Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "tajraba"

Nazm MATCHES FOR "tajraba"

Nazm

ai ishq hamein barbaad na kar

kyaa samjhe the aur tuu kyaa niklaa ye soch ke hii hairaan hai.n ham
hai pahle-pahal kaa tajraba aur kam-umr hai.n ham anjaan hai.n ham
ai ishq! KHudaaraa! rahm-o-karam ma.asuum hai.n ham naadaan hai.n ham

Akhtar Shirani
Nazm

karachi ka mawasalati mushaira

ahl-e-adab ne phir ye kiyaa tajraba nayaa
shaa.er mavaasalaat kii duniyaa pe chhaa gayaa

Khalid Irfan
Nazm

an-paDh gunge ka rajaz

dushman ahmaq ho to meraa Gussa ba.Dhaa detaa hai
saqaahat merii mu.ayyana maqtuul hai
aur KHush-fahmii muqarrara mazbuuh
merii chi.nghaa.D suur-e-israafiil kaa pesh-aaha.ng hai
lafz kii minminaahaT se paak
andhe sayyaaro.n ke Takraa.o kii maafauq-e-samaa.at ga.Dga.DaahaT
aavaaz kii mukammal minhaa.ii kaa shor
likhe hu.e lafz ko bhii shaq kar detaa hai
ye ibaarate.n tumhaaraa saf-basta lashkar hai.n
farzii hathiyaaro.n se musallah ye lashkar
jise KHayaalii qilo.n ke brij giraane kaa ba.Daa tajraba hai
is kii naa-buudii merii ek chup ke faasle par hai

Ahmad Javaid
Nazm

rah-e-farar

idhar se na jaa.o
idhar shaah-naadir nahii.n aaj ko.ii bhii lekin
vahii qatl-e-aam aaj bhii ho rahaa hai
ye miiraas hai aap kii merii sab kii
ye sauGaat bairuunii haakim hame.n de ga.e hai.n
chalo saamne ke a.ndhere me.n ghus kar
utar jaa.e.n tah-KHaane kii KHaamushii me.n
ye sab khi.Dkiyaa.n band kar de.n
ko.ii chiiKHne bain karne kii aavaaz ham tak na aa.e
ko.ii KHuun kii chhii.nT daaman pe aakar na baiThe
kabhii tum ne gaa.njaa piyaa hai?
ko.ii bha.ng kaa shauq, ko.ii ja.Dii-buuTii khaa.ii
na koken afyuun kuchh bhii
kabhii ko.ii nashsha nahii.n tum ne chakkhaa
na aGlaam-e-amrd-parastii se rishta rahaa hai
ko.ii tajraba bhii nahii.n zindagii kaa?

Akhtarul Iman
Nazm

kash samajhdar na banun

tajraba-kaar zehn to sab samajh jaataa hai
zehn me.n socho.n ko band kar ke
taalaa Daal duu.n
chaalaak aa.nkhe.n to sab kuchh taa.D letii hai.n
in par laa-ilmii ke shiishe cha.Dhaa duu.n
apne hassaas dil ko
zaraa KHaatir me.n na laa.uu.n
maazii kaa tamaam mushaahida aur tajraba
jo darj hai zehn par
use miTaa Daaluu.n
merii aql mere liye azaab ban ga.ii hai
kaash samajhdaar na banuu.n

Ateeya Daud
Nazm

dusra tajraba

kal shab ajiib adaa se thaa ik husn mehrbaa.n
vo shabnamii gulaab sii ra.ngat dhulii dhulii
shaano.n pe be-qaraar vo zulfe.n khulii khulii
har KHat-e-jism pairahan-e-chust se ayaa.n
Thahre bhii gar nigaah to Thahre kahaa.n kahaa.n
har zaaviye me.n husn kaa ik taaza baa.nkpan
har daa.ere me.n khilte hu.e phuul kii phaban
aa.nkho.n me.n Dolte hu.e nashshe kii kaifiyat
ruu-e-hasii.n pe ek shikasta sii tamkanat
ho.nTo.n pe an-kahii sii tamannaa kii larzishe.n
baa.nho.n me.n lamha lamha simaTne kii kaavishe.n
siine ke jazr-o-mad me.n samundar saa iztiraab
umDaa hu.aa saa jazba-e-bedaar kaa azaab
KHushbuu tavaaf-e-qaamat-e-zebaa kiye hu.e
shiisha badan kaa azm-e-zuleKHaa liye hu.e
phir yuu.n hu.aa ki chhi.D ga.ii yuusuf kii daastaa.n
phir mai.n thaa aur paakii-e-daaman kaa imtihaa.n
ik saa.np bhii thaa aadam o havvaa ke darmiyaa.n

