai hamaare mu.nh me.n aur taab-e-suKHan bhii hai
namii-gardiid ko tah rishta-e-ma.anii rihaa kardam
hikaayat buud be-paayaa.n ba-KHaamoshii adaa kardam

Allama Iqbal
Nazm

adakar

mire raazdaa.n
merii aa.nkho.n me.n dekho
bataa.o mujhe kyaa kahii.n KHauf hai
kyaa kahii.n ko.ii KHvaahish
machaltii hu.ii paa-barahna milii
kyaa mirii aa.nkh ke baa.nkpan me.n
naqaahat to ubhrii nahii.n
mohabbat kaa dhaagaa jo uljhaa hu.aa hai
kahii.n us kii surKHii to
aa.nkho.n me.n dikhtii nahii.n
mire raazdaa.n
merii baato.n ko socho bataa.o mujhe
kyaa kahii.n in me.n taqdiir se
ko.ii shikva bhii hai
ko.ii doGlaa-pan
talaffuz kii ''Galatii
kahii.n naa-muraadii kaa be-vazn misra
shaqaavat tanaffur bharaa ko.ii jumla
agar aisaa hai to bataa.o mujhe

Sidra Afzal
Nazm

nowember ke pahle hafte par ek nazm

KHunuk havaa kaa barahna haatho.n se zard maathe se
pahlaa pahlaa mukaalima hai
abhii ye din-raat sard-mehrii ke itne KHuugar nahii.n hu.e hai.n
to phir ye be-vazn sub.h kyuu.n bojh ban rahii hai
savaad-e-aaGaaz-e-KHushk-saalii me.n kyuu.n varaq bhiigne lagaa hai
dhu.aa.n dhu.aa.n shaam ke alaav me.n ko.ii jangal jale
ki ruuThii hu.ii tamannaa
KHizaa.n kaa paanii ko.ii ishaara nahii.n samajhtaa
ye nahr ab tak puraane pahre me.n chal rahii hai
ajiib taasiir aaKHir-e-shab ke aasmaa.n kii
havaa chale yaa zamiin ghuume
fasiil kohre kii ko.ii suuraj nahii.n giraataa
zamiin se malba ga.e dino.n kaa ko.ii sitaara nahii.n uThaataa

Akhtar Husain Jafri
Nazm

hum be-watan KHwabon ke jolahe hain

bahut sii aavaaz jamaa kar ke
ek chiiKH banaa.ii jaa saktii hai
bahut tho.De lafzo.n se
ek baaGii nazm banaa.ii jaa saktii hai
lekin
zinda qabristaan me.n ek nazm kaa katba kaafii nahii.n
qabre.n dam saadhe pa.Dii hai.n
hamaarii maa.e.n murda bachcho.n ko janm de rahii hai.n
laashe.n shanaaKHt karte hu.e hujuum apnaa chehraa
bhuul jaataa hai!
ham zindagii se sohbat karne nikle the
aur zindagii ne hamaare KHusiyo.n se ke.nche banaa liye
hamaare lahuu me.n chyuu.nTiyaa.n re.ngtii hai.n
magar ham apnii marzii se khujlii tak nahii.n kar sakte
qataar me.n kha.De kha.De ham duusro.n se muKHtalif kaise ho ga.e!!!
zindagii miizaan hotii to ham us ke pal.De apne vajuudo.n se bhar dete
magar kyaa kare.n ki ham KHud apnii nazro.n me.n bahut be-vazn the
hatheliyo.n me.n suraaKH ho.n to aa.nkhe.n kahaa.n sambhaale.n
ham ne sirf chehre nibhaa.e rishte nahii.n
pyaasii zamiino.n me.n aa.nsuu kaasht kar ke bhii
buu.nd bhar hariyaalii nahii.n khilii
ham saarii umr apne KHvaabo.n ke jolaahe bane rahe
aur apne bachcho.n ke liye ek saaya-daar parcham na bun sake
hamaarii miTTii mahz miTTii rahii
kabhii vatan na ban paa.ii!!!

