Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "nak-cha.dhaa"

Nazm MATCHES FOR "nak-cha.dhaa"

Nazm

rakhsha bandhan par

ye jo meraa bhaa.ii hai
surme kii salaa.ii hai
nak-cha.Dhaa to hai lekin
bahan kaa fidaa.ii hai
mai.n use sataatii huu.n
vo bhii taa.o khaataa hai
mujh se jiit saktaa hai
phir bhii haar jaataa hai
us kii chhaa.nv ThanDii hai
us pe pyaar aataa hai
KHush rahe KHudaa rakkhe
mannate.n manaatii huu.n
us kii kaamyaabii ke
mai.n diye jalaatii huu.n

Ataur Rahman Tariq
Nazm

zarf

jannat kii KHunuk havaa milii to
ThanDak hame.n naagavaar guzrii
mu.nh pher ke naak bhau.n cha.Dhaa ke
ik duuje ko dekhaa aur ham ne
chaahaa ki zaraa sii naar-e-dozaKH
mil jaa.e to haath taap le.n ham

Abdul Ahad Saaz
Nazm

aankhen uski KHwab

mahke ye gajre
kitne achchhe lagte hai.n na
chaahat ke tohfe

Shahida Urooj Khan
Nazm

tanhai mein

chaahtaa ye thaa mire zaKHm ke anguur ba.ndhe.n
ye na chaahaa thaa miraa jaam-e-tahii rah jaa.e

Akhtarul Iman
Nazm

prit ki rit

jo na chaahe baat bhii karnaa
us ko chaahnaa us par marnaa
man kii baat bataate Darnaa

Shree Amar Amritsari
Nazm

abba ki ainak

un kii nazar me.n apnii hii har chiiz Gair hai
takiya hai apnii jaa pe na chaadar ba-KHair hai

Adil Jafari
Nazm

sal-e-nau mubarak

mubaarak mubaarak nayaa saal sab ko
na chaahaa thaa ham ne tuu ham se judaa ho
magar kis ne rokaa hai bahtii havaa ko
jo ham chaahte hai.n vo kaise bhalaa ho
ai jaate baras tujh ko sau.npaa KHudaa ko
mubaarak mubaarak nayaa saal sab ko

