Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "saKHt-jaan"

Nazm MATCHES FOR "saKHt-jaan"

Nazm

nazm

maanaa ki us ke zulm-o-sitam se huu.n niim-jaa.n
phir bhii mai.n saKHt jaa.n huu.n pahu.nch jaa.uu.ngaa vahaa.n

Shahid Kabir
Nazm

hum din-dar bachche

maazii kii daastaa.n hai.n
haalaat kaa bayaa.n hai
millat ke paasbaa.n hai.n
dil narm saKHt jaa.n hai.n
ham diin-daar bachche

Abdul Ghani Faizi
Nazm

aatish-dan ke andar

dekho
ki mujh me.n
vaqt jaisii saKHt-jaa.n shai
aur zamiin-o-aasmaa.n hal hai.n

Ghayas Mateen
Nazm

raushni gul na karo

raushnii gul na karo varna kisii sog kaa zahr
in dariicho.n ke hasii.n rang pe chhaa jaa.egaa
saKHt-jaa.n kohr kii maanind fazaa.o.n kaa sukuut
nik.hat-o-nuur ke aahang pe chhaa jaa.egaa

Hurmatul Ikaram
Nazm

mukafat

le jaa.e.n kis ke paas ye daaG-e-KHud-aagahii
ai soz-e-hijr ko.ii tiraa raaz-daa.n nahii.n
ye shahr-e-naa-shanaas ye viiraanii-e-hujuum
is qaafile me.n ahl-e-nazar kaa nishaa.n nahii.n
sab ajnabii hai.n ko.ii yahaa.n ham-zabaa.n nahii.n
baiThe.n shafaq ke saa.e me.n KHuun-e-jigar piye.n
aa.o ki rasm-e-ahl-e-KHaraabaat hai yahii
har ishq-e-saKHt-jaa.n kii mukaafaat hai yahii

Muneebur Rahman
Nazm

mubarakbaad

zamaane tahniyat tujh ko
ki ab kii martaba jis ko pachhaa.Daa hai
ba.Daa hii saKHt-jaa.n thaa vo!!

Saima Esma
Nazm

ummid

zindagii ajab hai
phir bhii apne paas
maut ko
phaTakne nahii.n detii
jab ki haath mahruum hai.n
rozgaar se
peT daane se
aur sar aasare se
saKHt-jaan zindagii
hazaar baar
mar kar bhii
zinda rahtii hai
ummiid ke ujaalo.n me.n
uu.nchii u.Daano.n me.n
apne aap se
jhu.njhtii hu.ii
ki haqiiqat me.n
jise kahte hai.n zindagii
hame.n bhii
haasil ho ga.ii kabhii to
bas ye jazba
na kabhii marne paa.e

Khadija Khan
Nazm

KHarabi

KHaraabii kaa aaGaaz
kab aur kahaa.n se hu.aa
ye bataanaa hai mushkil
kahaa.n zaKHm khaa.e
kahaa.n se hu.e vaar
ye bhii dikhaanaa hai mushkil
kahaa.n zabt kii dhuup me.n ham bikharte ga.e
aur kahaa.n tak ko.ii sabr ham ne sameTaa
sunaanaa hai mushkil
KHaraabii bahut saKHt-jaa.n hai
hame.n lag rahaa thaa ye ham se ulajh kar
kahii.n mar chukii hai
magar ab jo dekhaa to ye shahr me.n
shahr ke har mohalle me.n har har galii me.n
dhu.e.n kii tarah bhar chukii hai
KHaraabii ru.e.n me.n
KHvaabo.n me.n, KHvaahish me.n
rishto.n me.n ghir chukii hai
KHaraabii to lagtaa hai
KHuu.n me.n asar kar chukii hai
KHaraabii kaa aaGaaz
jab bhii jahaa.n se hu.aa ho
KHaraabii ke anjaam se Gaaliban
jaa.n chhu.Daanaa hai mushkil

