Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "hidayat"

Nazm MATCHES FOR "hidayat"

Nazm

KHuda ka sawal

aur is par kitaab-e-hidaayat bhii dii
nabii bhii utaare sharii.at bhii dii

Abrar Ahmad Kashif
Nazm

ram

labrez hai sharaab-e-haqiiqat se jaam-e-hind
sab falsafii hai.n KHitta-e-maGrib ke raam-e-hind
ye hindiyo.n kii fikr-e-falak-ras kaa hai asar
rif.at me.n aasmaa.n se bhii uu.nchaa hai baam-e-hind
is des me.n hu.e hai.n hazaaro.n malak-sarisht
mash.huur jin ke dam se hai duniyaa me.n naam-e-hind
hai raam ke vajuud pe hindostaa.n ko naaz
ahl-e-nazar samajhte hai.n is ko imaam-e-hind
ejaaz is charaaG-e-hidaayat kaa hai yahii
raushan-tar-az-sahar hai zamaane me.n shaam-e-hind
talvaar kaa dhanii thaa shujaa.at me.n fard thaa
paakiizgii me.n josh-e-mohabbat me.n fard thaa

Allama Iqbal
Nazm

nazr-e-maulana hasrat-mohani

mar jaa.e.nge zaalim kii himaayat na kare.nge
ahraar kabhii tark-e-rivaayat na kare.nge

Faiz Ahmad Faiz
Nazm

KHuda-e-bartar teri zamin par zamin ki KHatir ye jang kyun hai

Gariib maa.o.n shariif bahno.n ko aman-o-izzat kii zindagii de
jinhe.n ataa kii hai tuu ne taaqat unhe.n hidaayat kii raushnii de

Sahir Ludhianvi
Nazm

bhagwan krishn ki taswir dekh kar

mujhe tere tasavvur se KHushii mahsuus hotii hai
dil-e-murda me.n bhii kuchh zindagii mahsuus hotii hai
ye taaro.n kii chamak me.n hai na phuulo.n hii kii KHushbuu me.n
tirii tasviir me.n jo dilkashii mahsuus hotii hai
tujhe mai.n aaj tak masruuf-e-dars-o-va.az paataa huu.n
tirii hastii mukammal aagahii mahsuus hotii hai
ye kyaa mumkin nahii.n tuu aa ke KHud ab is kaa darmaa.n kar
fazaa-e-dahr me.n kuchh barhamii mahsuus hotii hai
ujaalaa saa ujaalaa hai tirii sham-e-hidaayat kaa
shab-e-tiira me.n bhii ik raushnii mahsuus hotii hai
mai.n aa.uu.n bhii to kyaa mu.nh le ke aa.uu.n saamne tere
KHud apne-aap se sharmindagii mahsuus hotii hai
taKHayyul me.n tire nazdiik jab mai.n KHud ko paataa huu.n
mujhe us vaqt ik-tarfa KHushii mahsuus hotii hai
tuu hii jaane kahaa.n le aa.ii mujh ko aarzuu terii
ye manzil ab saraapaa be-KHudii mahsuus hotii hai
'ka.nval' jis vaqt kho jaataa huu.n mai.n us ke tasavvur me.n
mujhe to zindagii hii zindagii mahsuus hotii hai

