Search result for "farzand-o-zan" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "farzand-o-zan"

Nazm MATCHES FOR "farzand-o-zan"

Nazm

id

farhat-e-dil raahat-e-jaa.n aish-e-paiham ke liye
iid aa.ii ban ke raahat saare aalam ke liye
KHushk ab anguur ke sharbat se tar hone lage
haath sab ke ba.Dh rahe hai.n saaGar-e-jam ke liye
aaj jii-bhar kar pilaanaa aur piinaa chaahiye
tiis din tarse hai.n ik ik qatra-e-yam ke liye
dosto.n ko har taraf saamaan-e-raahat hai nasiib
Gam hai dushman ke liye dushman banaa Gam ke liye
be-takalluf tifl-e-shoKH-o-shaiKH-e-shaibb-o-mard-o-zan
aaj mashGuul-e-tarab hai.n lutf-e-baaham ke liye
majlis-e-vaaz aaj to hotii nazar aatii nahii.n
hazrat-e-vaa.iz abas koshaa.n hai.n koram ke liye
kal hame.n mil jaa.egaa gar hauz-e-kausar hii kahii.n
aaj kyo.n pyaase rahe.n ham aish-e-mub.ham ke liye
eid ke din chaahiye shukr-e-KHudaa zikr-e-rasuul
vaqt kyo.n zaa.e.a kare.n ham zer aur bam ke liye
aa.iiye sun liijiye hai aaj duniyaa-e-suKHan
gosh-bar-aavaaz in ash.aar-e-mulham ke liye

Nawab Syed Hakeem Ahmad Naqwi badayuni

Nazm

ai subh-e-watan

pa.Dte hii nigaah-e-saa.iqa-e-zan jal uTThegaa har nazm-e-kuhan
ai sub.h-e-vatan ai sub.h-e-vatan

Saghar Nizami

Nazm

punjab

sar-zamiin-e-hind kaa ye baazuu-e-shamshiir-e-zan
jis ke mardaan-e-jarii hai.n sho.ala-baar-o-saf-shikan

Arsh Malsiyani

Nazm

lashkar-e-hind

uTTho is tarh ki maidaa.n me.n balii uThte hai.n
amn kaa le ke vo 'unvaan-e-jalii uThte hai.n
haq-parastii ke liye jaise valii uThte hai.n
hifz-e-dii.n ke liye farzand-e-'alii uThte hai.n

Gulzar Dehlvi

Nazm

sarw-e-arzu

vo baa-kamaal husn-e-zan
kamaal aazmaa.egaa
rumuuz-e-'ishq-aashnaa
junuu.n-asar banaa.egaa

Syed Saba Wasti

Nazm

aurat

vajuud-e-zan se hai tasviir-e-kaa.enaat me.n ra.ng
usii ke saaz se hai zindagii kaa soz-e-daruu.n

Allama Iqbal

Nazm

makin nahin koi

ye chaaro.n or jo dikhtii hai kasrat-e-vahdat
jo sach kahuu.n dil-e-kaafir vajuud-e-zan se hai

Nadeem Najid

Nazm

inqalab-e-hind

baarhaa dekhaa hai tuu ne aasmaa.n kaa inqalaab
khol aa.nkh aur dekh ab hindostaa.n kaa inqalaab
maGrib o mashriq nazar aane lage zer-o-zabar
inqalaab-e-hind hai saare jahaa.n kaa inqalaab
kar rahaa hai qasr-e-aazaadii kii buniyaad ustuvaar
fitrat-e-tifl-o-zan-o-piir-o-javaa.n kaa inqalaab
sabr vaale chhaa rahe hai.n jabr kii aqliim par
ho gayaa farsuuda shamshiir-o-sinaa.n kaa inqalaab

Zafar Ali Khan

Nazm

chand taron ka ban

tishnagii me.n bhii sarshaar the
pyaasii aa.nkho.n ke KHaalii kaTore liye
muntazir mard o zan
mastiyaa.n KHatm, mad-hoshiyaa.n KHatm thii.n, KHatm thaa baa.nkpan
raat ke jagmagaate dahakte badan

Makhdoom Mohiuddin

Nazm

hazrat-e-insan

jahaa.n me.n daanish o biinish kii hai kis darja arzaanii
ko.ii shai chhup nahii.n saktii ki ye aalam hai nuuraanii
ko.ii dekhe to hai baariik fitrat kaa hijaab itnaa
numaayaa.n hai.n farishto.n ke tabassum-haa-e-pinhaanii
ye duniyaa daavat-e-diidaar hai farzand-e-aadam ko
ki har mastuur ko baKHshaa gayaa hai zauq-e-uryaanii
yahii farzand-e-aadam hai ki jis ke ashk-e-KHuunii.n se
kiyaa hai hazrat-e-yazdaa.n ne dariyaa.o.n ko tuufaanii
falak ko kyaa KHabar ye KHaak-daa.n kis kaa nasheman hai
Garaz anjum se hai kis ke shabistaa.n kii nigahbaanii
agar maqsuud-e-kul mai.n huu.n to mujh se maavaraa kyaa hai
mire ha.ngaama-haa-e-nau-ba-nau kii intihaa kyaa hai

