Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kaashaana"

Nazm MATCHES FOR "kaashaana"

Nazm

himala

ai himaala ai fasiil-e-kishvar-e-hindustaan
chuumtaa hai terii peshaanii ko jhuk kar aasmaa.n
tujh me.n kuchh paidaa nahii.n deriina rozii ke nishaa.n
tuu javaa.n hai gardish-e-shaam-o-sahar ke darmiyaa.n
ek jalva thaa kaliim-e-tuur-e-siinaa ke liye
tuu tajallii hai saraapaa chashm-e-biinaa ke liye
imtihaan-e-diida-e-zaahir me.n kohistaa.n hai tuu
paasbaa.n apnaa hai tuu diivaar-e-hindustaa.n hai tuu
matla-e-avval falak jis kaa ho vo diivaa.n hai tuu
suu-e-KHalvat-gaah-e-dil daaman-kash-e-insaa.n hai tuu
barf ne baa.ndhii hai dastaar-e-faziilat tere sar
KHanda-zan hai jo kulaah-e-mehr-e-aalam-taab par
terii 'umr-e-rafta kii ik aan hai ahd-e-kuhan
vaadiyo.n me.n hai.n tirii kaalii ghaTaa.e.n KHema-zan
choTiyaa.n terii surayyaa se hai.n sargarm-e-suKHan
tuu zamii.n par aur pahnaa-e-falak teraa vatan
chashma-e-daaman tiraa aa.iina-e-sayyaal hai
daaman-e-mauj-e-havaa jis ke liye ruumaal hai
abr ke haatho.n me.n rahvaar-e-havaa ke vaaste
taaziyaana de diyaa barq-e-sar-e-kohsaar ne
ai himaala ko.ii baazii-gaah hai tuu bhii jise
dast-e-qudrat ne banaayaa hai 'anaasir ke liye
haa.e kyaa fart-e-tarab me.n jhuumtaa jaataa hai abr
fiil-e-be-zanjiir kii suurat u.Daa jaataa hai abr
jumbish-e-mauj-e-nasiim-e-sub.h gahvaara banii
jhuumtii hai nashsha-e-hastii me.n har gul kii kalii
yuu.n zabaan-e-barg se goyaa hai us kii KHaamushii
dast-e-gul-chii.n kii jhaTak mai.n ne nahii.n dekhii kabhii
kah rahii hai merii KHaamoshii hii afsaana miraa
kunj-e-KHalvat KHaana-e-qudrat hai kaashaana miraa
aatii hai naddii faraaz-e-koh se gaatii hu.ii
kausar o tasniim kii maujo.n ko sharmaatii hu.ii
aa.iina saa shaahid-e-qudrat ko dikhlaatii hu.ii
sa.ng-e-rah se gaah bachtii gaah Takraatii hu.ii
chhe.Dtii jaa is iraaq-e-dil-nashii.n ke saaz ko
ai musaafir dil samajhtaa hai tirii aavaaz ko
laila-e-shab kholtii hai aa ke jab zulf-e-rasaa
daaman-e-dil khii.nchtii hai aabshaaro.n kii sadaa
vo KHamoshii shaam kii jis par takallum ho fidaa
vo daraKHto.n par tafakkur kaa samaa.n chhaayaa hu.aa
kaa.nptaa phirtaa hai kyaa rang-e-shafaq kohsaar par
KHush-numaa lagtaa hai ye Gaaza tire ruKHsaar par
ai himaala daastaa.n us vaqt kii ko.ii sunaa
maskan-e-aabaa-e-insaa.n jab banaa daaman tiraa
kuchh bataa us siidhii-saadhii zindagii kaa maajraa
daaG jis par Gaaza-e-ra.ng-e-taklluf kaa na thaa
haa.n dikhaa de ai tasavvur phir vo sub.h-o-shaam tuu
dau.D piichhe kii taraf ai gardish-e-ayyaam tuu

