Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "me.araaj-e-khirad"

Nazm MATCHES FOR "me.araaj-e-khirad"

Nazm

ahl-e-junun

ham vahii ahl-e-junuu.n ahl-e-vafaa saahib-dil
ham ki har daur me.n auraaq-e-zamaana ke amii.n
vo lahuu apne hii maathe se bahaa hai jis se
aaj diivaar-e-KHirad kii hai lahuu-rang jabii.n

Noor -e-Shama Noor
Nazm

piri

hosh-o-havaas-o-aql-o-KHirad josh-o-valvale
sab kahte hai.n pukaar ke lo ab to ham chale

Naseem Fatima Nazar lakhnavi
Nazm

ai aligarh

tere diivaane rahe hai.n kitne hii ahl-e-KHirad
tere zaanuu par sukuu.n kii niind so.e nek-o-bad

Moazzam Ali Khan
Nazm

pachhtawa

jis se Takraa ke gire the kabhii arbaab-e-KHirad
aa.o nazdiik se vo sang-e-giraa.n dekh aa.e.n

Qaisarul Jafri
Nazm

mohabbat

vo jazba hai jo aa.iin-e-KHirad se duur rahtaa hai
ye ehsaas-e-muqaddas qalb me.n mastuur rahtaa hai

Rishi Patialvi
Nazm

faryaadat

bazm-e-KHirad me.n chhi.D to ga.ii hai dakan kii baat
ab ishq le ke aa.egaa daar-o-rasan kii baat

Jagan Nath Azad
Nazm

gharib naujawan

hosh-o-KHirad se haaraa
diivaangii ko pyaaraa
naakaamiyo.n kaa maaraa
be-aas be-sahaaraa
ik bad-nasiib huu.n mai.n
ya.anii Gariib huu.n mai.n

Sahar Rampuri
Nazm

KHak-e-jamia

KHaak-e-paak-e-jaamia
aasmaa.n se ba.Dh gayaa hai aaj teraa martaba
hai tirii aaGosh me.n ab mahv-e-KHvaab
ilm-o-tahziib-o-KHirad kaa aaftaab
aaj hai madfuun tere siina-e-be-nuur me.n
maadar-e-hindostaa.n kaa nuur-e-ain
sadr-e-bazm-e-ahl-e-dil zaakir-husain

Rifat Sarosh
Nazm

tilism-e-safar

ek dahshat-zada
niim taariik jangal me.n
aql-o-KHirad kii zaruurat nahii.n
shaa.irii aur fiction kii
parchhaa.iyo.n kaa mai.n piichhaa karuu.n
aur sapne bunuu.n
aisii aadat nahii.n

Shamim Qasmi
Nazm

nala-e-be-asman

yuu.n faiz-e-KHirad se bahra-var huu.n
har ek fareb-e-vahm taj ke
is raat ye sochne lagaa huu.n
mai.n mo'taqid-e-panaah hotaa
itnaa to na ruu-siyaah hotaa

Aziz Qaisi
Nazm

dur is duniya se

ik jahaa.n jis me.n na ho ilm-o-KHirad kii daar-o-giir
ho na jis me.n kaavish-e-suud-o-ziyaa.n mere liye

Jaleel Qidwai
Nazm

diwali aai

dasht me.n raam ne shabrii kii ziyaafat khaa.ii
bhiilnii ke yahaa.n khaane me.n bhii inkaar na thaa
kyaa bataa.e.nge ye arbaab-e-KHirad ab mujh ko
Gair sugriiv shrii-raam kaa kyaa yaar na thaa