Allama Iqbal

Nazm

jafa-e-dil-shikan

muflisii kii har taraf ab hai pukaar
maal ko rote hai.n apne maal-daar
Gam hai khaane ke liye lail-o-nahaar
aab kii jaa ashk de hai chashm-e-zaar
paa-barahna ghar se nikle mard o zan
log dehlii ke hai.n saare na.ara-zan

Gulam Dastgeer Mubeen

Nazm

shaffafiyan(2)

tumhaare har amal ko ham
ba.Dii iimaan-daarii se, ba.De insaaf se radd-e-amal de.nge
tumhe.n ye ilm honaa chaahiye
ki aa.nkh ke badle me.n aa.nkh
aur dil ke badle dil hamaaraa zaabta hai
tumhaaraa husn-e-zan hai
soch ke har zaaviye se sochnaa
ki ham jo paanii par kha.De hai.n
kis paziiraa.ii ke qaabil hai.n
magar kuchh bhii karo

Waheed Ahmad

Nazm

gandhi-ji ki yaad mein!

vahii hai shor-e-haa.e-o-huu, vahii hujuum-e-mard-o-zan
magar vo husn-e-zindagii, magar vo jannat-e-vatan
vahii zamii.n, vahii.n zamaa.n, vahii makii.n, vahii makaa.n
magar suruur-e-yak-dilii, magar nashaat-e-anjuman
vahii hai shauq-e-nau-ba-nau, vahii jamaal-e-ra.ng-ra.ng
magar vo ismat-e-nazar, tahaarat-e-lab-o-dahan
taraqqiyo.n pe garche hai.n, tamaddun-o-mu.aashrat
magar vo husn-e-saadgii, vo saadgii kaa baa.nkpan
sharaab-e-nau kii mastiyaa.n, ki al-hafiiz-o-al-amaa.n
magar vo ik latiif saa suruur-e-baada-e-kuhan
ye naGma-e-hayaat hai ki hai ajal taraana-sanj
ye daur-e-kaa.enaat hai ki raqs me.n hai ahrman
hazaar-dar-hazaar hai.n agarche rahbaraan-e-mulk
magar vo piir-e-naujavaa.n, vo ek mard-e-saf-shikan
vahii mahaatmaa vahii shahiid-e-amn-o-aashtii
prem jis kii zindagii, KHuluus jis kaa pairahan
vahii sitaare hai.n, magar kahaa.n vo maahtaab-e-hind
vahii hai anjuman, magar kahaa.n vo sadr-e-anjuman

Jigar Moradabadi

Nazm

uThenge maut se pahle

uThe.nge maut se pahle usii safar ke liye
jise hayaat ke sadmo.n ne multavii na kiyaa
vo ham ki phuul kii lau ko fareb dete the
qariib-e-shaam sitaaro.n kii rahguzar pe chale
vo ham ki taaza jahaa.n ke naqiib-e-zan the na.e
sabaa kii chaal se aage hamaarii chaal rahii
magar gumaan ke qadmo.n ne us ko tai na kiyaa
vahii safar jo hamaare aur us ke biich rahaa
jise hayaat ke sadmo.n ne multavii na kiyaa

Ali Akbar Natiq

Nazm

tawaif

tuu husuul-e-zar kii KHaatir kis qadar bechain hai
kasab-e-daulat zindagii kaa terii nasabulain hai

Mahirul Qadri

Nazm

safir-e-amn

duniyaa me.n kaun martaa hai apne makaa.n se duur
bhaa.ii bahan se biivii se bachcho.n se maa.n se duur
hindostaa.n kaa la.al hai hindostaa.n se duur
ye maut kaisii maut hai saare jahaa.n se duur
aisii ka.Dii thii kis kii nazar tujh ko khaa ga.ii
pardes me.n ye kaise tujhe maut aa ga.ii
o jaane vaale dekh tuu apne vatan ko dekh
KHuun-e-jigar me.n Duube hu.e mard-o-zan ko dekh
nausha banaa ke bhejaa thaa phuulo.n me.n kal tujhe
arthii uThaane aa.e hai.n raadhaa kishan ko dekh

