Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "maljaa-o-maavaa"

Nazm MATCHES FOR "maljaa-o-maavaa"

Nazm

duri

ye sach hai to phir kyuu.n
ko.ii aisii suurat, ko.ii aisaa hiila na thaa
jis se ham aane vaale zamaane kii aahaT ko sun kar
vahii.n us kii yuurish ko sapno.n pe yuu.n rok lete
ke ham terii manzil nahii.n, teraa maljaa o maavaa nahii.n hai.n?

Noon Meem Rashid
Nazm

urdu-e-mualla

apne mu.nh se kah rahii hai saaf urdu kii zabaa.n
maulid-o-maavaa hai meraa kishvar-e-hindostaa.n
is ke af.aal-o-ravaabit de rahe hai.n KHud nishaa.n
kis tarah paidaa hu.ii kyuu.n kar ba.Dhii pal kar yahaa.n
roz afzuu.n husn kaa har daur ik sayyaara hai
hai dabistaa.n lucknow dillii agar gahvaara hai

Safi Lakhnavi
Nazm

tarana-e-watan

rashk-e-firdaus hai teraa ra.ngii.n chaman
tujh pe gul-baash karte hai.n koh-o-daman
tere maathe kii rekhaa hai.n ga.ng-o-jaman
terii miTTii me.n KHvaabiida hai.n fikr-o-fan
faKHr-e-yuunaan thii terii bazm-e-kuhan
mere hindustaa.n mere pyaare vatan
devtaa.o.n kii rishiyo.n kii ye sarzamii.n
zarra zarra tirii KHaak kaa hai hasii.n
chuumtaa hai qamar roz terii jabii.n
tere jalve na ho.n kis liye dil-nashii.n
tere zarre me.n KHurshiid kii hai kiran
mere hindustaa.n mere pyaare vatan
tere qadmo.n kii ziinat hai godaavarii
hai himaala kaa parbat tiraa santarii
hai haqiiqat me.n kashmiir jannat tirii
zarre zarre me.n tere hai ik zindagii
desh kii shaan hai taaj kaa baa.nkpan
mere hindustaa.n mere pyaare vatan
kis balaa kii kashish tere KHaaro.n me.n hai
auj firdaus pinhaa.n bahaaro.n me.n hai
ik nayaa baa.nkpan kohsaaro.n me.n hai
dilkashii kis qadar chaa.nd taaro.n me.n hai
hai zamaane se a.alaa tirii anjuman
mere hindustaa.n mere pyaare vatan
meraa mandir hai tuu meraa ka.aba hai tuu
meraa maljaa hai tuu meraa maavaa hai tuu
merii uqbaa hai tuu merii duniyaa hai tuu
meraa hai saaz-e-dil meraa naGma hai tuu
merii har saa.ns tere liye naGma-zan
mere hindustaa.n mere pyaare vatan
sab ko ulfat ke markaz pe laa.uu.ngaa mai.n
ektaa kaa diyaa phir jalaa.uu.ngaa mai.n
apne haatho.n vatan ko sajaa.uu.ngaa mai.n
prem ke giit har vaqt gaa.u.ngaa mai.n
is tarah kaa banaa.uu.ngaa mai.n sa.ngThan
mere hindustaa.n mere pyaare vatan
KHuun se apne duu.ngaa tujhe zindagii
tere phuulo.n ko duu.ngaa niraalii KHushii
zarre zarre ko baKHshu.ngaa mai.n raushnii
sab ko aisii sunaa.uu.ngaa mai.n raagnii
shaa.ntii kii bahaa.uu.ngaa ga.ng-o-jaman
mere hindustaa.n mere pyaare vatan

kanval Dibaivi
Nazm

sab maya hai

haa.n gaahe gaahe diid kii daulat haath aa.ii
yaa ek vo lazzat naam hai jis kaa rusvaa.ii
bas is ke sivaa to jo bhii savaab kamaayaa hai
sab maayaa hai
ik naam to baaqii rahtaa hai, gar jaan nahii.n
jab dekh liyaa is saude me.n nuqsaan nahii.n
tab sham.a pe dene jaan pati.ngaa aayaa hai
sab maayaa hai