Himayat Ali Shayar
Nazm

na di angrez ne ghaalib ko pension

hai bhautik-shaastr me.n ik chiiz light
kare.n gar tajraba jaatii hai sight
ajab hotii hai kuchh ra.ngo.n me.n fight
ki mil kar saat ho jaate hai.n white

Mohammad Yusuf Papa
Nazm

mohabbat riwayat nahin hai

mohabbat vo paamaal rasta nahii.n hai
ke aate hu.e mo.D kii har KHabar
kirm-KHurda kitaabo.n ke bosiida safho.n kii dhundlii lakiiro.n me.n chhup-chhup ke uryaa.n hu.ii ho
mohabbat kii tasviir kis ne banaa.ii
mohabbat ke safar kaa safar-naama kis ne likhaa hai
agar ko.ii ik gum-shuda sii sadii me.n
idhar se guzar bhii gayaa thaa
to us ko KHabar kyaa
ko.ii biitaa mausam inhii pattharo.n kii kisii darz me.n ko.ii ko.npal khilaa kar gayaa ho
mohabbat kaa har tajraba duusre se alaihada naa hotaa
to ye jhurriyo.n sii daraa.Do.n se labrez patthar se chehre
hame.n apne paamaal rasto.n pe u.nglii paka.D kar chalaate
ye KHud ham se kahte ke jaa.o mohabbat karo
magar jaan-e-jaanaa.n
hamaaraa tumhaaraa yahii mas.ala hai
baGaavat rivaayat nahii.n hai

Salman Haider
Nazm

dua

ye zamii.n
terii maKHluuqaat kaa adnaa saa zarra
aur is zarre kaa mai.n juzv-e-haqiir
meraa hissa nabz-e-ma.aanii kii KHush-aaha.ngii me.n lafzo.n ko nachaanaa
apne hii ham-shakl jarsuumo.n kii phailaa.ii hu.ii biimaariyo.n ke
x-ray photo mire alfaaz
Gair duniyaa Gair is kaa tajraba
lafz Gair aaha.ng Gair
phir bhii mere kaan me.n phuu.nkaa kisii ne
jo bhii kuchh mai.n kar rahaa huu.n
jo bhii kuchh mai.n likh rahaa huu.n
vo merii taKHliiq hai
mai.n bhii apne aap me.n taKHliiq-kaar
aur ye shaitaan phuu.nk
mere sar me.n cha.Dh ga.ii
mai.n ne apnii ruuh ko
paaniyo.n par chhe dino.n tak be-takaa.n jumbish me.n paayaa
lafz-e-kun kaa vird kar ke aa.nkh jab kholii to dekhaa
ye zamii.n ye aasmaa.n
raushnii paanii fazaa KHushkii daraKHt
chaa.nd suuraj kahkashaa.n haivaan jin insaa.n malak
ek coras ban ga.e hai.n
aur mujh par ha.ns rahe hai.n
mere aage piichhe sharr-e-maa-KHalaq hai

Ameeq Hanafi
Nazm

sina-e-KHwab khule

siina-e-KHvaab khule
jis tarah pyaar me.n Duubii hu.ii aa.nkho.n pe laraztii hu.ii
palko.n kaa nasha khultaa hai
jis tarah band kitaabo.n pe kisii phuul ke khulne kaa gumaa.n khultaa hai
jis tarah haath kii poro.n pe kabhii
pahle pahle se kisii tajraba-e-lams-e-mohabbat kaa asar khultaa hai
siina-e-KHvaab khule
siina-e-KHvaab khule aur me.n dekhuu.n vo kam-aasaar javaanii kaa KHumaar
vahii hairat jise mai.n ne faqat ek saa.ns kii Dorii
me.n piro lene kii KHvaahish kii thii
vo tazabzub ki jise kam-sin-o-kam-KHvaab' nigaaho.n ke bharose ne
gulaab aur chamelii kii mahak baKHshii thii
murta.ish ho.nTo.n pe mauhuum tabassum kaa vo ehsaas jise
harf-o-aavaaz baGair
ka.aba-e-dil ne tire chehra-e-gulfaam pe mab.uus kiyaa
aur phir merii nigaaho.n kii taraf
tere aaGaaz ko bedaar kiyaa
ai suKHan-saaz nigaaho.n vaale
vaqt ne umr-e-guzishta ke ka.ii baab likhe
aur har baab kii dahliiz kisii KHvaab-e-muqaffal kii tarah gum-sum hai
ko.ii dastak ko.ii aavaaz ko.ii harf-e-sabaa
ko.ii tadbiir ki is lamha-e-maujuud ke mar jaane se pahle pahle
kaash is KHvaab-e-muqaffal kaa bhii siina khul jaa.e
aur mai.n dekh sakuu.n
tere mauhuum tabassum kii kahaanii kaa havaala kyaa thaa
aur ab mujh se gunahgaar-e-mohabbat kii tabaahii kaa izaala kyaa hai