Kanval M. A
Nazm

mahatma-gandhi

bhalaa.ii sab kii ho jis se vo kaam us kaa hai
jahaa.n bhii jaa.o vahii.n ehtiraam us kaa hai
uThaa.e sar ko.ii kyaa sar uThaa nahii.n saktaa
muqaable ke liye aage aa nahii.n saktaa
kisii se us ko mohabbat kisii se ulfat hai
kisii ko us kii hai us ko kisii kii hasrat hai
vafaa-o-lutf tarahhum kii KHaas aadat hai
Garaz karam hai mudaaraat hai inaayat hai
kisii ko dekh hii saktaa nahii.n hai mushkil me.n
ye baat kyuu.n hai ki rakhtaa hai dard vo dil me.n
vo rashk-e-sham-e-hidaayaat hai anjuman ke liye
vo misl-e-ruuh-e-ravaa.n unsur-e-badan ke liye
vo ek saaGar-e-nau mahfil-e-kuhan ke liye
vo KHaas maslah-e-kul shaiKH-o-barahman ke liye
lagan use hai ki sab maalik-e-vatan ho jaa.e.n
qafas se chhuuT ke ziinat-dah-e-chaman ho jaa.e.n
jafaa-shi.aar se hotaa hai bar-sar-e-paikaar
na paas top na golaa na qabze me.n talvaar
zamaana taaba-e-irshaad hukm par tayyaar
vo paak shakl se paidaa hai.n josh ke aasaar
kisii KHayaal se charKHe ke bal pe la.Dtaa hai
kha.Dii hai fauj ye tanhaa magar aka.Dtaa hai
tarah tarah ke sitam dil par apne sahtaa hai
hazaar ko.ii kahe kuchh KHamosh rahtaa hai
kahaa.n shariik hai.n aa.nkho.n se KHuun bahtaa hai
suno suno ki ye ik kahne vaalaa kahtaa hai
jo aabruu tumhe.n rakhnii ho josh me.n aa.o
raho na be-KHud-o-be-hosh hosh me.n aa.o
usii ko ghere amiir-o-Gariib rahte hai.n
nadiim-o-muunish-o-yaar-o-habiib rahte hai.n
adab ke saath adab se adiib rahte hai.n
nasiib-var hai.n vo ba.De KHush-nasiib rahte hai.n
ko.ii bataa.e to yuu.n dekh-bhaal kis kii hai
jo us se baat kare ye majaal kis kii hai
rifaah-e-aam se raGbat hai aur matlab hai
anokhii baat niraalii ravish nayaa Dhab hai
yahii KHayaal thaa pahle yahii KHayaal ab hai
faqat hai diin yahii bas yahii to maz.hab hai
agar bajaa hai to 'bismil' kii arz bhii sun lo
chaman hai saamne do-chaar phuul tum chun lo

Bismil Allahabadi
Nazm

hashr ki subh daraKHshan ho maqam-e-mahmud

raat daa.Dhii ke a.ndhere se takalluf barte
arsh ke saamne rusvaa.ii kii gardan na uThe
izn-e-sajda pe kamar taKHta na ho jaa.e kahii.n
khokhle lafzo.n me.n lohaa to nahii.n bhar sakte
saika.Do.n saal kii tabliiG ke chaaliis samar
kashtii ban jaa.e to tannuur se paanii uble
saalhaa-saal se aaraam natiija matluub
tiin-sau-saaTh sanam KHaana-e-ka.aba se chale
reg-zaaro.n me.n Gubaar aur khajuurii saa.e
uu.nT kii aa.nkh me.n tash.hiir hu.aa dard-e-safar
ko.ii 'hi.nda' se kahe daa.nt kahaa.n hai.n tere
fat.h-e-makka se magar log hidaayat paa.e.n
KHuun jam jaa.e jo naalain me.n chalte chalte
arsh kii aa.nkh se rahmat kaa samundar uble
jibra.iil apnii hai.at me.n hai.n numaa.ish-manzar
paa.nv paataal me.n sar charKH se Takraa.e kahii.n
par jo khole to har ik samt pe parde laTke.n
aur jaltaa hu.aa suuraj abhii kho jaa.e kahii.n
qaafila aayaa hai 'buu-bakr' se mansuub magar
maal taqsiim hu.aa daaman-e-haajat-ma.nda.n
nuur ka.ndhe pe uThaa.e shab-e-hijrat ke safiir
Gaar me.n saath rahe paas hii paivand hu.e
masjid-e-nabvii me.n ambaar-e-Ganiimat raushan
log rote hu.e nikle hai.n pareshaa.n-manzar
raushnii pahu.nchii 'abuu-jahl' kii diivaaro.n tak
ghar kii taariikii me.n rasta na bane biinaa.ii
pe.D ke saa.e kii pahchaan yahuudii raahib
ruk gayaa aab-e-ravaa.n beva ke darvaaze par
dast-e-zohraa me.n nishaanaat ayaa.n chakkii se
ilm ke baab 'alii' umr me.n sab se chhoTe
chaa.nd kaa naam tire chaak-garebaano.n me.n
mubtadii Dhuu.nDte hai.n masjid-e-aqsaa me.n imaam
sidrat-ul-muntahaa jibriil ijaazat maa.nge
kaun thaa kis ne pukaaraa ki chale bhii aa.o
kaun maujuud thaa pahle se vahaa.n kaun gayaa
kaun suntaa thaa vahaa.n kis ne pukaaraa kis ko
kis kii aavaaz kii tanviir se aalim chamke
sar-bulandii thii muqaddar me.n qalam se pahle
bakriyaa.n kaun 'haliima' kii charaane jaa.e
'aamina' batn se iz.haar hai aadam kaa uruuj
mujtam.a kis ne kiyaa logo.n ko parbat ke qariib
kis ne lalkaaraa zalaalat ko musalsal tanhaa
jau kii roTii kabhii mil jaa.e kabhii faaqa-kashii
bhuuk se peT pe patthar kabhii baa.ndhe kis ne
tiin-sau-terah kii ta.adaad hai kis gintii me.n
fikr pe daa.era-kun KHandaqe.n khodii jaa.e.n
duur kii dhuup me.n hai faisla-kun rah-e-tabuuk
'ha.nzala' saamne aa jaa.e.n jo chhaT jaa.e Gubaar
mai.n ne pahu.nchaa diyaa tum tak jo mujhe pahu.nchaa thaa
mai.n ne pahu.nchaa diyaa tum tak jo mujhe pahu.nchaa thaa
mai.n ne pahu.nchaa diyaa tum tak jo mujhe pahu.nchaa thaa
ko.ii pardesii hai KHeme pe pareshaa.n-surat
aur 'faaruuq' chale biivii ko ham-raah liye
faasle to.D kar aavaaz ke saa.e phaile
haakim-e-vaqt kaa kurtaa ka.ii paivand lagaa
bakriyaa.n jis se sambhaalii nahii.n jaatii.n thii.n kabhii
nisf duniyaa pe KHilaafat ke alam lahraa.e
yaad hai saahibo KHaibar ko ukhaa.Daa kis ne
kis kii talvaar thii aa.iina zamaane ke liye
kis ne zarKHez shujaa.at ke sitaare bo.e
jaan dii jaavedaa.n lamhaat tilaavat mashGuul
KHuun ke dhabbe hai.n qur.aan pe taabinda nazar

