Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sii.nchiye"

Nazm MATCHES FOR "sii.nchiye"

Nazm

jugnu

ye shaaKH-saar ke jhuulo.n me.n pe.ng pa.Dte hu.e
ye laakho.n pattiyo.n kaa naachnaa ye raqs-e-nabaat
ye be-KHudii-e-musarrat ye vaalihaana raqs
ye taal-sam ye chhamaa-chham ki kaan bajte hai.n
havaa ke dosh pe kuchh uudii uudii shaklo.n kii
nashe me.n chuur sii parchhaa.iyaa.n thiraktii hu.ii
ufuq pe Duubte din kii jhapaktii hai.n aa.nkhe.n
KHamosh soz-e-daruu.n se sulag rahii hai ye shaam!
mire makaan ke aage hai ek chau.Daa sahn vasii.a
kabhii vo ha.nstaa nazar aataa hai kabhii vo udaas
isii ke biich me.n hai ek pe.D piipal kaa
sunaa hai mai.n ne buzurgo.n se ye ki umr us kii
jo kuchh na hogii to hogii qariib chhiyaanve saal
chhi.Dii thii hind me.n jab pahlii ja.ng-e-aazaadii
jise dabaane ke baa'd us ko Gadr kahne lage
ye ahl-e-hind bhii hote hai.n kis qadar ma.asuum
vo daar-o-giir vo aazaadii-e-vatan kii ja.ng
vatan se thii ki Ganiim-e-vatan se Gaddaarii
biphar ga.e the hamaare vatan ke piir o javaa.n
dayaar-e-hind me.n ran pa.D gayaa thaa chaar taraf
usii zamaane me.n kahte hai.n mere daadaa ne
jab arz-e-hind si.nchii KHuun se ''sapuuto.n'' ke
miyaan-e-sahn lagaayaa thaa laa ke ik paudaa
jo aab-o-aatish-o-KHaak-o-havaa se paltaa hu.aa
KHud apne qad se ba-josh-e-numuu nikaltaa hu.aa
fusuun-e-ruuh banaatii rago.n me.n chaltaa hu.aa
nigaah-e-shauq ke saa.ncho.n me.n roz Dhaltaa hu.aa
sunaa hai raaviyo.n se diidanii thii us kii uThaan
har ik ke dekhte hii dekhte cha.Dhaa parvaan
vahii hai aaj ye chhitnaar pe.D piipal kaa
vo Tahniyo.n ke kamanDal liye jaTaadhaarii
zamaana dekhe hu.e hai ye pe.D bachpan se
rahii hai is ke liye daaKHlii kashish mujh me.n
rahaa huu.n dekhtaa chup-chaap der tak us ko
mai.n kho gayaa huu.n ka.ii baar is nazaare me.n
vo us kii gahrii ja.De.n thii.n ki zindagii kii ja.De.n?
pas-e-sukuun-e-shajar ko.ii dil dha.Daktaa thaa
mai.n dekhtaa thaa use hastii-e-bashar kii tarah
kabhii udaas kabhii shaadmaa.n kabhii gambhiir
fazaa kaa surma.ii rang aur ho chalaa gahraa
ghulaa ghulaa saa falak hai dhu.aa.n dhu.aa.n sii hai shaam
hai jhuTpuTaa ki ko.ii azhdahaa hai maa.il-e-KHvaab
sukuut-e-shaam me.n darmaandagii kaa aalam hai
rukii rukii sii kisii soch me.n hai mauj-e-sabaa

Firaq Gorakhpuri
Nazm

mujhe apne jine ka haq chahiye

mujhe apne jiine kaa haq chaahiye
zamii.n jis pe mere qadam Tik sake.n
aur taaro.n bharaa kuchh falak chaahiye
mujhe apne jiine kaa haq chaahiye
nemate.n jo mere rab ne dhartii ko dii.n
saaf paanii havaa baarishe.n chaa.ndnii
ye to har ibn-e-aadam kii jaagiir hai.n
ye hamaarii tumhaarii kisii kii nahii.n
mujh ko ta.aliim sehat aur ummiid kii
saat ra.ngo.n bharii ik dhanak chaahiye
mujhe apne jiine kaa haq chaahiye
na havaa saaf hai na fazaa saaf hai
vo jo aab-e-baqaa thaa vo naa-saaf hai
zamii.n ho samundar ho yaa aasmaa.n
ik zaraa sochiye ab ki kyaa saaf hai
maut se pur-KHatar hai ye aaluudgii
dosto dil me.n tho.Dii kasak chaahiye
mujhe apne jiine kaa haq chaahiye