Ayub Khawar
Nazm

nazm

mujhe zindagii kaa ko.ii tajraba nahii.n
shaayad apnii Galtiyo.n ko ha.ns kar bhuulne ke fuqdaan ko tajraba kahte hai.n
yaa phir shaayad isii iKHtilaaj-e-kam-tarii ko
zehn ke frame me.n band rakhne ko
shaayad mujhe maaluum nahii.n

Ain Rashid
Nazm

flash-back

usii jagah pe
jahaa.n pe pahlii dafa tumhaarii
hasii.n nazar se
nazar milii thii
to tajraba ik nayaa hu.aa thaa
mirii nazar ko

Siraj Faisal Khan
Nazm

shair

kal mai.n jab aalam-e-tanhaa.ii me.n thaa
dil ne chupke se kahaa
ko.ii ra.ngiin saa afsaana sunaa.o
ko.ii maazii kaa junuu.n-KHez taraana chhe.Do
ko.ii sarshaarii-e-ulfat kii kahaanii doharaa.o

Rifat Sarosh
Nazm

ek buzurg shaer parinde ka tajraba

aziizo!
agar raat raste me.n aa.e
agar daana o daam kaa sehr jaage
agar u.Dte u.Dte kisii roz tum aashiyaa.n bhuul jaa.o
to pichhlii kahaanii me.n maujuud jugnuu se dhokaa na khaanaa
kahaanii, nahii.n dekhtii Gam ke nam ko
kahaanii nahii.n jaantii kaif-o-kam ko
kahaanii ko vahm-o-gumaa.n kii kaThin raah se kaun roke
kahaanii kaa pairaaya KHvaahish kaa qaidii nahii.n
pairahan ko.ii badle to badle,
kahaanii badaltii nahii.n hai

Tabish Kamal
Nazm

raja gidh

giddho.n ke harkaare ne
raaja ko bataayaa
ki duur kii ek bastii
jald hii un kii
KHuraak ban.ne vaalii hai
ye sun kar raaja aur us ke saathiyo.n ne
apne mahfuuz Thikaane chho.De
aur us bastii kii jaanib ravaana hu.e
bastii ke chaukiidaar ne
raaja aur us ke saathii giddho.n ko
is shart par bastii me.n utarne kii ijaazat dii
ki vo chaukiidaar ko nuqsaan nahii.n pahu.nchaa.e.nge
raaja gidh ne ye shart manzuur kar lii
aur saath hii giddho.n ko hukm diyaa
ki is se pahle
ki vo niim-jaan bastii hosh me.n aane lage
sab apnaa apnaa peT bhar le.n
aur mahfuuz Thikaano.n kii taraf lauT jaa.e.n
lekin is martaba
raaja gidh aur us ke saathiyo.n ne
ajiib manzar dekhaa
zamiin ke kii.De mako.De
giddho.n ke aane kaa shor sun kar
vaapas apne bilo.n me.n nahii.n ga.e
balki unho.n ne
ek hisaar banaa liyaa
aur giddho.n kii chiiKH-o-pukaar ke baavajuud
vahaa.n se bhaagne kii bajaa.e
un ke panjo.n se lipaT lipaT kar
un ke mu.nh me.n aane lage
raaja gidh aur us ke saathiyo.n ke liye
ye ek bilkul nayaa tajraba thaa
gidh jaise hii
zamiin kii taraf aane kii koshish karte
bahut se kii.De mako.De u.D kar
un kii aa.nkho.n me.n ghus jaate
aur unhe.n andhaa kar dete
gidh apnaa tavaazun barqaraar na rakh paate
aur zamiin par aa girte
jaise hii gidh zamiin par girte
bahut se kii.De mako.De un par savaar ho kar
un ke paro.n ko naakaara banaa dete
yuu.n zamiin par giddho.n ke Dher lag ga.e
ye haal dekh kar
raaja ne apne saathiyo.n ko hukm diyaa
ki jaise-taise jaan bachaa kar bastii se nikal jaa.e.n
aur KHud sab se pahle bhaag kha.Daa hu.aa
ye dekh kar ek kii.De ne sar uThaa kar puuchhaa
ab kyaa hogaa
ba.Dii bii ne varaq-gardaanii karte hu.e kahaa
ye to sirf gidh hai.n
tum agar apne baap kii baat maan lo
to haathii ko zamiin par giraa sakte ho

