Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "lobaan"

Nazm MATCHES FOR "lobaan"

Nazm

silan

bas ek hii sur me.n, ek hii lai pe sub.h se dekh
dekh kaise baras rahaa hai udaas paanii
phuvaar ke malmalii.n dupaTTe se u.D rahe hai.n
tamaam mausam Tapak rahaa hai
palak palak ris rahii hai ye kaa.enaat saarii
har ek shai bhiig bhiig kar dekh kaisii bojhal sii ho ga.ii hai
dimaaG kii giilii giilii socho.n se
bhiigii bhiigii udaas yaade.n Tapak rahii hai.n
thake thake se badan me.n bas dhiire dhiire
saa.nso.n kaa garm lobaan jal rahaa hai

Gulzar
Nazm

chakle

raat ga.e tak ghaa.el naGme karte hai.n elaan yahaa.n
ye duniyaa hai sa.ng-dilo.n kii ko.ii nahii.n insaan yahaa.n
izzat vaalo.n kii zillat kaa sab se ba.Daa baazaar hai ye
chukte hai.n Gairat ke saude bikte hai.n iimaan yahaa.n
bhiik me.n bhii maa.ngo to ko.ii pyaar na Daale jholii me.n
bin maa.nge mil jaate hai.n rusvaa.ii ke saamaan yahaa.n
zar-daaro.n ko naGmo.n me.n jab jism dikhaa.ii detaa hai
ek mahaktii sej pe akasr TuuTtii hai har taan yahaa.n
mamtaa ke ho.nTo.n par jab chaa.ndii kii mohre.n lagtii hai.n
maa.n KHud apnii beTii ko kar detii hai qurbaan yahaa.n
apnaa KHuun hii ba.Dh kar apne KHuun kii bolii detaa hai
kis ne kis par haath ba.Dhaayaa ko.ii nahii.n pahchaan yahaa.n
paap ke is mandir me.n kyaa kyaa bhaav bataa.e raam-janii
shaam Dhale jab aan biraaje.n sone ke bhagvaan yahaa.n
raat ga.e tak jaage saa.nvlii kaale choro.n kii KHaatir
aur agar inkaar kare kahlaa.e naa-farmaan yahaa.n
jhilmil kartii poshaako.n se chaahe badbuu aatii ho
KHud jal kar mahfil ko KHushbuu detaa hai lobaan yahaa.n