Adil Mansuri
Nazm

dilip-kumar

kahaanii kaa hidaayat-kaar bhii shaayad tirii aa.nkho.n kii gahraa.ii se KHaa.if thaa
vo mil jaa.e to bole.nge
ki is kirdaar kaa jaanaa na bantaa thaa!

Rehman Faris
Nazm

gandhi

shahiido.n kaa sartaaj jannat-maqaam
mohabbat kii me.araaj zii-ehtiraam
Gulaamaan-e-aalam kii pusht-o-panaah
ahinsaa ke bando.n kii ummiid-gaah
vo Gam bhii vatan kaa thaa Gam-KHvaar bhii
razaakaar bhii aur saalaar bhii
ahinsaa kaa pairav magar sher-e-mard
mohabbat me.n yaktaa sadaaqat me.n fard
hu.aa jis ke dam se ba-sad ehtishaam
siyaasat se uu.nchaa sadaaqat kaa naam
vo aadam kii azmat kaa aa.iina-daar
vo zarra ki chamkaa thaa KHurshiid-daar
vo jis ne diyaa aadamiyat ko auj
vo jis ne la.Daa.ii ahinsaa kii fauj
qafas hai ko.ii ab na sayyaad hai
vatan jis kii hikmat se aazaad hai
vo nuur-e-ziyaa-baar siimaa-e-KHair
vo juuyaa-e-KHair-o-shanaasaa-e-KHair
farishta-KHisaal-o-farishta-siyar
malak dar-haqiiqat ba-zaahir bashar
mohabbat kii vo ik shabiih-e-hasii.n
uKHuvvat kaa vo ek maah-e-mubii.n
vo haq aagahii kii kachhaaro.n kaa sher
sadaaqat ke maidaa.n kaa mard-e-diler
falak-aafrii.n aur garduu.n-taraaz
mariizaan-e-pastii kaa vo chaarasaaz
vo kotaah-biino.n kii sham-e-shu.uur
vo gumraahiyo.n me.n hidaayat kaa nuur
vo jis ne uThaayaa zamaane kaa baar
kiyaa jis ne jaabir ko be-iKHtiyaar
vo be-misl qaa.id mu.assar KHatiib
vo lashkar me.n jis ke amiir-o-Gariib
vo jis ne karo.Do.n ke kaaTe hai.n band
vo arfa.a vo a.alaa vo sab se buland
vo jis kii ataa hai niraalii ataa
vo jis ne diyaa ik nayaa falsafa
zamii.n par bahaa us jarii kaa lahuu
tafuubar tuu ai charKH-e-gardaa.n tafuu