kanval Dibaivi
Nazm

taghayyur

calender ke badalne se kahaa.n maazii badaltaa hai
puraane zaKHm bharte hai.n bhalaa aa.nkho.n ko bharne se
jo dil pe vaar ho jaa.e
achaanak haar ho jaa.e
anaa ko Thes jo pahu.nche
dil-o-hosh-o-KHirad pe bad-havaasii ho
ba.Dii gahrii udaasii ho
use jitnaa bhii jhuTlaa.o
nahii.n mumkin KHalaasii ho
suno haatho.n me.n tum jitne calender thaam sakte ho
unhe.n tum saamne rakh lo
hazaaro.n maah tum palTo
hazaaro.n saal se guzro
magar jo saaneha guzraa
tum us ko bhuul paa.oge
calender ko badalne se puraane Gam nahii.n miTte
hazaaro.n marhamo.n se bhii ye zaKHm-e-jaa.n nahii.n bharte
calender shauq se palTo
magar guzre hu.e lamhe na lauTe.nge
calender ko badalne se
muqaddar to na badle.nge

Ali Ejaz Tamimi
Nazm

husn-e-sar-e-rah

guzar rahaa hai idhar se to muskuraataa jaa
khile nahii.n hai.n jo Gunche unhe.n khilaataa jaa
tujhe qasam hai sukuu.n-aazmaa nigaaho.n kii
kisii Gariib kii taqdiir ko jagaataa jaa
vahii nigaah vahii ik tabassum-e-rangii.n
charaaG-e-anjuman-e-yaas ko bujhaataa jaa
junuu.n-navaaz tirii mast-gaamiyo.n ke nisaar
kamand-e-hosh-o-KHirad se mujhe chhu.Daataa jaa
fareb-KHurda-e-bazm-e-hayaat huu.n ya.anii
mirii nigaah se ab ye hijaab uThaataa jaa
uThaa ke chehra-e-rangii.n se parda-e-asraar
hariim-e-dil ko phir ik baar jagmagaataa jaa

Jauhar Nizami
Nazm

talash-e-nur

aa.o ai ahl-e-KHirad ahl-e-junuu.n ahl-e-zamii.n
bazm-e-hastii me.n mohabbat se charaaGaa.n kar de.n
ruuh-e-irfaa.n kaa anaasir ko sunaa kar paiGaam
aaj insaan ko phir mahram-e-insaa.n kar de.n

Darshan Singh
Nazm

bhaarat ke musalman

'bastaamii'-o-'basarii'-o-'mu.arraa'-o-'Gazaalii'
jis ilm kii jis faqr kii duniyaa ke the vaalii
hairat hai tuu ab hai usii duniyaa me.n savaalii
hai gosha-e-pastii me.n tirii himmat-e-aalii

Jagan Nath Azad
Nazm

chup raho bolo nahin

chup raho bolo nahii.n
lafz hii to ehtajaajii silsile kaa nuqta-e-aaGaaz hai
dard kii aavaaz hai
bas isii me.n 'aafiyat hai
chup raho
bolnaa
aur vo bhii sach sach bolnaa
kaun sii daanish-varii hai
kis jahaa.n kii sarvarii tum ko milegii
kis fusuun-e-shahr se chaaragarii tum ko milegii
vaqt kii tiira-shabii se kaun bach paayaa yahaa.n
masnad-o-qaalii.n sajaa.e kaun baiThaa hai yahaa.n
zindagii hai kaar-gaah-e-shiishagar
saahab-e-'aql-o-KHirad yaa momin-o-darvesh-o-saalik
dasht-o-hujra me.n panaahe.n Dhuu.nDte hai.n
bolnaa kam hai 'ibaadat
KHaamushii me.n raaz-e-hastii kaa suraaG
jis tarah sanduuqche me.n zindagii ik
sat.h-e-dariyaa par rahii mahv-e-KHiraam
koh-o-sahraa gulsitaan-o-bostaa.n
taaqche me.n 'ishq kaa maaraa charaaG
be-sabaatii se saraasiima magar KHaamosh hai