Allama Iqbal
Nazm

jahan rehana rahti thi

ye phuulo.n kii hasii.n aabaadiyaa.n kaashaana thii.n us kaa
vo ik but thii ye saarii vaadiyaa.n but-KHaana thii.n us kaa
vo is firdaus-e-vajd-o-raqs me.n mastaana rahtii thii
yahii vaadii hai vo hamdam jahaa.n 'rehaana' rahtii thii

Akhtar Shirani
Nazm

sarmaya-dari

kaleja phu.nk rahaa hai aur zabaa.n kahne se aarii hai
bataa.uu.n kyaa tumhe.n kyaa chiiz ye sarmaaya-daarii hai
ye vo aa.ndhii hai jis kii rau me.n muflis kaa nasheman hai
ye vo bijlii hai jis kii zad me.n har dahqaa.n kaa KHirman hai
ye apne haath me.n tahziib kaa faanuus letii hai
magar mazduur ke tan se lahuu tak chuus letii hai
ye insaanii balaa KHud KHuun-e-insaanii kii gaahak hai
vabaa se ba.Dh ke mohlik maut se ba.Dh kar bhayaanak hai
na dekhe hai.n bure is ne na parkhe hai.n bhale is ne
shikanjo.n me.n jaka.D kar ghuu.nT Daale hai.n gale is ne
balaa-e-be-amaa.n hai taur hii is ke niraale hai.n
ki is ne Gaiz me.n uj.De hu.e ghar phuu.nk Daale hai.n
qayaamat is ke Gamze jaan-levaa hai.n sitam is ke
hamesha siina-e-muflis pe pa.Dte hai.n qadam is ke
kahii.n ye KHuu.n se fard-e-maal-o-zar tahriir kartii hai
kahii.n ye haDDiyaa.n chun kar mahal ta.amiir kartii hai
Gariibo.n kaa muqaddas KHuun pii pii kar bahaktii hai
mahal me.n naachtii hai raqs-gaaho.n me.n thiraktii hai
ba-zaahir chand fir.auno.n kaa daaman bhar diyaa is ne
magar gul-baaG-e-aalam ko jahannam kar diyaa is ne
darinde sar jhukaa dete hai.n lohaa maan kar is kaa
nazar saffaak-tar is kii nafas makruuh-tar is kaa
jidhar chaltii hai barbaadii ke saamaa.n saath chalte hai.n
nahuusat ham-safar hotii hai shaitaa.n saath chalte hai.n
ye akasr luuT kar ma.asuum insaano.n ko raaho.n me.n
KHudaa ke zamzame gaatii hai chhup kar KHaanqaaho.n me.n
ye Daa.in hai bharii godo.n se bachche chhiin letii hai
ye Gairat chhiin letii hai hamiyyat chhiin letii hai
ye insaano.n se insaano.n kii fitrat chhiin letii hai
ye aashob-e-halaakat fitna-e-iskandar-o-daaraa
zamii.n ke devtaa.o.n kii kaniiz-e-anjuman-aaraa
hamesha KHuun pii kar haDDiyo.n ke rath me.n chaltii hai
zamaana chiiKH uThtaa hai ye jab pahluu badaltii hai
garajtii guu.njtii ye aaj bhii maidaa.n me.n aatii hai
magar bad-mast hai har har qadam par la.Dkha.Daatii hai
mubaarak dosto labrez hai ab is kaa paimaana
uThaa.o aa.ndhiyaa.n kamzor hai buniyaad-e-kaashaana

