Search result for "fursat-e-aaraam-e-gash" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "fursat-e-aaraam-e-gash"

Nazm MATCHES FOR "fursat-e-aaraam-e-gash"

Nazm

ye baaten jhuTi baaten hain

ye baat ajiib sunaate ho vo duniyaa se be-aas hu.e
ik naam sunaa aur Gash khaayaa ik zikr pe aap udaas hu.e
vo ilm me.n aflaatuun sune vo sher me.n tulsiidaas hu.e
vo tiis baras ke hote hai.n vo B-A M.A paas hu.e
ye baate.n jhuuTii baate.n hai.n ye logo.n ne phailaa.ii hai.n
tum 'inshaa'-jii kaa naam na lo kyaa 'inshaa'-jii saudaa.ii hai.n

Ibn۔e۔Insha

Nazm

kis ko hai fursat-e-tajdid-e-mohabbat ai dost

qaht aur jang ne insaa.n ko kiyaa apnaa shikaar
nafsii-nafsii hai pa.Dii kaun ho kis kaa Gam-KHvaar
'arsa-e-dahr me.n har aan hai jiinaa dushvaar
zindagii aaj hai gahvaara-e-aafat ai dost
kis ko hai fursat-e-tajdiid-e-mohabbat ai dost

Abdul Qayyum Zaki Aurangabadi

Nazm

KHwahish

mujhe mat kaho phuul baaG-e-iram kaa
ki phuulo.n ke hisse aziyyat bahut hai
sham.a bhii na kahnaa
ki jalnaa bhale hii KHushii kaa sabab ho
kisii ko jalaane me.n tohmat bahut hai
mujhe rang-o-nik.hat se yaksaaniyat kii bhii chaahat nahii.n hai
nazaakat kaa paikar kahe jaane kii bhii mire qalb-e-viiraa.n ko haajat nahii.n hai
na hai mujh ko armaa.n ki merii sataa.ish me.n duniyaa ke sab isti.aaro.n ko haaro
havaale se mere
labo.n par tumhaare
laqab aur ko.ii bhii ja.nchtaa nahii.n hai
so gar ho sake to mire Gam-shanaasaa
mujhe tum mire naam se hii pukaaro

Kainaat

Nazm

marhum bachche ki yaad

aah ai aaraam-e-jaa.n taskiin-e-dil laKHt-e-jigar
aah ai ghar ke ujaale aah ai nuur-e-nazar
raat jangal kii udaasii har taraf taariik ghar
chain se sonaa tumhaaraa ho ke be-KHauf-o-KHatar

Siraj Lakhnavi

Nazm

watan

ai vatan ai raahat-o-aaraam ke dilkash dayaar
tere shahro.n par tasadduq tere sahraa par nazaar

Shatir Hakeemi

Nazm

do-aba bast jalandhar

Gairat-e-baaG-e-iram hai.n khetiyaa.n har gaa.nv me.n
KHuld kaa aaraam hai pe.Do.n kii ThanDii chhaa.nv me.n

Arsh Malsiyani

Nazm

sab jaante hain ilm se hai zindagi ki ruh

sab jaante hai.n ilm se hai zindagii kii ruuh
be-ilm hai agar to vo insaa.n hai naa tamaam
be-ilm-o-be-hunar hai jo duniyaa me.n ko.ii qaum
nature kaa iqtizaa hai rahe ban ke vo Gulaam
ta.aliim agar nahii.n hai zamaane ke hasb-o-haal
phir kyaa umiid-e-daulat-o-aaraam-o-ihteraam
sayyad ke dil me.n naqsh ho is KHayaal kaa
Daalii binaa-e-madrasa le kar KHudaa kaa naam
sadme uThaa.e ranj sahe gaaliyaa.n sunii.n
lekin na chho.Daa qaum ke KHaadim ne ye kaam
dikhlaa diyaa zamaane ko zor-e-dil-o-dimaaG
batlaa diyaa vo karte hai.n karne vaale kaam
niyyat jo thii ba-KHair to barkat KHudaa ne dii
collage hu.aa durust ba-sad shaan-o-ehtishaam
sarmaa.e me.n kamii thii sahaaraa ko.ii na thaa
sayyad kaa dil thaa darpai takmiil-e-intizaam
aaKHir uThaa safar ko vo mard KHasta paye
ahbaab chand saath the zii-ilm-o-KHush-kalaam
qismat ki rahbarii se milii manzil-e-muraad
farmaa.n-ravaa-e-mulk-e-dakan ko kiyaa salaam
haalat dikhaa.ii aur zaruurat bayaan kii
KHuubii se iltimaas kiyaa qaum kaa payaam
rahm aa gayaa huzuur ko haalat pe qaum kii
phir kyaa thaa maujzan hu.aa dariyaa-e-faiz-e-aam
maahaana do hazaar kiyaa ik hazaar se
ummiid se ziyaada ataa thii ye laa-kalaam
'akbar' kii ye du.aa hai KHudaa kii janaab me.n
taa-hashr is ra.iis-o-riyaasat ko ho qayaam
kyaa vaqt par hu.ii hai ki be-ehtijjaj-e-fikr
taariik apnii aap hai fayyazii-e-nizaam