Qateel Shifai
Nazm

hawa ruki hai to raqs-e-sharar bhi KHatm hua

qalam udaas hai lafzo.n me.n hashr barpaa hai
havaa rukii hai to raqs-e-sharar bhii KHatm hu.aa
junuun-e-shauq junuun-e-safar bhii KHatm hu.aa
furaat-e-jaa.n
tirii maujo.n me.n ab ravaanii nahii.n
ko.ii fasaana nahii.n ab ko.ii kahaanii nahii.n
simaT ga.e hai.n kinaare vo be-karaanii nahii.n
to kyaa ye nabz kaa chalnaa hii zindagaanii hai
nahii.n nahii.n ye ko.ii ziist kii nishaanii nahii.n
ki saa.ns lenaa faqat ko.ii zindagaanii nahii.n
kuchh aur rang me.n aa.ii hai ye KHizaa.n ab ke
hai simTii simTii sii KHud me.n hii Gairat-e-naahiid
miyaan-e-ahl-e-tariiqat bhii be-ridaa hai Gazal
hujuum-e-ahl-e-zabaa.n aur be-navaa hai Gazal
safar ye kaise kare KHaarzaar rasto.n par
thakan savaar hai is par barahna-paa hai Gazal
tumhaaraa saath jo chhuuTaa to ab pareshaa.n hai
ki is taGaaful-e-be-jaa pe saKHt hairaa.n hai
ye kis maqaam pe tum ne akelaa chho.D diyaa
tumhe.n KHabar hai ki tum se bahut KHafaa hai Gazal
ye be-makaanii
ye tanhaa.ii aur ye dar-ba-darii
sataa rahaa hai bahut ab KHayaal-e-ham-safarii
saliib-o-daar-o-rasan se guzar rahii hai Gazal
chale bhii aa.o kahaa.n ho ki mar rahii hai Gazal
siyah libaas me.n nauhe udaas baiThe hai.n
saro.n ko thaame qasiide udaas baiThe hai.n
hai marsiye kii nigaaho.n me.n abr Thahraa hu.aa
badan dariida latiife udaas baiThe hai.n
ubhar rahii hai ye kaisii sadaa-e-vaavailaa
sirhaane dekho rubaa.ii kaa bain hotaa hai
vo dekho
nazm-e-garebaan chaak karte hu.e
duhaa.ii detii hai maqtal ke isti.aaro.n kii
alaamato.n kii kinaayo.n kii aur ishaaro.n kii
bahut maluul hai.n shahr-e-suKHan kii tahriire.n
shab-e-alam ke hai.n qisse junuu.n kii tafsiire.n
varaq varaq hai pareshaa.n Gubaar-e-KHaatir kaa
hu.aa hai nasr ko ehsaas phir yatiimii kaa
havaa-e-shahr-e-sitam kis adaa se guzrii hai
dahan KHamosh hai.n
chup chup se hai.n suKHan ke charaaG
bujhii bujhii sii hai qindiil-e-KHaanqaah-e-adab
dhu.aa.n dhu.aa.n hai.n
KHitaabat ke fikr-o-fan ke charaaG
hai aasmaan adab pe vo dhu.nd chhaa.ii hu.ii
dikhaa.ii detaa nahii.n ab ko.ii sitaara-e-nuur
kalaam kaa vo qariina
vo guftuguu kaa shu.uur
kahaa.n se ab ko.ii laa.egaa saanii-e-manzuur
ajiib vaqt pa.Daa hai fan-e-nizaamat par
ki dam-ba-KHud se kha.De hai.n ab 'anvar'-o-'manzuur'
vaqaar kaise ataa ho shikasta lahjo.n ko
rafuu kare ko.ii kaise dariida jumlo.n ko
hai muskuraanaa zaruurii vaqaar-e-Gam ke liye
taraashe kaun zabaa.n hurmate-qalam ke liye
tumhaare jaane se viiraan ho ga.ii mahfil
uja.D gayaa hai ye dekho jahaan-e-shahr-e-adab
samajh me.n kuchh nahii.n aataa ki ab kahaa.n jaa.e.n
bhaTakte phirte hai.n ab saakinaan-e-shahr-e-adab
ye mai-kade kii udaasii
ye jaam ulTe hu.e
ki jaise ro.e ho.n shab-bhar ye saaGar-o-miinaa
ka.ii dino.n se ha.nsii hii nahii.n hai collage-girl
tumhaare hijr ne patthar banaa diyaa hai use
bahut udaas ba.Dii be-qaraar chup chup sii
ki huzn-o-yaas kaa manzar banaa diyaa hai use
vo dekho mez pe jitnii kitaabe.n rakkhii hai.n
tumhaarii gard rifaaqat hai sab ke chehre par
pukaartii hai.n tumhe.n ye adhuurii tahriire.n
bikharte TuuTte KHvaabo.n kii tishna ta.abiire.n
ye uj.Daa uj.Daa dabistaan Dhuu.nDhtaa hai tumhe.n
chale bhii aa.o ki imkaan Dhuu.nDhtaa hai tumhe.n
jo ho sake to chale aa.o tum malik-zaada
magar ye KHvaahish-e-bejaa
use KHabar hii nahii.n
ki jaane vaale kabhii lauT kar nahii.n aate
mahakte rahte hai.n gul-daan un kii yaado.n ke
sulagte rahte hai.n lobaan un kii yaado.n ke

