Search result for "taaj-e-zar" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "taaj-e-zar"

Nazm MATCHES FOR "taaj-e-zar"

Nazm

naqqad

aur hotii hai.n tajallii-baKHsh taaj-e-zar-fishaa.n
phir bhii vo shaa.er kii nazro.n me.n hai.n KHaalii siipiyaa.n

Josh Malihabadi

Nazm

lahu ka Tika

fareb-o-kizb ke sar par hai taaj-e-zar-afshaa.n
sadaaqato.n kii jabii.n par lahuu kaa Tiikaa hai
pinhaa ke zulm ko kis ne labaada-e-taqdiis
gulo.n ke naam pe sadiyo.n chaman ko luuTaa hai

Muslim Shameem

Nazm

ahl-e-junun

jab bhii zulmat ke jigar chaak kiye hai.n ham ne
ik na.ii sub.h kaa paiGaam diyaa karte hai.n
jab bhii mahtaab-e-zar-afshaa.n ke ho chehre pe naqaab
jaan ham rakh ke hathelii par ulaT dete hai.n

Noor -e-Shama Noor

Nazm

ek shaer ek nazm

apne shahsavaaro.n ko
qatl karne vaalo.n se
KHuu.n-bahaa talab karnaa
vaariso.n pe vaajib thaa
qaatilo.n pe vaajib thaa
KHuu.n-bahaa adaa karnaa
vaajibaat kii takmiil
munsifo.n pe vaajib thii
munsifo.n kii nigraanii
qudsiyo.n pe vaajib thii
vaqt kii adaalat me.n
ek samt masnad thii
ek samt KHanjar thaa
taaj-e-zar-nigaar ik samt
ek samt lashkar thaa
ik taraf muqaddar thaa
taa.ife pukaar uTThe
taaj-o-taKHt zindaabaad
saaz-o-raKHt zindaabaad
saaz-o-raKHt zindaabaad
KHalq ham se kahtii hai
saaraa maajraa likkhe.n
kis ne kis tarah paayaa
apnaa KHuu.n-bahaa likkhe.n
chashm-e-nam se sharminda
ham qalam se sharminda
sochte hai.n
kyaa likkhe.n

Iftikhar Arif

Nazm

nuqush-e-mazi

sunahre jalvo.n kii chhuuT Daalii jo shaah-e-KHaavar ke taaj-e-zar ne
talaa.ii afshaa.n chunii jabii.n par maliih doshiiza-e-sahar ne
talaa.ii zevar se aur chamkii uruus-e-manzar kii dilrubaa.ii
uThaa jo suuraj to dhuup niklii hasiina-e-subh khilkilaa.ii
fazaa kii tabdiiliyo.n ko dekhaa jo bazm-e-fitrat kii mutriba ne
sitaar rakkhaa, uThaa.ii gagrii, nadii kinaare chalii nahaane
vo jaa rahii thii nadii kii jaanib mai.n lauT kar ghar ko aa rahaa thaa
sitaar KHaamosh ho chukaa thaa magar ye dil gungunaa rahaa thaa
zamaana guzraa nuquush-e-maazii KHayaal se miTte jaa rahe hai.n
magar vo naGme 'jamiil' ab tak dimaaG ko gudgudaa rahe hai.n