Asrarul Haq Majaz
Nazm

krishn-kanhaiya

jo sun letaa hai gosh-e-dil se afsaana kanhaiyaa kaa
vo ho jaataa hai sachche dil se diivaana kanhaiyaa kaa
nazar aatii hai jis ko KHvaab me.n vo suurat-e-dilkash
vo apnaa dil banaa letaa hai kaashaana kanhaiyaa kaa
suruur-o-kaif kii miltii hai us ko lazzat-e-daa.im
lagaa letaa hai ho.nTo.n se jo paimaana kanhaiyaa kaa
tum apnaa haath phailaa.o zaraa saaqii kii mahfil me.n
ki baa.nTaa jaa rahaa hai aaj paimaana kanhaiyaa kaa
kisii par band hone kaa nahii.n mai-KHana-e-ulfat
chale aa.o khulaa rahtaa hai mai-KHaana kanhaiyaa kaa
kanhaiyaa kii mohabbat me.n jo jaa.n par khel jaataa hai
use sab log kah dete hai.n diivaana kanhaiyaa kaa
'nahiif' apne paraa.e sab isii ke dil me.n rahte hai.n
sab apne hai.n nahii.n ko.ii bhii begaana kanhaiyaa kaa

Julius Naheef Dehlvi
Nazm

ek shaera ki shadi par

ai ki thaa uns tujhe ishq ke afsaano.n se
zindagaanii tirii aabaad thii ruumaano.n se
sher kii god me.n paltii thii javaanii terii
tere shero.n se ubaltii thii javaanii terii
rashk-e-firdaus thaa har husn bharaa KHvaab tiraa
ek paamaal khilaunaa thaa ye mahtaab tiraa
nik.hat-e-sher se mahkii hu.ii rahtii thii sadaa
nashshaa-e-fikr me.n bahkii hu.ii rahtii thii sadaa
shirkat-e-Gair se begaana the naGme tere
ismat-e-huur kaa afsaana the naGme tere
sher kii KHalvat-e-ra.ngii.n thii parii-KHaana tiraa
mast KHvaabo.n ke jaziiro.n me.n thaa kaashaana tiraa
Gaa.eb-az-chashm thii jannat kii bahaaro.n kii tarah
dast-e-insaa.n se thii mahfuuz sitaaro.n kii tarah
sohbat-e-Gair se ghabraatii thii tanhaa.ii tirii
aa.ii.ne se bhii to sharmaatii thii tanhaa.ii tirii
sub.h kii tarah se doshiiza thii hastii terii
buu-e-gul kii tarah paakiiza thii hastii terii
naGma-o-sher ke firdaus me.n tuu rahtii thii
yaksar ilhaam o tarannum thaa jo tuu kahtii thii
tere ash.aar the jannat kii bahaaro.n ke hujuum
tere afkaar the zarriin sitaaro.n ke hujuum
dard-e-sherii ke ta.assur se to maGmuum thii tuu
aasmaa.n kaa magar ik Guncha-e-ma.asuum thii tuu
mauj-e-kausar kaa chhalaktaa hu.aa paimaana thii
Gair ho.nTo.n ke tasavvur se bhii begaana thii

Akhtar Shirani
Nazm

gulzar-e-watan

phuulo.n kaa kunj-e-dilkash bhaarat me.n ik banaa.e.n
hubb-e-vatan ke paude is me.n na.e lagaa.e.n
phuulo.n me.n jis chaman ke ho buu-e-jaa.n-nisaarii
hubb-e-vatan kii qalme.n ham is chaman se laa.e.n
KHuun-e-jigar se sii.nche.n har naKHl-e-aarzuu ko
ashko.n se bel-buuTo.n kii aabruu ba.Dhaa.e.n
ek ek gul me.n phuu.nke.n ruuh-e-shamiim-e-vahdat
ik ik kalii ko dil ke daaman se de.n havaa.e.n
firdaus kaa namuuna apnaa ho kunj-e-dilkash
saare jahaa.n kii jis me.n ho.n jalva-gar fazaa.e.n
chhaayaa ho abr-e-rahmat kaashana-e-chaman me.n
rim-jhim baras rahii ho.n chaaro.n taraf ghaTaa.e.n
murGaan-e-baaG ban kar u.Dte phire.n havaa me.n
naGme ho.n ruuh-afzaa aur dil-rubaa sadaa.e.n
hubb-e-vatan ke lab par ho.n jaa.n-fazaa taraane
shaaKHo.n pe giit gaa.e.n phuulo.n pe chahchahaa.e.n
chhaa.ii hu.ii ghaTaa ho mausam tarab-fazaa ho
jho.nke chale.n havaa ke ashjaar lahlahaa.e.n