Amjad Islam Amjad
Nazm

aazadi-e-watan

kaho hindostaa.n kii jai
kaho hindostaa.n kii jai
qasam hai KHuun se sii.nche hu.e ra.ngii.n gulistaa.n kii
qasam hai KHuun-e-dahqaa.n kii qasam KHuun-e-shahiidaa.n kii
ye mumkin hai ki duniyaa ke samundar KHushk ho jaa.e.n
ye mumkin hai ki dariyaa bahte bahte thak ke so jaa.e.n
jalaanaa chho.D de.n dozaKH ke a.ngaare ye mumkin hai
ravaanii tark kar de.n barq ke dhaare ye mumkin hai
zamiin-e-paak ab naapaakiyo.n ko Dho nahii.n saktii
vatan kii sham-e-aazaadii kabhii gul ho nahii.n saktii

Makhdoom Mohiuddin
Nazm

ek waqt mein ek kaam

hai kaam ke vaqt kaam achchhaa
aur khel ke vaqt khel zebaa
jab kaam kaa vaqt ho karo kaam
bhuule se bhii khel kaa na lo naam
haa.n khel ke vaqt KHuub khelo
kuudo phaa.ndo ki Da.nD pelo
KHush rahne kaa hai yahii tariiqa
har baat kaa siikhiye saliiqa
himmat ko na haariyo KHudaa-raa
mat Dhuu.nDiyo Gair kaa sahaaraa
apnii himmat se kaam karnaa
mushkil ho to chaahiye na Darnaa
jo kuchh ho so apne dam qadam se
kyaa kaam hai Gair ke karam se
mat chho.Diyo kaam ko adhuuraa
be-kaar hai jo hu.aa na puuraa
har vaqt mai.n sirf ek hii kaam
paa saktaa hai behtarii se anjaam
jab kaam me.n kaam aur chhe.Daa
dono.n hii me.n pa.D gayaa bakhe.Daa
jo vaqt guzar gayaa akaarat
afsos! hu.aa KHazaana Gaarat
hai kaam ke vaqt kaam achchhaa
aur khel ke vaqt khel zebaa

Ismail Merathi
Nazm

mujhe apne jine ka haq chahiye

mujhe apne jiine kaa haq chaahiye
zamii.n jis pe mere qadam Tik sake.n
aur taaro.n bharaa kuchh falak chaahiye
mujhe apne jiine kaa haq chaahiye
ne.amate.n jo mere rab ne dhartii ko dii.n
saaf paanii havaa baarishe.n chaa.ndnii
ye to har ibn-e-aadam kii jaagiir hai.n
ye hamaarii tumhaarii kisii kii nahii.n
mujh ko ta.aliim sehat aur ummiid kii
saat ra.ngo.n bharii ik dhanak chaahiye
mujhe apne jiine kaa haq chaahiye
na havaa saaf hai na fazaa saaf hai
vo jo aab-e-baqaa thaa vo naa-saaf hai
zamii.n ho samundar ho yaa aasmaa.n
ik zaraa sochiye ab ki kyaa saaf hai
maut se pur-KHatar hai ye aaluudgii
dosto dil me.n tho.Dii kasak chaahiye
mujhe apne jiine kaa haq chaahiye

