Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "giitaa"

Nazm MATCHES FOR "giitaa"

Nazm

tu hindu banega na musalman banega

qur.aan na ho jis me.n vo mandir nahii.n teraa
giitaa na ho jis me.n vo haram teraa nahii.n hai

Sahir Ludhianvi
Nazm

daera

jism se ruuh talak ret hii ret
na kahii.n dhuup na saaya na saraab
kitne armaan hai.n kis sahraa me.n
kaun rakhtaa hai mazaaro.n kaa hisaab
nabz bujhtii bhii bha.Daktii bhii hai
dil kaa ma.amuul hai ghabraanaa bhii
raat andhere ne andhere se kahaa
ek aadat hai jiye jaanaa bhii
qaus ik rang kii hotii hai tuluu
ek hii chaal bhii paimaane kii
goshe goshe me.n kha.Dii hai masjid
shakl kyaa ho ga.ii mai-KHaane kii
ko.ii kahtaa thaa samundar huu.n mai.n
aur mirii jeb me.n qatra bhii nahii.n
KHairiyat apnii likhaa kartaa huu.n
ab to taqdiir me.n KHatra bhii nahii.n
apne haatho.n ko pa.Dhaa kartaa huu.n
kabhii qur.aa.n kabhii giitaa kii tarah
chand rekhaa.o.n me.n siimaa.o.n me.n
zindagii qaid hai siitaa kii tarah
raam kab lauTe.nge ma.aluum nahii.n
kaash raavan hii ko.ii aa jaataa

Kaifi Azmi
Nazm

siri kirshn

hu.aa tuluu.a sitaaro.n kii dilkashii le kar
suruur aa.nkh me.n nazro.n me.n zindagii le kar
KHudii ke hosh u.Daane ba-sad niyaaz aayaa
na.e pyaalo.n me.n sahbaa-e-be-KHudii le kar
fazaa-e-dahr me.n gaataa phiraa vo priit ke giit
nashaat-KHez-o-sukuu.n-rez baa.nsurii le kar
jahaan-e-qalb saraapaa gudaaz ban hii gayaa
har ek zarra mohabbat kaa saaz ban hii gayaa

Seemab Akbarabadi
Nazm

bhagwan kirshn ke charnon mein shardha ke phul chaDhane ko

ik prem pujaarii aayaa hai charno.n me.n dhyaan lagaane ko
bhagvaan tumhaarii muurat par shardhaa ke phuul cha.Dhaane ko
vo prem kaa tuufaa.n dil me.n uThaa ki zabt kaa yaaraa hii na rahaa
aa.nkho.n me.n ashk uma.nD aa.e premii kaa haal bataane ko
tum nand ko nain ke taare ho tum diin dukhii ke sahaare ho
tum na.nge pairo.n Dhaane ho bhagto.n kaa maan ba.Dhaane ko
aa.nkho.n se KHuun Tapaktaa hai siine par KHanjar chaltaa hai
man-mohan jald KHabar lenaa diino.n kii jaan bachaane ko
furqat me.n tumhaarii qalb ke Tuk.De aa.nkho.n se bah jaate hai.n
ai kirshn muraarii aa.o bhii raato.n ko dher ba.ndhaane ko
phir saa.nvlii chhab dikhlaa do zaraa phir prem kaa rang jamaa do zaraa
gokul me.n shyaam nikal aa.o murlii kii Ter sunaane ko
updesh dharam kaa de kar phir balvaan banaa do bhagto.n ko
ai mohan jald zabaa.n kholo giitaa ke raaz bataane ko

Aaftab Rais Panipati
Nazm

tashbib

tujh ko KHvaab nahii.n kah saktaa
KHvaabo.n kaa kyaa
KHizaa.n-rasiida pattii ke maanind havaa kii Thes se bhii TuuTaa karte hai.n
lekin mai.n bhii KHvaab nahii.n huu.n
KHvaab to vo hai jis ko ko.ii dekh rahaa ho
mai.n ik diid huu.n
ik giitaa huu.n
ik injiil huu.n ik qur.aa.n huu.n
raahguzar par pa.Daa hu.aa huu.n
suud o ziyaa.n kii is duniyaa me.n kise bhalaa itnii fursat hai
mujhe uThaa kar jo ye dekhe
mujh me.n aaKHir kyaa likkhaa hai