Arsh Malsiyani
Nazm

adhuri maut kar karb

mai.n ne us se mohabbat kii
us ne mujhe dil chuumne ko kahaa
mai.n ne us kaa siina chhuu kar
use hidaayat baKHshii

Zahid Imroz
Nazm

jila

zainab mai.n terii baa.ndii
tuu aisii baa-hausla
is shaan se jaltii zamiin par chalii
ki sach ko zaruurat na rahii kisii hiil hujjat kii
tere liye aasmaano.n se ko.ii mo.ajiza nahii.n utraa
uj.Daa hu.aa ghar be-bizaa.atii zmiin-o-aasmaan kii saKHtiyaa.n
aur terii istaqaamat
ki is qadar KHuu.n-rezii ke baa'd bhii yaziidii fat.h kaa KHat na le sake
kisii ek fard-e-vaahid se nahii.n
to ek puure Galat nizaam ke muqaabil thii
ye vo maqaam thaa ki taariiKH-daano.n o mohaqqiqiin ne haar jiit ke nazriyaat ko alag andaaz se dekhaa
terii maamtaa ko salaam zainab apne jigar gosho.n kaa Gam uThaa kar KHud ko TuuTne nahii.n diyaa
aivaano.n me.n sar jo.De baiThe ahl-e-siyaasat
kisii natiije par nahii.n pahu.nch paate
ki bachcho.n ko zab.h karne vaale
insaan hai.n musalmaan hai.n
zainab
ma.asuum alii asGar ko zab.h karne vaalo.n ko
tuu ne KHudaa kaa ye farmaan baavar karaayaa thaa
allaah zaalimo.n ko dost nahii.n rakhtaa
karbalaa ek raah-e-hidaayat
raushnii zaraa sii darz kisii jhurrii se daaKHil ho kar
phaile hu.e a.ndhere par Gaalib aa jaatii hai
aur taariikii ko savere me.n badal dene vaale rab ko ma.aluum hai
ki ishq ko baaqii rakhne ke liye lahuu se aabiyaarii kii ga.ii
lahuu bahtaa hai
to zamii.n zar-KHez hotii hai
vo taa.ef ho kuufa ho yaa merii bad-nasiib zamiin
andhaa hujuum haatho.n me.n patthar liye
jilaa ko bujhaa detaa chaahtaa hai
jilaa jo du.aa-go hai
ma.abuud unhe.n baKHsh de ye nahii.n jaante ye kyaa kar rahe hai.n
jilaa baatil ke haatho.n me.n bai.at nahii.n kartii
jilaa masiihaa hai
mujhe masluub karne vaalo shaqii-ul-qalb hukmaraano
bhalaa phuuTtii kirno.n ko bhii ko.ii saliib de sakaa
jilaa zainab hai
jo jale hu.e a.ndhero.n ke ba.ad
hone vaalii uj.Dii sub.h se
us kaThin masaafat ko tai kartii hai
ki bahut sii ghuTan aur hazaar sa.uubato.n ke ba.ad
ek vo maqaam aataa hai
jo taKHt ko nishaan-e-ibrat banaa de