Amjad Islam Amjad
Nazm

main urdu zaban hun

mai.n urdu zabaa.n huu.n
mujhe aaryaa.o.n ne paalaa
mirii asl hindostaa.n hai
ki mere lahuu se hii vedo.n kii aayaat likkhii ga.ii hai.n
ye raam aur siitaa kii azmat ke qisse ramaayan-kathaa.e.n
krishan aur raadhaa ke rangii.n fasaane
har ik lafz kii ruuh naGma-saraa hai
mai.n urdu zabaa.n huu.n
vo gautam ki jis ne mohabbat kii paiGambarii se jahannam ko jannat banaayaa
magar kis zabaa.n me.n
zaraa sochiye kis zabaa.n me.n
vo paalii jo mere gharaane kii paalii hu.ii thii
mai.n urdu zabaa.n huu.n
mujhe dekhnaa chaahte ho to aa.o
ajantaa elora ke Gaaro.n me.n dekho
ye mai.n huu.n
miraa husn merii kashish hai abad tak
mujhe dekhnaa chaahte ho to aa.o
ashokaa kii laaTo.n me.n kanda huruuf-e-muqaddas me.n dekho
ye mai.n huu.n
sadaaqat adaalat kii tahriir-e-mohkam
mai.n urdu zabaa.n huu.n
mohabbat kii man-mohnii daastaa.n huu.n
mirii vus.ate.n be-karaa.n hai.n
ye uttar ye dakhkhin ye puurab ye pachchhim
har ik samt mere nishaa.n hai.n
deccan jo kabhii rang-o-harf-o-adaa aur cha.ng-o-sadaa se banaa ek qaus-e-quzah thaa
tumhe.n kuchh KHabar hai vo kyaa silsila thaa
muu.arriKH se puuchho vo meraa hii jaaduu miraa mo.ajiza thaa
mai.n 'KHusrav' kii pyaarii 'valii' kii niyaarii 'qulii' kii dulaarii
KHudaa-e-suKHan 'miir' ke soz-e-pinhaa.n kii mai.n raazdaa.n huu.n
vo diivaan-e-Gaalib vo shahkaar-e-taKHliiq-e-aadam
magar us kaa har sher kahtaa hai paiham
mai.n urdu zabaa.n huu.n
vo 'iqbaal' jo azmat-e-aadamiyyat kaa paiGaambar hai
lahuu ke jumuud aur dil ke taGaaful kaa jo nauhagar hai
vo jis kii nazar baal-e-jibriil kii ham-safar hai
vo jis kii sadaa KHvaab-e-Gaflat me.n bad-mast insaaniyat ke liye ek baa.ng-e-daraa hai
vo jis kii KHudii daur-e-haazir kii fir.auniyat ke liye bahr-e-qulzum ke saahil pe zarb-e-kaliimii kii nemul-badal hai
vo jis ne dayaar-e-Gazal se lab-o-aariz-o-zulf jaise anaasir ko baahar nikaalaa
vo 'iqbaal' bhii merii zulfo.n kaa qaidii rahaa hai
mai.n urdu zabaa.n huu.n
vo 'aazaad' aazaadi-e-hind kaa ek aashiq
vo 'aazaad' jis kii fuGaa.n soz-o-mastii
vo 'aazaad' jis kii sadaa saaz-e-hastii
vo 'aazaad' jis kaa suKHan qaul-e-faisal
magar qaul-e-faisal kaa ye faisla hai
mai.n urdu zabaa.n huu.n
mai.n taariiKH-o-tahziib-e-hindostaa.n huu.n
mai.n hindostaanii huu.n rashk-e-jahaa.n huu.n
jahaan-e-mohabbat kii mai.n paasbaa.n huu.n
magar paasbaan-e-vatan mujh ko Gaddaar kahne lage hai.n
to Gaddaar kahne kaa matlab musalmaa.n huu.n mai.n bhii
musalmaan ya.anii ki dahshat jihaalat Galaazat kii pahchaan huu.n mai.n
ye pahchaan merii ajab saaneha hai
magar saaneha maadar-e-hind kaa hai ye meraa nahii.n hai
mai.n kuchh bhii nahii.n huu.n
mujhe aaryaa.o.n ne paalaa
mirii asl hindostaa.n hai
mai.n hindostaanii huu.n hindostaa.n huu.n
magar mere ahl-e-vatan mujh ko Gaddaar kahne lage hai.n
ba-zaahir to hai garche ye merii zillat
magar asl me.n maadar-e-hind kii hii ye ismat-darii hai
mai.n urdu zabaa.n huu.n
mujhe aaryaa.o.n ne paalaa
mirii asl hindostaa.n hai