Azm Bahzad
Nazm

kaw kaw saKHt-jaani

kaav kaav saKHt-jaanii
aur aisii tanhaa.ii
jazba-e-be-iKHtiyaarii
aur aisii tanhaa.ii
aatish-e-KHaamosh me.n jaltaa rahaa
aur ko.ii vasl ko aayaa nahii.n
vahshat aisii thii
ki sahraa bhii jalaa vo bhii jalaa
thii vo daaGo.n kii bahaar
thaa charaaGaa.n raat me.n
aur qais thaa tasviir me.n
phir bhii uryaa.n hii thaa vo
us ne kabhii kap.De na pahne
KHushbuu bhare KHushiyaa.n bhare
buu-e-gul me.n us kaa naala thaa nihaa.n
aur mahfil ke charaaGo.n me.n thaa
us ke sachche ishq kaa sachchaa dhu.aa.n
vo thaa tanhaa.ii me.n
aur tanhaa.ii bhii aisii dardnaak
qais apne soz-e-tanhaa.ii me.n hii jal gayaa
be-mahaabaa jal gayaa
kaav kaav saKHt-jaanii
aur aisii tanhaa.ii na puuchh

Salahuddin Parvez
Nazm

babul ke daraKHt se kaho

babuul ke daraKHt se kaho
abhii mashaam-e-jaa.n me.n har si.nghaar kii shaguftagii
ba.De hii inhimaak se bahaar-paash hai yahaa.n
jo mu.D ke dekhtaa huu.n adh-jale gulaab kaa badan
shahaadato.n ke ramz par si.nghaar bhii luTaa gayaa
jo mu.D ke dekhtaa huu.n faaKHta kaa ahmarii.n lahuu
jabiin-e-jaur kii sabhii ra.uunate.n miTaa gayaa
mire KHilaaf saazisho.n kaa ye muhiib silsila
mirii anaa ke baa.nkpan me.n daf.atan samaa gayaa
chiinaar ke daraKHt se hai naariyal ke pe.D tak
ravaa.n davaa.n hamaarii KHushbu.o.n kaa shoKH silsila
kabuutaro.n ke Gol kii phaban hiran kii chauk.Dii
havaa ke dosh-e-maGzaar ko dulhan banaa ga.ii
abhii mirii zamiin kii fazaa.e.n sub.h-e-faam hai.n
dhue.n ke naag se kaho
ba.Dii hii saKHt-jaan hai.n hamaarii vaadiyo.n me.n ra.ng-o-nuur kii lataafate.n
samundaro.n kii siipiyo.n se pokharo.n kii ghoghiyo.n ne
bai.ato.n ke vaaste sipurd kab kiyaa hai Gairato.n ke laala-zaar ko
abhii hisaar-e-sa.ng me.n ka.nval ke phuul hai.n khile
zabaan-e-reg-e-surKH se kaho
hamaare paa.nv jal ga.e to kyaa hu.aa
bahaar-e-sabz ke liye zamii.n to aaj mil ga.ii

Ambar Bahraichi
Nazm

muflison ka qaumi tarana

yahii mirii KHvaab-gaah-e-ishrat yahii hai meraa nigaar-KHaana
dhu.e.n kii rangiin badliyo.n me.n pakaa rahii hai jahaa.n vo khaanaa
yahii.n a.ndhero.n se mil ke ham chaa.ndnii ke chhakke chhu.Daa rahe hai.n
yahii.n hamaaraa sila muqarrar hu.aa hai adbaar-e-jaavedaana
yahii.n use giilii lak.Diyo.n ne KHushii ke aa.nsuu bahaate dekhaa
yahii.n use raakh kii taho.n ne banaa diyaa Gair shaa.iraana
yahii.n mirii saKHt-jaan Gairat ye baarhaa sun chukii hai ab tak
abe tirii muflisii ke charche sune the mai.n ne to Gaa.ebaana
yahii.n vo jaan-e-vafaa mirii aarzuu kii rangiiniyo.n kii KHaatir
chhi.Dak ke baalo.n me.n itr-e-andesha kartii rahtii hai in me.n shaana
agar nahuusat kii jaan hai vo to banda iimaan-e-muflisii hai
isii liye ek duusre se hame.n mohabbat hai vaalihaana
ilaahii terii inaayato.n kaa ye ek adnaa saa hai karishma
hamaare iflaas-e-be-karaa.n kaa jo aaj hai mo'tarif zamaana
vo us kaa jaa.De kii sard raato.n me.n mujh se ii.ndhan kii baat karnaa
ki jaise ye chiiz maavaraa.ii ho yaa alif-lailvii fasaana
taviil faaqo.n ke baa'd dono.n kaa piich pii kar vo jhuum uThnaa
vo us kii sharmiilii sii nigaahe.n vo mere jazbaat-e-aashiqaana
KHushii me.n saarii KHudaa.ii me.n half-day manaayaa gayaa thaa us din
vajuud me.n aa gayaa thaa jis din hamaarii ulfat kaa shaaKHsaana