Mohammad Asadullah
Nazm

shararat ka maza

rashiida thii yuu.n to ba.Dii nek la.Dkii
magar us me.n ye ek aadat burii thii
vo har chiiz ko chhuutii aur chhe.Dtii thii
ye baat us kii ghuTTii me.n goyaa thii
buraa.ii ho ik bhii to kaisii burii hai
bhalaa.ii kii rag kaaTne ko chhurii hai
kabhii chaa.e-daanii kaa Dhaknaa uThaatii
vo ye jhaa.nk kar dekhtii is me.n kyaa hai
kabhii ketlii ko ulaT kar giraatii
samajhtii jo dhyaan aap kaa baT gayaa hai
use rokte bhii to ruktii vo kab thii
burii us me.n aadat pa.Dii ye ajab thii
ye ik din kaa hai zikr qissa hu.aa kyaa
tipaa.ii pe daadii ne ainak ko rakhaa
thii nisvaar kii bhii vahii.n ek Dibiyaa
rashiida ne un dono.n chiizo.n ko taakaa
ye sochaa ki dekhuu.ngii chiize.n ye kyaa hai
zaraa daadii amaa.n haTe.n yaa.n se jaa.e.n
Garaz un ke haTte hii us kii ban i
usii vaqt aa.nkho.n pe ainak lagaa.ii
vo Dibiyaa bhii nisvaar kii us ko bhaa.ii
ki ra.ngiin dhakne me.n thii KHush-numaa.ii
vo ainak to pahle lagaa hii chukii thii
hu.ii fikr Dibiyaa ko ab kholne kii
kahaa dil me.n mujh se kahe.ngii ye daadii
ki beTii na chhuunaa ise bhuul kar bhii
magar shukr hai is gha.Dii vo nahii.n hai.n
na abbaa na amaa.n na aapaa kahii.n hai.n
zaraa khol kar dekh luu.n is me.n kyaa hai
abhii band kar duu.ngii phir harj kyaa hai
rashiida ne Dibiyaa kaa Dhaknaa jo kholaa
to us me.n lagaa zor kaa ek jhaTkaa
havaa me.n vo nisvaar har samt phailii
rashiida ke chehre pe u.D u.D ke i
na aa.nkhe.n na nathune na mu.nh aur Tho.Dii
jagah ek bhii us ne baaqii na chho.Dii
hu.ii naak nisvaar se us kii lat-pat
na puuchho banii us gha.Dii us kii kyaa gat
vo ghabraa ke har har taraf KHuub dau.Dii
magar phir bhii chhii.nko.n se fursat na paa.ii
na aaraam us ko milaa ek pal bhii
na mil paa.ii us ko zaraa der kal bhii
vo ghabraa.ii itnii ki ainak ko phe.nkaa
chalii phir vo paanii se dhone ko chehraa
nihaayat hii naazuk the ainak ke shiishe
vo girtii hii bas ho ga.e Tuk.De Tuk.De
milii us ko apne kiye kii sazaa ye
ki miltii hai phuuTe hiye ki sazaa ye
phir itne me.n daadii ko aate jo dekhaa
hu.aa haal abtar bahut phir to us kaa
rashiida arii tujh ko ye ho gayaa kyaa
ye daadii ne tevrii cha.Dhaa kar jo puuchhaa
to bas sharm se ga.D ga.ii.n b rashiida
ajab soch me.n pa.D ga.ii.n b rashiida
rashiida kii haalat hu.ii Gair dukh se
rahaa kaam us ko KHushii se na sukh se
kiyaa us ne va.ada ye khaa khaa ke qasme.n
ki ab bhuul kar bhii na chhe.Duu.ngii chiize.n
sunaa hai ye 'nayyar' ne logo.n kaa kahnaa
rashiida ne va.ada kiyaa apnaa puuraa

Mohammad Shafiuddin Nayyar
Nazm

Diary

''ka.Do.n me.n sonaa nahii.n hai,
un par sunahrii paanii cha.Dhaa hu.aa hai''
ik aur zevar kaa zikr bhii hai:
''vo naak kii nath na bechnaa tum
vo jhuuTaa motii hai, tum se sachchaa kahaa thaa mai.n ne,
sunaar ke paas jaa ke sharmindagii sii hogii''

Gulzar
Nazm

ye nur kaisa hai

raakh kaa saara.ng pahne
barf kii laash hai
laade kaa saa badan pahne
guu.ngii chaahat hai
rusvaa.ii kaa kafan pahne
har ek qatra muqaddas hai maile aa.nsuu kaa
ek hujuum apaahij hai aab-e-kausar par
ye kaisaa shor hai jo be-aavaaz phailaa hai
ro pahlii chhaa.nv me.n bad-naamiyo.n kaa Deraa hai
ye kaisii jannat hai jo chau.nk chau.nk jaatii hai
ek intizaar-e-mujassam kaa naam KHaamoshii
aur ehsaas-e-be-karaa.n pe ye sarhad kaisii
dar-o-diivaar kahaa.n kii aavaargii ke
nuur kii vaadii talak lams kaa ik safar taviil
har ek mo.D pe bas do hii naam milte hai.n
maut kah lo jo mohabbat nahii.n kahne paa.o
usii kaa naam mohabbat hai jis kaa naam hai maut