Anjum Saleemi
Nazm

raazi-nama

raat ke kaale badan pe sitaare Taa.nkne kii mashq
apnii ruuh par paivand lagaane jaisii mushkil nahii.n hotii
aasmaan se laTaktii shaaKHo.n par
mannato.n ke dhaage kab tak baa.ndhe jaa sakte hai.n
bujhe hu.e ko.ele aur giilii lak.Dii chi.ngaarii nahii.n paka.Dte
so.ii hu.ii sard mohabbat ne karvaT badal lii hai
charaaG le kar safar par nikalne vaalii titlii ko
chaudah din puraane chaa.nd se kyaa Garaz
bahtii hu.ii sa.Dko.n se apnaa raasta chun lenaa
aur aavaazo.n me.n se apne hisse kii aavaaz sun lenaa
aasmaan ke bas me.n kab hai
us ke juzdaan me.n lipTii sahiife jaisii raat naazil ho ga.ii hai
saat suro.n me.n bahtaa raat kaa ye pahlaa pahar aur
kin-min saa barastaa tumhaaraa narm ehsaas
baarish ke baa.e.n gaal par rakhaa hu.aa hai
aag baarish kii bolii bol rahii hai
september kii gyaarahvii.n raat hai
sa.Dak kii silvaTo.n par aThkheliyaa.n letii mohabbat ko
baarish ke paanii se baa-vazuu daraKHto.n ne sajda kar liyaa hai

Injeel Saheefa
Nazm

ishq-e-mamnua

vo mujh se milaa magar
qurb-o-duurii kii is nahaj par
jahaa.n amaanat me.n KHayaanat kaa KHauf rahaa
jahaa.n chaashnii kaa aisaa daur thaa
ki na din guzarne kaa ilm na raat kaa pataa
jahaa.n supurdagii kaa vo aalam thaa
ki do jism ek jaan kaa mo.aamla
magar ajab saa ek rakh-rakhaav rahaa
ham dono.n ke darmiyaan
na vo dariyaa ke paar utraa
na mai.n ne khole baadbaan
goyaa mere aur us ke biich
chand farlaa.ng adab kii duurii ho
us ke andar jhaa.nknaa jaise
ko.ii naa-qaabil-e-mu.aafii chorii ho
jaise muqaddas kitaabo.n kii jaanib
be-vuzuu ba.Dhtaa hu.aa haath
ehtiraaman rok le ko.ii
jaise sirhaane pe pa.Dtaa hu.aa paa.nv
ehtiyaatan thaam le ko.ii
jaise ulTe pa.De hu.e juute kii samt
fauran ruKH aasmaan se mo.D le ko.ii
goyaa us kaa vajuud kisii muqaddas shai kii maanind thaa
jis ko Gair qasdan chhuunaa bhii gunaah ho
goyaa us kii zaat me.n safar karnaa to halaal thaa
magar us ke dil me.n ghar karnaa haraam ho
vo mujh se milaa magar
qurb-o-duurii kii us nahaj par
jahaa.n amaanat me.n KHayaanat kaa KHauf rahaa

Komal Raja
Nazm

ishq-e-mamnua

vo mujh se milaa magar
qurb-o-duurii kii is nahaj par
jahaa.n amaanat me.n KHayaanat kaa KHauf rahaa
jahaa.n chaashnii kaa aisaa daur thaa
ki na din guzarne kaa ilm na raat kaa pataa
jahaa.n supurdagii kaa vo aalam thaa
ki do jism ek jaan kaa mo.aamla
magar ajab saa ek rakh-rakhaav rahaa
ham dono.n ke darmiyaan
na vo dariyaa ke paar utraa
na mai.n ne khole baadbaan
goyaa mere aur us ke biich
chand farlaa.ng adab kii duurii ho
us ke andar jhaa.nknaa jaise
ko.ii naa-qaabil-e-mu.aafii chorii ho
jaise muqaddas kitaabo.n kii jaanib
be-vuzuu ba.Dhtaa hu.aa haath
ehtiraaman rok le ko.ii
jaise sirhaane pe pa.Dtaa hu.aa paa.nv
ehtiyaatan thaam le ko.ii
jaise ulTe pa.De hu.e juute kii samt
fauran ruKH aasmaan se mo.D le ko.ii
goyaa us kaa vajuud kisii muqaddas shai kii maanind thaa
jis ko Gair qasdan chhuunaa bhii gunaah ho
goyaa us kii zaat me.n safar karnaa to halaal thaa
magar us ke dil me.n ghar karnaa haraam ho
vo mujh se milaa magar
qurb-o-duurii kii is nahaj par
jahaa.n amaanat me.n KHayaanat kaa KHauf rahaa