Qazi Ghulam Mohammad
Nazm

nawa-e-sarosh

na hogii kund jab shamshiir-e-burraa.n saKHt-jaanii se
za'iifii jab sunegii Gam ke afsaane javaanii se
ta'alluq qat' jab hone ko hogaa zindagaanii se
tuu kyaa le jaa.egaa ai be-KHabar duniyaa-e-faanii se

Bismil Dehlavi
Nazm

shaiKH salahuddin

ye suujhii hai kyaa aap ko shaiKH saahab
jo chup saadh lii aap ne shaiKH saahab
lapeTaa thaa naasir jab jab mu.nh sochaa mai.n ne
mohabbat hii kamzor thii aap kii jo nahii.n rok paa.ii use shaiKH saahab
sajiilaa thaa gul aap ke baaG kaa sab se vo shaiKH saahab
gayaa vo ga.ii bazm-e-yaaraa.n kii raunaq ga.ii us kii KHushbuu
tarannum se KHaalii hu.ii shaa.irii guftuguu me.n maza na rahaa shaiKH saahab
mujhe ilm thaa ki chhupaate hai.n Gam aap apnaa
magar aap ko mai.n bahut saKHt-jaan jaantaa thaa
bha.ii aql-e-kul maantaa thaa
kahaa aap kaa go nahii.n maantaa thaa
kahaa.n to ye da.avaa ki sau saal kii umr hogii hamaarii
kahaa.n ab yakaayak bataa.e binaa chal diye aap naasir se milne
akele me.n dil aap kaa bhii kahaa.n lagtaa hogaa
kitaabe.n KHvaah qur.aan hii kyuu.n na ho dostii kaa badal to nahii.n shaiKH saahab
vafaa ke taqaaze kiye aap ne saare puure
mirii vaapsii ke rahe muntazir aaKHirii saa.ns tak aap to shaiKH saahab
na to.Daa kabhii yaad kaa mujh se rishta
dhar me.n jise mil na paayaa kabhii raasta vaapsii kaa
bahut zor maaraa ki mai.n lauT aa.uu.n
karuu.n aa ke aabaad vo baaG-e-hikmat
chamakte the jis me.n misaal-e-mehr aap hii shaiKH saahab
masaa.il ke jangal me.n gum ho gayaa mai.n
siyaasat ke kambal ko jitnaa bhii mai.n chho.Dtaa vo nahii.n chho.Dtaa thaa mujhe shaiKH saahab
mujhe ab chalaa hai pataa ki mohabbat na kamzor thii aap kii shaiKH saahab
bulaave pe naasir ke yuu.n chal diye aap uTh kar
mohabbat thii kamzor merii
bulaate rahe aap barso.n mujhe mai.n na aayaa
bahut der kar dii hai aane me.n be-shak
magar ab me.n aayaa ki aayaa
zaraa do gha.Dii intizaar aur Gaalib se mil luu.n
bahut kuchh hai kahnaa unhe.n aap se shaiKH saahab
mai.n paiGaam le luu.n
sakiina se mariyam se anvar se ruKHsat me.n ho luu.n
gale se ibraahiim ko mai.n lagaa luu.n
mai.n aayaa ki aayaa KHudaa kii qasam shaiKH saahab