Rahi Masoom Raza
Nazm

hum shair hote hain

ham paidaa karte hai.n
ham giilii miTTii ko muTThii me.n bhii.nchaa karte hai.n
to shakle.n bantii hai.n
ham un kii cho.nche.n khol ke saa.nse.n phuu.nkaa karte hai.n
jo miTTii the vo chhuu lene se taa.ir hote hai.n
ham shaa.ir hote hai.n
kan.aan me.n rahte hai.n
jab jalva karte hai.n
to shashdar a.ngushto.n ko pore.n nashtar detii hai.n
phir KHuun Tapaktaa hai jo sard nahii.n hotaa
ik sahmaa saa sakta hotaa hai dard nahii.n hotaa
yuunaan ke Daaku hai.n
ham devtaa.o.n ke mahal me.n naqab lagaayaa karte hai.n
ham aasmaan kaa niilaa shah-darvaaza to.Dte hai.n
ham aag churaate hai.n
to is duniyaa kii yaKH choTii se barf pighaltii hai
phir jame hu.e siine milte hai.n
saa.ns humaktii hai
aur shiryaano.n ke mu.nh khulte hai.n
KHuun dha.Daktaa hai
jiivan-raamaayan me.n
jab raavan istibdaadii kaarobaar chalaataa hai
ham siitaa likhte hai.n
jab rath ke pahiye jismo.n ke poshaak kuchalte hai.n
to giitaa likhte hai.n
jab ho.nTo.n ke sahme kap.Do.n par baKHiya hotaa hai
ham bolaa karte hai.n
jab manDii se ek ek taraazuu Gaa.eb hotaa hai
to jiivan ko miizaan pe rakh kar tolaa karte hai.n
mazduurii karte hai.n
ham lafzo.n ke jangal se lak.Dii kaaTaa karte hai.n
ham arkashii ke maahir hai.n ambaar lagaate hai.n
phir randa pherte hai.n phir barmaa dete hai.n
phir budh milaate hai.n phir chuul biThaate hai.n
ham tho.De tho.De hote hai.n
is bharii bharaa.ii duniyaa me.n ham kam-kam hote hai.n
jab shahr me.n jangal dar aa.e aur us kaa chalan ja.nglaa.e
to ham Gaar se aate hai.n
jab jangal shahr kii zad me.n ho aur us kaa sukuu.n shahraa.e
to bargad se nikalte hai.n
ham tho.De tho.De hote hai.n
ham kam-kam hote hai.n
ham shaa.ir hote hai.n

Waheed Ahmad
Nazm

dilli

giitaa-puraan ke bhii fasaane me.n zikr hai
taariiKH se bhii qabl zamaane me.n zikr hai

Gulzar Dehlvi
Nazm

mahatma-gandhi

baapuu ne har insaan ko insaa.n samjhaa
bahbuudii-e-har-fard ko iimaa.n samjhaa
injiil ko qur.aan ko aur giitaa ko
siine se lagaayaa unhe.n yaksaa.n samjhaa
ta.amiir-e-vatan se thii mohabbat us ko
sachchaa.ii kaa updesh diyaa baapuu ne
taKHriib-parastii se thii nafrat us ko
parchaar ahinsaa kaa kiyaa baapuu ne
ye desh kaa thaa ektaa-vaadii leader
qurbaanii-o-iisaar ke jazbe ke tufail
marGuub thii tanziim-e-jamaa.at us ko
chhiinaa hu.aa svaaraaj liyaa baapuu ne
nafrat se bharii aag bujhaa dii us ne
tahriik-e-navaa khulii dabaa dii us ne
vahshat-zada maahaul-e-siyah me.n ai charKH
ik sham.a uKHuvvat kii jallaadii us ne

Charkh Chinioti
Nazm

urdu zaban

giitaa aur qur.aa.n kii tafsiire.n liye
maz.habo.n kaa raaz hai urdu zabaan

Mauj Fatehgarhi
Nazm

bachcha hai mahan

tujh me.n iishvar
allah tujh me.n
tujh me.n jesus paayaa
bachche me.n hai bhagvaan
bachche me.n rahmaan
bachcha jesus kii shaan
giitaa is me.n
bible is me.n
is me.n hai qur.aan
bolo bachcha hai mahaan
jag me.n bachcha hai mahaan
mandir masjid aur girje me.n is kaa nuur samaayaa
is nannhii sii jaan me.n chhup kar vo apne ghar aaya
paapii man ko paavan kartii is kii har muskaan
bolo bachcha hai mahaan
jag me.n bachcha hai mahaan
gyaanii sab me.n bhed karaave bachcha mel karaave
ham jaise bhuule-bhaTko.n ko siidhii raah dikhaave
is ke bhole-pan par sadqe duniyaa-bhar kaa gyaan
bolo bachcha hai mahaan
jag me.n bachcha hai mahaan