Meena Kumari Naz
Nazm

khiDki

magar haal
us kaa kahaa.n hai vajuud
zamaana hai maazii
zamaana hai mustaqbil
aur haal ek vaahima hai
kisii lamhe ko mai.n ne jab
chhuunaa chaahaa
phisal kar vo KHud ban gayaa ek maazii
kisii ne kabhii haal ko apne dekhaa nahii.n
kisii ne kabhii haal ko apne parkhaa nahii.n
aur mustaqbil itnaa hai duur
ki us tak kabhii haath pahu.nchaa nahii.n
tabhii to mujhe
aap ko
saarii duniyaa ko
miltii hai maazii me.n apne panaah
yahaa.n se bahut duur
mustaqbil-e-naa-rasaa kaa dhu.ndalkaa jahaa.n
KHema-zan hai
sajaa.ii hai maazii ne bhii dekhiye
vahii.n jugnu.o.n kii baraat
kabhii mujh se dil puuchhtaa hai
kabhii dil se mai.n puuchhtii huu.n
ye khi.Dkii na hotii
to kyaa hotaa
mai.n kahaa.n hotii

Meena Kumari Naz
Nazm

ajnabi des ke raston pe bhaTakte rahi

aaj likkhuu.n ki sulagte hu.e armaano.n me.n
kitne zahriile subuk tiir chubhaa karte hai.n
kaise dhu.ndlaa.ii hu.ii raat mai.n be-bas aa.nsuu
Dar ke tanhaa.ii se tham tham ke bahaa karte hai.n
jhu.njhlaahaT me.n tujhe bhuulne kii koshishe.n bhii kii.n
kaise phir lauT bhii aane kii du.aa karte hai.n
kaise ma.asuum bilakte hu.e ehsaano.n se
naam le le ke tiraa log ha.nsaa karte hai.n
ta.ane kaste hai.n ka.ii baar terii chaahat par
ruuh ke ehsaas ko badnaam kiyaa karte hai.n
aur ham hai.n ki bas haatho.n se kaleja thaame
be-rahm vaqt kii har choT sahaa karte hai.n

Meena Kumari Naz
Nazm

tu hai chaara-saz mera

bin tire hai kaun aisaa
jo dilo.n kaa haal jaane
ko.ii yaa.n aisaa nahii.n jo
bin kahe fariyaad sun le
bin bataa.e haal jaane
so yahii hai mujh pe laazim
juz tire hargiz kisii ko
mai.n na chaara-saaz maanuu.n
apnaa sab kuchh tujh ko jaanuu.n

Mudassir Abrar Aabi
Nazm

zindagani shikaston ka ambar hai

mai.n ne chaahaa thaa lekin na chaahaa thaa yuu.n
inqalaab itnaa afsurda itnaa hazii.n
haa.e ai merii hasrat-zada justujuu
kyo.n tirii kaavisho.n ko zavaal aa gayaa
mere qadmo.n se maanuus raah-e-junuu.n
ai fazaa kii tamanna-shikan KHaamushii
kis tarah mu.D ga.ii kis jagah kho ga.ii
kyaa hu.e aaj afkaar ke kaarvaa.n
jin ke saa.e nigaaho.n se maanuus the
zulmato.n ke dayaaro.n ko kyaa ho gayaa
jin se thii.n aashnaa merii tanhaa.iyaa.n
dil kahaa.n aarzuu.o.n kaa madfan liye
ko.ii jaa.e bhii aaKHir to jaa.e kahaa.n

Abid Almi
Nazm

ek alamat

ghaas se bach ke chalo ret ko gulzaar kaho
narm kaliyo.n pe cha.Dhaa do Gam-e-dauraa.n ke Gilaaf
KHud ko dil thaam ke murGaan-e-giraftaar kaho
raat ko us ke tabassum se lipaT kar so jaa.o
sub.h uTTho to use shaahid-e-baazaar kaho
zehn kyaa chiiz hai jazbe kii haqiiqat kyaa hai
farsh par baiTh ke tabliiG ke ash.aar kaho

Mustafa Zaidi
Nazm

wo rasta

chalte jaataa huu.n
us kii baahe.n thaame
vo thaktaa nahii.n
mai.n ruktaa nahii.n huu.n
bachpan se saath huu.n
badle hai rang ka.ii
us ne aur mai.n ne
aksar tanhaa.ii me.n
ham saath hote hai
vo patto se ladaa hu.aa
kabhii dhuup me.n
jaltaa hu.aa
barsaat me.n na chaahe
bhiigtaa hu.aa
vo raasta
jo mere
ghar se nikal kar
duur ja.ngalo.n me.n
jaataa hai
vo aaj bhii
tanhaa.ii me.n
meraa saath nibhaataa hai

