Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kamiin"

Nazm MATCHES FOR "kamiin"

Nazm

KHun phir KHun hai

laakh baiThe ko.ii chhup-chhup ke kamii.n-gaaho.n me.n
KHuun KHud detaa hai jallado.n ke maskan kaa suraaG
saazishe.n laakh u.Daatii rahii.n zulmat kii naqaab
le ke har buu.nd nikaltii hai hathelii pe charaaG

Sahir Ludhianvi
Nazm

chand taron ka ban

kuchh imaamaan-e-sad-makr-o-fan
un kii saa.nso.n me.n af.ii kii phunkaar thii
un ke siine me.n nafrat kaa kaalaa dhu.aa.n
ik kamii.n-gaah se
phe.nk kar apnii nok-e-zabaa.n
KHuun-e-nuur-e-sahar pii ga.e

Makhdoom Mohiuddin
Nazm

fareb

(1)
naa-gahaa.n shor hu.aa
lo shab-e-taar-e-Gulaamii kii sahar aa pahu.nchii
u.ngliyaa.n jaag uThii.n
barbat o taa.uus ne a.ng.Daa.ii lii
aur mutrib kii hathelii se shu.aa.e.n phuuTii.n
khil ga.e saaz me.n naGmo.n ke mahakte hu.e phuul
log chillaa.e ki fariyaad ke din biit ga.e
raahzan haar ga.e
raah-rau jiit ga.e
qaafile duur the manzil se bahut duur magar
KHud-farebii kii ghanii chhaa.nv me.n dam lene lage
chun liyaa raah ke rezo.n ko KHazaf-rezo.n ko
aur samajh baiThe ki bas la.al-o-javaahar hai.n yahii
raahzan ha.nsne lage chhup ke kamii.n-gaaho.n me.n
ham-nashii.n ye thaa fara.ngii kii firaasat kaa tilism
rahbar-e-qaum kii naakaara qayaadat kaa fareb
ham ne aazurdagii-e-shauq ko manzil jaanaa
apnii hii gard-e-sar-e-raah ko mahmil jaanaa
gardish-e-halqa-e-gardaab ko saahil jaanaa
ab jidhar dekho udhar maut hii ma.nDlaatii hai
dar-o-diivaar se rone kii sadaa aatii hai
KHvaab zaKHmii hai.n uma.ngo.n ke kaleje chhalnii
mere daaman me.n hai.n zaKHmo.n ke dahakte hu.e phuul
KHuun me.n luTh.De hu.e phuul
mai.n jinhe.n kuucha-o-baazaar se chun laayaa huu.n
qaum ke raahbaro raahzano.n
apne aivaan-e-hukuumat me.n sajaa lo in ko
apne guldaan-e-siyaasat me.n lagaa lo in ko
apnii sad-saala tamannaa.o.n kaa haasil hai yahii
mauj-e-paayaab kaa saahil hai yahii
tum ne firdaus ke badle me.n jahannam le kar
kah diyaa ham se gulistaa.n me.n bahaar aa.ii hai
chand sikko.n ke evaz chand milo.n kii KHaatir
tum ne naamuus-e-shahiidaan-e-vatan bech diyaa
baaGbaa.n ban ke uThe aur chaman biich diyaa
(2)
kaun aazaad hu.aa?
kis ke maathe se siyaahii chhuuTii
mere siine me.n abhii dard hai mahkuumii kaa
mother-e-hind ke chehre pe udaasii hai vahii

Ali Sardar Jafri
Nazm

siyasi leader ke nam

saal-haa-saal ye be-aasraa jak.De hu.e haath
raat ke saKHt o siyah siine mai.n paivast rahe
jis tarah tinkaa samundar se ho sargarm-e-satiiz
jis tarah tiitarii kohsaar pe yalGaar kare
aur ab raat ke sa.ngiin o siyah siine me.n
itne ghaav hai.n ki jis samt nazar jaatii hai
jaa-ba-jaa nuur nai ik jaal saa bun rakhaa hai
duur se sub.h kii dha.Dkan kii sadaa aatii hai
teraa sarmaaya tirii aas yahii haath to hai.n
aur kuchh bhii to nahii.n paas yahii haath to hai.n
tujh ko manzuur nahii.n Galba-e-zulmat lekin
tujh ko manzuur hai ye haath qalam ho jaa.e.n
aur mashriq kii kamii.n-gah me.n dha.Daktaa hu.aa din
raat kii aahanii mayyat ke tale dab jaa.e!