Sulaiman Khateeb

Nazm

mas ki aurat

vo haamiliin pasliyaa.n
jo aadmii ke kankaal ko
naav banaa kar
khenaa chaahtii hai.n aaj
baad-e-muKHaalif ke bar-aks
mauj-e-havaadis ke KHilaaf
apne mafaad me.n
to is me.n
kyaa hai un kaa qusuur
tanhaa.ii se jo achaanak
ghabraa ga.e the hazrat-e-aadam
bas isii baat kaa saaraa fasaana
saaraa futuur
phir to paslii-e-aadam se
numuu-paziir hu.aa vajuud-e-zan
isii vajuud-e-zan se pa.Daa
shayaatiin me.n ran
hattaa ki
gandum khaa lene kii paadaash me.n
baaG-e-bahisht ke makii.n
aa ga.e zer-e-zamii.n
gardish-e-falak kii zad me.n
idhar
shajar-e-mamnuu.a kaa phal chakhne ke sabab
tauba karte rahe hazrat-e-aadam
aur bahaate rahe tamaam umr
apne ashk-e-infi.aal
ab jo fazaa badlii hai achaanak
to.....
un hii haamiliin pasliyo.n ne
gandum kii tarGiib ko bhuul ke
masaavii haq kaa
uThaayaa hai savaal
to is me.n
kyaa hai in kaa qusuur
tanhaa.ii se jo achaanak
ghabraa ga.e the hazrat-e-aadam
bas isii baat kaa hai saaraa fasaana
saaraa futuur
faisla
tab bhii aadmii ke haath me.n thaa
faisla ab bhii hai
aadmii ke haath me.n
aayaa parastish kare yaa huquuq-e-musaaviyaana de
aur jise chaahe ba.Dh kar apnaa le
ek taraf
narm garm maas kii aurat hai
to duusrii taraf hai
jannat kii huur

Perwaiz Shaharyar

Nazm

holi

sehr-e-mausiiqii hu.aa phir guu.nj uThe gokul ke ban
raqs farmaane lagii phir vaadii-e-ga.ng-o-jaman
phir shabaab-e-mast niklaa mal ke chehre par gulaal
phir nikhar aayaa bahaar-e-laala se husn-e-chaman
phir havaa-e-tund le kar aa.ii holii kii bahaar
haath me.n pichkaariyaa.n le kar chale phir mard-o-zan
phir junuun-e-zindagii ko mil gayaa naam-e-suruur
phir nazar aane lagaa har saadgii me.n baa.nkpan
Dholake.n baaje majiire aur kha.Dtaa.le.n bajii.n
phir fazaa.e.n ho ga.ii.n bansii kii lai se naGma-zan
ra.ng me.n Duubii hu.ii hai.n gopiyaa.n sar-taa-qadam
uude uude piile piile niile niile pairahan

Arsh Malsiyani

Nazm

id ka manzar

hilaal-e-iid banaa hai kaliidii-e-aish-o-nashaat
jahaa.n me.n bichh ga.ii phir se masarrato.n kii bisaat
KHushii se phuule samaate nahii.n hai.n mard-o-zan
mahak uThe dar-o-diivaar aur sehn-e-chaman
galii me.n kuucho.n me.n raaho.n me.n shaah-raaho.n me.n
masarrato.n ke nazaare hai.n KHaanqaaho.n me.n
a.ndhere mu.nh hii parinde bhii chahchahaane lage
qadam qadam pe lage mele shaadyaane baje
hai kaif-o-mastii ke aalam me.n aaj piir-o-javaa.n
ibaadato.n kaa nasha de gayaa mah-e-ramazaa.n
KHudaa ke diin kaa kis tarah ho bayaan huzuur
KHudaa har ik ko KHushii iid kii nasiib kare
hamaarii nasl ko is diin se qariib kare

Ameen Hazin

Nazm

maraatib-e-wajud bhi ajib hain

maraatib-e-vajuud bhii ajiib hai.n
lahuu kii kauniyaat me.n
sifaat aur zaat me.n
ajab tarah ke bhed hai.n
yaqiin o zan kii chalniyo.n me.n
sau tarah ke chhed hai.n
abhii to jaagtaa thaa mai.n
amiiq dard me.n karaahtaa thaa mai.n
phir aa.nkh kaise lag ga.ii
abhii to sau rahaa thaa mai.n
phir aa.nkh kaise khul ga.ii
badan se ye lihaaf kaa pahaa.D kaise haT gayaa
KHabar nahii.n ki haDDiyo.n ke jo.D kis tarah khule
dahan faraaKH ho ke piichhe kaise khi.nch gayaa
nukiile daa.nt kis tarah nikal pa.De
nigaahe.n kaise shola-ruu hu.ii.n
na jaane kaise dast-o-paa kii u.ngliyaa.n mu.Dii
kamar lachak sii khaa ke kaise phailtii ga.ii
ye jild kaise saKHt khaal me.n Dhalii
ye gupphe-daar dum kahaa.n se aa ga.ii

Rafiq Sandelvi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now