Akbar Allahabadi

Nazm

chhabbis january

ta.abiir-e-KHvaab-e-'gaa.ndhii' tafsiir-e-haal-e-'nehruu'
'aazaad' kii riyaazat 'sardaar' kii tagaapuu
raKHshaa.n hai hurriyat kaa zebaa-nigaar dil-juu
taskiin-e-qalb muslim aaraam-e-jaan-e-hinduu
roz-e-sa.iid aayaa chhabbiis january kaa
daur-e-jadiid laayaa bhaarat kii bartarii kaa

Tilok Chand Mahroom

Nazm

farz

pech-dar-pech masaa.il me.n sadaa
zindagii ne mujhe uljhaa.e rakhaa
aur mai.n peT ke dozaKH ke liye
roz-o-shab tang siyah rasto.n par
le ke ummiid kaa chhoTaa saa diyaa
kabhii is goshe kabhii us goshe
izzat-e-nafs-o-anaa saath liye
biij mehnat ke sadaa botii rahii
bistar-e-aish ke sapne le kar
farsh-e-sangii.n pe sadaa sotii rahii
apnii hastii ko miTaa kar aksar
kaar-e-dushvaar ko aasaan kiyaa
apne bachcho.n ke ta.ayyush ke liye
ho ke begaana-e-aaraam-o-sukuu.n
har gha.Dii kaam faqat kaam kiyaa
aaj jab bachche javaa.n-saal hu.e
be-niyaazaana ye kah kar guzre
aaj tak aap ne jo kuchh bhii kiyaa
ham pe ehsaan nahii.n hai ye na qarz
ye haqiiqat me.n hai maa.n baap kaa farz

Raziya Subhan

Nazm

mausam-e-sarma ki barish ka ye pahla roz hai

mausam-e-sarmaa kii baarish kaa ye pahlaa roz hai
dhund hai atraaf me.n suuraj ke KHvaab-e-garm par
mai.n ki jo mahsuur huu.n aaraam-e-husn-e-yaar me.n
ik hifaazat sii hai mujh ko jism kii mahkaar me.n
yaad aur maujuud dono.n kii haqiiqat is me.n hai
Gam kii taaqat ko Galat karne kii himmat is me.n hai
sehr itne hai.n jamaal-e-mehrbaan-e-yaar me.n
jitne is sarmaa kii baarish ke hasii.n asraar me.n

Muneer Niyazi

Nazm

dusri sham

phir ye mausam ye hasii.n shaam mile yaa na mile
fursat-e-gardish-e-ayyaam mile yaa na mile
phir tumhe.n 'kaamil'-e-badnaam mile yaa na mile

Kamil Chandpuri

Nazm

nind

ai tabiib-e-alam-e-mahruumaa.n
chaara-farmaa-e-humuum-o-afkaar
tujh se aashufta-sarii kaa darmaa.n
hai.n shifaayaab tujhii se biimaar
hai mudabbir tuu hii nature ke shifaa-KHaane kii
tuu hii laa-raib hai mai ziist ke paimaane kii

Azeemuddin Ahmad

Nazm

surod-e-zindagi

ai dil-e-Gam-gii.n na kah ye zindagii ik KHvaab hai
zindagii hai ik haqiiqat gauhar-e-naayaab hai
zindagii ik valvala hai zindagii ik josh hai
daaman-e-tuufaa.n me.n ik hangaama-e-KHaamosh hai
go ba-zaahir zindagii ik naGma-e-be-saaz hai
gosh-e-haazir ke liye ye Gaib kii aavaaz hai
zindagii dasht-o-bayaabaa.n be-KHabar ke vaaste
rashk-e-sad-baaG-e-iram ahl-e-nazar ke vaaste
zindagii aish-o-tarab me.n KHush kabhii rahtii nahii.n
ye kalii khiltii nahii.n jab tak alam sahtii nahii.n
gor is kii manzil-e-maqsuud ai Gaafil nahii.n
bahr-e-be-paayaa.n hai ye is kaa ko.ii saahil nahii.n
ho asar-andaaz is par maut me.n ye dam nahii.n
zindagii miT jaa.e to bhii baa.is-e-maatam nahii.n
silsila hai irtiqaa kaa zindagii insaan kii
taaza-dam hotii hai jaam-e-marg pii kar zindagii
zindagii hai nafs ko zer-e-nagii.n laane kaa naam
zindagii hai maut kii had se guzar jaane kaa naam
ahd-e-maazii laakh raushan ho magar be-suud hai
sub.h-e-fardaa kii ziyaa.o.n par nazar be-suud hai
haal ke lamhe hai.n zarrii.n un kaa daaman thaam le
musta.id ho kar amal kar jazb-e-dil se kaam le
KHuugar-e-taqliid ho to zindagii bekaar hai
duusro.n kii pairvii ik rog hai aazaar hai
kashtii-e-nau-e-bashar kaa naaKHudaa ban kar dikhaa
KHizr bhii sajda kare vo rahnumaa ban kar dikhaa
zindagii terii misaal-e-mard-e-maidaa.n ho aziim
tuur ho ye jism-e-KHaakii ruuh maanind-e-kaliim
rahguzar terii basaan-e-kahkashaa.n taabaa.n rahe
terii hastii par zamaana taa-abad naazaa.n rahe