Yashab Tamanna
Nazm

dimagh le lo

dimaaG le lo dimaaG le lo
ba.Dii hii mehnat se parvarish kii hai saalahaa saal lag chuke hai.n
dimaaG ko ilm-o-fan diyaa aur
zehn ko paakiizgii ataa kii
samajhnaa aur sochnaa sikhaayaa
shu.uur baKHshaa dimaaG ko aagahii ataa kii
hisaab jaane kitaab jaane
pa.Dhaa likhaa hai
dimaaG ke paas tajraba hai
dimaaG le lo
suno suno aap ke ye uljhe hu.e masaa.il ko hal karegaa
miraa ye da.avaa hai aap kii zindagii nihaayat sahal karegaa
zaraa zaraa kar ke sub.h se shaam tak mai.n kitno.n ko bech aayaa dimaaG apnaa
miraa pasiina thaa jis kaa ii.ndhan vo sho.ala sho.ala charaaG apnaa
ye raat kaa kaun saa pahar hai
mai.n raasta bhuulne lagaa huu.n
ye saal kaa aaKHirii hai mausam
mai.n ThanD se kapkapaa rahaa huu.n

Zeeshaan sajid
Nazm

aaKHri lecture

ye tum sab
ki jin ke saro.n me.n javaanii kaa KHuu.n lahlahaataa hai
mujh se rasiid apnii mehnat kii bhii lete jaa.o
mohabbat ke baare me.n jo bhii kisii ne bataayaa hai
puurii haqiiqat nahii.n
kyuu.nki chaahat rivaayat nahii.n
tajraba hai
haqiiqat me.n har aadmii mohtaram hai
vo KHud us kii jab tak na tardiid kar de
ye pahle bhii mai.n ne kahaa thaa
tumhaare labo.n se jo kaano.n ko pahu.nche
vo harf ism-e-aazam ho
dekho vahii
jis me.n kal kii bashaarat
hidaayat har ik KHair kii
taaza ehsaas kii raushnii ho
jo kaano.n me.n utre
tum us me.n se amrit nithaaro
ki amrit me.n dil ruuh aur zehn kii
tiis biimaariyo.n kii shifaa hai
zabaa.n par vo taasiir rakhnaa
ki jis se zamaane ko KHud apnii pahchaan ho
apne har ilm ko aap hii dekhnaa aur apnii zabaa.n se hii pa.Dhnaa
zamaane ko chhuunaa
ki har nasl ne jo haqaa.eq taraashe
vo apne hii haatho.n gha.De hai.n
ki har ahd ne aag ko chhuu ke hii aag maanaa
ye tum bhii karoge
ye sab tum bhii karnaa
kitaabo.n ko bas suu.nghnaa chho.D denaa
ye kullii sadaaqat nahii.n hai.n
tumhaare zamaane se pahle ke likhe hu.e naadir auraaq
kal kii har ik pesh-biinii se aarii hai.n
in sab kitaabo.n ke pahle varaq
sirf is vaaste
KHaalii rakkhe ga.e hai.n
ki tum in pe apne zamaane kii sachchaa.iyaa.n likh ke jaa.o
ham aiso.n kii KHaatir
jinhe.n kal tumhaaraa likhaa pa.Dh ke phir yaad karnaa hai
aate hu.o.n ko sunaanaa hai