Mohammad Haneef Rame
Nazm

masjid-e-qurtuba

silsila-e-roz-o-shab naqsh-gar-e-haadsaat
silsila-e-roz-o-shab asl-e-hayaat-o-mamaat
silsila-e-roz-o-shab taar-e-hariir-e-do-ra.ng
jis se banaatii hai zaat apnii qabaa-e-sifaat
silsila-e-roz-o-shab saaz-e-azal kii fuGaa.n
jis se dikhaatii hai zaat zer-o-bam-e-mumkinaat
tujh ko parakhtaa hai ye mujh ko parakhtaa hai ye
silsila-e-roz-o-shab sairafi-e-kaa.enaat
tuu ho agar kam ayaar mai.n huu.n agar kam ayaar
maut hai terii baraat maut hai merii baraat
tere shab-o-roz kii aur haqiiqat hai kyaa
ek zamaane kii rau jis me.n na din hai na raat
aani-o-faanii tamaam mojaza-haa-e-hunar
kaar-e-jahaa.n be-sabaat kaar-e-jahaa.n be-sabaat
avval o aaKHir fanaa baatin o zaahir fanaa
naqsh-e-kuhan ho ki nau manzil-e-aaKHir fanaa
hai magar is naqsh me.n ra.ng-e-sabaat-e-davaam
jis ko kiyaa ho kisii mard-e-KHudaa ne tamaam
mard-e-KHudaa kaa amal ishq se saahab faroG
ishq hai asl-e-hayaat maut hai us par haraam
tund o subuk-sair hai garche zamaane kii rau
ishq KHud ik sail hai sail ko letaa hai thaam
ishq kii taqviim me.n asr-e-ravaa.n ke sivaa
aur zamaane bhii hai.n jin kaa nahii.n ko.ii naam
ishq dam-e-jibra.iil ishq dil-e-mustafaa
ishq KHudaa kaa rasuul ishq KHudaa kaa kalaam
ishq kii mastii se hai paikar-e-gil taabnaak
ishq hai sahbaa-e-KHaam ishq hai kaas-ul-karaam
ishq faqiih-e-haram ishq amiir-e-junuuud
ishq hai ibnus-sabiil is ke hazaaro.n maqaam
ishq ke mizraab se naGma-e-taar-e-hayaat
ishq se nuur-e-hayaat ishq se naar-e-hayaat
ai haram-e-qurtuba ishq se teraa vajuud
ishq saraapaa davaam jis me.n nahii.n raft o buud
ra.ng ho yaa KHisht o sang cha.ng ho yaa harf o saut
mojaza-e-fan kii hai KHuun-e-jigar se numuud
qatra-e-KHuun-e-jigar sil ko banaataa hai dil
KHuun-e-jigar se sadaa soz o suruur o suruud
terii fazaa dil-faroz merii navaa siina-soz
tujh se dilo.n kaa huzuur mujh se dilo.n kii kushuud
arsh-e-mo.allaa se kam siina-e-aadam nahii.n
garche kaf-e-KHaak kii had hai sip.har-e-kabuud
paikar-e-nuurii ko hai sajda mayassar to kyaa
us ko mayassar nahii.n soz-o-gudaaz-e-sajuud
kaafir-e-hindi huu.n mai.n dekh miraa zauq o shauq
dil me.n salaat o duruud lab pe salaat o duruud
shauq mirii lai me.n hai shauq mirii nai me.n hai
naGma-e-allaah-huu mere rag-o-pai me.n hai
teraa jalaal o jamaal mard-e-KHudaa kii daliil
vo bhii jaliil o jamiil tuu bhii jaliil o jamiil
terii binaa paa.edaar tere sutuu.n be-shumaar
shaam ke sahraa me.n ho jaise hujuum-e-nuKHiil
tere dar-o-baam par vaadii-e-aiman kaa nuur
teraa minaar-e-buland jalva-gah-e-jibra.iil
miT nahii.n saktaa kabhii mard-e-musalmaa.n ki hai
us kii azaano.n se faash sirr-e-kaliim-o-KHaliil
us kii zamii.n be-huduud us kaa ufuq be-saGuur
us ke samundar kii mauj dajla o danyuub o niil
us ke zamaane ajiib us ke fasaane Gariib
ahd-e-kuhan ko diyaa us ne payaam-e-rahiil
saaqi-e-rabaab-e-zauq faaras-e-maidaan-e-shauq
baada hai us kaa rahiiq teG hai us kii asiil
mard-e-sipaahii hai vo us kii zirah laa-ilaah
saaya-e-shamshiir me.n us kii panah laa-ilaah
