Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "paak-daaman"

Nazm MATCHES FOR "paak-daaman"

Nazm

pyara watan hamara

jis mulk me.n thii.n laakho.n siitaa sii paak-daaman
teGo.n ke saa.e me.n jo kartii thii dharm-paalan

Lala Anoop Chand Aaftab Panipati
Nazm

nazm

mujhe KHabar hai ki merii vahshat haq aur baatil kii ain sarhad pe aa rukii hai
mirii mohabbat ke paak daaman pe daaG lagne me.n bas ek nuqte kii hii kamii hai

Kainaat
Nazm

karachi ka traffic

dekho vo jaatii hai rishvat se KHariidii hu.ii car
sehn-e-gulshan me.n ho jaise guzaraa.n mauj-e-bahaar
paak daaman pe nahii.n us ke zaraa gard-o-Gubaar
chor-baazaar me.n phirtii hai ba-sad-izz-o-vaqaar
kyaa ho is car ke niiche jo ko.ii aa jaa.e
be-vasiila ho to lambii sii sazaa paa jaa.e

Syed Mohammad Jafri
Nazm

jannat-e-kashmir

ham jise kahte the jannat
kyaa yahii kashmiir hai
shaa.iro tum hii bataa.o
ab jo ye tasviir hai
kyaa vahii kashmiir hai
jis kii sub.h-o-shaam par
azmato.n ke naam par
saik.Do.n nazme.n likhii.n ajdaad ne
daastaane.n kii.n raqam
vo farishto.n kii tarah ma.asuum saare hii bashar
paak-daaman vo parii-chehra hasiinaa.e.n
ki jin ko
huur vo kahte rahe likhte rahe
aur duniyaa me.n yahii charchaa kiyaa
is zamii.n par hai agar jannat kahii.n
bas yahii.n hai bas yahii.n hai bas yahii.n

Sharafat Husain
Nazm

raat ke paDaw par

aavaaz kii samte.n muta.ayyan ho ga.ii.n
aur taqliid ke aaseb lafzo.n ke paak-daaman sayyaaro.n ko rau.ndte chale ga.e
anthak mehnato.n kii samajh me.n kuchh na aayaa
yahaa.n tak ki soch kii sunahrii raushaniyaa.n thak kar gir pa.De.n
nasheb aur nasheb kii jaanib
junuun kaa nasheb
jahaa.n raat Thahartii hai
aur pur-asraariyat kaa saaneha
jahaa.n saraabo.n ke asraar khul ga.e
aur jahaa.n musaafir qadmo.n aur anthak mehnato.n aur siskiyo.n ke javaar bhaaTaa kii dostii hai
ye raat kaa pa.Daav hai jahaa.n
aa.nkho.n kii tamaam an-ginat sa.Dke.n
KHudaa haafiz kii bhuul bhulayyo.n me.n gum ho jaatii hai.n

Tanveer Anjum
Nazm

mrs-sala-manka

KHudaa hashr me.n ho madad-gaar meraa
ki dekhaa hai mai.n ne
mrs.-saalaa-ma.nkaa ko bistar me.n shab bhar barahana
vo gardan vo baahe.n vo raane.n vo pistaa.n
ki jin me.n junuubii samundar kii lahro.n ke tuufaa.n
shumaalii daraKHto.n ke baaGo.n ke phuulo.n kii KHushbuu
jahaa.n dam-ba-dam itr o tuufaa.n baham aur gurezaa.n
mrs.-saalaa-ma.nikaa kaa jism-e-barhana
ufuq-taa-ufuq jaise anguur kii bel jis kii
Gizaa aasmaano.n kaa nuur aur haasil
vo lazzat ki jis kaa nahii.n ko.ii paayaa.n
KHudaa ke sivaa kaun hai paak-daamaa.n!

Noon Meem Rashid
Nazm

mohabbat ye adhuri hai

vo ik diivaana saa la.Dkaa
kisii se pyaar kar baiThaa
nahii.n sochaa kabhii us ne
kisii kii vo amaanat hai
kisii ke ghar kii izzat hai
samajhtaa kyuu.n nahii.n hai vo
nahii.n mumkin ye chaahat hai
ye rasmo.n se baGaavat hai
vo apnaa dil dukhaataa hai
use pahro.n manaataa hai
parastish us kii kartaa hai
usii ko pyaar kartaa hai
usii ko sochtaa hai kyuu.n
usii ko chaahtaa hai kyuu.n
vo ye kartaa hai naadaanii
kisii kii us ne kab maanii
vo jis kaa paak daamaa.n hai
pareshaa.n hai vo hairaa.n hai
vo bebas kah nahii.n paatii
tiraa dukh sah nahii.n paatii
kisii kii raah me.n kaa.nTe
kabhii vo bo nahii.n saktii
bas itnaa tum samajh lenaa
vo terii ho nahii.n saktii