Khalid Mubashshir
Nazm

bachchon ka KHat chacha KHarru shechof aur mamun candy

ai chachaa KHarruu shichof ai maamuu.n candy assalaam
ek hii KHat hai ye maamuu.n aur chachaa dono.n ke naam
aap dono.n kaa adab karnaa hamaaraa farz hai
phir bhii sun liije jo chhoTii sii hamaarii arz hai
aap dono.n hai.n bahaadur suurmaa kyaa is me.n shak
ek baadal kii garaj hai ek sho.ale kii lapak
aap dono.n ke bayaa.n sun sun ke Dar jaate hai.n ham
dham se aa girte hai.n ham bachcho.n pe ye lafzo.n ke bam
Dar ke chhup jaate hai.n apnii maa.o.n ke aaGosh me.n
kaash ham behosh ho kar phir na aa.e.n hosh me.n
aap dono.n la.D pa.De to jaane kyaa ho jaa.egaa
do minute me.n is jahaa.n kaa KHaatma ho jaa.egaa
aag lag jaa.egii is duniyaa ko mar jaa.e.nge sab
jo bayaa.n dete hai.n vo KHaamosh ho jaa.e.nge lab
do minute zinda rahe.nge ham bhii marne ke liye
kaun phir baaqii rahegaa raaj karne ke liye
aisaa lagtaa hai ki kuchh din aur jiinaa hai muhaal
gar nahii.n apnaa to bachcho.n hii kaa kuchh kiije KHayaal
ik taraf nafrat kha.Dii hai duusrii jaanib Guruur
qahr kii chakkii me.n pis jaa.e.n na bachche be-qusuur
le chuke hai.n aap to jii bhar ke duniyaa ke maze
ham ko in se duur rakhnaa chaahte hai.n kis liye
gar ijaazat ho to ham bachche bhii duniyaa dekh le.n
chaar din ham bhii ye bhaaluu kaa tamaashaa dekh le.n
kuchh bhii to school aur ghar ke sivaa dekhaa nahii.n
aap kahiye aap ne duniyaa me.n kyaa dekhaa nahii.n
ja.ng mat kiije na duniyaa kii imaarat Dhaa.iye
sochiye kuchh Gaur kiije dekhiye baaz aa.iye
aap ne duniyaa sajaa.ii thii miTaane ke liye
aql kii sham.e.n jalaa.ii thii.n bujhaane ke liye
ilm-o-hikmat science ne kii thii taraqqii ke liye
aql kii sham.e.n jalaa.ii thii.n bujhaane ke liye
ilm-o-hikmat science ne kii thii taraqqii kis liye
niist-o-naabuud aaj ham kar de.n use kyaa is liye
ham ne maanaa aap kaa aapas me.n hai kuchh iKHtilaaf
ik jagah ham baiTh kar kar le.n na kyuu.n dil apne saaf
apnii is duniyaa kii haalat is qadar jab zaar hai
is ko dekhe.n chaa.nd me.n jaanaa abhii be-kaar hai
duur kiije dil se nafrat aur gale mil liijiye
zindagii kii justujuu me.n KHud-kushii mat kiijiye
ja.ng karnii hai to kiije ho magar aisii vo ja.ng
aasmaa.n bhii ja.ng aisii dekh kar ho jaa.e da.ng