Sabir Abuhari

Nazm

alwida

Gam-e-dauraa.n se jab bhii fursat-e-yak-lamha paa.e.nge
tirii yaado.n me.n kho jaa.e.nge KHud ko bhuul jaa.e.nge

Abdul Ahad Saaz

Nazm

siyasat

mukaddar hai fazaa-e-aalam-e-imkaa.n siyaasat se
bahut be-aabruu hai aaj-kal insaa.n siyaasat se
zamiir-o-zarf kii us ke yahaa.n qiimat nahii.n ko.ii
jahaa.n me.n dar-ba-dar hai.n saahab-e-iimaa.n siyaasat se
ye ehsaasaat-e-tahziib-o-tamaddun ko miTaatii hai
siyaasat aaj-kal kii kaise kaise gul khilaatii hai
nahii.n sheva siyaasat kaa mohabbat aur ravaadaarii
sikhaatii hai parastaaro.n ko apne ye riyaa-kaarii
na is kaa ko.ii maslak hai na is kaa ko.ii maz.hab hai
dil-e-hirs-o-havas me.n ban ke rahtii hai ye chingaarii
kisii kaa ghar giraatii hai kisii kaa ghar sajaatii hai
siyaasat aaj-kal kii kaise kaise gul khilaatii hai
la.Daatii hai yahii ik duusre ko zaat-o-mazhab par
isii kii shah pe qatl-e-aam hotaa hai yahaa.n aksar
ra.uunat ye sikhaatii hai munaafiq hukmaraano.n ko
isii ke batn se hote hai.n paidaa jabr-o-zulm-o-shar
ye apne muhsino.n kaa KHuun pii kar muskuraatii hai
siyaasat aaj-kal kii kaise kaise gul khilaatii hai
sadaa ye ittihaad-e-baahamii par vaar kartii hai
ta.assub ko havaa detii hai dil bezaar kartii hai
kahii.n ta.amiir kartii hai ibaadat-gaah fitno.n se
kahii.n KHud hii ibaadat-gaah ko mismaar kartii hai
fareb-o-makr se apne ye har-suu qahr Dhaatii hai
siyaasat aaj-kal kii kaise kaise gul khilaatii hai
isii ke dam se fasle.n lahlahaatii hai.n fasaado.n kii
yahii takmiil kartii hai hukuumat ke iraado.n kii
isii kii maslahat se buGz ke paude panapte hai.n
giraa detii hai ye diivaar baaham e'timaado.n kii
havaa de kar ye bad-unvaaniyo.n kii lau ba.Dhaatii hai
siyaasat aaj-kal kii kaise kaise gul khilaatii hai
ishaare par isii ke shahr qasbe gaa.nv jalte hai.n
isii kii aastii.n me.n saazisho.n ke naag palte hai.n
sitamgaaro.n pe kartii hai ye saaya apne aa.nchal kaa
isii kii aa.D me.n ashraar-o-qaatil bach nikalte hai.n
ye qaanuun-o-adaalat ko bhii ab aa.nkhe.n dikhaatii hai
siyaasat aaj-kal kii kaise kaise gul khilaatii hai
jasaarat ko yahii dahshat-garii kaa naam detii hai
ye ham-saa.e ko KHud hii jang kaa paiGaam detii hai
badaltii hai yahii taqdiir arbaab-e-qayaadat kii
ye apne vaariso.n ko sarKHushii kaa jaam detii hai
ye va.ado.n ke gharau.nde regzaaro.n me.n banaatii hai
siyaasat aaj-kal kii kaise kaise gul khilaatii hai