Suroor Jahanabadi
Nazm

nazr-e-Khaalida

dil masarrat kii faraavaanii se diivaana hai aaj
dekhnaa ye kaun aaKHir zeb-e-Kaashana hai aaj

Asrarul Haq Majaz
Nazm

bachpane ki yaad

ai bachpane kii duniyaa to yaad aa rahii hai
dil se mirii sadaa-e-fariyaad aa rahii hai
raahat sunaa rahii thii afsaana saltanat kaa
thii maa.n kii god mujh ko kaashaana saltanat kaa
vo ghar ki duur jis se thii gardish-e-zamaana
aazaadiyo.n kaa merii aabaad aashiyaana
phirtii hai ab nazar me.n tasviir us makaa.n kii
arsh-e-barii.n se behtar thii sarzamii.n jahaa.n kii
naazuk-mizaaj ban kar vo ruuThnaa machalnaa
sehn-e-makaa.n me.n din bhar vo kuudnaa-uchhalnaa
allaah-re vo taKHayyul allaah-re saaz-o-saamaa.n
duniyaa kii saltanat thii is zindagii pe qurbaa.n
us ahd-e-aafyat me.n ik baar phir sulaa de
ai mere ahd-e-maazii phir ik jhalak dikhaa de
baaG-e-jahaa.n me.n rakkhaa un shaadiyo.n ne mujh ko
raahat kii loriyaa.n dii.n aazaadiyo.n ne mujh ko
be-fikr zindagii thii KHud hosh mujh ko kab thaa
ik kaif-e-be-KHudii thaa mast-e-mai-e-tarab thaa
ai umr-e-rafta tuu ne kii mujh se be-valfaaii
aa jaa palaT ke dam bhar mai.n huu.n tiraa fidaa.ii
dil me.n sharaarte.n thii.n kaise Gazab kii pinhaa.n
rag rag me.n bijliyaa.n thii.n josh-e-tarab kii pinhaa.n
huu.n apnii zindagii kaa andaaza karne vaalaa
jannat se laa ke tuu ne dozaKH me.n mujh ko Daalaa

Mirza Mohammad Hadi Aziz Lakhnavi
Nazm

takiya

aziimushshaan bastii hai ye nau-aabaad viiraana
yahaa.n ham ajnabii dono.n hai.n mai.n aur meraa kaashaana