Jawed Humayun
Nazm

nawishta-e-pas-e-diwar

ye ra.ng-o-buu ye nazaare ye bazm-aaraa.ii
niyaaz-o-naaz-o-adaa husn ishq ra.anaa.ii
shabaab-e-nazm-o-Gazal dar pai-e-shakebaa.ii
mujhe ye saa.at-guzraa.n kahaa.n pe le aa.ii
qaraar dekh liyaa iztiraar dekh liyaa
Gam-e-habiib Gam-e-rozgaar dekh liyaa
udaas chehro.n pe u.Dtaa Gubaar dekh liyaa
navaa-e-shauq ko be-iKHtiyaar dekh liyaa
KHizaa.n-gaziida saa ra.ng-e-bahaar dekh liyaa
gumaa.n-dariida yaqiin taar taar dekh liyaa
tamaam ishva-e-husn-e-nigaar dekh liyaa
junuu.n kaa sajda sar-e-kuu-e-yaar dekh liyaa
savaad-e-aql-o-KHirad be-vaqaar dekh liyaa
rahaa na KHud kaa bhii phir e'tibaar dekh liyaa
kabhii jo dekhaa na thaa baar baar dekh liyaa
na ibtidaa kii KHabar hai na intihaa ma.aluum
navishta-e-pas-e-diivar kyaa hai kyaa ma.aluum

Sarwar Alam Raz
Nazm

sar-e-tur

aaj dast-e-junuu.n par hai sham-e-KHirad
do jahaa.n jis ke shole se ma.amuur hai.n
le ke aa.e.n payaam-e-tuluu-e-sahar
jitne suuraj KHalaa.o.n me.n mastuur hai.n
kah do barq-e-tajallii se ho jalva-gar
aaj muusaa nahii.n ham sar-e-tuur hai.n

Ali Sardar Jafri
Nazm

sada-e-gumbad-e-be-rauzan-o-dar

kaisii aavaaz hai
ko.ii kahtaa hai
ye dasht maujuud-o-mash.huur-o-mauhuum bas
had idraak-o-ehsaas-o-aavaaz tak hii nahii.n
chashm-o-dil kaa ye taa.ir jise
sair-e-parvaaz samjhe ho majbuur hai
musht-e-par sar-buriida-o-paaband hii
us kaa sarmaaya hai jis pe maGruur hai
taa-ba-hadd-e-KHirad taa-ba-hadd-e-junuu.n
jo bhii hai hech-o-be-maaya hai
kyaa Garaz is se
ye kyaa hai kaisaa hai kab se hai kab tak rahegaa
use bhuul jaa.o ki tum KHud hariif-e-KHudaavand-e-aafaaq ho
in savaalaat me.n KHud tumhaarii hii tauhiin hai
tum dil-e-arsh-e-aasaar kaa aa.iina le ke aa.e ho
jis me.n ka.ii rang kii
tez-rau sust-rau shoKH maddham sajal mustaqil muttasil
muntashir munfa.il munqasim saada pechiida mub.ham guraab-i-subuk
nek-o-manhuus
maujuud-o-mash.huur-o-mauhuum parchhaa.iyaa.n
yuu.n guzartii hai.n
jaise ko.ii
dhiire dhiire se palko.n ko chhuutaa rahe KHvaab me.n
kaun hai kaun hai
maavaraa-e-KHirad
maavaraa-e-junuu.n
maavaraa-e-nazar
maavaraa-e-nafas
muntazir muztarib
apnii suurat dikhaane ko bechain hai
kaisii aavaaz hai jo azal se ta.aaqub me.n hai
mere lahje kaa iimaan us ke taKHaatub me.n hai
ye kahii.n merii aavaaz hii to nahii.n
mai.n mujhii ko sadaa de rahaa huu.n ba.Dii der se
ba.Dii duur se
mai.n hii apnaa hariif-e-azal
mai.n hii apnaa hariif-e-abad
mujh ko meraa pata do ki mai.n
apnii aavaaz kii guu.nj huu.n

Aziz Qaisi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now