Komal Raja
Nazm

guman ka mumkin- jo tu hai main hun

magar na jaane
vo raasta kyuu.n chunaa thaa mai.n ne
ki jis pe KHud se visaal tak kaa gumaa.n nahii.n hai?
vo raasta kyuu.n chunaa thaa mai.n ne
vo ruk gayaa hai dilo.n ke ib.haam ke kinaare?
vahii kinaaraa ki jis ke aage gumaa.n kaa mumkin
jo tuu hai mai.n huu.n!
magar ye sach hai
mai.n tujh ko paane kii (KHud ko paane kii) aarzuu me.n nikal pa.Daa thaa
us ek mumkin kii justujuu me.n
jo tuu hai mai.n huu.n
mai.n aise chehre ko Dhuu.nDhtaa thaa
jo tuu hai mai.n huu.n
mai.n aisii tasviir ke ta.aaqub me.n ghuumtaa thaa
jo tuu hai mai.n huu.n!
mai.n is ta.aaqub me.n
kitne aaGaaz gin chukaa huu.n
(me.n us se Dartaa huu.n jo ye kahtaa
hai mujh ko ab ko.ii Dar nahii.n hai)
mai.n is ta.aaqub me.n kitnii galiyo.n se,
kitne chauko.n se,
kitne guu.nge musass se, guzar gayaa huu.n
mai.n is ta.aaqub me.n kitne baaGo.n se,
kitnii andhii sharaab raato.n se,
kitnii baa.nho.n se,
kitnii chaahat ke kitne bifre samundaro.n se
guzar gayaa huu.n
mai.n kitnii hosh o amal kii sham.o.n se,
kitne iimaa.n ke gumbado.n se
guzar gayaa huu.n
mai.n is ta.aaqub me.n kitne aaGaaz kitne anjaam gin chukaa huu.n
ab is ta.aaqub me.n ko.ii dar hai
na ko.ii aataa hu.aa zamaana
har ek manzil jo rah ga.ii hai
faqat guzartaa hu.aa fasaana
tamaam raste, tamaam buujhe savaal, be-vazn ho chuke hai.n
javaab, taariiKH ruup dhaare
bas apnii takraar kar rahe hai.n
javaab ham hai.n javaab ham hai.n
hame.n yaqii.n hai javaab ham hai.n
yaqii.n ko kaise yaqii.n se dohraa rahe hai.n kaise!
magar vo sab aap apnii zid hai.n
tamaam, jaise gumaa.n kaa mumkin
jo tuu hai mai.n huu.n!

Noon Meem Rashid
Nazm

mohabbat kya hai

mere nazdiik mohabbat ilhaamii shai hai
ye aasmaano.n se utartii hai
dil kii paak shaffaaf zamiin par
ye mohabbat azaan-e-fajr ke baad utartii hu.ii paak sahar hai
ye itnii paak hai jitnaa jis kaa taKHayyul paak hai
mohabbat is qadar paakiiza hotii hai jitnaa jis kaa KHuun paak hotaa hai
mohabbat us ko kahte hai.n jab roza-daar iftaar ke vaqt
ik paanii kaa gilaas saamne rakhe us aavaaz kaa intizaar kartaa hai ki kab hukm ho
us aavaaz kaa intizaar mohabbat hai
mohabbat vo manzil hai jis ke raaste pe chalne vaale dil aab-e-zamzam se dhule hote hai.n
mohabbat rizq hai un aa.nkho.n kaa jo mahbuub kaa diidaar baa-vazuu ho kar kartii hai.n
un logo.n ke chahaar-jaanib bahaar-e-mohabbat ke gulaab khilte hai.n jin pe KHizaa.n nahii.n aatii
mohabbat kaa gulshan
izzat kii KHushbuu se mahaktaa hai
ye mohabbat vo jazba hai jis ke tahat garmii kii shiddat pyaas kii hiddat me.n
chhaa.nv kii jagah par parindo.n ko paanii rakhaa jaa.e
ye mohabbat vo manzil hai jis pe pahu.nchne ke liye ik pyaase kutte ko paanii pilaanaa pa.Dtaa hai
mohabbat naam zabaan pe aane se pahle soch ko baa-vazuu ho jaanaa chaahiye
aur jinho.n ne naam-e-mohabbat ko utran kii tarah pahnaa hai
jinho.n ne mohabbat ko hii dhoka diyaa hai
un pe phir mohabbat azaab ban ke utartii hai
mohabbat ruuTh jaatii hai
kyuu.nki ye izzat hai
aisii izzat jo mohabbat se pahle dil kii sarzamiin pe utre
aur izzate.n buland rahe.n hamesha mohabbato.n se
jahaa.n izzat kii sar-bulandii rahegii vahaa.n mohabbat hamesha zinda rahegii
aur jin logo.n ne
mohabbat ko kaarobaar banaayaa hai
vo log mohabbat kii miim se naa-balad hai.n
un ke vaaste mohabbat naam ke chand din hote hai.n
phir bahaane aur apnii Galiiz fitrat ke pesh-e-nazar
kabhii ik dar kabhii duusraa dar
kabhii yahaa.n jhukaa kabhii vahaa.n jhukaa
are suno
mohabbat ke naam pe ta'alluqaat ko libaas se jald badalne vaale insaan
tauhiin mat karo mohabbat kii
is ilhaamii shai ko is paak jazbe ko paak rahne do
aur yaad rakho tauhiin-e-mohabbat ke murtakib
tum se to ab nafrat bhii mere shaayaan-e-shaan nahii.n