Siya sachdev
Nazm

jamuna

dhiimii dhiimii vo tirii raftaar bal khaa.ii hu.ii
vo nazar jhe.nptii hu.ii chitvan vo sharmaa.ii hu.ii
vo suriilii naGma-e-josh-e-talaatum kii sadaa
aah vo dilkash tire saaz-e-tarannum kii sadaa
brij kii o paak-daaman o muqaddas naaznii.n
naqsh hai dil par tirii ik ik adaa-e-dil-nashii.n

Suroor Jahanabadi
Nazm

paigham-e-id

chandaa maamaa kal kii shaam
KHushiyo.n kaa laanaa paiGaam

Shamim Anjum Warsi
Nazm

muflis

izzat-e-ajdaad ke sar par damaa-dam Thokare.n
rishta-e-aavaaz par lafzo.n kii paiham Thokare.n

Josh Malihabadi
Nazm

KHizr-e-rah

bartar az andesha-e-suud-o-ziyaa.n hai zindagii
hai kabhii jaa.n aur kabhii tasliim-e-jaa.n hai zindagii
tuu ise paimaana-e-imroz-o-fardaa se na naap
jaavedaa.n paiham davaa.n har-dam javaa.n hai zindagii
apnii duniyaa aap paidaa kar agar zindo.n me.n hai
sirr-e-aadam hai zamiir-e-kun-fakaa.n hai zindagii
zindagaanii kii haqiiqat kohkan ke dil se puuchh
juu-e-shiir-o-tesha-o-sa.ng-e-garaa.n hai zindagii
bandagii me.n ghaT ke rah jaatii hai ik juu-e-kam-aab
aur aazaadii me.n bahr-e-be-karaa.n hai zindagii
aashkaaraa hai ye apnii quvvat-e-tasKHiir se
garche ik miTTii ke paikar me.n nihaa.n hai zindagii
qulzum-e-hastii se to ubhraa hai maanind-e-habaab
is ziyaa.n-KHaane me.n teraa imtihaa.n hai zindagii
KHaam hai jab tak tuu hai miTTii kaa ik ambaar tuu
puKHta ho jaa.e tuu hai shamsher-e-be-zinhaar tuu
ho sadaaqat ke liye jis dil me.n marne kii ta.Dap
pahle apne paikar-e-KHaakii me.n jaa.n paidaa kare
phuu.nk Daale ye zamiin-o-aasmaan-e-musta'aar
aur KHaakistar se aap apnaa jahaa.n paidaa kare
zindagii kii quvvat-e-pinhaa.n ko kar de aashkaar
taa ye chingaarii froG-e-jaavedaa.n paidaa kare
KHaak-e-mashriq par chamak jaa.e misaal-e-aaftaab
taa-badaKHshaa.n phir vahii laa'l-e-giraa.n paidaa kare
suu-e-garduu.n naala-e-shab-giir kaa bheje safiir
raat ke taaro.n me.n apne raaz-daa.n paidaa kare
ye gha.Dii mahshar kii hai tuu arsa-e-mehshar me.n hai
pesh kar Gaafil ‘amal ko.ii agar daftar me.n hai
saltanat

Allama Iqbal
Nazm

azal-abad

apnaa to abad hai kunj-e-marqad
jab jism supurd-e-KHaak ho jaa.e
marqad bhii nahii.n vo aaKHirii saa.ns
jab qissa-e-ziist paak ho jaa.e
vo saa.ns nahii.n shikast-e-ummiid
jab daaman-e-dil hii chaak ho jaa.e
ummiid nahii.n bas ek lamha
jo aatish-e-Gam se KHaak ho jaa.e
hastii kii abad-gah-e-qazaa me.n
kuchh farq nahii.n fanaa baqaa me.n
KHaakistar-e-KHvaab shola-e-KHvaab
ye apnaa azal hai vo abad hai
vo shola to kab kaa mar chukaa hai
ye jism ik naash-e-be-lahad hai
martii hai hayaat lamha lamha
har saa.ns ik zindagii kii had hai

Aziz Qaisi
Nazm

shahidan-e-azadi

ziist kii har ek ne.amat mulk par qurbaan thii
rahnumaa ke ik ishaare par tasadduq jaan thii
KHuun daaman par na thaa un kii yahii pahchaan thii
Gaaziyaan-e-hind kii sab se niraalii shaan thii

Prem Lal Shifa Dehlvi
Nazm

aaj ki raat

kaun fardaa pe e'tibaar kare
kaun jannat kaa intizaar kare
jaane kab maut kaa payaam aa.e
ye masarrat bhii ham se chhin jaa.e
daaman-e-aql chaak hone de
aaj ye qissa paak hone de
Gam ko naa-paa.edaar kar de.n ham
maut ko sharmsaar kar de.n ham
lab se lab yuu.n mile.n ki kho jaa.e.n
jazb ik duusre me.n ho jaa.e.n
mai.n rahuu.n aur na tuu rahe baaqii!