Injila Hamesh
Nazm

fasana-e-adam

mai.n thaa zamiir-e-mashiyyat me.n ek azm-e-jaliil
hanuuz shauq kii karvaT bhii lii na thii mai.n ne
ki daf.atan mut.harrik hu.e lab-e-taKHliiq
paka.D lii suurat-e-zaahir vajuud kii mai.n ne
vo sub.h-e-aalam-e-hairat vo jalva-zaar-e-bahisht
havaa chaman kii lagii aa.nkh khol dii mai.n ne
vo tarbiyat-gah-zauq-e-nazar, vo vaadii-e-nuur
jahaa.n se paa.ii mohabbat kii raushnii mai.n ne
vo unfuvaan-e-tamannaa vo ibtidaa-e-junuun
vo ik KHalish jise samjhaa thaa zindagii mai.n ne
kiyaa suruur ne ik aalam-e-digar paidaa
churaa ke pii jo mai-e-sarkash-e-KHudiii mai.n ne
KHudii ke nashshe me.n allaah re be-KHudii merii
badan se chaadar-e-ismat bhii phe.nk dii mai.n ne
hu.aa huduud-e-nazar se nikal ke aavaara
havaa-e-shauq me.n jannat bhii chho.D dii mai.n ne
farishte rah ga.e hairat se dekhte mujh ko
na kii qubuul mashiyyat kii rahbarii mai.n ne
daliil-e-raah banii apnii garmii-e-parvaaz
ki taaqat-e-par-e-jibriil chhiin lii mai.n ne
ba.Dhii.n sitaaro.n kii duniyaa.e.n mere lene ko
utar ke arsh se niiche nazar jo kii mai.n ne
magar zamii.n kii kashish ne suu-e-zamii.n khii.nchaa
kiyaa pasand ye zindaan-e-unsurii mai.n ne
jagah milii jo ta.Dapne kii be-qaraarii ko
to phir huduud me.n vus.at kii daad dii mai.n ne
hu.aa talaatum-e-hastii ba-aalam-e-zarraat
chhi.Dak dii KHaak-e-bayaabaa.n pe zindagii mai.n ne
numuu ke josh se saudaa-e-ra.ng-o-buu niklaa
zamii.n ke dil kii tamannaa nikaal dii mai.n ne
hu.ii.n jahaan-e-amal me.n sharii.ate.n paidaa
KHudaa ke naam pe barpaa jo kii KHudii mai.n ne
kabhii jalaa.ii a.ndhere me.n sham.a-e-ilm-o-amal
kabhii bujhaa dii hidaayat kii raushnii mai.n ne
kabhii bigaa.D ke rakh dii.n savaab kii shakle.n
kabhii badal dii haqiiqat gunaah kii mai.n ne
ba.Dhaa to rah gayaa piichhe mire zamaana-e-haal
rukaa to vaqt kii rafta rok dii mai.n ne
zamii.n pe shauq ke fitne bichhaa diye har suu
fazaa me.n nii.nd kii mastii bikher dii mai.n ne
kabhii jagaa dii qayaamat nafas kii Thokar se
uThaa ke suur-e-saraafiil-e-zindagii mai.n ne
junuu.n ke josh me.n parde nazar ke chaak kiye
naqaab noch ke fitrat kii phe.nk dii mai.n ne
qabaa-e-laila-e-tahziib chaak kar Daalii
ridaa-e-maryam-e-ismat utaar lii mai.n ne
mizaaj-e-aatish-e-sozaa.n ko kar diyaa ThanDaa
machaa dii bazm-e-anaasir me.n khalbalii mai.n ne
liyaa shahanshah-e-KHaavar se raushnii kaa KHiraaj
kiyaa asiir tabii.at ko barq kii mai.n ne
ba-inqalaab-e-tabii.at mizaaj-e-aahan ko
havaa kii garmii-e-parvaaz baKHsh dii mai.n ne
bulandiyo.n kaa tasavvur bhii rah gayaa piichhe
pahu.nch ke itnii bulandii pe saa.ns lii mai.n ne
ThiThuk ga.ii.n jo nigaahe.n qariib hujla-e-quds
pas-e-hijaab-e-adab ye sadaa sunii mai.n ne
ki ai hariif-e-mashiyyat ba-va.ada-gaah-e-azal
Thahar Thahar tirii parvaaz dekh lii mai.n ne

Jameel Mazhari
Nazm

billu-barbar

kahaanii kaa hidaayat-kaar bhii shaayad tirii aa.nkho.n kii gahraa.ii se KHaa.if thaa
vo mil jaa.e to puuchhe.nge
ki is kirdaar kaa anjaam kyo.n itnaa achaanak hai

Rehman Faris
Nazm

hidayat

ye jo tum merii KHaamiyaa.n ginaa.e jaa rahe ho
likh luu.n ke zaraa yaad rah jaa.e
karuu.n mai.n bhii ishq behad soch-samajh kar zindagii bhar kaa mujhe bhii mafaad rah jaa.e

Geetanjali Geet
Nazm

adakar

mire Dna me.n
adaakaar lamho.n kaa paivand hai
miraa fan musalsal
hidaayaat hii kaa to paaband hai