Raja Mehdi Ali Khan
Nazm

holi

pahle zamaana aur thaa mai aur thii daur aur thaa
vo boliyaa.n hii aur thii.n vo Toliyaa.n hii aur thii.n, vo holiyaa.n hii aur thii.n
lekin mire piir-e-muGaa.n
kal to nayaa andaaz thaa
ik daur kaa thaa KHaatma ik daur kaa aaGaaz thaa
tere vafaadaaro.n ne jab khelii.n gulaabii holiyaa.n
nikle banaa kar Toliyaa.n
ha.nste chale gaate chale
apne gulaabii rang se duniyaa ko nahlaate chale
masjid se mu.nh mo.De hu.e
mandir kaa sa.ng-e-aastaa.n chho.De hu.e
girjaa se katraa.e hu.e
jaise ki ho.n ruuhaaniyat kii zindagaanii hii se ghabraa.e hu.e
daur-e-vafaadaarii kaa ye anjaam thaa
fikr-e-gunahgaarii kaa taaza dil-rubaa paiGaam thaa
tere hii kuuche me.n ye sab ahd-e-vafaa to.De ga.e
rishte na.e jo.De ga.e
aur phir gunahgaaro.n ne kyaa rindaana ha.ngaame kiye
us vaqt un ko yaad thaa bas ek tarsaanaa tiraa
mufliso.n naadaaro.n ko lalchaanaa tiraa
jab mai-kade kii god me.n
tere jafaa terii sazaa ke naam par saaGar chale
suukhe hu.e kaase labaalab bhar chale
sab apne lab tar kar chale
phir to.D dii.n vo pyaaliyaa.n jin me.n sadaa pii aa.e the
shiishe chhanaa chhan chhan chhanaa chhan TuuTte
aur ri.nd lazzat luuTte
TuuTe hu.e shiisho.n kaa ik ambaar thaa
shiisho.n ke is ambaar me.n ik vo bhii kohna jaam thaa
jis ko sikandar ke qavii haikal javaa.n
bhaage the poras kii zamii.n ko chho.D kar
un me.n vo kaase bhii to hai.n jin ko arab le aa.e the
apnii abaa se Dhaa.np kar
piine se pahle dekhte the mohtasib ko jhaa.nk kar
lekin kabhii
piine se baaz aate na the faateh jo the
un me.n hai.n aise jaam bhii
jin par paThaano.n ke qavii haatho.n ke dhu.ndle se nishaa.n
kuchh aaj bhii maujuud hai.n
aur un nishaano.n me.n hai KHuu.n maftuuh hindustaan kaa
aur un me.n hai.n vo jaam bhii jin ko muGal le aa.e the
taataar se qandhaar se kaabul se ruknaa-baad se
maftuuh hindustaan me.n
jin ko vo apne qasr-e-aaliishaa.n me.n chhalkaate rahe
teGo.n se khankaate rahe
aur vo hasii.n naazuk subuk halkii suraahii kis kii hai
paris ke mai-KHaano.n me.n ye mash.huur thii
laayaa thaa ik taajir ise jo baa'd me.n faateh banaa
ye halke shiisho.n ke gilaas aur ye na.e halke se paig
jin par likhaa hai ye bane the mulk-e-inglistaan me.n
aur haal kii sadiyo.n me.n chalte rahe
piine ko mil jaatii thii pii lete the ham
lekin tahii-dastii kaa ye aalam thaa dil jalte rahe
ham aaj ghabraa hii ga.e
aur un sabhii shiisho.n ko chaknaachuur kar Daalaa vufuur-e-josh me.n
chhan chhan chhanaa chhan to.D kar
jaise ki barbaadii kii devii chham-chhamaa-chham naachtii
holii manaane ke liye mai-KHaane me.n aa hii ga.e
TuuTe hu.e shiisho.n ke is ambaar par
ham ne jalaa.ii aag yuu.n
zardusht kaa paakiiza dil sachchaa.iyo.n par ha.ns diyaa
jaise ki ye kahne lagaa
jalne do jalne do yuu.nhii shiishe pighalne do yuu.nhii
tere vafaadaaro.n ne yuu.n piir-e-muGaa.n
shab bhar jalaa.ii.n holiyaa.n
na.are vo mastaane lage is josh me.n
dil gir pa.De ehsaas kii aaGosh me.n
aur bol uThe tasliim ai piir-e-muGaa.n jaate hai.n ham
kal phir palaT kar aa.e.nge
us vaqt is mai-KHaane me.n saamaan ho.nge duusre
tere puraane zehn ke me.aar to.De jaa.e.nge
taamiir-e-nau kii jaa.egii
lekin hamaare saal-KHuurda mehrbaa.n piir-e-muGaa.n
tujh ko buraa lagtaa hai kyuu.n
Gairo.n kaa kyaa teraa bhii kyaa
ye mai-kada ham sab kaa hai panchaaytii
tuu kyaa hai teraa KHauf kyaa
kah to diyaa piir-e-muGaa.n kal palaT kar aa.e.nge
hargiz na ham baaz aa.e.nge
kis ko Daraataa hai ki tum is kii sazaa paa jaa.oge
gaate the ham gaate hai.n ham gaa.e.nge ham
hargiz na baaz aa.e.nge ham
jhele.nge jiite jaa.e.nge
pairo.n me.n hai zanjiir lekin TuuT bhii saktii hai ye
haa.n aaj hastii qaid hai kal chhuuT bhii saktii hai ye
gaane de gaane de hame.n
dhuume.n machaane de hame.n
shiishe ko shiishe se la.Daane de hame.n
chhan-chhan-chhanaa-chhan kii sadaa
ba.Dhne de ba.Dhne de abhii
ham mast o be-KHud naachte gaate jalaate to.Dte
ha.nste rahe.n chalte rahe.n
aur tuu bhii KHud piir-e-muGaa.n
holii ke naGme san zaraa aur dekh apnii aa.nkh se
tere vafaadaaro.n ne kyaa khelii.n gulaabii holiyaa.n
mu.nh mai-kade se mo.D kar holii kii ye Tolii chalii
gulzaar me.n
sabze lachaktii Daaliyaa.n gunjaan, sundar jhaa.Diyaa.n
paanii kii sii.nchii kiyaariyaa.n, kaa.nTo.n me.n chubhtii pattiyaa.n
ye sab sahii lekin yahaa.n vo shai kahaa.n
jis ke liye mash.huur hai a.nguur-e-naab
haa.n kyaa kahaa piir-e-muGaa.n
talvo.n ke niiche phuul hai.n in me.n se do ik chun bhii luu.n
KHaalii hai.n gul-daste tire
tujh ko nahii.n ma.aluum abhii
KHaalii ye gul-daste tire KHaalii hii rah jaa.e.nge ab
phuulo.n ne Thaanii hai ki shaaKHo.n hii pe mar jaa.e.nge ab
aur tere kamro.n me.n vo na aa.e.nge ab
mu.nh-band kaliyaa.n ab kahaa.n
jo apnii sundar mohnii muskaan kar de.n raa.egaa.n
aur apnaa gulshan chho.D de.n siine me.n KHushbu.e.n liye
aur ajnabii maahaul me.n
taaq-e-nazar kii kaa.nptii ziinat bane.n
kaliyo.n ke mu.nh ab khul chuke mu.nh-band kaliyaa.n ab kahaa.n
kaliyaa.n kahaa.n ye phuul hai.n
KHaak-e-chaman kii god me.n aaraam-e-jaa.n ye phuul hai.n
aatish-zabaa.n ye phuul hai.n
aur dekh tuu ye phuul kitne shoKH hai.n
jo TuuT kar shaaKHo.n se gir jaate hai.n terii raah me.n
ai dil-kash piir-e-muGaa.n
ye chaahte hai.n rok de.n gulzaar me.n raahe.n tirii
tere liye chaara hii kiyaa ab rah gayaa
in be-hayaa phuulo.n kii aa.nkho.n kaa to paanii bah gayaa
ab hai.n ye un kii jur.ate.n roke.ngi tere raaste
tuu bhii KHudaa ke vaaste
in ko kuchal de piis de
varna KHudaa-na-KHvaasta
ye rok hii le.n raasta
kaliyaa.n nahii.n kaa.nTe hai.n ye
kaa.nTo.n se bhii bad-tar hai.n ye nashtar hai.n ye KHanjar hai.n ye
gulzaar me.n tere qadam kuchh aaj to aa.e nahii.n
tuu ne unhii.n sabzo.n pe kii hai mai-kashii
sadiyo.n se teraa daur hai
gulzaar par hai haq tiraa
tuu Dar gayaa piir-e-muGaa.n
kitnaa bhayaanak KHvaab thaa
ta.abiir kuchh bhii ho magar
tere vafaadaaro.n ne kal
kis aan se kis baan se kis shaan se
khelii.n gulaabii holiyaa.n