Tariq Qamar
Nazm

azali masarraton ki azali manzil

maTiyaale maTiyaale baadal ghuum rahe hai.n maidaano.n ke phailaav par
dariyaa kii diivaanii mauje.n humak humak kar hans detii hai.n ik naav par
saamne uude se parbat kii abr-aaluuda choTii par hai ek shivaalaa
jis ke aks kii taabaanii se phail rahaa hai chaaro.n jaanib ek ujaalaa
jhilmil kartii ek mash.al se mehraabo.n ke gahre saa.e raqsiida hai.n
har suu pariyaa.n naach rahii hai.n jin ke aariz raKHshaa.n nazre.n duzdiida hai.n
ambar aur lobaan kii lahre.n doshiiza kii zulfo.n pe aaise bal khaatii hai.n
chaa.ndii ke naaquus kii taane.n dhu.ndle dhu.ndle nazzaaro.n me.n ghul jaatii hai.n
haath ba.Dhaa.e sar nihuuu.Daa.e patle saayo.n kaa ik jhurmuT ghuum rahaa hai
puujaa kii lazzat me.n kho kar mandir ke taabinda ziine chuum rahaa hai
ek bahut patlii pagDanDii saahil-e-dariyaa se mandir tak kaa.np rahii hai
naav chalaane vaalii la.Dkii chappuu ko maathe se lagaa.e haa.np rahii hai
diivaanii ko kaun bataa.e us mandir kii dhun me.n sab thak-haar ga.e hai.n
saa.e ban ke ghuum rahe hai.n jo be-baak chalaane vaale paar ga.e hai.n
vo jab naav se utregii maTiyaale maTiyaale baadal ghir aa.e.nge
maidaano.n par kohsaaro.n par dariyaa par naav par sab par chhaa jaa.e.nge
avval to pagDanDii kho kar gir jaa.egii Gaaro.n Gaaro.n me.n bechaarii
bach niklii to ho jaa.egii us ke naazuk dil par ik haibat sii taarii
hosh me.n aa.ii to rag rag par ek nasha saa be-hoshii kaa chhaayaa hogaa
jism ke badle us mandir me.n dhundlaa ik lachkiilaa saayaa hogaa

Ahmad Nadeem Qasmi
Nazm

samita-paTil

dil ke mandar me.n KHushbuu hai lobaan kii, ghanTiyaa.n baj uThii.n, dev-daasii thii vo
kitne sarkash a.ndhero.n me.n jaltii rahii dekhne me.n to mash.al zaraa sii thii vo
nuur o naGma kii rim-jhim phuvaaro.n tale muskuraatii hu.ii ik udaasii thii vo
paaniyo.n kii faraavaaniyo.n me.n ravaa.n us kii hairaaniyaa.n kitnii pyaasii thii vo

Ghulam Mohammad Qasir
Nazm

bazi jin ke hath rahi

jitnii der me.n tum ek aahaT se utarte ho
aur saver se apnii palke.n ikaTThii karte ho
utnii der me.n ek nazm ban chukii hotii hai
nazm jis kii aa.nkho.n se lobaan kii KHushbuu aur palko.n
se nam Tapaktaa ho
aur vo apnii pahchaan ke liye KHud apnaa vasiila bane
lekin agar is ke baa'd ke vasiile zyaada mo'tabar Thahre.n
to hairate.n afsos aur pachhtaave radd-e-du.aa
jab mohabbate.n insaan se kam-tar havaalo.n kii muhtaaj ho jaa.e.n
to vo sii.Dhiyaa.n utar jaatii hai.n aasmaan nahii.n rahtii.n
zamiin kaa havaala mohabbat hai
aur vo jaanvar zyaada achchhii tarah nibhaa sakte hai.n
bahut qadiim se kiyaa kavvo.n ne nahii.n bataayaa ki apnaa jurm
aur apnii aaKHirat ko miTTii se pardaa-posh karo
aur kyaa kutte e'tibaar kii aaKHirii had nahii.n hai.n
jo kahte hai.n mere mahbuub so jaa! mai.n huu.n naa
mai.n huu.n naa!
zalzalo.n kii KHabar dene ke liye
mai.n terii musiibat-zada nasl ko kahii.n se bhii Dhuu.nD laa.uu.ngaa
agar terii mohabbat kii nishaaniyaa.n un ke haatho.n kii u.ngliyo.n me.n na bhii mile.n
vo tujhe zaruur mil jaa.e.nge
un ke haath aur baazuu tere bhaa.ii-bando.n ne kaaT liye
lekin mai.n apne mu.nh kaa nivaalaa unhe.n de kar hii lauTuu.ngaa
mai.n musiibat ke sab dino.n me.n tere saath huu.n
mai.n sag-e-dar huu.n mirii tujh se sagaa.ii hai!