Faiz Ahmad Faiz
Nazm

naya sal

phir nayaa saal dabe paa.nv chalaa aayaa hai
aur miTte hu.e maddham se nuquush
daur-e-maazii kii KHalaa.o.n me.n nazar aate hai.n
jaise chho.Dii hu.ii manzil kaa nishaa.n
jaise kuchh duur se aatii hu.ii aavaaz-e-jaras
kaun sahme hu.e maayuus diyo.n ko dekhe
phir bhii ye mujh ko KHayaal aataa hai
kitnii nau-KHez ummiido.n ko sahaare na mile
kitnii Duubii hu.ii kashtii ko kinaare na mile
zulf lahraa.ii pe saavan kii ghaTaa ban na sakii
subah ha.nstii rahii bujhte rahe kitne chehre
chuu.Diyaa.n TuuT ga.ii.n maa.ng ke sinduur uj.De
god viiraan hu.ii
naGme taKHliiq hu.e ho.nT sile
kitne fan-paaro.n ke ambaar lage
shaah-raaho.n pe jalaane ke liye
aashiyaane kaa tasavvur hii abhii aayaa thaa
bijliyaa.n kau.nd ga.ii.n
hiroshima chiiKH uThaa
kitnaa pur-haul samaa.n
kitnii bhayaanak taariiKH
ye mah-o-saal ke phaile hu.e jaal
phir nayaa saal dabe paa.nv chalaa aayaa hai
roz-o-shab jaise a.ndhere me.n luTero.n ke giroh
apnii taariik kamii.n gaaho.n me.n chhap kar baiThe.n
aur daamaanda saaraa hii ko.ii
ajnabii raaho.n se Dartaa hu.aa ghabraayaa hu.aa
apnii ko.ii hu.ii manzil kii taraf jaataa ho
aur luTere ise tanhaa paa kar
us ke siine kaa lahuu le le.n ummiido.n ke diye bujh jaa.e.n
kaun lekin dil insaa.n kii tapish chhiin sake
phir nayaa saal dabe paa.nv chalaa aayaa hai
kitnii baariik hai ye sub.h kii pahlii kiran
kaun jaane ki na.ii daam bhii kyaa laa.egii
kaan me.n aaj bhii maanuus sadaa aatii hai
vahii dollar kaa tilism
vahii tahziib-o-tamaddun ke puraane da.ave
vahii pasmaa.nda mamaalik kii taraqqii kaa fareb
vahii taariiKH siyaasat ke puraane shaatir
atomii ja.ng kaa elaan kiyaa karte hai.n
kaun lekin dil-e-insaa.n kii tapish chhiin sake
irtiqaa aahan-o-faulaad se kis tarah ruke
TuuT jaa.e.nge mah-o-saal ke phaile hu.e jaal
phir nayaa saal dabe paa.nv chalaa aataa hai
jaa.o taariik makaano.n me.n charaaGaa.n kar do
aaj zanjiir kii ik aur ka.Dii TuuT ga.ii
aaj duniyaa ke avaam
apne siine se lagaa.e hu.e apnii taariiKH
apne haatho.n me.n na.e ahd kaa farmaan liye
ik na.ii raah pe ba.Dhte hii chale jaate hai.n
roz-o-shab jaise a.ndhere me.n luTero.n ke giroh
haath baa.ndhe hu.e qadmo.n pe jabiine.n rakh de.n
phir nayaa saal dabe paa.nv chalaa aayaa hai
jaa.o taariik makaano.n me.n charaaGaa.n kar do