Sahir Ludhianvi
Nazm

tulsidas

the puraan-o-ved-o-giitaa ke masaa.il jis qadar
silk-e-raamaa.en me.n rakhaa tuu ne sab ko baa.ndh kar
jo KHazaane the puraane un se the ham be-KHabar
aa.nkhe.n thii.n lekin na azmat apnii aatii thii nazar

Jagat Mohan Lal Ravan
Nazm

uphaar-e-raksha-bandhan

prem jagat ke rahne vaalo prem se rishta jo.Do
hirdai hai parbhuu kaa Deraa use kabhii na to.Do
ulTii gangaa bahtii hai bahne do us ko chho.Do
apne jiivan dhaaraa ko tum siidhe ruKH par mo.Do
karam karegaa jo achchhaa achchhaa.ii pe vo maregaa
aur buraa ko.ii jo karegaa vaisaa hii vo bharegaa
pun kyaa hai jo bhii kisii ne us ko to vo milegaa
baaG me.n us ke jiivan ke vo ban kar phuul khulegaa
hinduu muslim sikh iisaa.ii sab hai.n bhaa.ii bhaa.ii
bhaa nahii.n saktii kabhii kisii ko ik-duuje kii judaa.ii
aaj hai rakshaa-bandhan kaa din hai ye kitnaa suhaanaa
bhaa.ii-bahan ke prem kaa ye din sab ko sunaa.e fasaana
shiilaa ne arshad kii le lii jaa ke haath me.n kalaa.ii
phir ye bolii rakshaa-bandhan aaj hii hai mire bhaa.ii
pyaar bharaa ye haath jo rakh do sar par aaj hamaare
har dukh har Gam duur ho jaa.e KHushiyaa.n aa.e dvaare
pyaar hii puujaa pyaar ibaadat pyaar se rishta jo.Do
har dukh har Gam duur ho jaa.e KHushiyaa.n aa.e dvaare
zainab bhii raahul ke haath me.n baa.ndh ke bolii raakhii
dukh-sa.nkaT ke saagar kii nayyaa kaa tuu hai maajhii
pavitra prem kaa jag me.n dekho kaisaa ye uphaar hai
isii pyaar aur prem se bhayyaa sukh-may ye sansaar hai
kabhii kisii bhii bahan pe bhayyaa sankaT aa nahii.n paa.e
phuul na hargiz kabhii kisii kii KHushiyo.n ke murjhaa.e
siitaa giitaa shabnam shaahii.n me.n hai bhed na bhaav
chaaro.n kaa hai ek charitra aur sab kaa ek subhaav
buu.nd lahuu kii ek rago.n me.n tan bhii ek samaan
prem paaTh pa.Dhaayaa sab ne giitaa ho yaa puraan
ho har din rakshaa-bandhan kaa sab prem kii jot jalaa.e.n
prem kii KHushbuu se mahke ghar aa.ngan chaaro.n dishaa.e.n

Mohammad Hazim Hassan
Nazm

shri-krishn

hu.aa tuluu.a sitaaro.n kii dilkashii le kar
suruur aa.nkh me.n nazro.n me.n zindagii le kar
KHudii ke hosh u.Daane ba-sad niyaaz aayaa
na.e piyaalo.n me.n sahbaa-e-be-KHudii le kar
fazaa-e-dahr me.n gaataa phiraa vo priit ke giit
nashaat-KHez-o-sukuu.n-rez baa.nsurii le kar
jahaan-e-qalb saraapaa-gudaaz ban hii gayaa
har ek zarra mohabbat kaa saaz ban hii gayaa

Seemab Akbarabadi
Nazm

zaruri hai

mil-jul kar rahnaa hai jiivan mil-jul kar ham rahte hai.n
giitaa ke shlok zaruurii hai.n qur.aan zaruurii hai

Ataur Rahman Tariq
Nazm

tarana

dil ka.aba hai dil mandir hai phir dil kyuu.n ham to.De.n
har dil me.n ghar kar jaa.e.n aapas me.n naataa jo.De.n
kahtii hai ye giitaa sab se kahtaa hai qur.aan