Nasreen Anjum Bhatti
Nazm

ek unT ne mannat mani

ek uu.nT ne mannat maanii
agar gayaa meraa kohaan
maaham kii dargaah pe jaa kar
mai.n bhii jalaa.uu.ngaa lobaan

Badiuzzaman Khawar
Nazm

hum itni jaldi mein the

ham itnii jaldii me.n the
aur jaldii me.n aksar aisaa hotaa hai
musalle hamaare saath the
aur namaaze.n vahii.n bhuul ga.e
taaqo.n me.n dharii kii dharii rah ga.ii.n
du.aa.e.n agar-battiyaa.n aur lobaan

Ateequllah
Nazm

apna apna shahr

hamaare dilo.n me.n kuchh Duubtaa jaa rahaa hai
mere aur tumhaare
vo kyaa hai
kyaa ham us ke bhed paa sakte hai.n
kohre kii sard chaadar ne
jangal ko apne saa.e me.n le liyaa hai
ko.ii aavaaz nahii.n
sirf ek gahrii mahak
ko.ii mere dil me.n lobaan kii dhuunii detaa hai
aur aa.nkhe.n jalne lagtii hai.n
ham dhaare ke muqaabil nahii.n tair sakte
aur dhaare ke saath bhii nahii.n
ki mujh me.n ek samundar hai
aur tum me.n duusraa
tum mere liye kashtii nahii.n banaa sake
aur mai.n ne tumhaarii kashtii kinaare se khol dii
ab ko.ii raasta nahii.n
ham nafrat ke liye javaaz talaash kar lete hai.n
aur is tarah apnii shikast ko tasliim karte hai.n
aur Duub jaate hai.n
apne apne samundar me.n

Fauziya Farooqi
Nazm

tabarruk

ye merii zindagii bhii ek majlis hai
moharram vaalii majlis
ye jaarii hai
na jaane kab talak jaarii rahegii
abhii tak to ba.Dii moTii bayaaze.n haath me.n thaame hu.e do chaar nauha-KHvaan baaqii hai.n
ik to pahle hii bahut taaKHiir is me.n ho chukii thii
vo kaafii der se aa.e the
jin ko soz pa.Dhnaa thaa
sab apnii apnii baate.n kar rahe the
mai.n bhii ik kone me.n baiThaa der tak suntaa rahaa sab kii
vo aa.e soz-KHvaanii kii
aur us ke baa'd maulaanaa ne bhii taqriir farmaa.ii
fazaa.el aa.e to mai.n ne bhii sab ke saath me.n naa're lagaa.e
masaa.ib aa.e to royaa
aur ab halqe me.n maatam kar rahaa huu.n mai.n
shabiihe.n qumqume tuGre
‘azaa-KHaane me.n chhaa.ii har taraf lobaan kii KHushbuu
muqaddas hai.n bahut achchhe hai.n
lekin kyuu.n-ki maatam kar rahaa huu.n mai.n
to mere haath thakte jaa rahe hai.n
mai.n dublaa patlaa la.Dkaa huu.n
chalo meraa 'aqiida hii bahut kamzor hogaa
magar mai.n chaahtaa huu.n
zaraa sii der ko halqe se haT kar ek cigarette phuu.nk hii aa.uu.n
par aisaa kar nahii.n saktaa mai.n
kyuu.nki baanii-e-majlis ‘azaa-KHaane ke darvaaze pe baiThaa hai
aur tabarruk to usii ko baa.nTnaa hai
to maatam kar rahaa huu.n mai.n
to mai.n maatam karuu.ngaa
chaahe kuchh ho
kyuu.n-ki ab sab ke baraabar hii tabarruk chaahiye mujh ko