Ehsan Akbar
Nazm

nuqush-e-fikr-o-‘amal

dariyaa-e-tabii'at ko ravaa.n ham ne kiyaa hai
durr-e-haa-e-ma'aanii ko 'ayaa.n ham ne kiyaa hai
yuu.n haal-e-dil-e-zaar bayaa.n ham ne kiyaa hai
KHud un ko bhii ab ashk-fishaa.n ham ne kiyaa hai
in me.n bhii nazar kuchh kii haqaa.eq se hai mahruum
ye tajziya-e-diida-varaa.n ham ne kiyaa hai
kam hai.n bahut insaaniyat-o-KHulq kii qadre.n
ye tajraba-e-ahl-e-jahaa.n ham ne kiyaa hai
hai baat hamaarii hii ki rindo.n ko bahar-taur
zer-e-asar-e-piir-e-muGaa.n ham ne kiyaa hai
kyaa KHuub ubhar aa.e nuquush-e-gul-o-laala
aa.nkho.n ko jo KHuu.n-naaba-fashaa.n ham ne kiyaa hai
ik mo.D diyaa hai ruKH-e-taariiKH ko jis ne
kirdaar vo 'aalam pe 'ayaa.n ham ne kiyaa hai
maahaul ke zulmat-kada-e-tiira-shabii ko
ik jalva-gah-e-kaahkashaa.n ham ne kiyaa hai
goyaa hai.n dil-o-diida zabaa.n saakit-o-KHaamosh
is tarz se bhii shor-e-fuGaa.n ham ne kiyaa hai
paiham rahe ham husn-e-yaqii.n ke mutajassis
kab ko.ii Galat vahm-o-gumaa.n ham ne kiyaa hai
'ibrat-kada-e-dahr kii ik khii.nch dii tasviir
jab zikr-e-jahaan-e-guzaraa.n ham ne kiyaa hai
shaa.istagii-e-fikr ko bhii naaz hai jis par
paidaa vahii usluub-e-bayaa.n ham ne kiyaa hai
labbaik kahaa hai rasan-o-daar ko jis ne
vo hausla-e-qalb-e-tapaa.n ham ne kiyaa hai
KHallaaq-e-do-'aalam kaa kiyaa zikr-o-tasavvur
kyaa KHuub 'ilaaj-e-Gam-e-jaa.n ham ne kiyaa hai
ham ne hii banaayaa unhe.n mardaan-e-KHush-anfaas
tabdiil ruKH-e-baada-kashaa.n ham ne kiyaa hai
har KHalvat-o-jalvat me.n jo kahte rahe daa.im
vo barsar-e-mimbar bhii bayaa.n ham ne kiyaa hai
har haal me.n raazii rahe ham us kii razaa me.n
kab tabsira-e-suud-o-ziyaa.n ham ne kiyaa hai
kohsaar-o-samaa jis ke uThaane se the maa'zuur
bardaasht vo ik baar-e-garaa.n ham ne kiyaa hai
haq-go.ii agar jurm hai ye jurm niko-tar
ham DaT ke ye kahte hai.n ki haa.n ham ne kiyaa hai
insaan hai.n insaan ham ik ashraf-e-maKHluuq
tasKHiir jo ye kaun-o-makaa.n ham ne kiyaa hai
jis darja pa.e-'aalam-e-baalaa hai zaruurii
'in'aam' vo saamaan kahaa.n ham ne kiyaa hai

Inam Thanvi
Nazm

na-gahan aur be-nihayat

''naa-gahaa.n'' aur ''be-nihaayat'' se agar piichhe haTogii to tujhe ma.aluum hogaa
naa-gahaa.n to mai.n huu.n lekin kaun thaa vo be-nihaayat
ko.ii pichhlaa jis ne tujh ko mujh se pahle
terii kachchii umr me.n
yuu.n chiir kar zaKHmii kiyaa thaa tuu ta.Daptii rah ga.ii thii aur ye ka.Dvaa-kasiilaa zahr
sote jaagte KHvaabo.n me.n amrit jaan kar piitii rahii hai
kyuu.n bhalaa? kyuu.n ''nuur'' ''naGme'' yaa kisii ''harf-e-tasallii'' se
tarah naars KHalaa KHaalii rahaa itne dino.n tak?
aur ab phir tuu aaj agar ik naa-gahaanii haadse me.n
naa-gahaa.n se aa milii hai apnii pakkii umr me.n to yuu.n samajh
jaise ki kachchii aur pakkii dono.n umro.n me.n ko.ii nisbat nahii.n hai
puuchh KHud se
ek chauthaa.ii sadii ke baa'd phir kyuu.n
justujuu hai tujh ko us zaalim darinda-sifat kii, jis ko ye kah kar
chho.D aa.ii thii jhaTak kar, ''ek vahshii jaanvar ho be-nihaayat
tum se nafrat hai mujhe''
''naa-gahaa.n'' kyaa ''be-nihaayat'' kii tarah vahshii nahii.n thaa?
haa.n, magar vo jaanvar shaayad nahii.n thaa
(jaanvar, tum jaantii ho, chiirte hai.n, phaa.Dte hai.n!)
is liye ab tajraba vo apnii pakkii umr me.n dohraa ke KHud
''harf-e-tasallii'' kaa sahaaraa chaahtii ho?
KHud se puuchho, kyaa ye sachchaa.ii nahii.n hai?