Ali Jawad Zaidi
Nazm

naya sal

bachcho.n kii ta.aliim ke naam pe maa.n na zevar beche
is dhartii par ab na ko.ii zahr samundar sii.nche

Sarfaraz Syed
Nazm

lauT chaliye

jhuuT hai guzraa zamaana
aur kisii uj.De qabiile kii bhaTaktii ruuh shaayad
apne mustaqbil kaa dhundlaa saa tasavvur
bahr-e-Gam ke darmiyaa.n hai
ek kaale koh kii maanind ye imroz apnaa
koh jis par raqs karte hai.n sitam-KHurda tamannaa.o.n ke aaseb
lauT chaliye
apne sab armaan le kar
sochiye to
yuu.n abas aatish-kado.n me.n kyuu.n jale.n dil
kyuu.n rahe.n har vaqt siino.n par chaTaane.n
dekhiye to
chand luqme kuchh kitaabe.n
ek bistar ek aurat
aur kiraa.e kaa ye KHaalii ta.ng kamraa
aaj apnii ziist kaa markaz hai.n lekin
tiirgii kaa Gam inhe.n bhii khaa rahaa hai
chaar jaanib zahr phailaa jaa rahaa hai
lauT chaliye
apne sab armaan le kar
apne sab paimaan le kar
jism le kar jaan le kar

Chandrabhan Khayal
Nazm

abba ki ainak

kyaa kar rahe hai.n aap zaraa hosh kiijiye
rakhii kahaa.n thii aap ne ainak ye sochiye

Adil Jafari
Nazm

kaun hai mujrim shahr-e-ilm ki taraji ka

ye jo baune KHudaa bane hai.n ajiib shai se jo lag rahe hai.n
hai.n dar-haqiiqat ye aadmii hii bas un kii KHaslat judaa hai tho.Dii
anaa jo un kii kuchal chukii hai zamiir un kaa jo mar gayaa hai
ye sach hai zehnii Gulaam hai.n ab KHabaasato.n ke imaam hai.n ye
hamesha jhuk kar mile danii se sanaa me.n ratab-ul-lisaan ho kar
gunah ko un ke savaab jaanaa fareb ko laa-javaab kah kar
unhii ko aaqaa unhii ko maalik unhii ko apnaa KHudaa bhii maanaa
unhii ke haatho.n jism-o-jaa.n ko KHudii ko iimaa.n ko bech Daalaa
ba-naam-e-ilm-o-adab jo paayaa
abdullaah-ibn-e-ubay kii daulat abuu-jahl kii vo KHaasiyat hai
jo chaahe.n un ko kuchh aur kah le.n jo chaahe.n insaa.n phir bhii samjhe.n
magar ye sach hai la.iin hai.n ye
kam-zarf aur haqiir hai.n ye
ye daanaa.o.n ke haq ko yaksar Gabii ko mohmal ko bechte hai.n
ye qaum-o-millat kaa naam le kar usuul-o-maz.hab kii baat kah kar
nasle.n kitnii tabaah kar ke khetiyaa.n apnii sii.nchte hai.n
aur habaab dil me.n baiThaa
mai.n dekhtaa huu.n ye sochtaa huu.n
hai kaun mujrim in me.n aaKHir
jo aaqaa maalik banaa hu.aa thaa
yaa vo jo baunaa KHudaa banaa hai
yaa phir vo daanaa shikast khaa kar
idhar udhar jo bhaTak rahe hai.n
yaa vo Gabii jo haq churaa kar
KHudaa ke KHitte me.n aa base hai.n
yaa mai.n
ki tanhaa muhiit-e-dil me.n
mahz tamaashaa-bii.n banaa huu.n