Hafeez Jalandhari
Nazm

nazr-e-watan

nazr-e-vatan phir ai dil diivaana chaahiye
phir har qadam pe sajda-e-shukraana chaahiye
phir sar-zamii.n vatan kii hai nazro.n ke saamne
phir lab pe ek naara-e-mastaana chaahiye
bachpan kii yaad letii hai phir dil me.n chuTkiyaa.n
phir be-KHudii ba-hujjat-e-tiflaana chaahiye
barso.n ke baa'd aa.e hai.n baaG-e-vatan me.n ham
phir har kalii ko sajda-e-mastaana chaahiye
kohsaar sabz-posh nazar aa.e duur se
phir lab pe chaar bait kaa afsaana chaahiye
jis kuuche me.n hu.ii.n kabhii rusvaa.iyaa.n nasiib
us kaa tavaaf baa-dil-e-diivaana chaahiye
baKHshaa thaa jis ne pahle-pahal dil ko dard-e-ishq
phir us ke dar pe sajda-e-shukraana chaahiye
phir dil ko ho yaqii.n na kisii ke visaal kaa
phir vaaqi.a ba-suurat-e-afsaana chaahiye
phir shauq se mile.nge kisii gul-ezaar se
phir lab pe shor-e-bulbul-e-mastaana chaahiye
jhuulaa jhuulaa.e.nge kisii mast-e-shabaab ko
raqsaa.n fazaa me.n phir mai-o-mai-KHaana chaahiye
paa.e talab ko vaadii-e-parvii.n hai niim-gaam
phir aarzuu ko manzil-e-jaanaana chaahiye
phir KHirman sukuu.n ko hai.n darkaar bijliyaa.n
phir be-hijaab jalva-e-jaanaana chaahiye
phir zauq-e-mai-kashii ko hai me.araaj kii talab
kausar kaa baada chaa.nd kaa paimaana chaahiye
phir shauq ban ke dil me.n dha.Daktii hai zindagii
phir jumbish-e-tabassum-e-jaanaana chaahiye
phir siina-e-umiid me.n raqsaa.n hai barq-e-tuur
phir pursish mazaaq kaliimaana chaahiye
baalaa-e-koh saaya-e-abr-e-bahaar me.n
parviin-o-maahtaab kaa kaashaana chaahiye
phir us hariim-e-nuur ke aaGosh-e-naaz me.n
ik gul-kada ba-ra.ng-e-parii-KHaana chaahiye
phir abr-o-baaG-o-nik.hat-o-gul ke hujuum me.n
sham.a o sarv o baada-o-paimaana chaahiye
phir us kii chashm-e-mast pe gesuu ho.n pur-fishaa.n
phir abr-e-shaam-guu.n sar-e-mai-KHaana chaahiye
phir chaa.ndnii me.n daaman-e-dariyaa ye ai nadiim
raqs-e-sharaab-o-gardish-e-paimaana chaahiye
josh-e-tarab ne hashr saa dil me.n kiyaa bapaa
phir be-KHudii ko girya-e-mastaana chaahiye
'aKHtar' vatan me.n aa ke khulaa hai ye husn-e-raaz
is muKHtasar sii umr me.n kyaa kyaa na chaahiye

Akhtar Shirani
Nazm

ye dharti KHub-surat hai

ajab aalam thaa
aur mai.n aasmaa.n se saKHt barham thaa
KHudaa ko gaaliyo.n par gaaliyaa.n dene me.n khoyaa thaa
ki munnii ne kahaa ''dekho KHudaa ne mujh ko bhejaa hai''
magar is vaqt munnii bhii mujhe manhuus lagtii thii
mahiine guzre faaruuqii!
magar ab sochtaa huu.n mai.n
ko.ii maane na maane ik KHudaa hai naam jo bhii ho!
na umr-e-ishq baaqii hai
na mai-KHaana na paimaana
na nazro.n me.n
kisii shahnaaz-e-laala-ruKH kaa kaashaana
to kyaa hamd o salaam o na.at likkhuu.n ye nahii.n mumkin
to masjid hii karuu.n aabaad kuchh karnaa zaruurii hai
KHudaa bhii mujh ko kaahil paa ke phir barham na ho jaa.e
magar faaruuqii! duniyaa aaj behad KHuub-suurat hai
ba-ii.n umr-e-taabii.ii mujh ko bhii us kii zaruurat hai
KHudaa fankaar hai vo bhii yaqiinan chaahtaa hogaa
ki dekhe us kii san.at se kise kitnii mohabbat hai
agar mai.n is zamii.n aur is kii ra.anaa.ii ko apnaa luu.n
to meraa dil ye kahtaa hai ki ye bhii ik ibaadat hai
abhii ye sochtaa huu.n kal KHudaa hii jaane kyaa sochuu.n
musalsal sochte rahnaa mirii bachpan kii aadat hai
divaalii aur sub.h-e-iid faaruuqii! mubaarak ho
mujhe chho.Do me.n jis aalam me.n huu.n vo merii qismat hai!!