Jameel Mazhari

Nazm

ishq aur maut

suhaanii numuud-e-jahaa.n kii gha.Dii thii
tabassum-fashaa.n zindagii kii kalii thii
kahii.n muhr ko taaj-e-zar mil rahaa thaa
ataa chaa.nd ko chaa.ndnii ho rahii thii
siyah pairahan shaam ko de rahe the
sitaaro.n ko ta.aliim-e-taabindagii thii
kahii.n shaaKH-e-hastii ko lagte the patte
kahii.n zindagii kii kalii phuuTtii thii
farishte sikhaate the shabnam ko ronaa
ha.nsii gul ko pahle-pahal aa rahii thii
ataa dard hotaa thaa shaa.ir ke dil ko
KHudii tishna-kaam mai-e-be-KHudii thii
uThii avval avval ghaTaa kaalii kaalii
ko.ii huur choTii ko khole kha.Dii thii
zamii.n ko thaa da.avaa ki mai.n aasmaa.n huu.n
makaa.n kah rahaa thaa ki mai.n laa-makaa.n huu.n
Garaz is qadar ye nazaara thaa pyaaraa
ki nazaargii ho saraapaa nazaaraa
malak aazmaate the parvaaz apnii
jabiino.n se nuur-e-azal aashkaaraa
farishta thaa ik ishq thaa naam jis kaa
ki thii rahbarii us kii sab kaa sahaaraa
farishta ki putlaa thaa be-taabiyo.n kaa
malak kaa malak aur paare kaa paaraa
pa.e sair firdaus ko jaa rahaa thaa
qazaa se milaa raah me.n vo qazaa-raa
ye puuchhaa tiraa naam kyaa kaam kyaa hai
nahii.n aa.nkh ko diid terii gavaaraa
hu.aa sun ke goyaa qazaa kaa farishta
ajal huu.n miraa kaam hai aashkaaraa
u.Daatii huu.n mai.n raKHt-e-hastii ke purze
bujhaatii huu.n mai.n zindagii kaa sharaaraa
mirii aa.nkh me.n jaaduu-e-niistii hai
payaam-e-fanaa hai usii kaa ishaaraa
magar ek hastii hai duniyaa me.n aisii
vo aatish hai mai.n saamne us ke paaraa
sharar ban ke rahtii hai insaa.n ke dil me.n
vo hai nuur-e-mutlaq kii aa.nkho.n kaa taaraa
Tapaktii hai aa.nkho.n se ban ban ke aa.nsuu
vo aa.nsuu ki ho jin kii talKHii gavaaraa
sunii ishq ne guftuguu jab qazaa kii
ha.nsii us ke lab par hu.ii aashkaaraa
girii is tabassum kii bijlii ajal par
a.ndhere kaa ho nuur me.n kyaa guzaaraa
baqaa ko jo dekhaa fanaa ho ga.ii vo
qazaa thii shikaar qazaa ho ga.ii vo

Allama Iqbal

Nazm

shikast-e-zindan

dariida-tan hai vo qahbaa-e-siim-o-zar jis ko
bahut sambhaal ke laa.e the shaatiraan-e-kuhan

Sahir Ludhianvi

Nazm

mazdur be-chaara

hotaa nahii.n dam-bhar bhii sukuu.n us ko gavaaraa
jis KHaatir-e-betaab kii fitrat hii hai paaraa
mazluum kii fariyaad se jal jaa.egaa aalam
sad-shoa.la-ba-damaa.n hai un aaho.n kaa sharaaraa
Gam-diido.n ko de aish-o-tarab aur ataa kar
taaj-e-sar-e-sultaanii-e-taimuur gadaa-raa
garmaa de rage.n us kii imaarat ke lahuu se
jis hastii-e-be-maaya kaa Gurbat hai sahaaraa
taKHriib ke bando.n ko bas ab ho nahii.n saktii
insaan kii insaan se tafriiq gavaaraa
paaband sahii dahr me.n aa.iin-e-jahaa.n ke
piiraan-e-kaliisaa kaa hai kyaa us me.n ijaaraa
tahziib-o-tamaddun hai.n imaarat ke sahaare
mazduur kii Gurbat kaa nahii.n ko.ii sahaaraa

Hindi gorakhpurii

Nazm

jang

ifriit-e-siim-o-zar ke kaleje me.n kyuu.n hai phaa.ns
kyuu.n ruk rahii hai siine me.n tahziib-e-nau kii saa.ns

Makhdoom Mohiuddin

Nazm

sar-e-rahe

zabaan-e-dil se phir kahuu.n tumhii.n mirii bahaar ho
sukuun-e-qalb-e-zaar ho suruur-e-sad-KHumaar ho

Iqbal Umar

Nazm

bhaarat ke musalman

madras kii miTTii me.n nihaa.n taaj-e-shahiidaa.n
bhaarat ke musalmaa.n

Jagan Nath Azad

Nazm

logo ai logo

mirii intihaa-e-mohabbat masarrat sivaa us ke kyaa aur hogii
bajaa.e ko.ii masnad-e-aaliya taKHt-e-taa.uus-o-zar maa.ngne ke