Kamal Upadhyay
Nazm

KHat

vaqt jo tum ko kabhii mile to
KHat kaa mere javaab likhnaa
salaam du.aa tum likho na chaahe
haal kaisaa hai yaar likhnaa
likhnaa ki fursato.n me.n kabhii
yaad merii to aa.ii hogii
mujhe bataanaa ki pahlii baarish me.n
bhiige the jo saath ham tum
kyaa vo lamhe saa.ate.n
mahfuuz hai.n nigaaho.n me.n
agar haa.n
to samjho
tum merii zaat se munsalik ho
aur mai.n tumhaarii ruuh se vaabasta huu.n

Gul Gulshan
Nazm

dard-e-mushtarak

mai.n ne jo zulm kabhii tujh se ravaa rakkhaa thaa
aaj usii zulm ke phande me.n giraftaar huu.n mai.n
mai.n ne jo tiir tire haath se chhiinaa thaa kabhii
aaj usii tiir ke ghaav se niguu.n-saar huu.n mai.n
jis kii KHaatir tirii zillat bhii gavaaraa thii mujhe
aaj usii ''paikar-e-ismat'' kaa KHataa-kaar huu.n mai.n
mirii aa.ankho.n ne jise chaa.nd kahaa thaa kal tak
aaj usii sho.ala-e-parraa.n se araq-baar huu.n mai.n
tuu na chaahe bhii to aafaaq ha.nsegaa mujh par
vaqt ke haath me.n TuuTii hu.ii talvaar huu.n mai.n

Qateel Shifai
Nazm

taba kai

lafz aur ho.nT ke maabain kahii.n
saa.ns ulajh jaatii hai
tere aa.ngan ke kisii gosha-e-naadiida me.n
manhanii haatho.n se diivaar paka.Dtii hu.ii
ummiid kii bel
apne hii Gam se dahaktii rahii dam dam paiham
apne hii nam se mahaktii rahii mausam mausam
lafz ubharte rahe ruk ruk ke sar-e-shaaKH-e-niyaaz
bel ke phuul kabhii rang kabhii KHushbuu se
aan kii aan tire lams me.n jiinaa chaahe.n
majas-e-zaat kii tanhaa.ii me.n
aur zamistaan-e-KHamoshii kii giraa.nbaarii me.n
yahii armaan rahaa
tuu unhe.n chaahe na chaahe lekin
kabhii pal bhar ko paziiraa.ii kaa iz.haar kare
lamha bhar lazzat-e-shunvaa.ii se sarshaar kare

Zia Jalandhari
Nazm

koi aashiq kisi mahbuba se!

gulshan-e-yaad me.n gar aaj dam-e-baad-e-sabaa
phir se chaahe ki gul-afshaa.n ho to ho jaane do
umr-e-rafta ke kisii taaq pe bisraa hu.aa dard
phir se chaahe ki farozaa.n ho to ho jaane do
jaise begaane se ab milte ho vaise hii sahii
aa.o do chaar gha.Dii mere muqaabil baiTho
garche mil-baiThe.nge ham tum to mulaaqaat ke baa'd
apnaa ehsaas-e-ziyaa.n aur ziyaada hogaa
ham-suKHan ho.nge jo ham dono.n to har baat ke biich
an-kahii baat kaa mauhuum saa parda hogaa
ko.ii iqraar na mai.n yaad dilaa.uu.ngaa na tum
ko.ii mazmuun vafaa kaa na jafaa kaa hogaa
gard-e-ayyaam kii tahriir ko dhone ke liye
tum se goyaa ho.n dam-e-diid jo merii palke.n
tum jo chaaho to suno aur jo na chaaho na suno
aur jo harf kare.n mujh se gurezaa.n aa.nkhe.n
tum jo chaaho to kaho aur jo na chaaho na kaho

Faiz Ahmad Faiz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now