Abu Bakr Abbad
Nazm

(1) be-chehragi

ham ek aisii vaadii daryaaft kar chuke
jahaa.n sirf dukho.n kii fasl kaasht hotii hai
jannat kii baat karne vaalo.n ke ho.nT
KHaamushii ke dhaage se sii kar
unhe.n sannaaTo.n kii jahannam me.n Daal diyaa jaataa hai
mohabbat ke maathe par ''nafrat'' likhne kii siyaahii
har siine me.n Daal dii ga.ii hai
dhartii ke siine par KHushiyaa.n sii.nchne vaalo.n kii aa.nkhe.n
ab apne haath talaashtii phirtii hai.n
nafrat ke tezaab se ham
ek duusre kaa chehra bigaa.Dne par tul chuke hai.n
hamaarii ma.asuumiyat ke chehre par
KHauf jaale bun chukaa hai

Muneer Ahmad Firdaus
Nazm

baiza-e-nur

duur tak
duur phailii hu.ii raat me.n
chaa.ndnii me.n nahaayaa hu.aa
ek shiishe kaa ghar
baizaa-e-nuur
us ke diivaar-o-dar
tez jaa.n-soz KHushbuu ke par
sabz patto.n se tar
surKH gahre gulaabo.n se bhiige hu.e
os kii narm saa.nso.n me.n sii.nche hu.e
duur tak
duur phailii hu.ii raat me.n
chaa.ndnii kaa ye ghar
sub.h tak raat bhar
meraa iimaan hai
meraa imkaan hai

Farhat Ehsas
Nazm

ai mere arz-e-watan

ai mere paak vatan
dekhe the ka.ii KHvaab tumhaarii KHaatir
sii.nche the ka.ii gulaab tumhaarii KHaatir
terii miTTii kii KHushbuu kii qasam khaa.ii thii
tab kahii.n jaa ke gul-e-laala muskuraa.ii thii

Syeda Sadaf Akbar
Nazm

abadi masala

ko.ii kap.De pe buuTe kaa.Dhe ko.ii phuul banaa.e
ko.ii apnaa baalak paale ko.ii ghar ko sajaa.e
ko.ii bas aavaaz ke bil par bujhte diip jalaa.e
ko.ii ra.ngo.n se kaaGaz andar jiivan jot jagaa.e
ko.ii patthar ii.nTe.n jo.De taaj-mahal banaa.e
ko.ii mimbar uupar kuuke paap agnii se Daraa.e
ko.ii ghu.nghruu baa.ndh ke naache a.ng kalaa dikhlaa.e
ko.ii dhartii kyaarii sii.nche phal-phulvaarii ugaa.e
ko.ii miTTii guu.ndhe us ko maa.ns samaa.n banaa.e
ko.ii baiThaa aa.nkhe.n miiche guu.nge shabd bulaa.e
ek hii sab ko rog hai par tuu har man ko barmaa.e
kaise ko.ii duuje ko nit apnaa aap dikhaa.e

Partav Rohila
Nazm

sochiye

jashn-e-jamhuur manaanaa hai magar socho to
jashn-e-jamhuur manaane kaa hame.n haq bhii hai
mulk aazaad hu.e ho gayaa arsa lekin
vahii sarmaaya-parastii hai vahii naadaarii
bakriyaa.n aaj bhii pyaasii nazar aatii hai.n mujhe
ghaaT par ab bhii hai shero.n kii ijaara-daarii