Salam Machhli shahri
Nazm

hindu musalmanon ka ittihad

barbaad murG-e-dil kaa kaashaana kar diyaa hai
KHaalii mai-e-tarab se paimaana kar diyaa hai

Chandar Bhan Kaifi Dehelvi
Nazm

apne dil ki shahzadi

lekin rangiin tasavvur se kab zulf-e-shauq sa.nvartii hai
tadbiir ke sundar sapno.n par taqdiir tabassum kartii hai
tuu aish-o-tarab kii parvarda mujh par bad-baKHtii kaa saaya
tuu hai ik duKHtar-e-ahl-e-zar mai.n huu.n ik shaa.ir-e-be-maaya
mere liye ik TuuTaa chhappar KHud apnii musalsal mehnat kaa
tere liye ik piilii koThii aa.iina saraapaa rishvat kaa
teraa kaashaana hotaa hai bijlii ke taaro.n se raushan
aur mere taaq me.n rakkhaa hai bas ek charaaG-e-be-roGan
tujh ko hai shikaayat phuulo.n ke bistar par nii.nd na aane kii
aur kankriilii sa.Dko.n par bhii aadat hai mirii so jaane kii
tere to dastarKHvaan pe hai har ik ne.amat kii arzaanii
mai.n kuchh suukhe Tuk.De khaa kar pii letaa huu.n tho.Daa paanii
tuu aksar naa-KHush rahtii hai resham atlas baanaat me.n bhii
mai.n ek phaTe kurte me.n KHush jaa.Daa garmii barsaat me.n bhii
terii to daulat ke baa.is begaane tujhe apnaate hai.n
aur merii Gurbat ke baa.is apne bhii mujhe Thukraate hai.n
terii qismat me.n sab kuchh hai ashko.n ke sivaa ai maah-jabii.n
merii qismat me.n shaayad hai ashko.n ke sivaa aur kuchh bhii nahii.n
kis tarah 'salaam' mai.n to.Duu.n phir tafriiq kii in diivaaro.n ko
zarre kaise paa sakte hai.n aflaak ke uu.nche taaro.n ko
ai kaash kisii suurat palla dono.n kaa baraabar ho jaataa
yaa tuu hii muflis ho jaatii yaa mai.n hii tavangar ho jaataa

Salam Sandelvi
Nazm

muntaKHab-e-rozgar abulkalam-azad

gulo.n se pyaar anaadil se us kaa yaaraana
sukuun-o-amn kaa markaz thaa us kaa kaashaana

Saeed Arifi
Nazm

mubarakbaad

zamaane! tahniyat tujh ko
ki phir maidaan maaraa hai
magar ab ke jo haaraa hai
ba.Daa hii saKHt-jaa.n niklaa
muqaabil tere aane ko bahut tayaar phirtaa thaa
liye hathiyaar phirtaa thaa
vafaa ke, zarf ke
aa.nkho.n me.n raushan KHush-gumaanii ke
labo.n par kheltii KHvaahish,
suKHan me.n naachtii ik hausla-mandii
rago.n me.n dau.Dtaa sayyaal iraada thaa
badan par KHvaab kii pahne zira-baktar
jabii.n par be-niyaazii KHuud kii suurat Tikaa.ii thii
giraa ke farsh par is ko
ba.Daa arsa lagaa tujh ko
ki is kaashaana-e-ummiid bhii lams-e-zamii.n chakkhe
phir is ke ba.ad
kitnii der tak us kaa
adam tasliim-e-paspaa.ii me.n chillaate hu.e rahnaa...