Sidra Afzal
Nazm

breaking-news

kaash tum mere bulletin kii anchor hotii.n
jo mai.n likhtaa
vo tum pa.Dtii.n
mai.n saarii headlines multavii kar detaa
taviil aur muKHtasar dauraaniye kii
tamaam reports talaf kar Daaltaa
sab commercial-drop karne kii hidaayat kartaa
breaking-news kii tarah
tum Teli-prompter par
merii likhii hu.ii
ek satar baar baar pa.Dhtii.n
i-love-u
i-love-u

Mubashshir Ali Zaidi
Nazm

hidayat

vo patthar dil hai vo kyaa dard jaane
kabhii aate nahii.n aa.nsuu bahaane
nahii.n in pe asar hotaa hai ko.ii
balaa se in kii jo rotaa hai ko.ii
bahut aasaan in kaa raasta hai
mohabbat se inhe.n kyaa vaasta hai
hai in kaa pyaar jhuuTaa baat jhuuTii
farebii hai ye in kii zaat jhuuTii
hai in kaa kaam bas dhokaa hii denaa
naa ko.ii baat in kii dil pe lenaa
agar baato.n me.n in kii aa.ogii tum
qasam se phir bahut pachhta.ogii tum
kabhii aisaa na ko.ii kaam karnaa
gharaane ko na tum badnaam karnaa
na rusvaa zaat kaa tum naam karnaa
kabhii izzat ko mat niilaam karnaa
Galat haatho.n me.n KHud ko sau.npnaa mat
ko.ii paudhaa Galat mat ropnaa mat

Siya sachdev
Nazm

muntaKHab-e-rozgar abulkalam-azad

usii ne harf-e-hidaayat se sarfaraaz kiyaa
KHudaa kaa shukr hame.n aashnaa-e-raaz kiyaa

Saeed Arifi
Nazm

diyanat-dar laDki

Gariib aadmii ek qasbe me.n thaa
bahut dil me.n rakhtaa thaa KHauf-e-KHudaa
Gariibii me.n iimaan-daarii me.n bhii
na qasbe me.n thaa us se ba.Dh kar ko.ii
akelaa na thaa biivii bachche bhii the
jo the sab ke sab nek KHaslat ba.De
suhaanaa samaa.n din thaa itvaar kaa
ki ik chhoTii la.Dkii se maa.n ne kahaa
uTho laa.o aaTaa ki roTii pakaa.uu.n
bilakte hai.n bachche inhe.n kuchh khilaa.uu.n
ga.ii la.Dkii aaTaa liyaa aa ga.ii
lagii guu.ndhne maa.n to ghabraa ga.ii
ki aaTe me.n do baaliyaa.n thii.n pa.Dii
har ik sabz kaaGaz me.n lipTii hu.ii
khare sone kii kaam baariik thaa
vo thii.n dekhne me.n bahut KHushnumaa
jo la.Dkii ne dekhii.n to jhaT bol uThii
yaqiinan ye ho.ngii dukaa.n-daar kii
abhii diijiye kar duu.n vaapas ise
ye aaTe me.n rakkhii ga.ii.n bhuul se
dukaa.n-daar ke paas la.Dkii ga.ii
kahaa ye to hai.n baaliyaa.n aap kii
milii hai.n ye aaTe se le liijiye
ki borii me.n shaayad girii.n aap se
dukaa.n-daar bolaa uThaa lo tumhii.n
suno in kaa qissa ye merii nahii.n
yahaa.n ek aayaa amiir aadmii
mujhe baaliyaa.n dii.n hidaayat ye kii
ye denaa kisii saKHt muhtaaj ko
diyaanat me.n bhii sab se ba.Dh kar jo ho
ye baate.n tumhii.n me.n hai.n lo bas uThaa.o
tumhaarii hai.n ye baaliyaa.n le bhii jaa.o
ghar aa.ii jo la.Dkii liye baaliyaa.n
sunaa qissa hairaa.n hu.ii saKHt maa.n
diyaanat se hotaa hai raazii KHudaa
diyaanat kaa la.Dkii ko ye phal milaa

Nishtar Jalandhari
Nazm

hidayat

raushnii kii ko.ii sarhad nahii.n
ko.ii maz.hab nahii.n
havaa kaa ko.ii jism nahii.n
ko.ii mulk nahii.n
paanii kaa ko.ii rang nahii.n
raushnii ko ko.ii naam na do
havaa ko ko.ii jism na do
paanii ko ra.ngiin na banaa.o
paanii me.n lahuu na milaa.o

Ehtisham Akhtar
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now