Ustad Rampuri
Nazm

nizam-e-shamsi

hai anokhaa sab kaa sab shamsii nizaam
sochiye kitnaa hai uu.nchaa rab kaa naam

Ansar Ahmad
Nazm

main gul nahin

mai.n gul nahii.n
mujhe dast-e-sabaa se kaam nahii.n
na misl-e-barg na maanind-e-gul na shaaKH-e-gulaab
ki tund-o-tez havaa.o.n se kaa.np kaa.np uThuu.n
ki sard-o-garm se mausam ke
Dar ke ziist karuu.n
mujhe to garm havaa.o.n ne mil ke paalaa hai
zamii.n ke habs ne
dam-KHam ye mujh me.n Daalaa hai
ki ek nanhaa saa be-haisiyat vajuud miraa
zaraa bhii nam juu.nhii miTTii me.n apnii paataa hai
zamii.n kaa chiir ke siina ye phuuT aataa hai
havaa ke dhuup ke baaraa.n ke barf ke mausam
jinhe.n ye rashk-e-chaman haadsaat kahte hai.n
ye sii.nchte hai.n mujhe meraa qad ba.Dhaate hai.n
ye haadsaat tasarruf me.n mere rahte hai.n
gulaab belaa chamelii o nastaran ke ye phuul
ye siim-tan hai.n
miraa aisaa ko.ii naam nahii.n
kha.Dii huu.n thaam ke aa.ndhii kii raas haatho.n me.n
mai.n gul nahii.n
mujhe dast-e-sabaa se kaam nahii.n

Naseem Syed
Nazm

aql-mand shikari

gaa.nv me.n sher kaa ik shikaarii bhii thaa
khaataa thaa dasht kii vo hamesha havaa
sher ko us ne qabze me.n ik din kiyaa
shaam hotii ga.ii ba.Dh gayaa dhu.ndalkaa
bakriyo.n ko bhii vo paaltaa thaa sadaa
ghaas bhii dasht se saath vo laataa thaa
ghaas aur bakrii bhii us ke hamraah the
sher ke saath dekho ye dono.n chale
raah me.n un kii pul ek haa.il hu.aa
dhu.ndalkaa gahraa hone lagaa shaam kaa
pul ke rakhvaale ne us ko rokaa kahaa
paar tum pul ko kar sakte ho barmalaa
sirf ik chiiz ko saath le jaa.oge
apnii manzil ko phir dekh lo paa.oge
tum jo chaaho to vaapas bhii aa sakte ho
ek shai saath apne bhii laa sakte ho
soch me.n pa.D gayaa ab shikaarii bahut
shart thii vaaqa.ii aaj bhaarii bahut
ghaas ko saath le jaanaa mushkil hii thaa
kyuu.n ki KHud sher bakrii ko khaa jaa.egaa
haa.n agar sher ko saath le jaa.uu.ngaa
bakrii chaara banaa Daalegii ghaas kaa
kashmakash me.n shikaarii abhii pa.D gayaa
kaise hal hogaa hai ye ba.Daa mas.ala
ab use kuchh samajh me.n to aayaa nahii.n
sochte sochte jhuk ga.ii thii jabii.n
ek tarkiib aaKHir ko suujhii use
pul se guzraa vo ab bachcho bakrii liye
paar bakrii ne ai bachcho pul jo kiyaa
ghaas ko sher bas suu.ngh kar rah gayaa
aayaa vaapas palaT kar shikaarii abhii
us kii aa.nkho.n me.n bachcho chamak jaag uThii
is taraf sher aur us taraf bakrii thii
ghaas le jaane kii baarii ab aa ga.ii
ghaas kaa gaTThaa saath apne vo le gayaa
sher bas mu.nh shikaarii kaa taktaa rahaa
ghaas ko bakrii ke paas us ne rakkhaa
aur bakrii ko KHud us ne vaapas liyaa
is taraf ghaas kaa sirf gaThaa rahaa
kyuu.n ki KHatra milan sher o bakrii kaa thaa
is liye sher ko saath le kar chalaa
sher ko ghaas ke paas chho.Daa gayaa
sochiye ghaas ko sher khaa.egaa kyaa
ghaas ko sher bas suu.ngh kar rah gayaa
ab shikaarii chalaa bakrii laane ko saath
ab ke bakrii kii rassii pe thaa us kaa haath
ab vo bakrii ke hamraah aa hii gayaa
sher dil me.n hii KHud Gurraataa rahaa
ek jaanib thii bakrii to ik samt sher
kii nahii.n ab shikaarii ne jaane me.n der
ghaas kaa gaThaa sar par shikaarii ke thaa
gaa.nv kaa apne ab us ne rasta liyaa
yuu.n shikaarii ne gutthii ko suljhaa liyaa
un ke jaane kaa bhii mas.ala hal hu.aa

Hafiz Karnataki
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now