Akhtar Payami
Nazm

andhera

raat ke haath me.n ik kaasa-e-daryuza-girii
ye chamakte hu.e taare ye damaktaa hu.aa chaa.nd
bhiik ke nuur me.n maa.nge ke ujaale me.n magan
yahii malbuus-e-uruusii hai yahii un kaa kafan
is a.ndhere me.n vo marte hu.e jismo.n kii karaah
vo azaaziil ke kutto.n kii kamii.n-gaah
''vo tahziib ke zaKHm''
KHandaqe.n
baa.Dh ke taar
baa.Dh ke taaro.n me.n uljhe hu.e insaano.n ke jism
aur insaano.n ke jismo.n pe vo baiThe hu.e gidh
vo ta.DaKHte hu.e sar
mayyate.n haat-kaTii paa.nv-kaTii
laash ke Dhaa.nche ke is paar se us paar talak
sard havaa
nauha o naala o fariyaad-kunaa.n
shab ke sannaaTe me.n rone kii sadaa
kabhii bachcho.n kii kabhii maa.o.n kii
chaa.nd ke taaro.n ke maatam kii sadaa
raat ke maathe pe aazurda sitaaro.n kaa hujuum
sirf KHurshiid-e-daraKHshaa.n ke nikalne tak hai
raat ke paas a.ndhere ke sivaa kuchh bhii nahii.n
raat ke paas a.ndhere ke sivaa kuchh bhii nahii.n

Makhdoom Mohiuddin
Nazm

elan nama

mai.n laakh buzdil sahii magar mai.n usii qabiile kaa aadmii huu.n ki jis ke beTo.n ne
jo kahaa us pe jaan de dii
mai.n jaantaa thaa mire qabiile kii KHema-gaahe.n jalaa.ii jaa.e.ngii aur tamaashaa.ii
raqs-e-sho.ala-fishaa.n par israar hii kare.nge
mai.n jaantaa thaa miraa qabiila buriida aur be-ridaa saro.n kii gavaahiyaa.n
le ke aa.egaa phir bhii log inkaar hii kare.nge
so mai.n kamii.n-gaah-e-aafiyat me.n chalaa gayaa thaa
so mai.n amaa.n-gaah-e-maslahat me.n chalaa gayaa thaa
aur ab mujhe mere shahsavaaro.n kaa KHuun aavaaz de rahaa hai
to nazr-e-sar le ke aa gayaa huu.n
tabaah hone ko ek ghar le ke aa gayaa huu.n
mai.n laakh buzdil sahii magar mai.n usii qabiile kaa aadmii huu.n!

Iftikhar Arif
Nazm

ek aur shahr

ye sab ufuqii insaan hai.n ye un ke samaavii shahr
kyaa phir un kii kamii.n me.n vaqt ke tuufaa.n kii ik lahr?
kyaa sab viiraanii ke dil-band

Noon Meem Rashid
Nazm

uThenge maut se pahle

uThaa ke haath me.n neze pilaa ke aab-e-saraab
kamiin-gaah-e-havas se nishaane dil ke liye
tamaam samt se aa.ii shahaabiyo.n kii sipaah
hamaarii zaat ko gheraa misaal-e-lashkar-e-shaam