Satyapal Anand
Nazm

KHidmat-e-adab

jab tak adab-baraa-e-adab kaa rahaa KHayaal
adbaar-o-muflisii se rahe ham shikasta-haal
saa.e kii tarah saath nahuusat lagii rahii
ik rog ban ke jaan se usrat lagii rahii
go shaa.erii kaa rang nikhartaa chalaa gayaa
shiiraaza-e-ma.aash bikhartaa chalaa gayaa
lekin KHudaa bhalaa kare ik mehrbaan kaa
jin ko adab-baraa-e-shikam kaa hai tajraba
mausuuf ne bataa.ii hame.n vo pate kii baat
ab din hai roz-e-iid to shab hai shab-e-baraat
all india mushaa.era majlis ke naam se
kholaa hai ik idaara-e-nau dhuum-dhaam se
karte hai.n shaa.erii ke evaz ab mushaa.era
is rozgaar se hai hame.n KHuub faa.eda
har tiin chaar maah ke vaqfe pe be-KHalal
apne programme pe karte hai.n ham amal
ya.anii mushaa.ere kaa chalaate hai.n kaarobaar
chhapvaa ke roz-naamo.n me.n jhuuTaa ye ishtihaar
'josh'-o-'firaaq'-o-'saahir' o 'parvez' shaahidii
'faiz'-o-'KHaliil'-o-'jazbii' o 'maKHduum'-o-'ja.afarii'
kursii-o-arsh-o-lauh-o-qalam sab hii aa.e.nge
taaza kalaam apnii zabaa.n se sunaa.e.nge
is ishtihaar me.n vo kashish hai ki ahl-e-zauq
lete hai.n daaKHle kaa ticket dau.D kar ba-shauq
circus me.n jis tarah se ho KHilqat kaa izhdihaam
yuu.nhii mushaa.ere me.n pahu.nchte hai.n KHaas-o-aam
sab log baiTh jaate hai.n farsh-e-zamii.n pe jab
mic pe jaa ke karte hai.n elaan ham ye tab
afsos hai ki aa na sake 'josh' aur 'firaaq'
ye moscow ravaana hu.e vo ga.e iraq
'jazbii' ko iKHtilaaj hai 'parvez' hai.n aliil
gaa.Dii zaraa sii chuuk se miss kar ga.e 'KHaliil'
bhejii hai 'faiz'-o-'saahir'-o-'maKHduum' ne KHabar
seat un ko mil sakii na havaa.ii jahaaz par
go ye KHabar dilo.n ko guzartii hai naagavaar
honaa hai jalsa-gaah me.n tho.Daa saa intishaar
le kar magar zehaanat-e-fitrii se kaam ham
dam-bhar me.n saama.iin ko karte hai.n raam ham
Dais pe tuk-farosho.n kaa rahtaa hai ik hujuum
filmii dhuno.n me.n gaane kii jin ke ba.Dii hai dhuum
jo KHud ticket KHariid ke aate hai.n bazm me.n
ham un se apnaa kaam chalaate hai.n bazm me.n
le le ke gaTkarii jo sunaate hai.n vo kalaam
u.Dte hai.n vaah vaah ke na.aro.n se saqf-o-baam
bazm-e-nashaat bantaa hai saaraa mushaa.era
hotaa hai kaamyaab hamaaraa mushaa.era
KHush-KHush gharo.n ko jaate hai.n huzzaar ik taraf
noTo.n kaa ham lagaate hai.n ambaar ik taraf
ye KHidmat-e-adab kaa tariiqa hai laa-javaab
pesha ye vo hai jis me.n munaafa hai be-hisaab

Raza Naqvi Vahi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now