tujh se hu.aa aashkaar banda-e-momin kaa raaz
us ke dino.n kii tapish us kii shabo.n kaa gudaaz
us kaa maqaam-e-buland us kaa KHayaal-e-aziim
us kaa suruur us kaa shauq us kaa niyaaz us kaa naaz
haath hai allaah kaa banda-e-momin kaa haath
Gaalib o kaar-aafrii.n kaar-kushaa kaarsaaz
KHaakii o nuurii-nihaad banda-e-maulaa-sifaat
har do-jahaa.n se Ganii us kaa dil-e-be-niyaaz
us kii umiide.n qaliil us ke maqaasid jaliil
us kii adaa dil-fareb us kii nigah dil-navaaz
aaj bhii is des me.n aam hai chashm-e-Gazaal
aur nigaaho.n ke tiir aaj bhii hai.n dil-nashii.n
buu-e-yaman aaj bhii us kii havaa.o.n me.n hai
ra.ng-e-hijaaz aaj bhii us kii navaa.o.n me.n hai
diida-e-anjum me.n hai terii zamii.n aasmaa.n
aah ki sadiyo.n se hai terii fazaa be-azaa.n
kaun sii vaadii me.n hai kaun sii manzil me.n hai
ishq-e-balaa-KHez kaa qaafla-e-saKHt-jaa.n
dekh chukaa almanii shorish-e-islaah-e-dii.n
jis ne na chho.De kahii.n naqsh-e-kuhan ke nishaa.n
harf-e-Galat ban ga.ii ismat-e-piir-e-kunisht
aur hu.ii fikr kii kashti-e-naazuk ravaa.n
chashm-e-faraansiis bhii dekh chukii inqalaab
jis se digar-guu.n hu.aa maGrabiyo.n kaa jahaa.n
millat-e-ruumii-nizhaad kohna-parastii se piir
lazzat-e-tajdiida se vo bhii hu.ii phir javaa.n
ruuh-e-musalmaa.n me.n hai aaj vahii iztiraab
raaz-e-KHudaa.ii hai ye kah nahii.n saktii zabaa.n
narm dam-e-guftuguu garm dam-e-justujuu
razm ho yaa bazm ho paak-dil o paak-baaz
nuqta-e-parkaar-e-haq mard-e-KHudaa kaa yaqii.n
aur ye aalam tamaam vahm o tilism o majaaz
aql kii manzil hai vo ishq kaa haasil hai vo
halqa-e-aafaaq me.n garmi-e-mahfil hai vo
kaaba-e-arbaab-e-fan satvat-e-diin-e-mubii.n
tujh se haram martabat undulusiyo.n kii zamii.n
hai tah-e-garduu.n agar husn me.n terii naziir
qalb-e-musalmaa.n me.n hai aur nahii.n hai kahii.n
aah vo mardaan-e-haq vo arabii shahsavaar
haamil-e-KHalq-e-aziim saahab-e-sidq-o-yaqii.n
jin kii hukuumat se hai faash ye ramz-e-Gariib
saltanat-e-ahl-e-dil faqr hai shaahii nahii.n
jin kii nigaaho.n ne kii tarbiyat-e-sharq-o-Garb
zulmat-e-europe me.n thii jin kii KHirad-raah-bii.n
jin ke lahuu ke tufail aaj bhii hai.n undulusii
KHush-dil o garam-iKHtilaat saada o raushan-jabii.n
dekhiye is bahr kii tah se uchhaltaa hai kyaa
gumbad-e-niilofarii rang badaltaa hai kyaa
vaadi-e-koh-saar me.n Garq-e-shafaq hai sahaab
laal-e-badaKHshaa.n ke Dher chho.D gayaa aaftaab
saada o pur-soz hai duKHtar-e-dahqaa.n kaa giit
kashtii-e-dil ke liye sail hai ahd-e-shabaab
aab-e-ravaan-e-kabiir tere kinaare ko.ii
dekh rahaa hai kisii aur zamaane kaa KHvaab
aalam-e-nau hai abhii parda-e-taqdiir me.n
merii nigaaho.n me.n hai us kii sahar be-hijaab
parda uThaa duu.n agar chehra-e-afkaar se
laa na sakegaa fara.ng merii navaa.o.n kii taab
jis me.n na ho inqalaab maut hai vo zindagii
ruuh-e-umam kii hayaat kashmakash-e-inqilaab
suurat-e-shamshiir hai dast-e-qazaa me.n vo qaum
kartii hai jo har zamaa.n apne amal kaa hisaab
naqsh hai.n sab naa-tamaam KHuun-e-jigar ke baGair
naGma hai saudaa-e-KHaam KHuun-e-jigar ke baGair