Ali Akbar Natiq
Nazm

aurat

tuu vo shahkaar-e-zamaana hai jise duniyaa ne
apnii taskiin kaa saamaan banaa rakkhaa hai
KHvaab-gaaho.n me.n tujhe apnii sajaa rakkhaa hai
shauq-o-jazbaat-o-KHayaalaat kii malika ban kar
tuu ne logo.n ke muqaddar ko sa.nvaaraa lekin
phir bhii taariik hamesha rahii terii duniyaa
tuu ne har daur me.n shaaho.n pe hukuumat kii hai
zindagii ke sabhii goshe hai.n munavvar tujh se
haakim-e-vaqt tire paa.o.n kii Thokar me.n rahe
phir bhii ruuThaa nazar aataa hai muqaddar tujh se
tujh se raushan hai.n diye ab bhii kamii.n-gaaho.n ke
tujh se aabaad hai.n ye bazm-e-suKHan kii raate.n
tujh se qaa.em hai.n sanam-KHaane bhii maiKHaane bhii
tuu sar-e-shaam galii-kuucho.n kii raunaq'' ban kar
ab bhii aabaad kiyaa kartii hai mai-KHaano.n ko
rind ko piir-e-muGaa.n saaqii-o-paimaano.n ko
dil ke diivaano.n ko parvaana banaa rakkhaa hai
jab tire shahr-e-nigaaraa.n se guzartaa huu.n kabhii
merii taKH.iil kii mizraab kii paayal kii khanak
tere sur-taal me.n Duube hu.e naGmo.n kii kasak
mere so.e hu.e ehsaas jagaa detii hai
tere haalaat kaa diivaana banaa detii hai
sochtaa huu.n ye tiraa raqs ye sur-taal kaa rang
shoKHii-e-husn bhii hai 'ishq kaa e'jaaz bhii hai
‘ishva-o-naaz-o-adaa pyaar kii Gammaaz bhii hai
kaif-o-mastii bhii hai ang.Daa.ii kaa andaaz bhii hai
shikva-e-jaur-o-jafaa soz kii aavaaz bhii hai
naujavaano.n ke hasii.n KHvaab kii taa'biir hai tuu
zehn-e-naa-puKHta kii ruuThii hu.ii taqdiir hai tuu
dard kaa saaz hai aur soz kii taasiir hai tuu
raah-e-pur-KHaar bhii aasaa.n hai tasavvur se tire
shab-e-taariik me.n har-suu hai ujaalaa tujh se
terii yaado.n me.n sar-e-shaam charaaGaa.n har-suu
aaj bhii terii vafaa.o.n ke bahut charche hai.n
bevafaa.ii kaa sar-e-bazm tirii shikva hai
ab bhii khilte hai.n KHayaalo.n me.n tamannaa ke ka.nval
ab bhii har roz umiido.n ke diye jalte hai.n
tujh se aabaad hai.n mahlo.n kii suhaanii raate.n
baiThtii hai tuu dulhan ban ke shabistaano.n me.n
aur kabhii phirtii hai dar-dar pe pasaare daaman
tuu ne ik ruup me.n bahruup banaa rakkhaa hai
tuu vo shahkaar-e-zamaana hai jise duniyaa ne
apnii taskiin kaa saamaan banaa rakkhaa hai
KHvaab-gaaho.n me.n tujhe apnii sajaa rakkhaa hai

Bismil Aazmi
Nazm

aazadi

jii me.n aataa hai ham bhii u.Daane.n bhare.n
aasaano.n kii niilii hado.n ko chhu.e.n
saagaro.n aur nadiyo.n me.n Galtaa.n rahe.n
shahr me.n gaa.nv me.n jangalo.n me.n phire.n
jii me.n aataa hai phuulo.n kii ra.pngat
kheto.n kaa hasii.n baa.nkpan
baa.nsurii kii vo taane.n
papiiho.n ke bol
raqs kartii hu.ii in fazaa.o.n kii mad.hoshiyaa.n
kaar-KHaano.n kii hangaama-aaraa.iyaa.n
bhuuke pyaase mahlo.n kii viiraaniyaa.n
dard kii hasrato.n kii ye taariikiyaa.n
saarii mahruumiyaa.n saarii majbuuriyaa.n
apnii hastii me.n bhar le.n
sub.h-dam narm-o-taaza bahaaro.n ke masruur jho.nke
ham ko taariik aur Gam-zada raat kii
uljhano.n vahshato.n se dilaa de.n najaat
jin me.n sadiyo.n se hai qaid apnii hayaat
na.ii-o-taaza havaa.o.n ke masruur jho.nko.n me.n shaktii kahaa.n
ki tauq-o-daar-o-rasan se vo aazaad kar de.n
apnii aazaadii ham ko hii paanii pa.Degii
jaan kii dil kii baazii lagaanii pa.Degii
zimmedaarii aham hai uThaanii pa.Degii
aaj diivaar-e-zindaa.n Dhaanii pa.Degii
apnii saa.nso.n kii garmii se
KHvaabo.n kii lau se
apne ashko.n ke zahraab se
apne armaano.n kii lamha lamha dahaktii hu.ii aag se
tauq ko aur zanjiir ko
qaid ko aur jallaad ko
zaalimo.n kii kamii.n-gaah ko
in a.ndhero.n ke dahshat-zada uu.nche uu.nche minaaro.n ko
pighlaa de.n Dhaa de.n chalo KHaak kar de.n
har taraf ek surKHii sii chhaa jaa.egii
zindagii apnii manzil ko paa jaa.egii