Omainuz Zahra Sayyad
Nazm

nadamat

mai.n tan ke kuuze me.n
be-faiz be-sabab saa huu.n
kisii davaa ke huu.n qaabil na tishnagii ke liye
tire sharaab se ho.nTo.n ne kar diyaa mailaa
mai.n paak paanii thaa shaayad kisii vuzuu ke liye

Meraj Naqvi
Nazm

nadamat

mai.n tan ke kuuze me.n
be-faiz be-sabab saa huu.n
kisii davaa ke huu.n qaabil na tishnagii ke liye
tire sharaab se ho.nTo.n ne kar diyaa mailaa
mai.n paak paanii thaa shaayad kisii vuzuu ke liye

Meraj Naqvi
Nazm

be-zamini

mai.n ek tesha-ba-dast insaa.n
mujhe KHaraabo.n kii justujuu hai
mujhe pahaa.Do.n kii aarzuu hai
mai.n chaahtaa huu.n ki is jahaa.n ke
tamaam dukh.De ukhaa.D phe.nkuu.n
mai.n chaahtaa huu.n ki aane vaale na.e zamaane kii
saarii raahe.n
harii-bharii ho.n
har ik shajar ik libaas pahne
na.ii vaz.a kaa
har ek gul par shabaab mahke
na.ii tarah kaa
mai.n chaahtaa huu.n ki nasl-e-insaa.n jo aa rahii hai
qaraar baa.nTe
sukuun bo.e to pyaar kaaTe
magar mire ahd ke ye insaa.n
mire muqaabil kha.De hu.e hai.n
pahaa.D ban kar
mai.n apnaa tesha chalaa.uu.n kis par
inhii me.n ko.ii hai meraa bhaa.ii
ko.ii chachaa hai
mai.n sochtaa huu.n
uThaa ke teshe ko is zamii.n par
lakiir khii.nchuu.n musaalahat kii
phir apne hisse kii sab zamii.n par
chalaa.uu.n tesha
magar KHayaalo.n me.n baat Thahrii
mirii zamii.n ke tamaam hisse
mire hii bachcho.n ne bech khaa.e

Aabid Jafri
Nazm

apni pahchan

haathii dekh ke chyuu.nTii bolii kitnaa hai be-Daul badan
chuuhe ne bhii uu.nT kii lambaa.ii ko samjhaa paagal-pan
gaajar shaljam aur muulii ne kahaa ki chaupaT hai bai.ngan
duusro.n ke baare me.n yuu.n to sab kuchh kahnaa hai aasaan
sab se ziyaada mushkil hai duniyaa me.n KHud apnii pahchaan

Shaukat Pardesi
Nazm

tawana KHubsurat jism

a.azaa kaa tanaasub
rago.n me.n dau.Dte zinda javaa.n sarshaar KHuu.n kii gungunaahaT
hame.n dete hai.n daavat ishq kii
lekin
hamaarii chashm-e-aahan-posh pairaahan-shanaasaa hai
libaaso.n kii mohabbat
vaz-e-pairaahan ko sab kuchh maan kar
naa-biinaa aa.nkhe.n ishq kartii hai.n
hamaarii zindagii tahziib-e-pairaahan hai
zaahir kii parastish hai
hamaare saare aadaab-e-nazaaraa farz kar lete hai.n
insaa.n be-badan hai
badan dar-asl insaa.n hai tamaddun hai mohabbat hai
badan hii ruuh hai nuur-e-haraarat zindagii hai
badan hii kaa karishma zehn kii taKHliiq tasKHiir-e-fulaa.n hai
hamaarii chashm-e-aahan-posh pairaahan shanaasaa hai
badan kii taab laa saktii nahii.n
tahziib-e-pairaahan na zinda hai na zehn-o-ruuh rakhtii hai
hamaare buu.Dhe kohna aur farsuuda libaaso.n se ibaarat hai.n
hamaare naujavaa.n maGrib ke taaza faishano.n ke chalte phirte ishtihaarii hai.n
badan ma.aduum hai
aur be-badan ruuhe.n dhu.aa.n hai.n
be-badan az.haan aaseb-e-nazaara hai.n

Waheed Akhtar
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now