Akhtarul Iman

Nazm

kuchh baaten

taaj-e-shaahii ke qasiide ho chuke
faaqa-kash jamhuur kii baate.n kare.n

Sahir Ludhianvi

Nazm

afkar-e-pareshan

ye uruuj-e-daulat-e-qaisarii ye shikoh-e-taaj-e-sikandarii
ki yahaa.n to KHuun-e-Gariib se hai tapish me.n nabz-e-tava.ngarii

Amjad Najmi

Nazm

inqalab

abhii dimaaG pe qahbaa-e-siim-o-zar hai savaar
abhii rukii hii nahii.n tesha-zan ke KHuun kii dhaar
shamiim-e-adl se mahke.n ye kuucha o baazaar
guzar bhii jaa ki tiraa intizaar kab se hai

Makhdoom Mohiuddin

Nazm

tandurusti

usuul-e-tandurustii par agar daa.im chale insaa.n
misaal-e-naKHl baaG-e-be-KHizaa.n phuule phale insaa.n
misaal-e-muhr-e-zar sehat ke saa.nche me.n Dhale insaa.n
ni’am se naaz se aaGosh-e-raahat me.n pale insaa.n

Ufuq Lakhnavi

Nazm

ek shahr-ashob ka aaghaz

ab bazm-e-suKHan sohbat-e-lab-soKHtagaa.n hai
ab halqa-e-mai taa.efaa-e-be-talabaa.n hai
ghar rahiye to viiraani-e-dil khaane ko aave
rah chaliye to har gaam pe GauGaa-e-sagaa.n hai
paivand-e-rah-e-kuucha-e-zar chashm-e-Gazaalaa.n
paabos-e-havas afsar-e-shamshaad-qadaa.n hai
yaa.n ahl-e-junuu.n yak-ba-digar dast-o-girebaa.n
vaa.n jaish-e-havas teG-ba-kaf darpa-e-jaa.n hai
ab saahab-e-insaaf hai KHud taalib-e-insaaf
mohr us kii hai miizaan ba-dast-e-digraa.n hai
ham sahal-talab kaun se farhaad the lekin
ab shahr me.n tere ko.ii ham saa bhii kahaa.n hai

Faiz Ahmad Faiz

Nazm

babin tafawut-e-rah

ajab thaa hind-e-paariina kaa vo qaanuun bhii jis me.n
jo ko.ii mard aavaara
kisii aurat ko sandal zevaraat-e-jauhar-o-zar pairahan maalaa sharaab irsaal kartaa to
zinaa kii ek suurat maante the is amal ko bhii
kiye jaate the jis par bhaarii jurmaane

Krishna Mohan

Nazm

waqt

ye nannhii sii gu.Diyaa
jise do baras ho ga.e hai.n
mai.n japan se le kar aayaa
ye raqqaasa rangiin kap.Do.n me.n malbuus
isii ek andaaz se do baras se kha.Dii hai
na palluu hii sarkaa
na haatho.n se ruumaal rangii.n hii chhuuTaa
na sar se ye taaj-e-sarfaraazii-o-kaj-kulaahii haTaa
us kaa vaisaa hii ma.asuum chehra
vahii zer-e-lab muskuraahaT
vahii qaus-e-abruu
vahii chashm-e-biinaa
javaa.n jaavedaa.n
ye gu.Diyaa ye raqqaasa ye vaqt kaa nuqta-e-markazii
jism ke paiham ravaa.n an-ginat daa.ero.n me.n
pareshaan-o-aavaara phirtaa rahaa huu.n
miraa chehra ik daastaa.n hai
mirii umr-e-rafta kii
in gardisho.n kii
magar faasla hai ki vaise kaa vaisaa rahaa
mere kamre me.n ye aaj bhii
mere nazdiik itnii hai jitnii ko.ii do baras qabl thii
farq itnaa hai
ye vaqt kaa nuqta-e-markazii
aur mai.n vaqt ke daa.ero.n me.n asiir

Ejaz Farooqi

Nazm

mahatma-gandhi ka qatl

ik jism-e-nahiif-o-zaar magar ik azm-e-javaan-o-mustahkam
chashm-e-biinaa ma.asuum kaa dil KHurshiid nafas zauq-e-shabnam

Anand Narayan Mulla

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now