Madhosh Bilgrami
Nazm

nishan-e-zindagi

kis ne khii.nchii hai.n lakiire.n mire darvaaze par
kaun hai jo ki dabe paa.nv chalaa aayaa hai
mere be-ra.ng hayuule kaa ta.aaqub kartaa
mai.n to mohtaat thaa aisaa kahii.n aate jaate
apne saa.e ko bhii paataal me.n chho.D aataa thaa
apnaa saamaan uThaataa to shab-e-nisf-pahar
dast-e-hushyaar miTaataa mire qadmo.n kaa suraaG
jism har saa.ns kii aavaaz muqaffal rakhtaa
KHaak hii KHaak kii KHushbuu kaa tadaaruk kartii
jaantaa thaa nahii.n mahfuuz Thikaana meraa
log maujuud hai.n jo mujh pe nazar rakhte hai.n
duur nazdiik nihaa.n-KHaano.n ke andar baiThe
ek harakat ho to sau aks banaa lete hai.n
un kii aa.nkho.n me.n khaTaktaa hai zar-o-maal miraa
tarz-e-taamiir mirii mimbar-o-mehraab mire
un ke ahdaaf hai.n diivaar-o-dar-o-baab mire
aur ik gauhar-e-naayaab ki tah-KHaane me.n
havas-e-dil ko hai asbaab pareshaanii kaa
merii diivaangii o vahshat o hairaanii par
mujh pe maamuur kuhan-saal sagaan-e-KHufta
kal kisii saa.at-e-kamzor kii taariikii me.n
is kamii.n-gaah me.n suuraaKH se dar aa.e the
duur daalaan ke kone me.n kha.De ha.nste hai.n

Ejaz Gul
Nazm

ru-ba-ru-e-marg

maut se kyuu.n Daruu.n mai.n aaj bhalaa
maut to zindagii kii vus.at hai
jis mamaat se Darte hai.n log
vo to paa chukaa thaa bahut pahle mai.n
mere armaano.n kii maut
mere jazbaat kii maut
apno.n se mulaaqaat kii maut
in saare mahaakaat kii maut
kaun ro.egaa bhalaa is kamii.n kii khatiyaa par
mar gayaa thaa un ke liye ek ahd hii pahle
sab mujhe chho.D chale chho.D chale chho.D chale
ab kahii.n se KHabar nahii.n aatii
apnii yaasiin KHud hii pa.Dh luu.ngaa

Akhlaq Ahmad Ahan
Nazm

be-nur kaenat mein ek kanch ka charagh

merii kamiin-gaah kii dushman ko de KHabar
shaamil hai merii maat me.n ik kaa.nch kaa charaaG

Nasira Zuberi
Nazm

rangon ka taqaddus

mujhe sab KHabar hai
use bhii pataa hai ki
ab vus.ato.n me.n nahii.n aur kuchh bhii
faqat vus.ate.n hai.n
hame.n rango.n kaa indrjaalii taqaddus
uThaa.e uThaa.e
safar kii sa.uubat yuu.n hii jhelnii hai
KHabar hai ki
KHushbuu kaa aakaar kuchh bhii nahii.n hai
pata hai ki
lams ik qabaa Dhuu.nDhtaa hai
nafas nezo.n hii par
havaa.o.n ke sar ko
uThaa.e uThaa.e
yuu.n hii ghuumtaa hai
jab tak
kamii.n-gaah se vo na nikle.n
KHushbuu ke KHvaabo.n kii fitrat na badle
rango.n kaa ye indrjaalii
taqaddus na TuuTe
sab kuchh pataa hai
magar mutma.in hai.n