Ameer Imam
Nazm

mufahamat

hujuum tishna-labaa.n kii nigaah se ojhal
chhalak rahe hai.n sharaab-e-havas ke paimaane

Sahir Ludhianvi
Nazm

haq-kesh ki fariyaad

tahsiin ke taalib nahii.n ausaaf-e-KHudaa-daad
aafaaq hilaa detii hai haq-kesh kii fariyaad
aabaad kahaa.n halqa-e-sherii kii fazaa me.n
but-KHaana-e-maanii ki sanam-e-KHaana-e-bahzaad
miT jaa.egaa aivaan-e-tafaaKHur kaa takalluf
yak shola-e-javvaala hai aah-e-dil-e-naashaad
zarGaam hai rubaah ke zarriin qafas me.n
aazaad hai.n paaband giraftaar hai.n aazaad
Gaazii ne kahaa luuT lo but-KHaana-e-daulat
suufii ne kahaa chho.D do ishrat gah-e-shaddaad
tezaab-e-siyaasat me.n KHudii jis kii hu.ii Garq
vo kaaGzii lo.bat bane kyaa paikar-e-faulaad
haajaat ke but-KHaana-e-tazviir hazaaro.n
bando.n ne tire naam pe kar Daale hai.n iijaad
luT jaataa hai har gaam pe ismat kaa KHazaana
dilkash bahut hai maanaa ki har raqs-e-parii-zaad
jamhuur kii tahziib se iKHlaas hai ma.aduum
imroz na.ii nasl ko allaah nahii.n yaad
jamhuur kii barakat se hu.e aadmii na.nge
science ne sau fitna-e-mahshar kiye iijaad

Bebak Bhojpuri
Nazm

hum kahan aa gae

ham kahaa.n aa ga.e
saare be-samt hai.n
qaafile kaarvaa.n saarbaa.n
ek sailaab-e-aadam ravaa.n chaar suu
ik tag-o-taaz-e-kaar-e-jahaa.n
aasmaa.n se pare sair-e-sayyaargaa.n
aur zamii.n-doz pahnaa.iyo.n me.n
nigaaho.n kii hairaaniyaa.n
ab kahii.n bhii nahii.n
maatam-e-marg-e-be-chaargaa.n
har adaalat me.n insaaf kii arziyaa.n
baatilo.n kii tarafdaariyaa.n
phir uThaa le ga.e baanuu-e-be-ridaa
saare chup-chaap hai.n
ko.ii pursaa.n nahii.n
giryaa-e-tifl-e-be-chaargaa.n
ko.ii suntaa nahii.n
KHvaab biimaar aa.nkho.n me.n marte hu.e
KHud-kushii chaar-suu bain kartii hu.ii
ye mirii arz-e-jannat-nishaa.n
jo pukaarii ga.ii
qibla-e-aarfaa.n ma.abad-e-nuuriyaa.n
kuucha-e-dilbaraa.n bastii-e-aashiqaa.n
maqtal-e-harf-o-saut-o-sadaa ban ga.ii
ab lahuu-ra.ng hai.n saare tishna-labaa.n
saadiq-o-saadiqa
naaz-bardaar-e-aashuftagaa.n

Zubair Rizvi
Nazm

guftani-o-na-guftani

har roz kar rahe hai.n sharaarat na.ii na.ii
vo log jin se sharm-e-rasuul-e-KHudaa ga.ii
jin ke zamiir-o-zarf pe taKHliiq sharmsaar
jin ke dil-o-dimaaG kaa saa.ncha hai surma.ii
kyaa puuchhte ho ummat-e-ahmad-razaa kaa haal
andar se daaG-daar to baahar se champa.ii
riish-e-daraaz zulf-e-chaliipaa se faizyaab
us lo’bat-e-fara.ng ke shauhar ka.ii ka.ii
maslak me.n un ke honorary muKHbirii halaal
maz.hab hai is zaliil gharau.nde kaa nuqra.ii
maathe pe farsh-e-bos-e-rivaayaat kaa Gubaar
chehra ba-faiz-e-halqa-e-ushshaaq agra.ii
ham aise kushtagaan-e-vafaa ke KHilaaf hai.n
'asraar' KHaandaan-e-kalaa.uu ke mujra.ii