Allama Iqbal
Nazm

zamistan

saKHt saffaak
KHud me.n simaT kar chaTaKHtii hu.ii barf
aur munjamid jism-o-jaa.n
raat
jazbo.n kii qabro.n pe katbe ke maanind aTkii hu.ii
haath khurche hu.e saa.ns ukh.Dii hu.ii
lafz
goyaa samaa.at ke parde se Takraa ke chipke hu.e
barf par
chaar-o-naa-chaar pairo.n kii jamtii hu.ii u.ngliyaa.n
haDDiyo.n kii daraa.Do.n me.n ghustii havaa
KHuun tak raah paane kii koshish me.n
TuuTii fasiilo.n pe yalGaar kartii hu.ii
dil baqaa ke liye KHud se la.Dtaa hu.aa
KHuun piitaa hu.aa aur ugaltaa hu.aa
kaisaa bohraan hai dam nikaltaa nahii.n
sard mausam kisii taur Taltaa nahii.n
jis qadar ho sake
girte pe.Do.n kii shaaKHe.n jalaate raho
aag bujhne na do

Faisal Azeem
Nazm

nazm

tum ne dekhaa thaa us ke chehre ko
the kahii.n karb ke ko.ii aasaar
tum use maut kah rahe the magar
KHvaab-e-raahat me.n vo to sotaa thaa

Gopal Mittal
Nazm

jhuT

ye khan-khanaahaT kii aavaaz
jo merii chuu.Diyo.n sii jaan pa.Dtii hai
ye aavaaz hai
un saKHt be.Diyo.n kii
jo mere haatho.n ko
tumhaare haatho.n kii or ba.Dhne se
rok rahii hai.n

Ruchi Darolia
Nazm

dharm-o-iman

bahut din se vatan me.n ik mahaaz-e-ja.ng qaa.em hai
kahii.n hai dharm ko KHatra kahii.n iimaan ko KHatra
bapaa hai saKHt tuufaa.n ruunumaa hai.n saKHt ha.ngaame
kahii.n hai ved ko KHatra kahii.n qur.aan ko KHatra
kahii.n masjid ko KHatra hai shivaale ke mahanto.n se
kahii.n hai KHaanqah vaalo.n se dev asthaan ko KHatra
kahii.n muslim ko KHatra apne iimaanii tahaffuz kaa
kahii.n hinduu ke puujaa-paaT ke sammaan ko KHatra
kahii.n shuddhii ke parchaarak ko KHatra dharm rakshaa kaa
kahii.n tabliiG ke jhanDe kii aan-baan ko KHatra
nahii.n hotaa ko.ii aisaa minute chaubiis ghanTe me.n
na rahtaa ho vatan vaalo.n ke maal-o-jaan ko KHatra
ye saarii pesh-ba.ndii hai faqat is baat kii KHaatir
ki laahaq ho na british raaj ke aivaan ko KHatra
ye Thekedaar diin aur dharm ke is ke bhii zaamin hai.n
na paidaa ho mafaad-e-ahal-e-inglistaan ko KHatra
ye KHaana-ja.ngiyaa.n jitnii hai.n sab kaa mudda.aa ye hai
na hargiz ruunumaa ho jaan bal kii jaan ko KHatra
Gulaamaan-e-azal ya.anii ye jhuuTe peshvaa-e-dii.n
lagaa rahtaa hai har dam jin ke dastar-KHvaan ko KHatra
vo kab chaahe.nge ko.ii is tarah kaa inqalaab aa.e
ki ho mahsuus un ke amn-o-itmiinaan ko KHatra
hamaaraa farz hai ham un lafango.n ko fanaa kar de.n
ki hai un sab ke sab se aam hindostaan ko KHatra