Zafar Kamali
Nazm

watan

bahut aziiz hai mujh ko vatan aziiz vatan
vatan kii KHaak hai ambar mirii nigaaho.n me.n
vatan ke qatre samundar mirii nigaaho.n me.n
vatan ke zarre hai.n gauhar mirii nigaaho.n me.n
vatan ke KHaar gul-e-tar mirii nigaaho.n me.n
bahut aziiz hai mujh ko vatan aziiz vatan
mirii nigaaho.n me.n vaq.at hai tuur-e-siinaa kii
mirii nigaaho.n me.n azmat hai arsh-e-aalii kii
mirii nigaaho.n me.n izzat hai saarii duniyaa kii
magar hai KHaak-e-vatan surma chashm-e-biinaa kii
bahut aziiz hai mujh ko vatan aziiz vatan
mire vatan me.n hai gautam kaa faiz-e-ruuhaanii
mire vatan me.n hai giitaa kii sham-e-nuuraanii
mire vatan me.n hai gangaa kii paak-daamaanii
mire vatan me.n hai nuur-e-azal kii arzaanii
bahut aziiz hai mujh ko vatan aziiz vatan
vatan kii gard vatan kii zamii.n vatan kii havaa
vatan kii shaam vatan kii sahar vatan kii fazaa
vatan ke kuuche vatan ke chaman vatan kii adaa
hai yaad un kii ilaaj apne ranj-e-Gurbat kaa
bahut aziiz hai mujh ko vatan aziiz vatan
buland-rutba-e-garduu.n se kaar-gaah-e-vatan
buland-hausla-e-dil se baargaah-e-vatan
kaliim-e-dil ke liye tuur-e-jalva-gaah-e-vatan
nashaat-e-ruuh kii zaamin hai sajda-gaah-e-vatan
bahut aziiz hai mujh ko vatan aziiz vatan

Qaisar Amravatwi
Nazm

jo bazar chahakta tha har sham

kal dharm ke naam par fasaad hu.aa
suntaa huu.n
vo jalebii vaalaa miyaa.n thaa
gol-gappe vaalaa hinduu thaa
mujhe kaise pata chaltaa
jalebiyo.n ne kabhii azaan nahii.n pa.Dhii
gol-gappe ne kabhii giitaa nahii.n sunaa.ii

Kamal Upadhyay
Nazm

pagal

dekh nii maa.e?
sundar maathe kii rekhaa.e.n
tere haath kii rekhaa.o.n se miltii-jultii
uttar dakhkhin puurab pachchhim ek safar hai Taa.nvaa.n Taa.nvaa.n
dekh gulaabii aag pe se.nkii
Dab kha.Dbii roTii jaisaa chehraa meraa
dekh nii maa.e
sarso.n jaise haath the mere
hare hare ka.ngan kii chunnii
giiTa giiTa baalan chun.naa in ko mah.ngaa pa.D jaa.egaa
kab sochaa thaa

Iliyas Babar Aawan
Nazm

bipta

kaun hai prem kii baazii jiitaa
KHatm hu.ii hai man kii giitaa
sukh aanand kaa din hai biitaa
chhaa.ii dukh kii raat
sakhii rii biit ga.ii barsaat
sakhii rii biit ga.ii barsaat

Tanveer Naqvi
Nazm

pyara watan hamara

niile gagan me.n jaise chaa.ndii kaa ik kabuutar
duniyaa kii aarzuu hai pyaaraa vatan hamaaraa
har baat siidhii siidhii giitaa kaa paaTh jaise
gautam kii guftuguu hai pyaaraa vatan hamaaraa
KHusrav ke giit jis me.n tulsii ke pyaare dohe
ik pyaar kaa subuu hai pyaaraa vatan hamaaraa
ik aaftaab-e-taaza dhiire ubhar rahaa hai
puurab kaa KHuub-ruu hai pyaaraa vatan hamaaraa
anmol jis ke motii kyaa la.al hai.n javaahar
baapuu kii justujuu hai pyaaraa vatan hamaaraa
Darte hai.n kab kisii se Tiipuu ke desh vaale
balvaan kaa lahuu hai pyaaraa vatan hamaaraa
ka.aba hai ye kaliisaa aa.o tavaaf kar le.n
kaashii kii aabruu hai pyaaraa vatan hamaaraa
allah rakhe salaamat rang-e-bahaar apnaa
phuulo.n kaa rang-o-buu hai pyaaraa vatan hamaaraa

Sulaiman Khateeb
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now