Ibn۔e۔Insha
Nazm

gulha-e-aqidat

ab yahii koshish hai dil se ai mirii arz-e-vatan
terii peshaanii pe ab ko.ii shikan aane na paa.e
tuu ne pahnii hai jo aazaadii kii maalaa shauq se
umr-bhar ko.ii kalii bhii is kii murjhaane na paa.e

Syeda Shan-e-Meraj
Nazm

nazr-e-ghaalib

jab ga.nvaa aa.e mataa-e-hastii
tab hame.n jaa.n kaa zarar yaad aayaa

Sajida Zaidi
Nazm

Hyderabad

jagmagaatii hu.ii yaado.n ke hasiin aa.nchal me.n
aaj phir qaafila-e-sub.h-o-masaa Thahraa hai

Khurshid Ahmad Jami
Nazm

Tipu ki aawaz

maaraa hu.aa huu.n go KHalish-e-intizaar kaa
mushtaaq aaj bhii huu.n payaam-e-bahaar kaa

Aale Ahmad Suroor
Nazm

prem bina man suna

chupke se kaano.n me.n kah jaa
KHushiyo.n kaa sandes sunaa jaa
prem tuu apnii Dagar bataa jaa
kyaa tuu jogan ban baiThii
duur kahii.n maayaa se chhup kar
tuu ban ga.ii anokhii
dekh rii tere sog me.n kaisaa haal kiyaa ham ne apnaa
dukh ke kankar patthar chunte komal haath hai.n pathraa.e
jiivan ke raste par bikhre kaa.nTe sau sau Da.nk uThaa.e
nafrat kii aa.ndhii se dhu.ndle pa.D ga.e chandaa taare
ghir aa.ii hai chaaro.n or
dekh ghaTaa ghanghor
aa.nkho.n se ojhal hai ambar
paap kaa jho.nkaa chale bhaya.nkar
halchal mach ga.ii baahar andar
chaaro.n or baguule u.Dte idhar udhar baulaa.e
jaise un ko khoj kisii kii
sar Takraate sar ko uThaa.e sar ko jhukaa.e
sar ke bal kuchh phirte hai.n
sab ko khoj hai terii
prem kahaa.n tuu chhup kar baiThii
ham se kyo.n hai ruuThii
aa dekh ki tere na hone se
kyaa kyaa dukh ham ne jhele
prem-pujaarii jitne the sab ban ga.e attyaachaarii
KHud hii attyaachaar kare hai
ban baiThe bechaare
apne attyaachaar ko bhoge
kaise khel niraale
lekin un ke man me.n kaisii jvaalaa jaag uThii hai
ab to terii hii un ko bas antim aas lagii hai
ai jogan
kyaa tuu bhii Dhuu.nDhe ko.ii prem-pujaarii
us kii khoj me.n ban ga.ii hai tuu bilkul hii ban-baasii
man me.n jhaa.nk ke dekh le sab ke
terii chaah basii hai
duurii terii bha.Dkaa.e hai ab to man me.n Daah
aur hamaare ho.nTo.n kaa har shabd banaa hai aah

Rukhsana Nikhat Lari Umm-e-Hani
Nazm

nazm

naubat-e-ra.ngat jamunaa rahii hai
shahanshaa-e-maza dikhaa rahii hai

Ratan Nath Sarshar
Nazm

chand

zamii.n ke pahluu me.n tuu ne magar jagah paa.ii
luTaa ke daulat-e-husn-o-mataa.a-e-ra.anaa.ii

Fazlurrahman
Nazm

zindagi

malka-e-sahr-e-zindagii teraa
shukr kis taur se adaa kiije
daulat-e-dil kaa kuchh shumaar nahii.n
ta.ng-dastii kaa kyaa gila kiije