Hafeez Hoshiarpuri
Nazm

nadani

ThanDe lafzo.n ke chhii.nTo.n se
ba.Dii samajhdaarii se aa.o
is janjaal se
apnaa daaman khii.nch ke
ham achchhe ban jaa.e.n
paak saaf aur nek
bujhaa de.n dil bhaTTii
apne haatho.n
apnii raah me.n kaa.nTe bonaa
apnaa hii KHud dushman ban.naa
apne KHuun ke pyaase honaa
sisak sisak kar marnaa
apnii qabr khodnaa
pyaar ke piichhe paagal ban.naa
jaan hathelii par le kar
yuu.n phirnaa
jaise us kaa ko.ii mol nahii.n hai
ye to ba.Dii naadaanii hai
sachchaa.ii ko tah karke sanduuq me.n rakh do
KHvaab hai husn bhulaa do is ko
phuul kii KHushbuu
taaro.n kii zau
bahkaatii hai
in ko chho.Do
chaa.nd chor hai
apne dil ko is se bachaa.o
aasmaan kii niilii chaadar phaa.D ke phe.nko
phuu.nk do har us chiiz ko jis se
ranj-o-Gam yaa dard-o-alam kii duur duur se
parchhaa.ii.n bhii pa.D jaane kaa andesha ho
lahuu me.n jo tuufaan uThaa.e
man ko aise bhak se jalaa de
jaise jeTh kii dhuup me.n jangal
aanan-faanan jal uThte hai.n
pyaare
pyaar bahut hii dukh detaa hai
aa.o ise dafnaa de.n

Sajjad Zaheer
Nazm

jawaz

pyaarii la.Dkiyo pataa hai KHudaa ne tumhe.n kyuu.n banaayaa hai
is liye ki tum zindagii kaa daaman husn-e-do-aalam se bhar do
aur viiraano.n me.n bhii qadam rakho to vahaa.n chupke se bahaar aa jaa.e
pyaarii aurto pataa hai KHudaa ne tumhe.n kyuu.n banaayaa hai
is liye ki tum mohabbat ke jaaduu se zamiin ke siine ko paak kar do
nafrat se nifaaq se naa-umiidii hai

Mohammad Haneef Rame
Nazm

watan

ai vatan paak vatan ruuh-e-ravaan-e-ahraar
ai ki zarro.n me.n tire bu-e-chaman ra.ng-e-bahaar
ai ki KHvaabiida tirii KHaak me.n shaahaana vaqaar
ai ki har KHaar tiraa ruu-kash-e-sad-ruu-e-nigaar
reze almaas ke tere KHas-o-KHaashaak me.n hai.n
haDDiyaa.n apne buzurgo.n kii tirii KHaak me.n hai.n

Josh Malihabadi
Nazm

zindagi se Darte ho

zindagii se Darte ho!
zindagii to tum bhii ho zindagii to ham bhii hai.n!
zindagii se Darte ho?
aadmii se Darte ho?
aadmii to tum bhii ho aadmii to ham bhii hai.n
aadmii zabaa.n bhii hai aadmii bayaa.n bhii hai
us se tum nahii.n Darte!
harf aur ma.anii ke rishta-haa-e-aahan se aadmii hai vaabasta
aadmii ke daaman se zindagii hai vaabasta
us se tum nahii.n Darte
''an-kahii'' se Darte ho
jo abhii nahii.n aa.ii us gha.Dii se Darte ho
us gha.Dii kii aamad kii aagahii se Darte ho

Noon Meem Rashid
Nazm

ganga

ai aab-ruud-e-ga.ngaa uf rii tirii safaa.ii
ye teraa husn dil-kash ye tarz-o-dil-rubaa.ii
terii tajalliyaa.n hai.n jalva-farosh ma.anii
tanviir me.n hai terii ik shaan-e-kibriyaa.ii
jamunaa tirii sahelii go saath kii hai khelii
us me.n magar kahaa.n hai terii sii jaa.n-fazaa.ii
be-laus teraa daaman hai daaG-e-ma.asiyat se
mauzuu.n hai tere qad par malbuus-e-paarsaa.ii
dil-band ham hai.n tere laKHt-e-jigar hai.n tere
naKHl-e-muraad hai tau aur ham samar hai.n tere

Suroor Jahanabadi
Nazm

subhash-chandr-bos bahadur-shah-zafar ke mazar par

assalaam ai azmat-e-hindostaa.n kii yaadgaar
ai shahanshaah-e-dayaar-e-dil faqiir-e-be-dayaar

Jagan Nath Azad
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now