Ahmaq Phaphoondvi
Nazm

saneha

dard-o-Gam-e-hayaat kaa darmaa.n chalaa gayaa
vo KHizr-e-asr-o-iisa-e-dauraa.n chalaa gayaa
hinduu chalaa gayaa na musalmaa.n chalaa gayaa
insaa.n kii justujuu me.n ik insaa.n chalaa gayaa
raqsaa.n chalaa gayaa na Gazal-KHvaa.n chalaa gayaa
soz-o-gudaaz o dard me.n Galtaa.n chalaa gayaa
barham hai zulf-e-kufr to iimaa.n hai sar-niguu.n
vo faKHr-e-kufr-o-naazish-e-iimaa.n chalaa gayaa
biimaar zindagii kii kare kaun dil-dahii
nabbaaz o chaarasaaz-e-mariizaa.n chalaa gayaa
kis kii nazar pa.Degii ab 'isyaa.n pe lutf kii
vo mahram-e-nazaakat-e-isyaa.n chalaa gayaa
vo raaz-daar-er-mahfil-e-yaaraa.n nahii.n rahaa
vo Gam-gusaar-e-bazm-e-ariifaa.n chalaa gayaa
ab kaafirii me.n rasm-o-raah-e-dilbarii nahii.n
iimaa.n kii baat ye hai ki iimaa.n chalaa gayaa
ik be-KHud-e-suruur-e-dil-o-jaa.n nahii.n rahaa
ik aashiq-e-sadaaqat-e-pinhaa.n chalaa gayaa
baa-chashm-e-nam hai aaj zuleKHaa-e-kaa.enaat
zindaa.n-shikan vo yuusuf-e-zindaa.n chalaa gayaa
ai aarzuu vo chashma-e-haivaa.n na kar talaash
zulmaat se vo chashma-e-haivaa.n chalaa gayaa
ab sang-o-KHisht o KHaak o KHazaf sar-buland hai.n
taaj-e-vatan kaa la.al-e-daraKHshaa.n chalaa gayaa
ab ahrman ke haath me.n hai teG-e-KHuu.n-chakaa.n
KHush hai ki dast-o-baazuu-e-yazdaa.n chalaa gayaa
dev-e-badii se maark-e-saKHt hii sahii
ye to nahii.n ki zor-e-javaanaa.n chalaa gayaa
kyaa ahl-e-dil me.n jazba-e-Gairat nahii.n rahaa
kyaa azm-e-sar-faroshii-e-mardaa.n chalaa gayaa
kyaa baaGiyo.n kii aatish-e-dil sard ho ga.ii
kyaa sarkasho.n kaa jazba-e-pinhaa.n chalaa gayaa
kyaa vo junuun-o-jazba-e-bedaar mar gayaa
kyaa vo shabaab-e-hashr-badaamaa.n chalaa gayaa
KHush hai badii jo daam ye nekii pe Daal ke
rakh de.nge ham badii kaa kaleja nikaal ke

Asrarul Haq Majaz
Nazm

jab bhi jute KHarido

jab bhii juute KHariido
to ye dhyaan rakhnaa
bahut narm ho.n
saKHt cham.Daa na ho
aur bhaarii na ho.n
ain mumkin hai ik din tumhe.n apne logo.n ke siine pe chalnaa pa.De
un kii ruuhe.n kuchalnaa pa.De.n un ko takliif utnii na ho un me.n nafrat ke tuufaan palne lage.n
zahr mu.nh se ugalne lage.n
juute kaale na ho.n
varna un kii siyaahii dil-o-jaa.n pe jam jaa.egii aur baatin me.n kuchh KHair hogii
to mar jaa.egii
un kii e.Dii me.n narmii ho utnii
agar paa.nv dhartii pe maaro to un kii dhamak se go zehnii KHaliyo.n ko nuqsaan na ho aur haDDiyaa.n na ho
tasme vaale bhii juute na ho.n
un se saazish ke phande na ban.ne lago aur phaa.nsii kii KHaatir kahii.n
apne mohsin na chun.ne lago
jab bhii juute KHariido

Tauqeer Abbas
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now