Faiz Ahmad Faiz
Nazm

KHun-baha

idhar zinda rahne ke haq ke liye
ik hujuum-e-balaa-KHez kaa sail-e-mavvaaj
Gaiz-o-Gazab ehtijaaj
aur udhar
intizaamii suhuulat ke pesh-e-nazar
vaariso.n ke liye
cheque tayyaar hai.n

Mohsin Bhopali
Nazm

do-aba bast jalandhar

rai-zaado.n aur sardaaro.n kii KHaak-e-paak tuu
shaa.iraan-e-KHush-bayaa.n kaa marja-e-idraak tuu

Arsh Malsiyani
Nazm

bhopal

chaahe jis ruKH se bhii dekhe.n KHushnumaa bhopal hai
sach to ye hai ab bhii faKHr-e-maalvaa bhopal hai

Zia Faooqui
Nazm

shab-e-wada shab-e-wada

shab-e-vaa'da na tum aa.e
na mai chhalkii nigaaho.n kii
na amrit ke hasii.n pyaale se
ho.nTo.n ne 'ataa-e-zindagii paa.ii
na zulf 'ambarii.n bikhrii sar-e-baalii.n
shab-e-vaa'da jo yuu.n aa.ii
mataa'-e-raa.egaa.n laa.ii

Qamar Raees
Nazm

mashwara

tere rishte-daar bhii hai.n ab tire bad-KHvaah dekh
kar rahe hai.n jo tujhe sub.h-o-masaa gumraah dekh
kar rahaa huu.n vaqt se pahle tujhe aagaah dekh
sun na vaalid kii nasiihat apnii bas tanKHvaah dekh
chand sau me.n zindagii hogii bhalaa kaise basar
ai mire hamdam KHudaa ke vaaste shaadii na kar

Asad Jafri
Nazm

uske nam

vahii Guncho.n kii shaadaabii vahii phuulo.n kii nik.hat hai
vahii sair-e-gulistaa.n hai vahii josh-e-masarrat hai
vahii mauj-e-tabassum hai vahii andaa-e-fitrat hai
vahii daam-e-taKHayyul hai vahii ra.ng-e-haqiiqat hai
vahii sub.h-o-masaa hotii hai lekin tum nahii.n hotii.n
ba.Dii ra.ngii.n fazaa hotii hai lekin tum nahii.n hotii.n

Shaukat Pardesi
Nazm

traffic

KHamoshii mire dil ke kone me.n sahmii Darii
shor ke teraa ifriit se bhaag kar
aa ga.ii thii magar
gosh-e-muflis me.n behudgii zahr ban kar
badan kii mulaa.em rago.n ko sukhaane lagii hai
bahut jald dil tak pahu.nch jaa.e kii
KHaamushii ko dabochegii khaa jaa.egii
ai mata-e-hunar
mere dil se nikal
yaa mirii aag me.n jal
mire dast-o-paa shal

Salman Sarwat
Nazm

muTThi se phisalti nirwan ki ret

siddhaarth
aaj to sadiyo.n kii hairaanii liye in pattharo.n kii qaid sahtaa hai
pa.Dii hai dhuul jin par an-ginat ohdo.n ke rasto.n kii
ayaa.n hai.n kis qadar gahrii daraa.De.n jin pe vaqto.n kii
to aa.nkhe.n band kar ke aaj bhii
irfaan ke anjaan lamhe ke fusuu.n me.n hai
ye tere shaant chehre par tabassum khiltaa jaataa hai
vahii lamha
ki jis kii justujuu me.n tuu ghane jangal ke andar gum rahaa barso.n
magar paayaa to kyaa paayaa
faqat nirvaan kii ek KHushk sii Tahnii
jise tuu ye samajh baiThaa
ki ye hai qasr-e-maayaa kii ko.ii naayaab sii kunjii
bu.Dhaapaa maut biimaarii kaa dukh tujh par abhii tak khilkhilaataa hai
jise tuu chho.D kar bastii se bhaagaa thaa

Ravish Nadeem
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now