Saima Esma
Nazm

may yaum-ul-hisab

mujhe be-rahm hastii ke ziyaa.n-KHaane me.n kyuu.n bhejaa gayaa
kyuu.n halqa-e-zanjiir me.n rakh dii ga.ii.n be-taabiyaa.n merii
har ik manzar mirii nazro.n kaa juuyaa thaa
farozaa.n shaaKH-saaro.n par hujuum-e-ra.ng-o-buu
u.Dtaa hu.aa bar-ravaa.n
siimaab-paa mauje.n
sabaa kaa raqs-e-be-parvaa
shab-e-mahtaab kaa afsuu.n
mah-o-anjum ke raqsaa.n daa.ere
ruu-e-shafaq
taabaa.n ufuq
dariyaa.o.n kii raftaar
shab ke jaagte asraar
sahraa kaa munavvar siina-e-uryaa.n
tilism-e-be-karaa.n ke KHvaab-guu.n saa.e
mirii raato.n me.n misl-e-barq lahraa.e
sitaaro.n kii tajallii me.n thaa harf-e-kun kaa afsaana
ba.Daa faiyyaz thaa fitrat kaa kaashaana
ka.ii sahraa mire gaam-e-tamannaa ke shanaasaa the
vo harf-o-saut kii vaadii
vo zauq-e-sher kaa jaada
vo irfaa.n ke gurezaa.n aastaano.n par jabii.n-saa.ii
vo daanish kii paziiraa.ii
vo ma.anii kii ghanerii chhaa.nv me.n
zehn-e-rasaa kaa kashf vo
asraar ke parde ke piichhe
dil kii mahshar-KHez aavaaze.n
dil kii mahshar-KHez aavaaze.n
vo Gam-haa-e-nihaanii se farozaa.n zauq-e-biinaa.ii

Sajida Zaidi
Nazm

silsila KHwabon ka

lekin ai jaan-e-suKHan tujh ko KHabar hai ki nahii.n
mere kaashaana-e-Gurbat pe nazar hai ki nahii.n
tuu ki parvarda-e-aaGosh-e-nasiim-e-gulshan
jism-e-siimii.n pe ye zartaar tire pairaahan
garm jho.nko.n kii inaayat se bache.nge kab tak
KHaar-zaar-e-Gam-e-hastii me.n rahe.nge kab tak
mutrib-e-vaqt kahii.n chhe.D na de talKH Gazal
Dar hai mismaar na ho jaa.e ye naGmo.n kaa mahal
jaan-e-jaa.n silsila KHvaabo.n kaa kahii.n TuuT na jaa.e
tere haatho.n se kahii.n jaam-e-vafaa chhuuT na jaa.e

Muslim Shameem
Nazm

talash-e-mahbub

mujhe KHabar milii kaashaana hai tiraa mahtaab
tuu chashm-e-maah me.n rahtaa hai ban ke rangii.n KHvaab
tiraa suraaG magar suu-e-kahkashaa.n na milaa

Salam Sandelvi
Nazm

lucknow

maazii kii tajallii se maamuur ye kaashaana
ehsaas-e-musalmaa.n ko kar detaa hai diivaana
allaah re bedardii tuufaan-e-havaadis kii
duniyaa me.n haqiiqat bhii ban jaatii hai afsaana
aalam kii nigaaho.n se utre hu.e aivaano
be-saaKHta ashko.n kaa haazir hai ye nazraana
ab husn kii mahfil me.n hasrat sii barastii hai
vo Gamza-e-hindii hai.n nai ishva-e-turkaana
Gam azmat-e-rafta kaa siine me.n liye apne
sayyaah se kahtaa hai har zarra ye afsaana
sar le ke hathelii par ubhrii thii jo duniyaa me.n
us qaum ko le Duubaa shuGl-e-mai-o-mai-KHaana

Shameem Farooq Banspari
Nazm

silsila KHwabon ka

lekin ai jaan-e-suKHan tujh ko KHabar hai ki nahii.n
mere kaashaana-e-Gurbat pe nazar hai ki nahii.n
tuu ki parvarda-e-aaGosh-e-nasiim-e-gulshan
jism-e-siimii.n pe ye zartaar tire pairaahan
garm jho.nko.n kii inaayat se bache.nge kab tak
KHaar-zaar-e-Gam-e-hastii me.n rahe.nge kab tak
mutrib-e-vaqt kahii.n chhe.D na de talKH Gazal
Dar hai mismaar na ho jaa.e ye naGmo.n kaa mahal
jaan-e-jaa.n silsila KHvaabo.n kaa kahii.n TuuT na jaa.e
tere haatho.n se kahii.n jaam-e-vafaa chhuuT na jaa.e

Muslim Shameem
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now