Shorish kashmiri
Nazm

pir-e-mughan-e-urdu

jis ko Dhuu.nDe.nge sadaa tishna-labaan-e-tahqiiq
ro.e.nge barso.n jise diida-varaan-e-urdu

Masud Husain Khan
Nazm

jannat se bhi aziz hai KHak-e-watan mujhe

chup lag ga.ii hai ab nahii.n taab-e-suKHan mujhe
nahr-e-laban hai terii jabii.n kii shikan mujhe

Barq Dehlvi
Nazm

lab-bastagi

suno gurez karo aaj kuchh bhii kahne se
'ajiib vaqt ke dhaare badal rahe hai.n abhii
ye gardisho.n ke tamaashe hatheliyo.n ke fareb
shikasta zaat ke hairat gaziida gosho.n ko
bataa rahe hai.n sitaare badal rahe hai.n abhii
abhii to sabr ke KHemo.n kii in tanaabo.n ko
buriidagii liye haatho.n se thaamnaa hogaa
abhii to baad-e-muKHaalif ke in thape.Do.n ko
bikhartii KHaak ke zarro.n se roknaa hogaa
suno gurez karo aaj kuchh bhii kahne se
ye lamha saa'at-e-be-iKHtiyaar hai jaanaa.n
yahaa.n gumaa.n ke qabiile yaqii.n ko Dhaate hai.n
yahii hai maqtal-e-be-aab reg-e-dasht-e-balaa
jahaa.n pe tishna-labaa.n e.Diyaa.n raga.Dte hu.e
kisii ke 'ishq me.n duniyaa se haare jaate hai.n
suno gurez karo aaj kuchh bhii kahne se
ki aaj dhuup kaa lahja bhii intiqaamii hai
chhupaa lo haath se chehre kii vahshato.n ke nuquush
ki ab hadaf hii ujaale kaa be-naqaabii hai
sapedii-e-saharii se gurez-paa naachaar
siyaahii-e-shab-e-viiraa.n me.n Dhalte jaate hai.n
du'aa du'aa kii sadaa.o.n se dam ulajhtaa hai
ki ab to haath bhii kashkol hote jaate hai.n
suno gurez karo aaj kuchh bhii kahne se
suno ki zahr ke pyaale chhalak rahe hai.n abhii
uThaanaa jin ko vafaa.o.n kaa farz hotaa hai
ye ham jo palko.n pe aa.nsuu sajaa.e phirte hai.n
ye zindagii kii bahaaro.n kaa qarz hotaa hai
suno sukuut ke pahluu talaashtii hai hayaat
abhii saro.n se guzarne do in Gubaaro.n ko
Thaharne do abhii be-rabt aabshaaro.n ko
jahaan-e-saut-o-sadaa KHaamushii kaa taalib hai
'safar' zabaa.n pe kisii harf ko jagah na mile
yahaa.n kalaam nahii.n bas sukuut vaajib hai

Safar Naqvi
Nazm

karb-e-nigah

vo jo lahuu lahuu hu.e mere fishaar-e-KHuun par
vo jo qadam qadam chale merii rah-e-junuun par
vo ki jinho.n ne laa'nate.n bhejii.n sadaa yaziid par
vo ki jinhe.n husain kii ik ik adaa pe naaz thaa
haq kii sadaa pe naaz thaa aal-e-'abaa pe naaz thaa
ko.ii bataa.e vo mire
tishna-labaa.n kahaa.n ga.e
nauha-garaa.n kahaa.n ga.e
ashk-fishaa.n kahaa.n ga.e
suunaa pa.Daa hai dasht-e-jaa.n
maatam-kunaa.n kahaa.n ga.e

Zia Faooqui
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now