Rahbar Jaunpuri

Nazm

ek minar gira

'azmat-e-aadam-e-KHaakii kaa parastaar giraa
ek miinaar giraa
jis kii tanviir ne zarro.n ko 'ataa kii taabish
jis kii taqriir ne to.Daa hai tilism-e-zar-o-siim
jis kii tahriir ne ik KHvaab bunaa KHvaab-e-sahar
jis kii taa'biir me.n ik qaum uThii qaum-e-'aziim
vahii sardaar vahii qaafila-saalaar giraa
ek miinaar giraa
jis ne farsuuda rivaayaat ke aivaano.n me.n
mehnat-o-jashn-e-musaavaat ke parcham lahraa.e
jabr-o-bedaad-o-Gulaamii ke siyah-KHaano.n me.n
taabish-e-hurriyat-e-fikr ke faanuus jalaa.e
paikar-e-nuur nahii.n KHaaliq-e-anvaar giraa
ek miinaar giraa
jis ne auhaam pe daanish kii kamande.n Daalii.n
jis kii aavaaz pe tuufaan biphar jaate the
naazii afvaaj ke sailaab ko mo.Daa jis ne
Gaiz se jis ke shahanshaah bhii tharraate the
amn kaa koh-e-giraa.n sulh kaa shahkaar giraa
ek miinaar giraa
apne haatho.n me.n liye raKHsh-e-baGaavat kii 'inaa.n
uThaa aa.ndhii kii tarah abr kii suurat barsaa
ab ko.ii puuje na puuje ye likhaa jaa.egaa
amn-o-insaaf o musaavaat kaa vo devtaa thaa
de ke manzil kaa nishaa.n kaarvaa.n-saalaar giraa
ek miinaar giraa

Qamar Raees

Nazm

imroz

mujhe kyaa KHabar vaqt ke devtaa kii hasii.n rath ke pahiyo.n tale pis chuke hai.n
muqaddar ke kitne khilaune zamaano.n ke ha.ngaame sadiyo.n ke sad-haa hayuule
mujhe kyaa ta'alluq merii aaKHirii saa.ns ke baa'd bhii dosh-e-giitii pe machle
mah o saal ke laa-zavaal aab-shaar-e-ravaa.n kaa vo aa.nchal jo taaro.n ko chhuu le
magar aah ye lamha-e-muKHtasar jo mirii zindagii meraa zaad-e-safar hai
mire saath hai mere bas me.n hai merii hathelii pe hai ye labaa-lab pyaala
yahii kuchh hai le de ke mere liye is KHaraabaat-e-shaam-o-sahar me.n yahii kuchh
ye ik mohlat-e-kaavish-e-dard-e-hastii ye ik fursat-e-koshish-e-aah-o-naala

Majeed Amjad

Nazm

KHidmat-e-watan

vatan kii KHidmat-e-be-laus hai har shaKHs par laazim
yahii vo kaam hai jo aadmii ke kaam aataa hai
lagaa dii jaatii hai hubb-e-vatan me.n sar kii baazii bhii
ik aisaa bhii vufuur-e-josh me.n hangaam aataa hai
palaTne hii ko hai qismat tumhaarii ai vatan vaalo
tumhaare vaaste ye arsh se paiGaam aataa hai
Gulaamii duur hotii hai tumhaarii ab ko.ii dam me.n
hukuumat aur sardaarii kaa phir hangaam aataa hai
musiibat hai ye bilkul aarzii is par na ghabraanaa
bas ab aataa hai ahd-e-raahat-o-aaraam aataa hai
vahii phir bazm hogii phir vahii rangiiniyaa.n ho.ngii
vahii paimaana aataa hai vahii phir jaam aataa hai
tum apnii naa-tavaanii se pareshaa.n is qadar kyo.n ho
kabhii kamzor honaa bhii bashar ke kaam aataa hai
miTaa detaa hai dam me.n naKHvat-e-namruud ik machchhar
kabhii aisaa bhii daur-e-gardish-e-ayyaam aataa hai
KHudaaraa is nizaa-e-baahamii ko KHatm farmaa do
zaraa socho ki tum par kis qadar ilzaam aataa hai
kabhii chhi.Dtaa hai gar mazkuur qaumo.n kii jahaalat kaa
to sab se pahle kaano.n me.n tumhaaraa naam aataa hai
ye nukta yaad rakkho us ko bhuulaa kah nahii.n sakte
jo vaqt-e-sub.h jaa kar ghar pe vaqt-e-shaam aataa hai

Ahmaq Phaphoondvi

Nazm

taj-mahal

mahv-e-aaraam hai jis me.n ko.ii 'mumtaaz' mahal
ahl-e-ulfat kii nishaanii hai yahii taaj-mahal

Sikandar Irfan

Nazm

na tum qarib aao

mai.n KHud huu.n aabla-paa kam-nasiib KHaak-basar
hai merii bazm farozaa.n ba-faiz-e-daaG-e-jigar
bhalaa kahaa.n mai.n kahaa.n fursat-e-fareb-e-nazar
hai phir bhii KHvaahish-e-diidaar aur diida-e-tar
KHudaa ke vaaste itnaa na tum qariib aa.o

Bano Tahira Sayeed

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now