Sheen Kaaf Nizam
Nazm

doraha

ajab doraahe pe aa kha.Daa huu.n
idhar tire husn kii dhanak hai
udhar aduu kii kamiin-gaaho.n me.n aslahe kii chamak damak hai
udhar tirii nuqra.ii ha.nsii hai
idhar samaa.at-KHaraash chiiKHo.n kaa zer-o-bam hai
udhar tire tarah jism
zindagii kii haraarto.n kaa naqiib ban kar bulaa rahaa hai
idhar ajal nit zindagii ko
thapak thapak kar sulaa rahaa hai
ajab doraahe pe aa kha.Daa huu.n
mai.n sochtaa huu.n
ki kaun saa saaz-e-fan uThaa.uu.n
qalam uThaa.uu.n ki gun uThaa.uu.n

Tanveer Monis
Nazm

KHan-e-matruk

darvaaze ke shiisho.n se lagii hai.n aa.nhke.n
har goshe me.n maazii kii kamii.n-gaahe.n hai.n
yaade.n hai.n ki bikhre ho.n khilaune jaise
kuchh aahaTe.n kuchh qahqahe kuchh aa.he.n hai.n

Muneebur Rahman
Nazm

diwar

aaj
aur aaj ke KHvaabo.n kaa sunahrii gumbad
apne maazii kii rivaayaat pe hai nauha-kunaa.n
jis ke atraaf me.n sadiyo.n kii tarah
aaj bhii saik.Do.n bhuuko.n kii qataare.n hai.n kha.Dii
kaar-KHaano.n ke dafaatir ke milo.n ke aage
aur khaliyaano.n ke baazaaro.n ke chauraaho.n ke
ird-gird ek qataar
ek lambii sii qataar
log kahte hai.n ye bhuuke hai.n ye nange hai.n Gariib
kaun kahtaa hai ye nange hai.n ye bhuuke hai.n Gariib
chiiKH kar dete hai.n aivaan-e-hukuumat ye javaab
ye a.ndhere
ye a.ndhero.n kii kamii.n-gah ke luTero.n kaa fareb
saamraajo.n kaa fareb
aamriyyat kaa faroG

Sahba lakhnavi
Nazm

tum mujhe nahin paoge

tum sab log mujhe qatra qatra dariyaa me.n bahaa do
mere vajuud ko taar taar karke dekho
phir bhii tumhe.n merii ruuh tak pahu.nchne ke liye apnii kamii.n-gaaho.n ke
raste se guzarnaa hogaa
tum mujhe nahii.n paa.oge
is liye ki mai.n tum me.n se nahii.n huu.n
mujhe tumhaare ghar sirf ek observer kii haisiyat se rakhaa gayaa hai
taaki tumhaarii munaafqato.n kii report
tum se ba.Dii ministry ko bhej sakuu.n
un ko jo isii baat kaa khaate hai.n ki logo.n ko itnaa tang karo
ki vo tumhaare level par aa kar jiinaa shuruu.a kar de.n

Shaista Habeeb
Nazm

tarkib-e-sarfi

nok-e-miinaar pe aTkii hu.ii qumrii se bhalaa
kyaa pata KHaak chalaa
''aasmaa.n hadd-e-nazar hai ki kamii.n-gaah-e-raqiib?''
me.n bataataa huu.n magar apne suKHan biich me.n hai
aasmaa.n ek kabuutar hai ki jis ke KHuu.n kii
pyaas me.n saik.Do.n uqaab u.Daa karte hai.n
maut badkaar sharaabii hai pa.Dosii meraa
roz darvaaze ke us paar jo gir jaataa hai
zindagii ek chhachhuu.ndar hai ki jis kii bad-buu
buu-e-yusuf me.n bhii hai girya-e-ya.aquub me.n bhii
ilm circus ke madaarii ke dahan kaa sho.ala
zaa.iqa mu.nh kaa badalne ko bahut kaafii hai
aur me.n ek hasii.n KHvaab ki jis me.n gum hai
KHvaab dekhne vaalaa vo kamii.n-gah kaa raqiib

Chaudhary Mohammad Naeem
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now